|
|
|
 Re: أعلان هام للغاية... (Re: Baha Elhadi)
|
Quote: بت الخليفة:
عساك طيبة ورايقة
وأتمنى أن يكون إعلان مهم جد جد
كوني بعافيتك |
بهاء ازيك انت وين مختفى
اتصلت عليك جرس طويل طبعا بدون اى رد
انا احمدالله واشكر فضله رايقة جدا
الاعلان مهم جدا والله الحال بيتطلب الاعلان ده
تسلم يابهاء اخوى من كل شر ,,,,
| |
  
|
|
|
|
|
|
|
 Re: أعلان هام للغاية... (Re: ماجدة عوض خوجلى)
|
الاعلان ده للاعلان عن وظيفه نحتاجها فى هذا البورد... ففوق كل زى علم عليم وماعندى اى مانع انو زول او زوله
يجو يصححونى ويقولو لى الصح فوق كل ذي علم عليم تكتب هكذا .. اختكم بتعترف بجهلها باصول اللغة العربية من هسه ...
| |
|
|
|
|
|
|
|
|
|
Re: أعلان هام للغاية... (Re: ماجدة عوض خوجلى)
|
ماجدة : ياأختي :
الأخطاء صارت هي الأصل
والصواب هو المفقود
يا الله أمسكي بداية :
الصحيح أن نقول إعلان مهم وليس هام
هام يعني ماسكو مرض الهام
والهامة هي مقدمة الرأس
كدا كويس
يا الله أفتقدك وكنت غائب فترة أو ابتعدت الفترة الماضة
وأنت أدري لماذا
بهاء
| |
|
|
|
|
|
|
|
|
|
Re: أعلان هام للغاية... (Re: عبدالله احيمر)
|
Quote: الاخت ماجدة
كيف حالك
Quote: فهامه
دي الوظيفة المطلوبة مش كدا |
اخى عبدالله احيمر
الحمدلله رب العالمين فى امن وامان
اتمنى ان تكون بالف خير
فهامه واحده من الوظائف المطلوبه مطلوب عدة وظائف مكمله للفهامه ...
تسلم يارب ...
| |
|
|
|
|
|
|
|
|
|
Re: أعلان هام للغاية... (Re: saif massad ali)
|
سلامات الاستاذة ماجدة عوض خوجلي
امسكي في نصيحة ود البشرى قوي
Quote: قلت المرجعيات الاصل جاب دائرة في الجنوب كمان .عارفه السقوط ده هلوس بيكم الله يبردو ليكم
|
يا ود عوج الدرب
معركة الليلة حصل فيها شنو للىن الجبت بيانها ؟!
إتاكد الخبر بتاع الخمسة واربعين عربية والا شيخ قطر دفع حقهم
ومرقتوا خلاص لا طالب لا مطلوب انتو وناسكم الزمان
افيدنا حياك الله وافادك
باين عودنا في السياسة قشة شعير وشوفنا طشاش
ومابنفرز بين احمد وحاج احمد وشيخو الزمان 
| |
|
|
|
|
|
|
|
|
|
Re: أعلان هام للغاية... (Re: ابو مهند)
|
Quote: ممكن اضيف وظيفة؟
شكرا
* مساحه(بفتح كل الاحرف) لمسح كل البوستات الفارغه ومقدوده |
الاخ ابومهند تحياتى
ممكن طبعا تضيف وشيفاك اضفتها... ولا شكر على واجب
اها جا دورى فى الطلبات
عليك الله اعمل لى استثناء لبوستى ده من المسح بعدين ...
تسلم يارب ....
| |
|
|
|
|
|
|
|
|
 Re: أعلان هام للغاية... (Re: HAIDER ALZAIN)
|
Quote: سلامات الاستاذة ماجدة عوض خوجلي
امسكي في نصيحة ود البشرى قوي
Quote: قلت المرجعيات الاصل جاب دائرة في الجنوب كمان .عارفه السقوط ده هلوس بيكم الله يبردو ليكم
يا ود عوج الدرب
معركة الليلة حصل فيها شنو للىن الجبت بيانها ؟!
إتاكد الخبر بتاع الخمسة واربعين عربية والا شيخ قطر دفع حقهم
ومرقتوا خلاص لا طالب لا مطلوب انتو وناسكم الزمان
افيدنا حياك الله وافادك
باين عودنا في السياسة قشة شعير وشوفنا طشاش
ومابنفرز بين احمد وحاج احمد وشيخو الزمان |
الله يسلمك اخى حيدر الزين
انتو الواحد مايمشى يقيف فى صف البترول علشان يقبض البنفت حقو ولاشنو
حكاية الخمسة واربعين عربية دى شنو بالضبط انا طلعت عامله نفسى اعلاميه ساكت وذاكه الديسبلتى والوليفر (البنفت )
لمن الكتوف اتساوت والاسد بقى غنامية ساكت ...
انشالله نسمع النصيحة تسلم يارب ...
| |
|
|
|
|
|
|
|
|
|
Re: أعلان هام للغاية... (Re: محمد البشرى الخضر)
|
| Quote: على العموم حاضرين لأي مساعدة بخصوص وصفة و مقادير الكنافة |
محمد البشرى ازيك
بتصدق فى البورد ده ومن اخت كريمة بواسطه بوست اتعلمت طريقة عمل الكنافه
صحيح قع تتحرقت منى عدة مرات لكن فى امل كبير فى انى اتقن طريقة عملها ...
