|
|
 جمعية محاربة الحركات الغياظة
|
أكتر حركة غياظة في البورد
لمن الواحد يكتب حاجة و ما تجيب دخل
يقوم جاري ويعمل الحركة ديQuote:
الحضور الان بالمنتدى العام لسودانيز أون لاين دوت كوم 617 شخص » (42 )عضو و (575) زائرا
»abazar ali khalifa
»Abdul Monim Khaleefa
»AL GURAIR
»Albino Akoon Ibrahim Akoon
»altahir_2
»Amin Elsayed
»ASAAD IBRAHIM
»Asskouri
»bent-elassied
»fadlabi
»Foetus
»haroon asram
»HAYDER GASIM
»Haytham Abdulaziz
»isam ali
»ismeil abbas
»Mahadi
»Mohamed E. Seliaman
»Muna Khugali
»saif addawla
»sourketti
»Tagelsir Elmelik
»Wathig Makki
»أم سهى
»ابوعسل السيد احمد
»احمد حماد ادريس
»الطيب بشير
»بكرى ابوبكر
»تاج السر حسن
»تماضر الخنساء حمزه
»حليمة محمد عبد الرحمن
»خدر
»عبد المنعم سليمان
»عبدالعزيز حسن على
»عبدالله عثمان
»علي عبد القادر
»محمد ابو القاسم
»محمد ابوبكر عثمان
»محمد البشرى الخضر
»مصطفي سري
»مهدى الصادق السيد
»يوسف الولى
هذه الصفحة يعاد تحديثها كل 120 ثانية. |
ألا يهم هذا الموضوع أحد?
|
|
 
|
|
|
|
|
|
|
|
Re: جمعية محاربة الحركات الغياظة (Re: fadlabi)
|
أو تجي داخل تلاقي الناس بيقروا في أمان الله في مواضيع الصفحة الأولى تقوم تمشي تنكت مواضيعك القديمة كلها وترفعها (UP) عشان تجبرهم يقروا ليك.. أمًال المقعدهم ايه..؟
ومرات "بعض" الأقلام الصديقة تقوم بالشغلانية دي.. تلاقي الأسامي مرصوصة تحلف تقول الهكر زارنا..
لووووووووووووول
| |
|
|
|
|
|
|
|
|
|
Re: جمعية محاربة الحركات الغياظة (Re: fadlabi)
|
يا فاضلابي.. عفيت ليك.. تعرف ليه؟ لأني ما متذكراها.. لكن في تلاتة كده بيعملوها كل يوم مرتين أو تلاتة حسب التساهيل والمشاهدين الغلابة..
أنا مرات الضهر لما اجي بمشي أرد في بوستاتي بلقى برضو روحي عملت كده .. والليلة من الصباح أبيت أرد عشان نريًح المشاهدين حبتين.
| |
|
|
|
|
|
|
|
|
|
Re: جمعية محاربة الحركات الغياظة (Re: fadlabi)
|
Quote: ناس (تبا لك) حقت الترجمة دي
|
.
عارف يا فاضلابى إحتمال ود هبانى راجل محترف و لا يريد أن يغير فى أصل النص أى الـ Source Language
حتى لا تكون الترجمة غير دقيقة أو مخلّة ، و لو كان ذلك على حساب مُدّعو الإحتشام و التهذيب الّلفظى.
دمت يا فاضلابى
| |
|
|
|
|
|
|
|
|
|
Re: جمعية محاربة الحركات الغياظة (Re: عبد المنعم سليمان)
|
Quote: حليمة
تم تعيينك سكرتير مالي
قطعتي مصرانا بالضحك
يا زولة رقيناك للمدير التنفيذي |
فاضلابي والله ما قصرت معاي تب..
اها عشان كدي النفرد عضلاتي سمح..
انا عندي كتير زي ورشة الجمال 3 دي وفي اخواتها اتنين وواحد..
كان درت تشوفهم .. عرج علي..
http://halima.8m.net
تلقاها فوق في استراحة الجمعة
مع تحيات المدير التنفيذي للرابطة المذكورة في الترويسة اعلاه..
 
| |
|
|
|
|
|
|
|
|
|
Re: جمعية محاربة الحركات الغياظة (Re: عبد المنعم سليمان)
|
Quote: حليمة
تم تعيينك سكرتير مالي
قطعتي مصرانا بالضحك
يا زولة رقيناك للمدير التنفيذي |
فاضلابي والله ما قصرت معاي تب..
اها عشان كدي النفرد عضلاتي سمح..
انا عندي كتير زي ورشة الجمال 3 دي وفي اخواتها اتنين وواحد..
