|
|
 ضاعت ارقام كل الاحبة والاخوان والاصدقاء من جوالي " لعناية الجميع "
|
قد تفقد ولدك فلذة كبدك ,, وقد تفقد والداك او احدهما ,,
وتحزن وتبكي بالدمع السخين ,,
وامس فقدت ارقامكم احبتي الذين اكن لكم من الحب ما تعرفون واكثر ,, وكم تساوي هذا الحزن بفقد الاعزاء لدي ,,
كنت اراجعكم اسما اسما كل جمعه وارسل لكل من عرفت رساله مختلفه عن الاخرين ,,
وكنت اتسال عنكم في فترة غيابكم بل واستشيركم في كثير من شان حياتي او الشان العام احيانا ,,
ولكن ارادت القدره الالاهيه ان احذف عن طريق الخطا كل الارقام والتي تعدت التسعمائة رقم برقمين في لحظة ,,
اتمني من الكل وهنا لا احدد جهة بان يمدوني بارقامهم والتي هي عندي بالمعزه الخاصه ,,,
وانا لله وانا اليه راجعون ,,
|
|
 
|
|
|
|
|
|
|
 Re: ضاعت ارقام كل الاحبة والاخوان والاصدقاء من جوالي " لعناية الجميع " (Re: Yassir Tayfour)
|
الحبيب القريب جدا ياسر كيفك ,,
يا زول انت عارف انت بالذات لو ختيتك جنب وهبه والسيد بتضيعهم ,,
وحفاظا عليهم من الضياع ما بسجلهم اصلا معاك ,,
ويا فرده انت جنبك تلات نجمات ولو قلت تاج برضو تستاهل ,,
رسل علي المسنجر ياعمك خلينا نحفظ الرقم ليكون الثاني بعد رقم اخونا ادم موسي ,,
مشتاقين ..
| |
|
|
|
|
|
|
|
|
|
Re: ضاعت ارقام كل الاحبة والاخوان والاصدقاء من جوالي " لعناية الجميع " (Re: بكري الخير)
|
حاج العوض اخوى
سلامات
فى حجتك الاولى اتمنينا ليك حجة و عودة !!
و انشاء لله من العائدين ..
اها سجل اخوى عشان تتصل علينا المرة الجاية من عرفات
0505582718
0540325353
بعدين ....
.
.
.
نصيحة اخوى الحاج
قلل من المشية لـ " قندهار " .. فيها ناس عينا صائبة ..
غايتو .. عين و صابت .. المرة الجاية شوف ليك " دباره " و علقو زى
" مفحضة " .. حبوبتى .. " بت على الخولى " - عليها الرحمة -
الريس .. من جدة
| |
|
|
|
|
|
|
|
|
|
Re: ضاعت ارقام كل الاحبة والاخوان والاصدقاء من جوالي " لعناية الجميع " (Re: انعام حيمورة)
|
لكن يا العوض داخل بحنكـ غريــــــــــــــــــب ، وقطعت قلبي عديل كدا ، هسه انا لاعارفة اكتب لاعارفة ابكي !!
ياعمو شنو الاحناكـ الحنينة دي؟؟؟
بقيت فظيع بالمناسبة ، الكرين دا بيحصل فيهو الهام ما عادي ، حالتو كوري ، لو كان ياباني كان قلوبنا تقعطت
على العموم:
انا تلفوني قاطع فاتورة ممكن تسددها عشان اضرب ليك وتحفظ رقمي ،،شفت ليكـ ابتزاز،،
ـــــــــ
الفاروق انت مبالغة ياخ ، انا عندي ليك طريقة تمسح الفيلم دا في ثوان
ياسر طيفور انشاء يختوكـ جنب .......
| |
|
|
|
|
|
|
|
|
|
Re: ضاعت ارقام كل الاحبة والاخوان والاصدقاء من جوالي " لعناية الجميع " (Re: شمائل النور)
|
| Quote: كنت اراجعكم اسما اسما كل جمعه وارسل لكل من عرفت رساله مختلفه عن الاخرين ,, |
يا العوض انا مستعد اديك رقمي تاني بس بشرط وااااحد ..ترسل لي من نفففففس الرسايل البتمشي لي ناس شمايل النور * ومن هم من بني جنسها واعفيني انا من رسايل ابن تيمية ديك فإسماعيل عباس الله يديهو العافية ممتعني بيها ..
