|
أمي وأبى في الدوحة بعد 25 سنة من مغادرتها صور وذكريات وزرزرة راجيانى
|
لا وصف لتلك اللحظات حين تلتقيك امك بدموع الاشواق وابوك يتأملك ثم يكفكف دموعه بطرف العمامة ترتيبى الرابع بين اخواتى واخونى فوزيه هى الكبرى وبعدها دكتور حافظ ثم صلاح لكن لا في القبلى اوالبعدى من ابناء وبنات من ارهقهم في تربيته غيرى ليس في الطفولة المتمرده ومعها نزق الشباب فحسب بل حتى اونا في الاربعينات من العمر .. امى في السبعين وابى قد تجاوز الثمانين اليوم التقيهم بعد 12 سنة من الغياب وهذا لم يفعله بهم احد من الابناء اوالاحفاد والاحفاد منهم من تزوج لكن لا احد غاب عن عيونهم اكثر من عامين وكم تشابكت دموعي اليوم دموع فرحتى بلقياهم دموع اعتذارى عن الغياب الطويل منهم دموع ان اراهم وقد بلغو الكبر يا لفرحتى و كم هي حسرتى ويا دموع ما مضى لن يعود
|
|
|
|
|
|
|
|
Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى (Re: بدر الدين الأمير)
|
رغم ذلك كم كنت محظوظ فلقد حظيت بان اعيش منفردا مع امي وابى في الدوحة حين كان والدى مغتربا في دولة قطر وقبل ان تلحقه والدتى تم ارسالى الى الدوحة لان كل سبل الردع التى ما رسها عمى الراحل بلول وقبله والدى لم تجدى نفعا بل صرت اشكل خطرا لانى افعل ما اريد ولا يهمنى نوع وشكل العقاب في تلك الفترة كنت قريب من امي شديد بل واصبحنا اصحاب ووجدتنى هدى ورضي وكنت زاهيا بانى منفردا بها دون سائر الاخوة وسوف اتى لاحقا لتلك الذكريات
| |
|
|
|
|
|
|
Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى (Re: بدر الدين الأمير)
|
مرحبا بالوالدين الكريمين فى الدوحه.....سمة التمرد فى الصبا ومطلع الشباب التى قذفت بك من أربجى الى الدوحه بعد فشل العقاب لازالت تلازمك عبر التمرد على السائد كما يتجلى فى الكثير من موضوعات بوستاتك التى تصل احيانا كثيرا حد الاستفزاز للسائد وعبرها كان طريقى شخصيا الى هذا المنبر لكن تلك قصة أخرى او كماقال محيميد فى مفتتح موسم الهجرة الى الشمال.
تربطنى علاقه عمل مؤقت مع بدر الدين لاعلاقة لها بالشهاد ة ادناه واشهد أن والديك الكريمين قد زرعا فى تكوينك قيما جميلة لاتشترى بمليارات الدولارات بل ترضعها عبر ثدى الام ومراقبة الوالد هذه القيم هى الكرم الحاتمى والاحتفال بالضيف مهما كثر العدد عبر الباب المفتوح والثريد المبذول وحسن الاستقبال لدرجة مسك الباب حتى يدلف او يخرج الجميع تحية طيبة لك ولوالديك والشكر الجزيل على حسن الوفادة لمست ماذكرت وأنا ضيف لمده يومين بدار بدر الدين أول هذا الصيف
| |
|
|
|
|
|
|
Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى (Re: بدر الدين الأمير)
|
الاخ العزيز بدرالدين تحية بامتداد ما بيننا من مسافة وعمق ما بيننا من احترام وعرض امالكم في ان تلتقي الوالد والوالدة وهما يرفلان في ثياب الصحة والعافية . لعمري لحظات وصول الوالد او الوالدة اليك وانت في الغربة من اكثر اللحظات لصقا بالذاكرة لكم حاولت ان اجمع الوالد اطال الله عمره مع الوالدة رحمها الله في بيتي ، عندما كنت بالامارات ولكن ذهبت كل محاولاتي ادراج الرياح لكن لا زلت اذكر لحظات وصول كل منهما للمطارعندما ياتون الينا همسة : لا تنسي ان توثق كل لحظات تواجدهم معكم واصل نحن في انتظار ذكريات الطفولة وايام الصبا مع الوالدة والوالدة ومع الاهل والاصدقاء في شوارع اربجي الحنينة. حمد الله علي السلامة مقدما واسعد الله ايامكم مع وافر تحياتي للوالد والوالدة.
