كتب الكاتب الفاتح جبرا المتوفرة بمعرض الدوحة
|
|
 بعيدا عن السياسة نكات شوايقة وجعليين ورباطاب ومساطيل (مع الاعتذار للجعليين والشوايقة والرباطاب)
|
&&& رباطابي مركبة غرقت مشى يعمل بلاغ العسكري قال ليهو غرقت وين قال ليو في شارع الظلط
### جماعة رباطاب شايلين ليهم زول تعبان مودنو المستشفى لاقهم واحد قال ليهم خير يا جماعة ان شاء الله عوجة مافي قالو ليهو خير بس فلان دا عيان شوية اها وهسي مودنو وين العيان رفع راسو وقال ليهو مودني الطاحونة
### واحد شايقى بيجب اكل البيت وما بيدى اولادو يوم جاب سمك
ولدو سألو ده شنو ياابوى الابو قاليهو ده موز الولد قاليهو ده سمك ياابوى
الاب قال لولدو فيهو شوك الولد مامشكله بلبس سفنجه
### الرقاصة ( فيفي عبده ) يوم قابلت الأديب والروائي الكبير ( نجيب محفوظ ) الحائز على جائزة نوبل للأدب، المهم اتقابلوا في الإشارة وكانت الإشارة حمراء ..
.. فيفي تركب مرسيدس شبح آخر موديل ..
.. نجيب محفوظ : يركب عربته المشهورة القديمة فيات 128 نصر
فيفي عبده : إزيّك يا أستاذ نجيب
نجيب محفوظ : وعليكم السلام ..
فيفي عبده : يا أستاذ نجيب .. شوف الأدب بتاعك وصلك لفين ..
وقلة الأدب بتاعتي وصلتني لفين ..؟
### واحد جعلي وقع في بير قام جا واحد شايقي نزل الدلو الجعلي مسك في الدلو الشايقي نشل الدلو حتي عتبة البير الجعلي شاف الشايقي عرفو من شلوخو قام طلع سكينه وقطع الحبل
انا هنا بسأل سؤال ماهي العداوه التاريخية بين الجعلي والشايقي؟؟؟؟؟؟؟؟؟
#### يقال ان احد الجعليين راكب علي حماره وساير في الخلاء وعندما دخل في كومة من القش فجأة طارت (فرة) وهي طيره تحدث صوت مريع عند بداية طيرانها ففزع الجعلي من هذا الصوت وسقط من علي الحماره وتلفت يمين ويسار فلم يري احد فقام وقال والله لو هذا شايقي لكان مات من الفزع !!!!!!!!!!!!
#### واحد سكران قال لصاحبو: صحي الحكومة حتسلم البشير للمحكمة الدولية؟ صاحبو قال ليهو سامعهم بقولو إنو ما حيسلِّموه لأنهم أصلاً ما مشتركين في الميثاق بتاع المحكمة الجنائية....
السكران قال ليهو: طيب هسع نحنا كل يوم يقبضونا في النظام العام دا نحنا مشاركين فوقو؟؟؟!!!
### قال واحد سائق ما عندو رخصة سائق عربية ما مرخصة
وما رابط حزام الامان ولابس سفنجة ومية مخالفة عليهو ..
لقى حملة المرور قدامو مافى اى طريقة يزوغ استسلم ووقف
بتاع المرور قال ليهو ادينا رخصتك ورخصة العربية قال ليهو ما عندى
قال ليهو وين طفاية الحريق قال ليهو ما عندى طفاية ...
قال ليهو ياخى نحن فى اسبوع المرور العربى
وبنقدم ارشادات للسائقين
من اجل سلامة الموطنيين هسى انت امشى وحاول عدل وضعك ..
صاحبك ما صدق بعد ما مشى رجع ليهو تانى قال ليهو :
اسبوع النظام العام متين ؟
#### يوم القيامة كل السودانين واقفين صف سالو جعلى قالو ليهوو تمشى النار ولا الجنة قال ليهم الشوايقة مشو على الجنة ولا النار سالوه لية بتسال قال عشان الشوايقة حتة مافيها مصلحة مابمشوها
داير تعزب شايقى قطع قروش قداموا
شايقي دخل الجنه وفجاه اختفي ...!
لما فتشوه لقوه بكب في بنزين لي ناس النار
### شايقيه قالت لي امها : راجلي اتاخر خايفه يكون عرس علي
قال ليها يابت اتفائلي خير يمكن طقشتو عربيه
#### قال ليك في في جعلي وشايقي راكبين المواصلات بعدين الجعلي متضايق من الشايقي ضيق شديد خلاص، الكمساري بنبه في الركاب قال: محظة الدايات في زول نازل؟ الشيقي قال ليو ايوه نازل ، الجعلي عاين ليهو كدا وحمر ليهو قال ليهو : في زمتك دي محطة ينزل فيها راجل..
