|
|
 بورداب الشرقي يشاركون الزعيم خالد المحرب فرحته بعودة حفيدته مِنه ( صور ) ..
|
في مساء ربيعي بديع تقاطر نفر من بورداب الشرقية ...
لمشاركة الزميل الحبيب خالد المحرب ...
وحرمه المصون عفاف ابو حريرة احتفالهما ..
بعودة حفيدتهما الغالية مِنه ...
كانت بحق ليلة لطيفة عمت فيها روح المحبة ...
والتواصل بين بورداب الشرقية وبورداب الرياض ...
حمدا لله على عودة مِنه وامها فاتن ...
وربنا يديم الافراح يا ابو احمد وعفاف ...
|
|
 
|
|
|
|
|
|
|
|
Re: بورداب الشرقي يشاركون الزعيم خالد المحرب فرحته بعودة حفيدته مِنه ( صور ) .. (Re: awad okasha)
|
المنطقه الشرقيه التى احبببت
نعم هى مختلفه كل الناس الفيها مختلفين فى طريقة تعاملهم
شكرا الاخ عوض عكاشه وشكرا الاخوه بورداب الشرقيه وشكرا كل الضيوف
جلسنا على الشاطى مع الخضره والماء والوجوه الحسناكان الانسجام التام
والذ مافيها اننا لم نطرق باب السياسه كانت الكتشينه والشيه مسيطره ع الجو
معليش انا الان طالع عندى تحميل الى الرياض وبرجع بعد العصر وشكرا لكل المتداخلين
فى البوست السابق
| |
|
|
|
|
|
|
|
|
|
Re: بورداب الشرقي يشاركون الزعيم خالد المحرب فرحته بعودة حفيدته مِنه ( صور ) .. (Re: خالد المحرب)
|
Quote: والذ مافيها اننا لم نطرق باب السياسه كانت الكتشينه والشيه مسيطره ع الجو
|
هي شية نصاح لكن .. والا شطة بتنقدر ..
يمين دي لو اكلها ود الصائم كان لي هسع شغال .. احححححححححححححححححححححححححح 
غايتو الله يديك العافية شية آخر العهد بيها في السودان :(
حبيب نورة .. بالله انساك من موضوع الصور دا خالص
عوض عكاشة معروف بإنه بيغنج بيها الليل كلو كلك كلك كلك كلك
واكترها تشوف ليك صورة صحن شية واحد ( دا لو ما جاب صورة سلطة الاسود بس عشان ما تجيك نفسيات)
| |
|
|
|
|
|
|
|
|
|
Re: بورداب الشرقي يشاركون الزعيم خالد المحرب فرحته بعودة حفيدته مِنه ( صور ) .. (Re: awadharoun)
|
Quote: لقيتك حريف ياحيدر
يعني الاجازة ماضيعتها ساكت اتعلمت فيها الصيد والوست
حمد فتح الرحمن وحيدر الزين كانو مسيطيرين وغلبوا الزول زاتو وهيثم مرتين , وغلبوا عوض عكاشة وخالد المحرب مرتين ,
اجمل شية اكلناها في الشرقية والله يديك العافية ياام احمد غلبتي ناس الشرقية 2/0
صور الشية ياعوض عكاشة
انت سؤال الصور البتصورها في اللمات دي بتوديها وين تنزل اتنين تلاتة وتغنج بالباقي |
وست شنو الاتعلموا يا ابو مازن ؟؟
ياخ الجماعة ديل اول ما اتغلبوا قاموا ...
الاتنين في لحظة واحدة قالوا ماشين الحمام ... 
بعدين انت مالك ما خشيت الميدان ..؟؟
يعني كنا نعمل لينا حراسة عشان تجي تلعب ليك قيم .. ؟؟ 
الشية كانت حديث الكل .. تسلم ايديك يا ام احمد ...
الصور لسة في النار عشان تطلع بنفس جودة الشية ..
| |
|
|
|
|
|
|
|
|
|
Re: بورداب الشرقي يشاركون الزعيم خالد المحرب فرحته بعودة حفيدته مِنه ( صور ) .. (Re: HAIDER ALZAIN)
|
Quote: هي شية نصاح لكن .. والا شطة بتنقدر ..
يمين دي لو اكلها ود الصائم كان لي هسع شغال .. احححححححححححححححححححححححححح
غايتو الله يديك العافية شية آخر العهد بيها في السودان :(
حبيب نورة .. بالله انساك من موضوع الصور دا خالص
عوض عكاشة معروف بإنه بيغنج بيها الليل كلو كلك كلك كلك كلك
واكترها تشوف ليك صورة صحن شية واحد ( دا لو ما جاب صورة سلطة الاسود بس عشان ما تجيك نفسيات) |
هو الما قال اححح منو امبارح ...