عبدالله الرشيد ابوشوارب
| |
|
|
|
|
|
|
Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى (Re: خالد المحرب)
|
Quote: وكم تشابكت دموعي اليوم دموع فرحتى بلقياهم دموع اعتذارى عن الغياب الطويل منهم دموع ان اراهم وقد بلغو الكبر يا لفرحتى و كم هي حسرتى ويا دموع ما مضى لن يعود |
اخي بدر الدين الف الف الف حمد لله على السلامة لقد احسست الفرحة بداخلك وانا اراك تجلس بجانب والدك العزيز في الصالون يا لفرحة اللقيا بعد غياب السنين يا لها من لحظات لا تكفي الدموع فيها عن التعبير عما بالدواخل والما بيعرف بدرالدين ضاع من عمرو الكثير لقد عشنا بعض فترات الصبا في اربجي الحبيبة ويا لها من ايام الف الف الف مرحب بوالدينا فهما والداي ايضا بحكم الجيرة في اربجي وان شاء الله تكون ايامهم في الدوحة كلها سعادة وهناء تحياتي واحترامي
| |
|
|
|
|
|
|
Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى (Re: بدر الدين الأمير)
|
Quote: فشل العقاب لازالت تلازمك عبر التمرد على السائد كما يتجلى فى الكثير من موضوعات بوستاتك التى تصل احيانا كثيرا حد الاستفزاز للسائد وعبرها كان طريقى شخصيا الى هذا المنبر لكن تلك قصة أخرى او كماقال محيميد فى مفتتح موسم الهجرة الى الشمال.
|
اخى احمد الأمين كم اوجعنني وابكانى حتى هذه اللحظة بكاء أمي ............. وهي تحضننى وتتحسسنى كأنى طفلها الذى تود ان ترضعه وتهدهه وتقص له القصص لينام
تنهدات:بعد امي وعناقنا وبكانا ودعواتها الماممكن حصرها عدت الى والدى وهو حزب امة جناح وعى صلاح عبد الرحمن على طه يا احمد تعال وسجل مع ابى عندو تفاصيل جديرة بالتسجيل
| |
|
|
|
|
|
|
Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى (Re: معتز القريش)
|
Quote: واصل نحن في انتظار ذكريات الطفولة وايام الصبا مع الوالدة والوالدة ومع الاهل والاصدقاء في شوارع اربجي الحنينة. حمد الله علي السلامة مقدما واسعد الله ايامكم مع وافر تحياتي للوالد والوالدة.
|
عبدالله الرشيد ابوشوارب لو انت ود ابوشوارب مدير مدرسة اربجي الغربية في ذلك الزمان يبقى ليك في اربجي ذاكرة مكان وذكريات احباب ووالدك له اثر تربوى تتحدث عنه الاجيال احكى ليك واحدة من من ايام نزق الشباب كنا في الدوحة انا وبن عمى سمير على الامير نذهب بالصباح كي نشرب الجبنة مع امي وامي وناسة جدا وكما تعلم عند معظمنا التدخين امام الام شىء عادي وفي نفس الوقت الرعب بكل الرعب ان يعرف والدك بامر تدخينك المهم في يوم انا وسمير شربنا الجبنة مع الوالدة وغادرنا كالعادة قبل حضور ابى لكن نسينا علبة السجار في اليوم التالى حضرنا وجالسين معها في الونسة فتحت الدولاب واخرجب علبة السجار وقالت امس نسيتو هنا وابوك لمن جا سالنى دا حق منو قلت ليهو حق بدرالدين وسمير قمت انا وهجت يامي كيف تقولى لابوى دا سجارى وكلام كتير وبعد ماسكت قالت عاد ياولدى عشان اضارى عليك بدورنى اقول لابوك اني بقيت اسجر ومن يومها تركنا برنامج القهو الصباحى مع امى ولاكثر من شهر كنا نتجنب لقاء الوالد رغم ان امى قالت لى ابوك من زمان عارف انك بتسجر تخيل العبط بدخن ويراك الجميع و منهم والدتك وفي نفس الوقت مصدق ان والدك ماعارف ولا ينبغى له ان يعرف
| |
|
|
|
|
|
|
Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى (Re: بدر الدين الأمير)
|
Quote: الاخ بدر يا اخى رقم البعد فى ناس بكونو متواصلين مع الوالدين اكتر من الناس القريبين انا اهنيك بهذا التواصل الممتد انا صاحب تجربه فعليك بى اجنتدكك تحياتى |