### قال ليك شايقى بخيــــــــــــــــــــــــــــــــــــل
بيته اتحرق ... اتصل بالمطافى ، خت ليهم مس كول
#### شايقي متعود يمسك الكشف في المناسبات ويضرب منها يوم وفاة ابوه جاب ناس الهدف
### شايقى وجعلى ورباطابى حكمو عليهم بالاعدام وادوهم 3 طرق للتنفيذ شنق حتى الموت كهرباء ورمى بالرصاص الحعلى قنعان قالهم اشنقونى 3دقايق جابوهو الواطه الرباطابى قالهم كهربا ركبو السلوك الكهرباء قطعت عفوهو مشى
الشايقى مفترض يستغل الفرصة قالهم رمى بالرصاص اهلو بقولو ليهو كهربا كهربا قالهم قالولكم قاطعى قاطعى
### واحد شايقى جاتو رسالة حلوة فى الموبايل
ضحك و قام اتصل بالراسل قال ليهو:
عليك الله كان ما رسلتها تانى
### شـايـقى واقـــف في بص شـاف بنت قـاعـــدة قـام عاين ليها .
عــاينت ليه أبتـــسم ليها أبتســمت ليه غمـــز ليها .... غمــزت ليه.
أشـــــر ليها علي المحطة نزلت . . . قعـد محلــــــــــــــها !!!
### مساطيل حضرو ليهم حادث انقلاب بوكسي
بقى واحد فيهم يمسك الزول ويقول ليهو
1+1 كم
وطاخ.....يديهو كف
1+1 كم
وطاخ.. كف
المسطول التاني عاين ليهو كويس
وقال ليهو
هوي ما تكفتن ساي
يمكن بليدين
### مسطول إتقدم لواحدة سمينة جداً ,,
أبوها قاليهوا : مبرووك ...... بس عاوزين قولة خير 10 مليون
المسطول قال ليهو : أسمع ياحاج
إنت ضربت لى الكيلو فى كم ؟
#### مسطول عنده سته اولاد جابو ليهو السابع
سمى نفسو (سفن اب)...
### عسكرى مرور مسطول لقي بيتو ضيق عملو اتجاه واحد.
### واحد بيسطل مع مرتو في البيت، الباب دقه قالت ليهو: سجمي راجلي جاء
قام تلب بالحيطة
### مسطول مرتو ماتت اهلها قالو ليهو خلاص نديك اختها قال ليهم انتو نسابه ولا شركه تامين
### في واحد زار صاحبا ليهو بعد غياب 20 سنة فالصاحب اخده معاهوا البيت عشان يتغدى ويعرفوا على المدام والاولاد المهم وصلوا البيت واول ما المدام هلت شبكها تعالى حبيبتى اعرفك على فلان ...بعد شوية ياحياتى ممكن تحضرى الغداء..وبعديها يا روحى ممكن الشاى.....!!!
يازول صاحبه انبهر وقال ليهو ماشاءالله 17 سنه زواج ولسة بتقول يا روحى وياحياتى....!!
قال ليهو ابدا والله ..كل الحكاية انه المده طالت ونسيت اسمها منو!
### واحد مسطول قال والله اليومين ديل من شدة الحر تفتح الباب تلقى الشارع قاعد في ضل الحيطة
### واحد مسطووووول كلو ما يلمس مكان في جسمو
يوجعو مشا للدكتور لقا اصبعو مكسور
مسطول ابوه اتوفي وكان ما معاهو اي زول غير صاحبو المسطول معاهو .. الاتنين ما بعرفو يغسلو الجنازة صاحبو قال ليهو : مافي حل غير ( نشوف لينا واحد من البغسلو العربات ديل ) مشوا لي واحد طلب منهم عشرين الف قال ليهو ( لييييييييييييه ياخ مغسل مرسيدس )
رباطابي راكب القطر بتاع الشمالية من غير قصد وعشان مافي نور وطاء رجلين احد الجالسين وكان من جنوب السودان فرد عليه بزهج شديد انت مابشوف ولا شنو تطلع في كراع الناس احسه انت ماشي وين فرد عليه الرباطابي انا ماشي عند اهلي انت ماشى وين
مرة استاذ مسطول بكتب في امتحان رياضيات قام كتب سائق يسوق بسرعة 1500 كلم في الساعة
فما اسم السائق
مسطــــــــــــول ماشي وراء وحدة فكر يقول ليها حاجة يشاغلها قال ليها : ا لحلوة وراها مشوار؟ قالت ليهو: الحلوة وراها ..........حمااااااااار
مسطول فتحو محطة بنزين جنب بيتهم..... قال: اخيراً الواحد يقدر يكب بنزين كداري
سواق أمجاد راكب جنبو واحد سمـــــــــين لدرجة انو ما قادر يسوق،
في واحد مسطول في الكنبة الخلفية قال للسواق: يا ابن العم شيل دركسونك وتعال معانا بي وراء
ًالأول: هل تعرف (بيتهوفن) ... الثاني: وهل أعرف (هوفن) عشان أعرف بيته كمان ؟؟
واحدة سالت خدامتها : ان شاء الله تكون نظفتى الثلاجة أثناء غيابي؟ قالت الخادمة:طبعا ! وكان كل شئ لذيذاً
الأول:وين بختفى القمر آخر الشهر؟ الثاني:يمكن بمشى عشان ليستلم راتبه!!
