فشل أول حالة زواج انترنت في السودان (اسبوع واحد وعادت العروس لأهلها )

مرحبا Guest
اخر زيارك لك: 03-28-2024, 08:52 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة مكتبة عادل فليب تعبان المهدي (PLAYER)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
02-24-2009, 07:07 PM

PLAYER
<aPLAYER
تاريخ التسجيل: 04-23-2002
مجموع المشاركات: 10283

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
فشل أول حالة زواج انترنت في السودان (اسبوع واحد وعادت العروس لأهلها )

    Quote: فشل أول حالة زواج انترنت في السودان

    GMT 23:00:00 2009 الإثنين 23 فبراير

    وكالة السودان للأنباء

    السودان : فشلت أول حالة زواج تمت عبر الانترنت في السودان حيث لم يمضِ على عقد قران الزوجين سوى اسبوع واحد وعادت العروس لأهلها . وكانت القصة قد بدأت عندما تعارف الاثنان عبر الماسنجر قبل اكثر من عام حيث يعيش الشاب العريس في العاصمة المصرية القاهرة والعروس بمدينة امدرمان دون ان يلتقيا وجها لوجه .
    وطبقا لتقارير صحفية فإن الشاب ابدي رغبته للزواج من الفتاة بعد ان تبادلا الصور عبر الرسائل الالكترونية والفيديو ، وطلب من اسرته التقدم الى اسرتها وتم الزواج رغم اعتراض عدد من الاسرتين لتسافر الفتاة الى زوجها وتعود بعد اسبوع واحد فقط لتؤكد الفشل بسبب الخلافات الكبيرة بينهما من ناحية الاخلاق والطباع . وقالت الفتاة اسرتها ان الواقع يختلف كثيرا عن الصورة الخيالية التي رسمتها للشاب عبر الانترنت .

                  

02-24-2009, 07:34 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فشل أول حالة زواج انترنت في السودان (اسبوع واحد وعادت العروس لأهلها ) (Re: PLAYER)

    ظني لو العروس والعريس كانو الإتنين عايشين وعاشو في السودان
    طول عمرهُم وتعارفو (تحدث لِنراك) وتشاوفو (الإدام- الرؤية الشرعِية)
    عبر النت ... أظِن نسبة الفشل بتكون قليلة جِداً ... حياة المِصرِيين
    بِتختلِف إختِلاف جذري عن حياتنا في السودان والما إتربى عليها ما بِتعلما
    ولو سواها مِن باب (المحنه) ما بِحِسها ... مثلاً السودانيين العايشين
    في مِصر بيسوو أعراسهُم بطريقة موغلة في الكِلاسيكِية ... فيها كُل تفاصيل
    العُرس السوداني ... الحِنه ... القرمصيص ... الدلوكه ... الضريرة ... إلخ
    لكِن برغم ده بِسوو كفِلكلور ... ما بِحِسوهو جُواهُم ... وتنسحِب كُل ما يتسَودن
    بِمِصر ... يِسوو القُراصة تسخسر فوقا المُلاح أب كُشنه ...

    ولو زواج النت حصل بين سوداني وسودانية تشربو السودانَوية (بِتاعت محمد السني)
    لو حصل الزواج ده وفشل بِكون السبب إنو الحُب ما كان كفاية بيناتُم ... لأنو
    الإختِلافات مَوجودة بين الأشِقاء أولاد الأب والأُم لكِن البِمرِرا الحُب البِناتُم الحُب
    البِيكبر كُل يوم ...
                  

02-25-2009, 01:36 AM

PLAYER
<aPLAYER
تاريخ التسجيل: 04-23-2002
مجموع المشاركات: 10283

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فشل أول حالة زواج انترنت في السودان (اسبوع واحد وعادت العروس لأهلها ) (Re: عزام حسن فرح)

    (عدل بواسطة PLAYER on 02-25-2009, 01:52 AM)

                  

02-25-2009, 01:50 AM

PLAYER
<aPLAYER
تاريخ التسجيل: 04-23-2002
مجموع المشاركات: 10283

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فشل أول حالة زواج انترنت في السودان (اسبوع واحد وعادت العروس لأهلها ) (Re: عزام حسن فرح)