كان درت تشوفهم .. عرج علي..
http://halima.8m.net
تلقاها فوق في استراحة الجمعة
مع تحيات المدير التنفيذي للرابطة المذكورة في الترويسة اعلاه..
| |
|
|
|
|
|
|
|
|
 Re: جمعية محاربة الحركات الغياظة (Re: حليمة محمد عبد الرحمن)
|
حاجتين:
الاولي:
يجي واحد داخل ويقرأ الموضوع ويقول " بجيك بعدين برواقة" وتاني ما تشوفو
وهو اصلا ماعندو حاجة ولا فاهم حاجة بس لزوم المنظرة والفشخرة
وبالمناسبة موضوع المنظرة والفشخرة والبوبار دة براهو داير ليهو عدة بوستات
عشان العالم دي تبطل تفكها في خلق الله "عمال علي بطال"
التانية :
جماعة ريا وسكينة وحسب الله وعبد العال
عصابات حايمة في المنبر
ناشرة الخوف والهلع والشقاق
يعني تكون عارف لو اختلفت مثلا مع "ريا" ا أكيد "سكينة "و"حسب الله " و"عبدالعال "يجو ناطين فيك
وعينك ما تشوف الا النور حتي لو "ريا" غلطانة
اللهم ارفع غضبك ومقتك عنا
| |
|
|
|
|
|
|
|
|
|
Re: جمعية محاربة الحركات الغياظة (Re: Raja)
|
رجاء العزيزة سلام .... تعرفي بالنسبة للمنبر دة دخلوه مجموعة جنجويد في السنتين الاخيرتين حولوه الي
ساحة للملاكمة والعك والاستهزاء بخلق الله .
وبالمناسبة ما بقصد بكلمة جنجويد انهم تبع اللحكومة .... لا .... في جنجويد تبع الحكومة .... وجنجويد تاني معارض
وتالت تبع ناس البهجة والمسرة ..... ورابع عصابات كدي والله تحتار في القاسم المشترك بينهم
بس تعرفي انا ما بقيت بزعل من المنبر زي زمان لانو الدنيا كلها بقت غير العك والضرب في الركب ما فيها شئ
الواحد بقي يجي هنا يعاين ويمشي لانو ما ناقص .
تشكراتي
| |
|
|
|
|
|
|
|
|
|
Re: جمعية محاربة الحركات الغياظة (Re: ASAAD IBRAHIM)
|
Quote: عصابات حايمة في المنبر
|
.
عشان كده لابد ، زى زولك بتاع الّلستك ده .
بس ما بحلّك ، و زى ما قالت ليك رجاء ... أظهر و بان
لكن هى نسيت أن تكمّل ... عليك الأمان ، عشان كده إتريث
شوية كده ، و قبّل جاى و قبّل قبل ما تخش .
دمت يا اسعد ، و الله يغطى عليك ، زى أبو لِستك ده .
| |
|
|
|
|
|
|
|
|
|
Re: جمعية محاربة الحركات الغياظة (Re: fadlabi)
|
دى اتنين يافاضلابى
الأولى UP
والتانية واحد يكتب سطر فى راس الصفحة والتانى فى آخرا.
أما الإضافة واحد تلقاه متصور واقف.. طول الصورة صفحة وعرضها نص صفحة وموضوعو ربع صفحة.
____________________________
يافضلابى بالطفل الشايلو دا ذكرتنى الواحد يكون عايز يبشر وخجلان يقوم يشيل طفل يدخل بيهو الدارة وهاك يارقيص بالطفل.
| |
|
|
|
|
|
|
|
|
 Re: جمعية محاربة الحركات الغياظة (Re: fadlabi)
|
واغـيظ مافى المنـــير الـيوم ده ..انه فى واحــد عامل فيها
المـصـلح المــنبرى و قام عمـل ليهو بوسـتين واحـد لمـكافحة
الحـاجـات الغـياظه والثانى للغــــين والقــــاف ..
-لقـيتنى كـيف يا(سيـبويه)-
| |
|
|
|
|
|
|
|
|
|
Re: جمعية محاربة الحركات الغياظة (Re: Balla Musa)
|
| Quote: واحد تلقاه متصور واقف.. طول الصورة صفحة وعرضها نص صفحة وموضوعو ربع صفحة. |
هاهاهاها دي بعرفعها أيوة كلامك صاح
____________________________________________________________________________________________________
حركة الحفلة دي برضو في ناس برقصوا ساوين الحلاة يعني صفقة خفيفة كده و الأقدام ثابتة
و معاها إبتسامة على الجهة القاعدين فيها النسوان
| |
|
|
|
|
|
|
|
|
|
Re: جمعية محاربة الحركات الغياظة (Re: fadlabi)
|
(أغيز) حركة لما تكون مجتهد في بوست ويجيوا اتنين يدوروا ليك شكلة جواهو
دي بالظبط عاملة زي لما السكارى يتشاكلوا في حفلة ويفرتقوها
المصيبة لو سألتهم العريس اسمو منو يطلعوا ما عارفين
| |
|
|
|
|
|
|
|
|
|
Re: جمعية محاربة الحركات الغياظة (Re: Ashraf el-Halabi)
|
الحركة الغياظة(غياظة كلمة عطبراوية)
لما زول ما بعرفك ولا شافك في حياتو
الله يقدرك تختلف معاه في راي..