صديقى العزيز ود المحرب بالامس كان معى صديق عمرى عبدالمنعم الفكى وكان متجنب ان يشهد منظر اللقاء الاول مع امى وابى ولمن جانى بالمساء حكيت له تفاصيل اللحظات وبرضو كنت ببكى فسخر مني وقال بكاك امام امك وابوك معروف سببو لكن بكاك الان امامى دا بكا زول خايف من الزرزرة ... ضحكت انا وقلت له تصدق امتع لحظة حين ذهب والدى للصلاة وجريت بسرعة على السيارة واشعلت سجارة وانا اترقب عودة والدى وكانى عدت لايام النزق الاولى
| |
|
|
|
|
|
|
Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى (Re: بدر الدين الأمير)
|
يفطسوا انت يا بدر الدين لسه قايل الدنيا مهدية البهبش صاحبي معتز منو ؟ الحاج ربنا يطول في عمرو ويديهو العافيةوالصحة ،، سمعنا تحت تحت ابوك سأل وقال صاحب بدرالدين البعرس طوالي وينو ؟ اخوانك كلهم بي صوت واحد ردو : في ! ما بجيني : بالحيل يجيك لي عندك قلت لي يا ولدي البلوله اسمو منو دحين ما اسمو عزو . البلوله : لا اسمو معتز لكن نسوانو الأربعة بقولوا ليهو عزو وتاس ولدك بدرالدين بقولوا ليهو الظلامي ظلاممي اخوك الماشاف صباح النسوان الأربعة ودنقر ورفع راسه واصلح من عمامته وبدأت الزرزرة!!!
| |
|
|
|
|
|
|
Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى (Re: احلام وهبي)
|
(12) سنة ... (12) سنة ... والله لو الله سهل وجيت المدينة (الدوحة) بزور السَيِد والدكم وبحاوِل أقْنِعو هو والسَيِدة والدتكُم يِنزِلو في بيتي ... ايه الفرق يعني إنت ما شفتهُم (12) سنة وأنا ما شفتهُم خالِص؟ وكمان في ظني إنو وضعي أفضل منك ، على الأقل عِندي عُذُر إني ما بعرِفُم!
حمدلله على السلامة ... أُخُد إجازة مفتوحة يا بدرالدين وقنِب مع الناس دي صباح ومساء ، بلا شرِكة معاك بلا ترجمة
| |
|
|
|
|
|
|
Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى (Re: نجلاء قرافي)
|
الاخ/بدر الدين
تحياتي ؛؛؛ حمد لله علي سلامة الوالد والوالدة ؛
12 سنة يامفتري ما شفتهم ؟ ده قلب شنو ياخي ...
ما تقول لي ظروف العمل
انت عارف سنة واحدة شايفنها كتيرة في الغربة الزفت دي ؛
غايتو ...
انا لو منهم بصقعك في راسك الكبير ده ؛ ولو عملها نيابةً عنهم معتز القريش بيكون ما قصر تب والله .
المرة دي نشوفك في الخرطوم ؛وتقطع البحر اللحمر عوم .
شوفة الاهل في السودان حاجة جميلة والله .
________ وتحياتي تاني للوالد والوالدة .
| |
|
|
|
|
|
|
Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى (Re: بدر الدين الأمير)
|
هلا يا كهل يا اربجي وحمد الله علي سلامة الوالدين.. ومن بكرة دي شايل لي راس سكر وكم رطل بتاعة بن كده وقليلا من الهبهان وماشي للخالة اشرب معاها الجبنة واتونس وبعد حق الله وبق الله اسلمها ملفك كلوووو صرة في خيط في البلد دي والبلدان المجاورة.. وانا عارف الخالات ديل عاوزات صراحة وشفافية وانت عارفني ما بقصر وبردمك ملفات لمن اتكيف في حناني ده من تداعياتها حيث الزرزرة والكاني ماني ... وبعد هذه الجلسةمع الخالة ح اتحول الي مجلس الوالد واقدم ليهو المقترح الذهبي بتاعي وضرورة انهم ما يرجعو من البلد دي الا وانت معاهم...ولو احتاجو لمساعدة مع قوة راسك دي فان فكي قوبي جاهز موية ونور علي تكسير راسك القوووووووووي ده وترجع اربجي خلاص تشوف ليك جرف مطرف تتلما عليهو كدنكات وكديب تقيل...كان الله يتوب عليك يا مسخوت لوووووووول ------------------------------ قمة السعادة يا بدر ان يكون معاك ابوك وامك في البلد دي.. وانتم السابقون ونحن اللاحقون قريبا باذن الله..
