العوض المسلمي بنزينك كمل ولا شنو ؟

Quote: العوض أخوي. شايفك فترت من معافرة البورد وداير تغادر ولو حتى مؤقتا، لكن الخروج من البورد ده ما زي دخولو. لازم تاخد تصصريح مغادرة وحتى لو كانت مغادرة مؤقتة. أما لو بنزينك كمل تبقى دي مشكلة. دينق

Quote: تسلم يا العوض يا خوي من كل بلية مالك داير تمسخ علينا الطلة ماصدقنا لقينا طيابة الخصلة تقوم تحرد تفرّق علينا المَلَّة ياخي أوعاك تسيبها الحلة نحن بلاك بتصيبنا كل علة بعد طلة عمم وريحتك الفُلّة داير تخلينا في صقيعة المتاهة لا قهوة لا دلّة يا خي غيّر وتاني بدل دي ما ياها المحريّة فيك لسّا ماضقنا الضواقة من ظرافتك واللطافة ما شي تغرف للمجافا نحن دوبنا قلنا عافية لي دروب أَلَّةْ ثقافة تمشي تحرد تتخافا ياخي بعدك تتجافا تهجر الحن والرهافة وكان بتتعزز علينا قولها واضح نتعافا كان مريض قول لينا برضو ندعو ليك شان تتشافا إلا فرقك قاسي قاسي شوف شي تاني وغير؛ خلافا وكان شقانا بتريدوا لازم برضو خلينا الـ نَّعَرْفا مالك انت ومال فراقنا نحن ناقصين الهيافة ضمة مغصوبين هيافة إلا الجبر خابرنا نلفا يوم علوم ديك اللطافة يرجع المأزوم لودّه ياخي قول لك أي حاجة غير مشيك دا يا ثقافة كلنا الدبريس كتلنا إلا راجين اللطافة برضو مخنوقين وحاتك إلا حبل المهلة بلفا لي عقاد نافع وسلفا تكرب الصدّيع بلفة كاربة للعمة الولوفا وقلنا ما ممكن تسافر يعني ما ممكن تسافر وما في ليك أبداً تذاكر إلاّ كان تجبر خواطر لي حبايبك دول عساكر شوف علومهم كيف تناقر للكلام القلتو سافر ياخي اجبر بالخواطر كل كَسْرَة وليها جابر ومهما قلت واللاّ قلنا فكل أول ليه آخر والمقدر لا بد حيحصل كان زمان أو حتى حاضر والبعزّك ما بيقبل إلا بي جبر الخواطر خلّو همك سيبو ساكت ودو لي صحبو البهمه البشيلو هو ربك هو الله أما نحن ديلا ساكت نرضى بالقسمو المهيمن وهو أدرى هو أدرى وقلنا لا لا وتاني لا لا والعفو

Quote: أما لو بنزينك كمل تبقى دي مشكلة

Quote: العوض المسلمي بنزينك كمل ولا شنو ؟