الوليدات وامهم كيف انشالله كلهم بخير ....
| |
|
|
|
|
|
|
|
|
|
Re: أعلان هام للغاية... (Re: Baha Elhadi)
|
Quote: ماجدة : ياأختي :
الأخطاء صارت هي الأصل
والصواب هو المفقود
يا الله أمسكي بداية :
الصحيح أن نقول إعلان مهم وليس هام
هام يعني ماسكو مرض الهام
والهامة هي مقدمة الرأس
كدا كويس
يا الله أفتقدك وكنت غائب فترة أو ابتعدت الفترة الماضة
وأنت أدري لماذا
بهاء |
بهاء
للاسف الشديد بعض الناس يعتقد انه يحق له ان يتدخل فى كل شى ويفرض رايه على الجميع
تعبنا احنا من اننا نشرح بعد المصطلحات البسيطة ومتداوله فى بلدنا بصورة واسعه
لكن البعض يصر على تغير ماهو واضح ومعلوم
تسلم يارب ...
| |
|
|
|
|
|
|
|
|
|
Re: أعلان هام للغاية... (Re: Emam Hassan)
|
Quote: الأخت ماجدة..
الأخطاء اللغوية والنحوية هي الأصل في الكتابة بالمنبر وفي كتابتنا و نطقنا للفُصحى كسودانين..
نجعلُ القاف غيناً كقولنا (ليلة الغدر) ونقلب الذال زاءً (مزكرة بدلاً عن مذكرة)..
ومن فرط الحرص على الحديث بالفصحى يقلب البعض جميع أحرف الزاء ذاءً مثل (مذبلة التاريخ) ..
الخ...
و يندر أن تجدي مداخلة تخلو تماماً من الأخطاء اللغوية والنحوية*.. (قلة من الكتاب والكاتبات بالمنبر تستحق الإشادة لسلامة لغتهم/ن من شوائب اللغة)
المنبر يا أستاذة ماجدة لا يحتاج مصححاً لغوياً أو أستاذاً لقواعد العربية، و لكن مصححاً للأمخاخ السقيمة و أستاذاً لقواعد الأدب و اللياقة العامة.. الرابط من أرشيف 2004 مثالاً
"فحولية الغرابي الفريدة و الشبق الجنسى لنساء شمال السود... " <-What is this
عميق مودتي
-----------------------------------------------------------------------------------
!Including this one....sorry I am writing using online "Arabic keyboard" and it is a pain* |
الاخ امام تحياتى
عن نفسى مابدقق كتير فى اخطائى او اخطاء غيرى خاصه اذا كانت الكتابه فى البوستات ذات الطابع الاجتماعى بمختلف
انواعها ... البيهمنى انو المادة المكتوبه تكون مقروه للغير ومفهومه .. لكن طبعا فى بعض البوستات والله مابتتحمل الاخطاء
اللغويه الكتيرة ... كلامك صحيح واتفق معاك فيه عندنا مجموعة من الاخوات الكريمات والاخوان بيكتبو بلغه سليمة ميه الميه
وقاعدين نتعلم منهم الكتير وبالمناسبه انا ماعندى كيبورد عربى بكتب بواحد انجليزى ... مصحح الامخاء السقيمة ده محتاجين
ليهو بشدة بالرغم من انو العدد بسيط جدا ...
اما حكايه اللياقة العامة واداب التخاطب يوسفى جدا ... انو وظيفة استاذ لقواعد الادب واللياقه مافى ليها طريقة
الادب احنا بنكبر بيهو وبنتعلمو فى مرحلة عمريه مبكره جدا ... وكل مابنكبر بتكبر معانا قيم الادب والسلوكيات واللياقه
الحمدلله انها فئه قليله جدا جدا والحمدلله ... ان معظم من هم هنا يتمتعون بقدر كبير جدا من الادب واللياقه ...
من كتب الموجود فى هذا الربط انسان مريض الذهن وفاقد لقيم كتيره ...
تسلم يارب ....
| |
|
|
|
|
|
|
|
|
|
Re: أعلان هام للغاية... (Re: ماجدة عوض خوجلى)
|
الفهامة ,,,, بعضهم وهم برضو قله دايما يتعمدون قلب معانى ومقصد العبارات .. حقيقة مامعروف
عن قصد ولا فعلا هم مافهمين وحقيقة تعبنا.. من تفسير قصدنا فى كل مره نستعمل عبارات وضاحه وضوح الشمس ...
محتاجين للفهامه علشان تقوم بالشرح .... عن نفسى دورى هنا انى هااكتب بعض العبارات ومعناها
واذا انا غلط صححونى .. مافى كبير ابدا على التصحيح ... واذا فى اى عبارات عند البعض غير مغهومة
عليكم الله ختوها لى هنا علشان انا برضو مرات بحتاج لفهامه ...
| |
|
|
|
|
|
|
| |
ماجدة عوض خوجلى
Baha Elhadi
محمد البشرى الخضر
saif massad ali
HAIDER ALZAIN
Emam Hassan
فيس بوك
تويتر
انستقرام
يوتيوب
بنتيريست