قالو جعلي وشايقي جيران الشايقي عندو خروف مسميهو الجعلي
شابكو ليك الجعلي اكل البرسيم الجعلي ربطتو الجعلي مرق جيبو وكدا
يوم الخروف طلع من البيت مسكو الجعلي شلخو ليك شايقي ورماهو ليهو بالحيطة
مرت الشايقى دقت مرت الجعلى
الجعليى زعل قال لى الشايقى الفى النسوان اتعرفت تعال لى انتا مارق جاى
قالو شايقيات جن من البلد جداد كرت
جاهم لوتري ماشات يتصورن
قالو للمصور عايزين صور
قام دخل الاولي صورها
لما طلعت اخواتا سالوها : يا ام الخير عليك النبي حارة؟
جعلي عجوز شافوهو جماعه شايل عكازو وقاعد سألوه عكازك ده بضرب قاليهم مافيهو رصيد الا بيعمل مسكول فوق راس شايقي
جعلي عاجباه نفسه
يعني ما راضي بي الناس التانين
قام عمل ليه فرن .. يبيع عيش
الجماعة كل واحد حلف ما يشتري من الجعلي كل يوم العيش باير ...
في يوم جاء شايقي ... وراح الفرن عشان يشتري عيش ....
قال لي الجعلي : هاك اديني بي الف جنيه عيش ..
الجعلي قال ليه : يا شايقي يا مغفل اسع أخلي الناس الوراك ديل كلهم واقفين في الصف وأخرب النظام وأديك عيش أنت أمشي أقيف ورا في الصف
الشايقي عاين ورا ما لقى زول وراه وبس هو الوحيد الفي الصف .. قالوا طيب ... الليله الجعلي ده بنجموا ليكم ...
مشى وقف في الصف وبدأ يزح كأنه واقف في صف حقيقي .. لحدى ما وصل محل البيع قال لي الجعلي هاك أديني عيش بي الف جنيه
الجعلي أخد القروش ودنقر عشان أدي الشايقي العيش ، قام الشايقي بكل قوه ضرب الجعلي في ضهروا ..
الجعلي : لا حول ولا قوة ابن ..................... ده الضربني .... وعاين لي الشايقي
قام الشايقي قال ليك يا جعلي يا مطرطش أسع أنا أعرف الضربك منو وسط الصفوف ده
فار ساكن في بيت جعليين
شايف الجعلي يوميا هارش جارو الشايقي
الفار ما كضب مشي دقا باب الشايقي
لما فتح ليه الباب قال ليه : امرق لي كديستكم دي لا برة
شايقي لافى فى غابات الجنوب فجاة نطة ليه اسد الشايقي بالخلعة
قبض اضنين الاسد و ثبتة و الاسد يحاول يتفك من الشايقي عشان
يفترسة و الشايقي تعب من مصارعة الاسد و بعد شوية ظهر و احد جعلي
الشايقي قال للجعلي تعال امسك اضنين الاسد و ثبتة عشان اطلع السكين و اذبح الاسد الجعلي استلم الاسد و الشايقي مشى بعيد يغنى
و ماشى الجعلي تعالى ياالشايقي امسك الاسد بتاعك ده ..
الشايقي فكوا انا مشترى بقروش......
شايقى اتصل هاتفياً بشايقى صاحبو كيفك ياعبود الحمد لله كيف الأولاد بخير وكيف السنه دى
الزراعه والله تمام ورصيدك كيف قال ليهو قلت شنو ماسامعك ؟
فى اتنين شـــايقى وجعــلى حكمــوهــــم بالأعـــــدام . يـوم الأعــــــدام سالوهم آخر أمنية ليكم قبال ما نعدمكم ؟؟؟ شنو .