    المحترم عزام
    كلامك معقول ومقبول جدآ.......لكن نحن في عصر الأنترنت ....كل شي يمكن الحصول عليه من الانترنت مثل: كيف تقول كلام يخلي البنت تحبك بدون ما تشوفك.
    كيف تحسن صورتك عشان البنت تقبل تتزوجك بدون ما تعرف كل شي عنك.
    انه عالم الأنترنت الملئ بالمتناقضات ,
    أحيانآ يسهل وأحيانآ يصعب
    أحيانآ يفرح وأحيانآ يحزن
    أحيانآ يضحك وأحيانآ يبكي
    أحيانآ ينجح وأحيانآ يفشل
    انه عالم أجمل لحظاته فقط أمام الكمبيوتر.
    Quote: الفشل بسبب الخلافات الكبيرة بينهما من ناحية الاخلاق والطباع

    يبدو ان الانترنت لم يستطيع بعد تغير الأخلاق والطباع السيئة.


    لك تقديري
                  

02-25-2009, 02:07 AM

سناء عبد السيد
<aسناء عبد السيد
تاريخ التسجيل: 03-29-2008
مجموع المشاركات: 2093

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فشل أول حالة زواج انترنت في السودان (اسبوع واحد وعادت العروس لأهلها ) (Re: PLAYER)

    Quote: ... حياة المِصرِيين
    بِتختلِف إختِلاف جذري عن حياتنا في السودان والما إتربى عليها ما بِتعلما
    ولو سواها مِن باب (المحنه) ما بِحِسها .




    صدقت يا ود خالي اهلنا الاتولدوا في مصر ديل مختلفين شديد مننا و عموماً تضارب الثقافات

    مشكلة كبيرة جداً بتواجه الازواج و دائماً الاختلاف ده بتنتهي بالطلاق
                  

02-25-2009, 06:44 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5515

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فشل أول حالة زواج انترنت في السودان (اسبوع واحد وعادت العروس لأهلها ) (Re: سناء عبد السيد)

    قال زواج نت قال !!!
    ياحليل جدودنا الماتوا وفكونا في الهواء وماضاقوا زواج النت
    لدي أحد الجدود صعب جداً
    بنته تعمل موظفة وأتت اليهم يوم الخميس نهاية الأسبوع
    عمك جاء الديوان لقى ليهو واحد بي شنبو قاعد
    وصاحبك لابس الجنز ومبسوط
    جاء سأل ناس البيت الضيف منو ياجماعة
    قالوا ليه الزول زميل { منى } وعاوز يخطبها
    أها منى عرفتو كيف ؟؟
    الجماعة كلهم { صنووووووووووو } وماقدروا يقولوا اي شيء
    أها { منى } وين ؟؟
    قالوا ليهو بتسوي في العصير
    عمك طوالي تووووووووش للمطبخ عكاز في كباية العصير
    وعكاز تاني في منى
    وعكاز لأخونا صاحب الجنز
    عليك أمان الله بعد خمسة دقائق البيت مافضلت فيهو ولا جدادة
    برضو تقولوا لينا زواج نت
    عمك زعلان عشان ماكلموه من بدري
    من عشرين سنة ولم نر العريس حتى اللحظة
    وسائل الاتصالات الحديثة ومهما يكن تطورها ليس باستطاعتها أن تعطينا الوجه الحقيقي للآخر
    ياجماعة الزمن دا لو شفتو بعض وقعدت معاها سنة كاملة بدون زواج الله يستر
    ظهرت الكثير من الموديلات الكورية
    والتي تحتاج الى دقة في الفحص
    لاتتسرعوا !!!!!!
    عليكم بفحص البضاعة جيداً او ردوها الى أهلها
                  

02-25-2009, 04:50 PM

PLAYER
<aPLAYER
تاريخ التسجيل: 04-23-2002
مجموع المشاركات: 10283

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فشل أول حالة زواج انترنت في السودان (اسبوع واحد وعادت العروس لأهلها ) (Re: سناء عبد السيد)

    المحترمة سناء
    Quote: صدقت يا ود خالي اهلنا الاتولدوا في مصر ديل مختلفين شديد مننا و عموماً تضارب الثقافات
    مشكلة كبيرة جداً بتواجه الازواج و دائماً الاختلاف ده بتنتهي بالطلاق

    اذا كانت غالبية الزيجات فاشلة ونسبة الطلاق عالية جدآ فان هناك خلل ما والموضوع يحتاج لدراسة لايجاد حلول وتقريب المسافات بين الاثنين..لان أثارها السلبية مؤثرة جدآ للسودانين سواء كانوا مقيمين في جنوب الوادي او شماله.
    الموضوع في غاية الأهمية والخطورة
                  

