حفل خيري بالنادي السوداني – Hayward, CA لدعم السودانيين بالمعسكرات والتكايا
|
|
 الذين فرحوا لإنسحاب عرمان والشرفاء صنفين من البشر
|
فرح الكيزان واكثر منهم الكيزان الخجلانين منها وبجتهدوا يظهروا فيها محايدين وديل ما صدقوا ونزلوا البوستات في مهاجمة الحركة الشعبية والاحزاب الوطنية مع اننا لم نراهم يوما واحدا يهاجمون فساد الانتخابات
ا]ضا فرح الوطنيون الذين كانوا يتقطعون من الالم وهم يشاهدون الانتخابات تزور وأموال الشعب تصرف علي العايات القذرة للبشير وحاشيته والاحزاب تستمر في اللعبة
برافو عرمان
برافو كل القوي الوطنية
والشايفاهو انا البشير ماش نحو نهايته
|
|
 
|
|
|
|
|
|
|
|
Re: الذين فرحوا لإنسحاب عرمان والشرفاء صنفين من البشر (Re: صباح حسين طه)
|
يعني اي زول يا صباح ما داير الفتى الذهبي و درة الملاعب ياسر عرمان .. يكون كوز ..
وين حظ المرشحين التانيين مع الدرة ..
و لشنو زاتو يعني انتخابات مدام اي زول ما داير الذهبي بعتبر ابن ستين كلب ..
ما تبقوا رجال و تجوا تمسكوها بقوة السلاح ذي ما فعل الاسلاميين من قبلكم .. اذا كان دا منطقكم ..
..
..
تم تسجيل الاخت صباح في كشف السبهللية .. مع وعد بتصعيدها الي كشف السذج في حالة اخلاء خانة ..
| |
|
|
|
|
|
|
|
|
Re: الذين فرحوا لإنسحاب عرمان والشرفاء صنفين من البشر (Re: فتحي البحيري)
|
حميدة
يا أخوي لا فتي ذهبي ولا بشير ذهبي بل الناس أصلاً مع الديمقراطية الحقيقية وحق الشعب في أن يكون سيد نفسه وبالتالي مع كل زول بناضل من أجل زوال الأوضاع السياسية الدكتاتورية الغشاشة البنعيشها والبتزور من يوم ما جات ولحدي الليلة وبالتالي بنحلم بعرمان أو الصادق أو جحا أو نقد أو مبارك المهدي يكنسوا طغمة إنقلاب 89
ومجموعة تانية عضو في جماعة الإنقلاب أو منتفعة منها وديجهرا وسرا تكيد المكايد لأي تحول ديمقراطي حقيقي وعاوزة تجيب البشير لو بالتزوير أو ببيوت الأشباح أو شراء الذمم أو إستمرار الحروب
نعم هنالك البين بين وهم في النهاية وطنيين مية المية بس في غباش الاوضاع الدخلتنا فيه الانقاذ دا كل الناس فاقدة التوازن
قول يا رب
| |
|
|
|
|
|
|
|
|
|
Re: الذين فرحوا لإنسحاب عرمان والشرفاء صنفين من البشر (Re: صباح حسين طه)
|
يعني هو الإنسحب من الشرفاء ؟؟؟؟؟
و الناس الفرحو بي إنسحابو غير شرفاء
إنتو لسه عايشين على وهمة عرمان دي ؟؟؟
الراجل طلع أي كلام
ناس الحركة عارفين من الأول إنهم حا إنسحبو علشان كدا قدمو الزول الداقس دا
هل يُعقل حزب سياسي متأكد من إنو حا ياخد منصب رئيس جمهورية يتخطي الرجل الأول في الحزب و التاني و الثالث
و يتخطى كل الجنوبيين اللي بحاربو ليهم 55 سنة علشان المنصب دا و إرشحو ياسر عرمان الشمالي و الرجل الخامس في الحركة ؟؟؟
| |
|
|
|
|
|
|
|
|
|
Re: الذين فرحوا لإنسحاب عرمان والشرفاء صنفين من البشر (Re: ABUHUSSEIN)
|
Quote: برافو عرمان
برافو كل القوي الوطنية |
برافو عرمان وييييييييييييييييييييييييييييييييييي !
عرمان دا ياصباح طلع زول ماساهل أصلوا !!
قولي لي كيف ..
لأنو بإختصار قدر يجمع كل القوي الوطنية  ويختها في سلة واحدة ..
وتجي حكومة الكيزان وتشيل السلة وترميها في مزبلة التاريخ !
برافو عرمان ..
برافو القوي الوطنية ..
ولا عزاء للكيزان وأذنابهم
| |
|
|
|
|
|
|
| |
humida
فتحي البحيري
ABUHUSSEIN
فيس بوك
تويتر
انستقرام
يوتيوب
بنتيريست