الشايقى حنين نط قدام الجعلى قاليهم انا عاوز أشـــوف أمى .
وأنت يا الجعلى داير شنو ؟؟
قاليهم الشــايقى دا ما يشوف أمــــو
شايقى قالو ليهو ناس البلد رسل لينا التبرع بتاعك عاوزين نعمل حوش للمقابر قال ليهم تبرع شنو عمركم شوفتو ليكم ميت شرد ؟
شايقى الحريقه قامت فى بيتو عمل مس كول للمطافى
شايقى مغترب فى الخليج عشرين سنه رجع السودان لابس العقال الخليجى وركب التاكسى واللسان خليجى تب قال لى بتاع التاكسى الله يرضى عليك أبقا الثوره وفى الطريق الونسه كلها باللهجه اسعوديه بلدكم زينه وسواليفكم حلوه وديرتكم هواها زين بتاع التاكسى إحتار معقول فى سعودى مشلخ شايقى ولما وصل الثوره قال لبتاع التاكسى الله يرضا عليك نزلى العفش تبعى هذا ( العفش) ولما نزلو قال للتكاسى كم يسوى المشوار قال ليهو خمسين ألف ورد صاحبنا بلهجة الشايقية فى شنو ؟
تمساح خاتي ليهو كوم ليمون جنبه يقشر ويأكل . . . جاء تمساح سأله مالك يا تماسيحو ان شاء الله خير . . قال ليهو والله اتغديت لي بي شايقي عامل لي طُمام . . . قال ليهو اجيب ليك دواء استفراغ .. . قال ليهو المشكلة لا معتدتي دايرة تهضمي لا الدنيا راضية ارجعه ليها تاني
شايقي وجعلي ماشين في شوارع الخرطوم ، الجعلي قال للشايقي: عندكم شايقي سموا ليهو شارع من شوارع الخرطوم بإسمو ؟؟
الشايقي: لا والله.
الجعلي : شوف الشارع ده إسمو شارع المك نمر.
الشايقي: بالله هو ده الجراااابو
واحد بنى بيته في شكل دائرى لمن سألوهو عن السبب قال: عشان مرتى ما تقول لى حابسنى بين أربعة حيطان
في واحد اعور غمز للبت بعينو الكويسة قام دقش عمود الكهربا
واحد جعلي وشايقي قالوا لي بعض الليلة نتباطن الجعلى قال ليهوا انا اول بعدين الشايقي نزل في الجعلى جلد لحدي وصل عشرة بعدين لمن جاء دور الشايقي الجعلي رجع لى ورة ورفع الصوت فوق شديد ومن اول صوت الشايقي قال تسعة
شـايـقى واقـــف في بص شـاف بنت قـاعـــدة قـام عاين ليها ..
عــاينت ليه أبتـــسم ليها أبتســمت ليه غمـــز ليها .. غمــزت ليه.
أشـــــر ليها علي المحطة نزلت . . . قعـد محلــــــــــــــها !!!
قالوا في واحد زار صاحبا ليهو بعد غياب 20 سنة فالصاحب اخده معاهوا البيت عشان يتغدى ويعرفوا على المدام والاولاد المهم وصلوا البيت واول ما المدام هلت شبكها تعالى حبيبتى اعرفك على فلان ....بعد شوية ياحياتى ممكن تحضرى الغداء..وبعديها يا روحى ممكن الشاى.....!!!
يازول صاحبه انبهر وقال ليهو ماشاءالله 17 سنه زواج ولسة بتقول يا روحى وياحياتى....!!
قال ليهو ابدا والله ..كل الحكاية انه المده طالت ونسيت اسمها منو!
رباطابي راكب القطر بتاع الشمالية من غير قصد وعشان مافي نور وطاء رجلين احد الجالسين وكان من جنوب السودان فرد عليه بزهج شديد انت مابشوف ولا شنو تطلع في كراع الناس احسه انت ماشي وين فرد عليه الرباطابي انا ماشي عند اهلي انت ماشى وين
تمساح خاتي ليهو كوم ليمون جنبه يقشر ويأكل . . . جاء تمساح سأله مالك يا تماسيحو ان شاء الله خير . . قال ليهو والله اتغديت لي بي شايقي عامل لي طُمام . . . قال ليهو اجيب ليك دواء استفراغ .. . قال ليهو المشكلة لا معتدتي دايرة تهضمي لا الدنيا راضية ارجعه ليها تاني
|
|
  
|
|
|
|
|
| |
mayada kamal
saadeldin abdelrahman
خالد العبيد
الطيب رحمه قريمان
فيس بوك
تويتر
انستقرام
يوتيوب
بنتيريست