02-25-2009, 05:00 PM

PLAYER
<aPLAYER
تاريخ التسجيل: 04-23-2002
مجموع المشاركات: 10283

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فشل أول حالة زواج انترنت في السودان (اسبوع واحد وعادت العروس لأهلها ) (Re: PLAYER)

    العزيز أبوحراز
    يا حليل زمن التربية بالعكاكيز ,كان كل شي بمشي دوغري....شن نسوي الحين مع تربية التكنولوجيا...ربنا يسهل للجيل الجاي
    وصدقت في نصيحتك دي:

    Quote: لاتتسرعوا !!!!!!
                  

02-25-2009, 05:25 PM

سناء عبد السيد
<aسناء عبد السيد
تاريخ التسجيل: 03-29-2008
مجموع المشاركات: 2093

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فشل أول حالة زواج انترنت في السودان (اسبوع واحد وعادت العروس لأهلها ) (Re: PLAYER)

    Quote: وقعدت معاها سنة كاملة بدون زواج الله يستر




    ابو حراز كنت ماشي كويس لحدي ما جيت في الحتة دي

    يعني كنت بتتكلم بصورة عامة عن الاولاد و البنات بعد شوية اقتصرت الموضوع على البنات بس

    ليه بتحاسبوا البت دون الولد ؟؟اسه الفرق شنو لمن البت تكون قبل الزواج مثلا اتزوجت عرفي و لا غلطت اي نوع من

    الغلط


    و بين الولد البرضو بيكون غلط غلطات كتيرة قبل ما يتزوج

    ليه الولد لو عرف عنها الحاجات دي ما بتزوجا بينما الولد عادي يفوتوا ليهو الحاجات دي و قد يستمر فيها

    بعد الزواج و ما في حد يقول ليهو عينك في راسك

    ما يا نلومن الاتنيين يا نسيبم الاتنيين و الناس تحاسب بعض من فترة الزواج و لقدام
                  

02-25-2009, 08:21 PM

PLAYER
<aPLAYER
تاريخ التسجيل: 04-23-2002
مجموع المشاركات: 10283

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فشل أول حالة زواج انترنت في السودان (اسبوع واحد وعادت العروس لأهلها ) (Re: سناء عبد السيد)

    المحترمة سناء
    Quote: ليه بتحاسبوا البت دون الولد ؟؟اسه الفرق شنو لمن البت تكون قبل الزواج مثلا اتزوجت عرفي و لا غلطت اي نوع من الغلط
    و بين الولد البرضو بيكون غلط غلطات كتيرة قبل ما يتزوج
    ليه الولد لو عرف عنها الحاجات دي ما بتزوجا بينما الولد عادي يفوتوا ليهو الحاجات دي و قد يستمر فيها
    بعد الزواج و ما في حد يقول ليهو عينك في راسك

    مافي أنسان في الدنيا بقدر يديكي أجابة قاطعة لسؤالك....لان أزدواجية المعاملة بين الولد والبنت موجودة في المجتمع السوداني قبل ما نتولد.
    السؤال: كيف نوقف هذا الأزدواجية?
    اتفق معك ان الغلط هو الغلط سوي كان مرتكبها ولد او بنت....لكن مجتمعنا بعاداتها وتقاليدها مفهمومها فرق.
    منذ الصغر...
    الولد يعمل الدايرو,البنت لا.
    الولد يحب عشرين بنت مافيهو حاجة...البنت تحب واحد ولا أثنين قبل الزواج مشكلة.
    الولد يمارس الجنس قبل الزواج عادي...البنت تمارس القبلة كارثة.
    الراجل يطلق اربعة بدوههو الخامسة...المراة يطلقوها مرة واحدة يختوا ليها الف علامة أستفهام.
    الراجل تموت مراتوا يزوجوا ليهو أختها...المراة يموت راجلها الله في يكون عونها.
    حتي المسكينة دي المجتمع حيحاسبها أكثر من الرجل في سبب فشل الزواج.
    مع الأسف نحن كدي
    Quote: يا نلومن الاتنيين يا نسيبم الاتنيين و الناس تحاسب بعض من فترة الزواج و لقدام.

    مجتمعنا دائمآ حيحاسب البنت ويسيب الولد...اما نسيان الماضي وفتح صفحة جديدة دا يكون الأتفاق بين الأثنين البختاروا بعض...لكن برضوا الناس يقولوا .
                  