| |
|
|
|
|
|
|
Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى (Re: بدر الدين الأمير)
|
Quote: هلا يا كهل يا اربجي وحمد الله علي سلامة الوالدين.. ومن بكرة دي شايل لي راس سكر وكم رطل بتاعة بن كده وقليلا من الهبهان وماشي للخالة اشرب معاها الجبنة واتونس وبعد حق الله وبق الله اسلمها ملفك كلوووو صرة في خيط في البلد دي والبلدان المجاورة.. وانا عارف الخالات ديل عاوزات صراحة وشفافية وانت عارفني ما بقصر وبردمك ملفات لمن اتكيف في حناني ده من تداعياتها حيث الزرزرة والكاني ماني ... وبعد هذه الجلسةمع الخالة ح اتحول الي مجلس الوالد واقدم ليهو المقترح الذهبي بتاعي
|
كيكى الماك لعين ياخى انا داير اوقع معاك اتفاقية سلام برعاية ضحية واشراف محمد عبدالرحمن وبضمانات المهندس خليل
| |
|
|
|
|
|
|
Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى (Re: طارق ميرغني)
|
بدر الدين .. يسعد صباحك وانت بصحبة من يقودك الى الجنة ..
Quote: وكم تشابكت دموعي اليوم دموع فرحتى بلقياهم دموع اعتذارى عن الغياب الطويل منهم دموع ان اراهم وقد بلغو الكبر يا لفرحتى و كم هي حسرتى ويا دموع ما مضى لن يعود |
يا الله .... يا بدر الدين ..
والله دي لحظات ما حا تضيع من مخيلتك طول ما انت عايش ..
استفيد يا بدر الدين من كل ثانية وهم معاك وعوضهم فرق السنين الانت بعيد فيها منهم ..
صدقني ربنا اكرمك ورسلهم ليك في عمر زي ده .. وفرصة وجاتك لحدي عندك اوع تضيعها ..
أسأل الله ان يطول في عمرهم ويسعدو معاك بكل لحظة جميله ..
تحيات وسلام كتيييير للوالد والوالدة ..
وعليك الله تسلم لي على الحنينه الوالده الحرم في رأسها ...
ولما تكون قريب منها رن علي ..
تحياتي لكل من معك ..
| |
|
|
|
|
|
|
Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى (Re: عفاف الصادق بابكر)
|
أولا بقول حمد الله على سلامة الوالدين وربنا يديهم طولة العمر ثانيا : ياخي و الله الواحد ما عارف يزعل و لا يعضي شلاليفو ولا يسوي شنو؟ يا خي ربنا أكرمك بوجود والدين حبيبين على مسافة 3000كلم و ثلاث ساعات بالطيارة تجي تقول 12 سنة؟ و الله العظيم لا يوجد أي عذر يخليك تتخبى وراءه انا شخصيا توفيت والدتي قبل عام واحد وانا عايش من 10 سنوات خارج السودان ولكن لم استطع الغياب سنة واحدة من رؤيتها والأستمتاع بالأنس معها بل وصل الأمر في السنين الأخيرة أن أزورها كل ست أشهر فقط. ما تقول لي الظروف المادية: انا متأكد انو ظروفك ما ها اسجم من ظروفي . ما تقول لي الأنقاذ : دي شماعة لن تقنع أحد لأنو صاحبك دينق ذاتوووو قاعد يمشي السودان. رسل لي تلفونك خليني اتكلم مع الحجاج ديل يجروك معاهم و لو مفلس انا بدي تعليمات لي ناس الدوحة لعمل اللازم و لو ما عملوهو نحن لها(ههههه) ياخي دي كلام ما كويس
| |
|
|
|
|
|
|
Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى (Re: ismeil abbas)
|
Quote: كيكى الماك لعين ياخى انا داير اوقع معاك اتفاقية سلام برعاية ضحية واشراف محمد عبدالرحمن وبضمانات المهندس خليل |
يازول الثلاثة ديل كلهم ناسي تببببب فعشان كده انا املكهم شروطي السرية والعلنية وبسس خليهم يجو البوست.. وحتي ذلك الوقت مطلوب منك توقف اطلاق النار فورا.. وقرض علي كيكي الما لعين دي وصلحها لي زيادة بالله.. وكسر لي تلج تلجين لحدي من الوساطة دي تبين لوووووووول
| |
|
|
|
|
|
|
Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى (Re: محي الدين الريس)
|
(وَقَضَى رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَاناً إِمَّا يَبْلُغَنَّ عِنْدَكَ الْكِبَرَ أَحَدُهُمَا أَوْ كِلاهُمَا فَلا تَقُلْ لَهُمَا أُفٍّ وَلا تَنْهَرْهُمَا وَقُلْ لَهُمَا قَوْلاً كَرِيماً (23) وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُلْ رَبِّ ارْحَمْهُمَا كَمَا رَبَّيَانِي صَغِيراً ) [الإسراء: 23 ، 24]
...... الوجيه: ود الامير، تحياتي،
مرحبا بهما ، ودوام الفرحة بوجودهما معك،فرحة لا تعادلها فرحة في الدنيا، ورضا الوالدين هي بركة الابناء .