ياخ الشطة كانت موباااالغة عديل ...
بعدين ود الصايم اظنو مقاطع فعاليات ...
الشرقية بعد شرة الغدا اياها ..
حبيب نوره : حيدر ده مغرض ما تسمع كلامو ..
الصور في الطريق يا عمك ..
| |
|
|
|
|
|
|
|
|
|
Re: بورداب الشرقي يشاركون الزعيم خالد المحرب فرحته بعودة حفيدته مِنه ( صور ) .. (Re: خالد المحرب)
|
Quote: المنطقه الشرقيه التى احبببت
نعم هى مختلفه كل الناس الفيها مختلفين فى طريقة تعاملهم
شكرا الاخ عوض عكاشه وشكرا الاخوه بورداب الشرقيه وشكرا كل الضيوف
جلسنا على الشاطى مع الخضره والماء والوجوه الحسناكان الانسجام التام
والذ مافيها اننا لم نطرق باب السياسه كانت الكتشينه والشيه مسيطره ع الجو
معليش انا الان طالع عندى تحميل الى الرياض وبرجع بعد العصر وشكرا لكل المتداخلين
فى البوست السابق |
والشرقية وبوردابها يبادلونك نفس الاحساس حبيبنا ابو احمد ...
السياسة ما كان في ليها طريقة في الاجواء الرائعة بتاعت امس دي ...
الكشاتين والشيات المميزة كانت سيدة الموقف خصوصا ...
في وجود مكايش امثال حيدر الزين وحمد فتح الرحمن .. 
| |
|
|
|
|
|
|
|
|
|
Re: بورداب الشرقي يشاركون الزعيم خالد المحرب فرحته بعودة حفيدته مِنه ( صور ) .. (Re: خالد المحرب)
|
التحية والتجلة لكل اخواني وحبايبي المتداخلين ..... حدث بطرفه خالد المحرب لا بد أن يكون جميلاً كما محياه ، شخص شهم كريم أصيل أخو إخوان تحبه من أول وهله شخص مشارك لكل مناسبات بورداب الشرقية دونما تمييز لذلك وصفته بالشخص الأصيل .... عرفته قبل أن أعرفه كبوردابي بسودانيز أون لاين والله العظيم شخص شيخ عرب عديييييل وميروك لوصول حفيدته منه وهذا الإحتفاية كانت تجب أن تكون من طرفنا نحن بورداب الشرقية ولكن الجايات أكثر يا شيخنا أبو احمد..
وهنا لابد أن أشيد بالشخص الجميل عوض عكاشه الشخص الباسم ذو المحيا الجميل والذي وثق لهذة الجلسة وكذلك لأبو بكر الزول زاتو وحبيبي وصديقي حمد فتح الرحمن والمعلم الدينمو محمد الفيل والعريس هيثم ضرار وشخص حيدر الزين الزول السمح زول الهجعة.
فراملة لحيدر الزين :
عوض هارون دائماً هكذا ديدنه يتفادى ذكرنا وهذا ليس بموضع إهتمام لدينا وخليك فهيم يا مان يا جميل.
| |
|
|
|
|
|
|
|
|
|
Re: بورداب الشرقي يشاركون الزعيم خالد المحرب فرحته بعودة حفيدته مِنه ( صور ) .. (Re: منتصرمحمد زكى)
|
Quote: بورداب الشرقي
عوض ياخ أنا جيت جاري والسفنجة كل
فردة من بلد .. قايلك قاصد ( الامتداد الشرقي )
لكن علي الطلاق طالما خشينا ما بنمرق ساى
ياسيدي ألف حمد الله على سلامة منة .. والتحايا للزعيم خالد المحرب ........ تقديري |
شطة امس دي خلت الواحد ما عارف روحو بيكتب في شنو ...
ما يهمك يا زول نعمل بوست خاص عن الامتداد الشمالي ..
من الخور لحدت محطة العامودين وصولا الى كنور ... 
ولا بأس من زيارة مدرسة الخدمات وعطبرة الثانوية الجديدة ...
اها لقيتني كيف في جفرافية عطبرة ؟..
تُشكر منتصر ...
| |
|
|
|
|
|
|
| |
awad okasha
حبيب نورة
خالد المحرب
HAIDER ALZAIN
awadharoun
منتصرمحمد زكى
طارق جبريل
ALZOLZATOO
حمد فتح الرحمن
محمد عبد الماجد الصايم
سيف عبد العزيز
فيس بوك
تويتر
انستقرام
يوتيوب
بنتيريست