02-25-2009, 05:36 PM

ASHRAF TAHA
<aASHRAF TAHA
تاريخ التسجيل: 08-04-2007
مجموع المشاركات: 1017

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فشل أول حالة زواج انترنت في السودان (اسبوع واحد وعادت العروس لأهلها ) (Re: PLAYER)

    Quote: فشل أول حالة زواج انترنت في السودان

    GMT 23:00:00 2009 الإثنين 23 فبراير

    وكالة السودان للأنباء

    فشلت أول حالة زواج تمت عبر الانترنت في السودان


    شُغل معلوماتية موثق

    طمنتوني الله يطمنكم

    في موتي وحياتي

    و حقوقي للناس وليَّ

    ويا ليت مزيد من التواثيق
                  

02-25-2009, 08:27 PM

PLAYER
<aPLAYER
تاريخ التسجيل: 04-23-2002
مجموع المشاركات: 10283

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فشل أول حالة زواج انترنت في السودان (اسبوع واحد وعادت العروس لأهلها ) (Re: ASHRAF TAHA)

    شكرآ لك يا أشرف
    لك ودي
                  

02-25-2009, 10:16 PM

سناء عبد السيد
<aسناء عبد السيد
تاريخ التسجيل: 03-29-2008
مجموع المشاركات: 2093

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فشل أول حالة زواج انترنت في السودان (اسبوع واحد وعادت العروس لأهلها ) (Re: PLAYER)

    Quote: اتفق معك ان الغلط هو الغلط سوي كان مرتكبها ولد او بنت....لكن مجتمعنا بعاداتها وتقاليدها مفهمومها فرق.
    منذ الصغر...
    الولد يعمل الدايرو,البنت لا.
    الولد يحب عشرين بنت مافيهو حاجة...البنت تحب واحد ولا أثنين قبل الزواج مشكلة.
    الولد يمارس الجنس قبل الزواج عادي...البنت تمارس القبلة كارثة.
    الراجل يطلق اربعة بدوههو الخامسة...المراة يطلقوها مرة واحدة يختوا ليها الف علامة أستفهام.
    الراجل تموت مراتوا يزوجوا ليهو أختها...المراة يموت راجلها الله في يكون عونها.
    حتي المسكينة دي المجتمع حيحاسبها أكثر من الرجل في سبب فشل الزواج.
    مع الأسف نحن كدي



    صدقت والله يا بلير

    ظلم ما بعده ظلم و حنكون كده طوالي طالما الرجل السوداني غارق في جهله

    اي مصيبة لاحقانا سببا جهل و تخلف الرجل

    كلامك ده الناس مفروض تقيف فيهو وقفة تأمل و بالذات الرجاله

    و البنات برضو مفروض يصحوا من نومن, يعني الواحدة لو راجلا مات ما تتردد في الزواج من اخر

    و كذلك لو اتطلقت , يا ساتر الراجل مرتو تموت بهنا في الخمستاشر يكون بيجهز في شيلتو

    و المرة تقعد تحد و تتبهدل و تكون عايشة على ذكريات المرحوم
                  

02-26-2009, 04:01 AM

PLAYER
<aPLAYER
تاريخ التسجيل: 04-23-2002
مجموع المشاركات: 10283

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فشل أول حالة زواج انترنت في السودان (اسبوع واحد وعادت العروس لأهلها ) (Re: سناء عبد السيد)

    المحترمة سناء
    Quote: اي مصيبة لاحقانا سببا جهل و تخلف الرجل

    الكارثة انو حتي الرجل المتعلم او المثقف او الذي يدعي التقدمية او التحررية او الذي يؤمن بحقوق المراة والمساواة عندما ينظرون للمراة المطلقة او الارملة او المستقلة فان حكمهم لن يختلف كثيرآ عن الجهلاء.
    Quote: و البنات برضو مفروض يصحوا من نومن,