ــــــــــــــــــــــــ
* مع إني عاااارف شمايل النور زاااتا بتكون بترسل ليها رسايل عذاب القبر وفتنة المسيح الدجال عشان كده حاول بس ركز على حتة بني جنسها دي واعفيني من رسايلا
| |
|
|
|
|
|
|
|
|
|
Re: ضاعت ارقام كل الاحبة والاخوان والاصدقاء من جوالي " لعناية الجميع " (Re: عمر الفاروق)
|
على الطلاق يا الفاروق وماطالبني حليفة ، اخير ليكـ عذاب القبر وفتنة الدجال من الرسائل البتجيني من العوض:
والله برسل لي رسائل تشككني في دينك ، ضف الي ذلك الرسالة بتكون من 3.5 - 6 صفحات يعني الـ inbox داير يطرشق ، يعني انا لو عندي كابتن كان رفع تظلم من المسلمي ، انا بكون ما صحيت زي الناس يوم الجمعة الا اسمع ليك تلك النغمة واعرفها قبل ان افتحها ، العوض دا اظنو ما بنوم بعد صلاة الصبح
لكن يا الفاروق ماقلت لي
Quote: مع إني عاااارف شمايل النور زاااتا بتكون بترسل ليها رسايل عذاب القبر وفتنة المسيح الدجال عشان كده حاول بس ركز على حتة بني جنسها دي واعفيني من رسايلا
|
الكلام دا الخلاكـ تتاكد منو شنو؟
ــــــ
اتكاءة حزن::
حليل شمائل يايمه وقت بتجيها رسائل الجكس ، انا يا الفاروق خلااااااااااااااااس نجمي افل
| |
|
|
|
|
|
|
|
|
 Re: ضاعت ارقام كل الاحبة والاخوان والاصدقاء من جوالي " لعناية الجميع " (Re: شمائل النور)
|
شمايل الضلام ( ده طبعاً بعد ما نجمكـ أفل)
| Quote: بعدين الاسئلة الاستفزازية دي بتولد الضغائن بين اللحباب وكدا يعني |
يعني هسي نحن لحباب و كده ؟
يا شمايل العوض ده لامن يرسل رسالة الجمعة بيكون عندنا العشاء حق الخميس لسه ما إنتهي .. تقولي لي الصبح !| Quote: كل واحد مسعول من احساسو امام ربنا |
بعد المرافعة الطويلة اللي عملتها لامن دينا خالد طلعتكـ محاسبة قانونية ديكـ عندكـ شكـ في إحساسي قدام ربنا ..
بعدين يا شمايل إنت وين تلاقي إنكـ تكوني أخوي الكبير ياخ !!
_
غايتو رسلي لي رقمكـ في الخاص برسل ليكـ رسائل السبت و الأحد تخلي هلالكـ يطل
أصلاً النجم ده آفل طوااااااالي ماف داعي تربطي نفسكـ بيهو ياخ .. عرض يسري لمدة 24 ساعة فقط .
| |
|
|
|
|
|
|
|
|
|
Re: ضاعت ارقام كل الاحبة والاخوان والاصدقاء من جوالي " لعناية الجميع " (Re: عمر الفاروق)
|
المدة المحددة قربت تنتهي يا شمايل يا أخوي
تشاوري السيد و تشاوري العوض و العرض ينتهي
و تلحقي صاحب الجماعة *
_
* ( الجماعة ) مساطيل في هيليكوبتر اللي رسلو صاحبهم المسطول يجيب سجاير من الدكان
صاحبنا تلب من الهليكوبتر و لحسن حظو شبكـ في المروحة
اها كل ما المروحة تاخد ليها لفه يظهر في الشباكـ ..