| |
|
|
|
|
|
|
Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى (Re: Tragie Mustafa)
|
العزيز MOHAMMED ELSHEIKH
Quote: أولا بقول حمد الله على سلامة الوالدين وربنا يديهم طولة العمر ثانيا : ياخي و الله الواحد ما عارف يزعل و لا يعضي شلاليفو ولا يسوي شنو؟ يا خي ربنا أكرمك بوجود والدين حبيبين على مسافة 3000كلم و ثلاث ساعات بالطيارة تجي تقول 12 سنة؟ و الله العظيم لا يوجد أي عذر يخليك تتخبى وراءه انا شخصيا توفيت والدتي قبل عام واحد وانا عايش من 10 سنوات خارج السودان ولكن لم استطع الغياب سنة واحدة من رؤيتها والأستمتاع بالأنس معها بل وصل الأمر في السنين الأخيرة أن أزورها كل ست أشهر فقط. ما تقول لي الظروف المادية: انا متأكد انو ظروفك ما ها اسجم من ظروفي . ما تقول لي الأنقاذ : دي شماعة لن تقنع أحد لأنو صاحبك دينق ذاتوووو قاعد يمشي السودان. رسل لي تلفونك خليني اتكلم مع الحجاج ديل يجروك معاهم و لو مفلس انا بدي تعليمات لي ناس الدوحة لعمل اللازم و لو ما عملوهو نحن لها(ههههه) ياخي دي كلام ما كويس |
القيتك شديد ولضيض في الزرزرة ياخى كل الامر ان امى فاتت خلتنى هنا وانا من الزمن داك مستنى عودتها وجاي انت تعملها لى كسور وبواقى معارضة وفلس هى مشت تستنانى هناك وانا كنت مستنيها هنا يعنى اختلاف مواقيت تم تعديله بعد 12 سنة ههههههههههه
| |
|
|
|
|
|
|
Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى (Re: بدر الدين الأمير)
|
Quote: يازول الثلاثة ديل كلهم ناسي تببببب فعشان كده انا املكهم شروطي السرية والعلنية وبسس خليهم يجو البوست..
|
الباش مهندس كريمو آه ثم آه لو تعرف كم ارهقنى السطر اعلاه المهم ياهندسة انا غيرت راى في الفريق التفاوضى معك اولا ضحية وبعد ما شفت ونسته مع الوالد ايقنت انه يضمر لى الكثير من العدوانية اما محمد عبدالرحمن دا طلع مقلب كبير في ولد بحرض خالتوا على ولدها اما خليل قيل انك تمسك عليه بعض الملفات او كما روى لي ود رملية بالامس .... فياخى ادينى سكة غير اللاعب وماتنسى ان امك اوابوك في طريهم للدوحة اكرر امك اوبوك جاين الدوحة وكما تدين تدان ....... المهم رئيس فريق التفاوض الجديد بتاعى هو الاخ احمد الامين يعاونه ايمن تابر واحتمال دخول محمد السنى بس ايمن قال لى اوعك تراهن على الرجال البخافوا من زوجاتهم ومحمد السنى سيد الخوافين وان ماكتبه هنا هو بتوجيهات من الملقوفة احلام وهبى
| |
|
|
|
|
|
|
Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى (Re: Tragie Mustafa)
|
العزيز والصديق بدر الدين الف الف حمد لله على سلامة الوالد والوالده .. ولم شملك بعد طول سنين اعلم صعوبته عليك وعليهم ما امتع لحظات اللقاء وما امرها من لحظات تلك التي نعيشهابعيدا عن كل من نحب الغربه والحنين دفاتر الشوق وارصدة الذكريات التي لا تنفد عبي ما تستطيع من دفء اللقاء ودوما خذ المزيد ما استطعت .. هذا عمق الحياه البعيد الذي تحتشد به اللحظات .. متعهم الله بالصحه وادام عليكم نعمة لمتكم مع بعض ومتعهم بيك وحفظكم جميعا سعادتي لك بلا حدود التحايا للوالد والوالده وللاسره عموم ـــــــــــــــ ودالسر!
| |
|
|
|
|
|
|
|
|
| |