    قامت ثورات في الجنوب والغرب للمطالبة بالحقوق والمساواة في المعاملة والعدل في الحكم...فمن حق المراة ان تقوم بثورتها الان لرد أعتبارها.
    وحتي لا ياتيك احدهما قائلآ: ان الأسلام أمر بهذا او نهي عن ذاك..فليقرإ
    الموضوع التالي:
    Quote: عورة خُلقت للإغواء والإغراء
    الإسلام كرم المرأة والمجتمعات تظلمها
    محيط - أسماء أبوشال
    "المرأة شر كلها وشر مافيها أنها لابد منها" مقولة خاطئة نسبت إلى سيدنا على رضي الله عنه نفى علماء المسلمين صحتها ، و يتناقلها البعض مع بعض الاتهامات التى صورت المرأة وكأنها كائن لعوب مهمته الاغواء.
    وبالرغم من أننا نعيش فى القرن الواحد والعشرين لا نفهم عظمة الدين الإسلامى بكل ما جاء به من معاني كالمساواة والحرية والعدل والشورى ، وكل ما أكده من قيم التى ترسخ المعانى والأخلاق السامية للمجتمع ، فنجد أن الإسلام حرر المرأة من الجاهلية وأعطي لهل حقوقها كاملة وجعل لها شخصية مستقلة لها الحق فى الكسب والميراث والعمل ، وفى الوقت نفسه تعتبرها بعض المجتمعات شيطان وعورة ، كما تلتصق بها بعض الاتهامات سنستعرضها سوياً .
    المرأة سر كل البلاء
    يقال المرأة دائماً سبب كل البلاء منذ قديم الأزل ، فكانت هي السبب الرئيسي لخروج آدم من الجنة وسبب شقاء البشرية، رد على هذا الاتهام الداعية د.يوسف القرضاوي خلال أحد الفتاوي أن الإسلام ليس في شيء من نصوصه الثابتة في القرآن الكريم أو السنة الصحيحة نص يُحَمِّل المرأة تبعة إخراج آدم من الجنة، وشقاء ذريته من بعده، كما جاء ذلك في "أسفار العهد القديم". بل القرآن يؤكد أن آدم هو المسئول الأول: (وَلَقَدْ عَهِدْنَا إِلَى آدَمَ مِنْ قَبْلُ فَنَسِيَ وَلَمْ نَجِدْ لَهُ عَزْماً) (طـه:115).، (فَأَكَلا مِنْهَا فَبَدَتْ لَهُمَا سَوْآتُهُمَا وَطَفِقَا يَخْصِفَانِ عَلَيهِمَا مِنْ وَرَقِ الْجَنَّةِ وَعَصَى آدَمُ رَبَّهُ فَغَوَى )ثُمَّ اجْتَبَاهُ رَبُّهُ فَتَابَ عَلَيْهِ وَهَدَى) (طه: 121، 122).
    اسم المرأة
    بعض المجتمعات الاسلامية بحكم عاداتها وتقاليدها اعتبرت أن اسم المرأة عورة من العورات التى يجب ألا تذكر أو يطلع عليه أحد ، لذا نرى أن بعض الرجال يستبدلون اسم المرأة بكنية تجنباً للحرج ، بالرغم من القرآن الكريم ذكر اسم" مريم بنت عمران" وجعل سورة كاملة باسمها قال تعالى ( يَا مَرْيَمُ إِنَّ اللَّهَ يُبَشِّرُكِ بِكَلِمَةٍ مِّنْهُ) آل عمران 45 ، وكذلك الرسول المصطفى" عليه الصلاة والسلام" حينما صرح بأسماء زوجاته وبناته بأسمائهن عائشة وصفية وخديجة وفاطمة .. إلخ ، وبعض نساء الصحابيات ذكرت أسمائهن في جملة من الآحاديث الشريفة.
    وعن اسم المرأة تقول الداعية الإسلامية د. عبلة الكحلاوي : أنه منذ بواكير الإسلام ومع بداية الدعوة نادى الرسول عليه الصلاة والسلام "يا بني عبد المطلب .. يا صفية بنت عبد المطلب .. يا فاطمة لا أملك لكم من الله شيئا " وهذا يعنى أن الرسول الكريم كان يخاطب المرأة باسمها ، ولكن اليوم هناك من يريد أن يعود إلى الوراء فنجد أن الرجل عندما يتحدث عن الزوجة يقول "العيال" ،"البنت"،"الجماعة"وكأن اسم المرأة عورة.
    صوت المرأة