واحد شايفو يدور : قال ليو أقعد دور كده لامن الدكاكين تقفل ..
| |
|
|
|
|
|
|
|
|
|
Re: ضاعت ارقام كل الاحبة والاخوان والاصدقاء من جوالي " لعناية الجميع " (Re: محمد عبد الماجد الصايم)
|
Al- Mosalmi, Salaaaaam
انعام حيمورة
the reason behind the missing of all your phone numbers
ضاعت ارقام كل الاحبة والاخوان والاصدقاء من جوالي
You have mentioned three Catogries
the beloved
Brothers
Friends
can you give us a sample from each of the above mentioned list,then the standard that you based them.............. Because I have personnel problem to differntiate.
at the end,why donot u go to your telephonic provider to re-issue u of all the history of your phone calls say ONE Year back.
I think that well help you to identify the incoming and out going NUMBERS
Thanks
| |
|
|
|
|
|
|
|
|
|
Re: ضاعت ارقام كل الاحبة والاخوان والاصدقاء من جوالي " لعناية الجميع " (Re: عمر الفاروق)
|
كدا اول يا الفاروق
وريني جوز دي تعني شنو ، في المعجم الوسيط ، آآآآآ عشان ما تمشي لي معجم تاني وندخل في مغالطات (هو المعجم الوسيط دا شنو؟)
والله يا الفاروق بلسانك الطويل دا لو ما كنت اصلع ماعارفة تعمل في المنبر دا شنو
ود الصايم
بالمناسبة الفاروق ممكن يكون عنده اجندة بحتات كتيرة،وكلكـ نظر،
المسلمي
انا جادة مابقدر اضرب ليك ، بستقبل بس ، عليكـ الله لميت كم رقم لحد هسه 
| |
|
|
|
|
|
|
|
|
|
Re: ضاعت ارقام كل الاحبة والاخوان والاصدقاء من جوالي " لعناية الجميع " (Re: Safia Mohamed)
|
صفصف
وين انت الواحد ما يلاقيك الا في قندهار
Quote: سلام
العوض
وشمايل اقصد شمايل والعوض وضيوفكم الكرام
|
بالمناسبة انا حساسة شديد ، ممكن تكون دي آخر مداخلة 
Quote: على راي شمايل لما اسدد الفاتورة بديك رنة
تحياتي
امكرقنا من رسائل الجمعة خلينا مع باقي الاسبوع
|
تعرفي يا صفصف امسكي في وزنة الفاتورة دي قوي ، بالنسبة لرسائل باقي الاسبوع ، اخير ليكـ الجمعة ، الجن البتعرفو ولا الجن الما بتعرفو
__________
العوض انا ح اضرب ليكـ من الثابت رد علي ، خلي حركات رجال الاعمال دي ، وخليك رجل بر واحسان
| |
|
|
|
|
|
|
|
|
|
Re: ضاعت ارقام كل الاحبة والاخوان والاصدقاء من جوالي " لعناية الجميع " (Re: شمائل النور)
|
شمايل الحزينة :
رسلي رقمك لي نوبي وافتحيهو بعد تثبت الرؤيا في الفترة بتاعت الإمساكية وراعي فارق التوقيت بين الامارات والسودان يعني لو حسيتي سااااي المؤذن في دبي قال للمايك طق طق طق اوف اوف اوف إنتي أعملي ال Power خق الموبايل كمان أوف..
لأنو اسهل رسالة من نوبي ده بتستحق إطعام ستين مسكين وصيام شهرين متتابعين ..
اخير ليك رسايل المسلمي حقت الجمعة دي ..
| |
|
|
|
|
|
|
| |
العوض المسلمي
Yassir Tayfour
haroon diyab
محمد عكاشة
SHIBKA
naeem ali
ابراهيم قناوي
بكري الخير
يوسف محمد يوسف
محمد عبد الماجد الصايم
عمر الفاروق
عبود عبد الرحيم
مزمل خيرى
حذيفه ابراهيم الكباشي
انعام حيمورة
شمائل النور
فيصل نوبي
وليد محمد المبارك
معتز القريش
El hadi A.bashir
ghariba
Al-Shaygi
Safia Mohamed
فيس بوك
تويتر
انستقرام
يوتيوب
بنتيريست