    "صوت المرأة عورة" مقولة شائعة نسمعها من المرأة قبل الرجل ، وعن صحة هذا الكلام تشير د.عبلة الكحلاوي إلى أن هذه المقولة ما أنزل الله بها من سلطان ،وليس لها أي علاقة بالدين أو حتى قول مأثور ، ولكن هناك آداب ولياقة لابد أن تتعلمها المرأة حتى لا تتلاعب بصوتها ولا تلفت الانتباه إليها ، مضيفة : القضية ليست قضية جسد أو إغواء للرجل ، لاننا لا نعيش في مجتمع حيواني ، ولكننا نفوس حرة طليقة راقية ، والمرأة إنسان له كيان وقناعات ، وليست كشيطان متحرك مهمته الإغواء كما يصفها البعض.
    المرأة لها أحاسيس وملكات خاصة تؤهلها إلى ما أشار إليه الحق فى سورة التوبة (وَالْمُؤْمِنُونَ وَالْمُؤْمِنَاتُ بَعْضُهُمْ أَوْلِيَاءُ بَعْضٍ)والآية تعني أن المرأة تلى الرجل فى بعض الأمور إذا كانت تتوافر فيها ما يؤهلها لهذا العمل ، ياليتنا ننظر إلى عظمة هذا الدين بحق بدلاً من أن ننظر للظاهر فقط.
    وعن صحة ما يقال عن تحريم "صوت المرأة" فى الدين يقول د. يوسف القرضاوي خلال إجابته على أحد السائلين أنه لا يوجد دليل على صحة هذا الكلام متسائلاً هل جهل هؤلاء أن القرآن أجاز سؤال أزواج النبي - صلى الله عليه وسلم- من وراء حجاب، رغم التغليظ في أمرهن، حتى حرم عليهن ما لم يحرم على غيرهن ؟ ومع هذا قال الله تعالى: (وَإِذَا سَأَلْتُمُوهُنَّ مَتَاعاً فَاسْأَلوهُنَّ مِنْ وَرَاءِ حِجَابٍ) (الأحزاب: 53). والسؤال يقتضي جوابًا، وهو ما كانت تفعله أمهات المؤمنين، حيث كن يفتين من استفتاهن، ويروين الأحاديث لمن يريد أن يتحملها عنهن.
    وقد كانت المرأة تسأل النبي -صلى الله عليه وسلم- في حضرة الرجال ولم تجد في ذلك حرجًا ولا منعها النبي صلى الله عليه وسلم ، وقد ردت المرأة على عمر رأيه، وهو يخطب على المنبر، فلم ينكر عليها، بل اعترف بصوابها وخطئه، وقال: "كل الناس أفقه من عمر".
    وقد رأينا الفتاة ابنة الشيخ الكبير المذكورة في صورة القصص تقول لموسى:(إِنَّ أَبِي يَدْعُوكَ لِيَجْزِيَكَ أَجْرَ مَا سَقَيْتَ لَنَا). (القصص: 25) ، كما تحدثت إليه هي وأختها من قبل حين سألهما: (مَا خَطْبُكُمَا قَالَتَا لا نَسْقِي حَتَّى يُصْدِرَ الرِّعَاءُ وَأَبُونَا شَيْخٌ كَبِيرٌ). (القصص: 23).
    وأكد د. القرضاوي أن ما يُمنع هنا هو التكسر والتميع في الكلام، الذي يراد به إثارة الرجل وإغرائه ، وهو ما عبر عنه القرآن باسم "الخضوع بالقول" وذلك في قوله تعالى: (يَا نِسَاءَ النَّبِيِّ لَسْتُنَّ كَأَحَدٍ مِنَ النِّسَاءِ إِنِ اتَّقَيْتُنَّ فَلا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلاً مَعْرُوفاً) (الأحزاب:32)
    فالمنهي عنه هو هذا "الخضوع" الذي يطمع الذين أمرضت قلوبهم الشهوات، وهذا ليس منعًا للكلام كله مع الرجال كلهم، بدليل قوله تعالى تتمة للآية: (وقلن قولاً معروفًا).
                  

02-26-2009, 05:04 AM

المسافر
<aالمسافر
تاريخ التسجيل: 06-10-2002
مجموع المشاركات: 5061

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فشل أول حالة زواج انترنت في السودان (اسبوع واحد وعادت العروس لأهلها ) (Re: PLAYER)

    Quote:


    عليكم بفحص البضاعة جيداً او ردوها الى أهلها






    لا حولا..


    أبو حراز


    ده شنو


    سوق واقف؟؟


    بضاعة شنو والشاري مين؟


    أرحمو من في الأرض..


    يا أصحاب التجارة..
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de