يجيب سيرة اهلك ربما حاجات تانية ويقوليك انت "انغاظي" ومن الذين استفادوا
من "الانقاظ" ويديها كوز لو غظتو زيادة يقوليك امنجي كمان
او العينة البتعمل انها شافتك عيانا جهارا ولم يحدث ابدا
وعشان يعمل انه بيعرفك يقوليك لقد زاملتك في المعهد ويكون الفرق بينك وبينه في المعهد
10 سنة او اكثر في العمر..الشاهد بروفايلو..
ويكون من رابع المستحيلات ما تعرف زملاء المعهد الذين يلا تعدون الخمسين..
وكمان يكون متخرج من شعبتك وشعبتك دي في حياتها ما كان فيها 6 طلاب في آن واحد..
ناس تكضب ولا تجيد الكضب دي البتغيظني لدرجة الطرشقة..لانه ما بتكون
هاميها انك تثبت انها كضابة ولا لع بس تسبب السمعة وخلاس..
| |
|
|
|
|
|
|
|
|
|
Re: جمعية محاربة الحركات الغياظة (Re: fadlabi)
|
فاضلابى يا غياظ....تحياتى
اغيظ شى تكون بتقرأ فى بوست كاتبه محسن خالد والا فضيلى جماع والا تماضر
والا عماد عبدالله و الله واحد من مجانين الحروف ،انت تكون مندهش فاغر الفاه وبتسأل فى نفسك ياربى الجماعة ديل بكتبو بالتمانية وعشرين حرف البنعرفن
والا بغسلوا الحروف قبال يكتبوهم والا ده شيطان الكتب ليهم...
وكان ليك مراد تقرأ لما تموت وانت فى قمة ثمالتك ديك
فجأة تلقى ليك غياظ شليق وخاتى صورتو بالجنبه يكتب ليهم يا رائع..
ياخى ربنا يروعك انت والخلفوك امييييييييييييييييييييييييين،،،
بالله سجلنى نائب لى حليمة،،،
| |
|
|
|
|
|
|
|
|
|
Re: جمعية محاربة الحركات الغياظة (Re: fadlabi)
|
.
.
أغيظ حركة انو يكون عندك صاحب أوربي من اصول نوبية .
تقول ليه اضرب لي ومشتاقيين وما يشتغل بيك .
ندلف للموضوع . ندلف دي كيف معاك !.
اولاً بالتبادي اغيظ واغرب حركة ،
تلقي الواحد إسمو فلان الفلان ، ويكون اسم كويس يعني ما بخَجل ،
وتلقي مسمو نفسو في الإنترنيت ، بنفسجة و راكوبةوبامبي وبقيع
وجلكسة ومجذوب "إي" أونسة ؟ موش كعبة منو؟
الحركة التانية الغياظة ، لامن تكتب ليك شعر ولا مقطع شعري لي زول عاجبك وإنت
منفعل بيه يقومو الناس يرسلو ليك إيميلات ومسنجرات يسألوك ، مالك ياقرمبوز ،إن شاء الله عافية .
اغيظ حاجة في الحاجات كلهم، تلقي الواحد شاعر وتشكيلي ، لا بكتب شعر لا برسم .
أما ام الكبائر "أم الغيظات " يعني ، انو تكون عينك لي يوتيو "youtub" فاتح
وقاعد ذي مصباح علاء الدين السحري في الوندز الجمبك وفيه مكتبة الدنيا والعالمين
وإنت فاتح سودانييز اون لاين . ذي حالتي دي .
مما تقدم اتقدم بطلب إنضام لجمعيتكم العامرة راجياً قبوله .
ياخ اضربوا لينا ياخ .
| |
|
|
|
|
|
|
|
|
 Re: جمعية محاربة الحركات الغياظة (Re: fadlabi)
|
ألأخ/فاضلابى
ألسلام عليكم.
بصراحه فى أشياء كثيره بتغيظ
مثلآ واحديكتب ويمتلكه إحساس بأنه نجم.
وهناك نجوم بحق وحقيقه لاغبار عليهم .وكل يوم بتزداد نجوميتهم وهم فى تواضعهم وردودهم غاية فى ألأدب.
عفوآ أخى ألفاضل ألفاضلابى.أنا من ضمن ألجضور ألذين إقتبستهم.
والبغيظ كثير .مثلآ واحد يقول المهندس بكرى يعطى ألباص ورد لكل من هب ودب.
سلام
| |
|
|
|
|
|
|
|
|
|
Re: جمعية محاربة الحركات الغياظة (Re: fadlabi)
|
فاضلابى
كيفك
واحد يقول ليك
اسمك منو وشغال شنو وبتعمل شنو
وفاتح المحل لشنو ...
والحريم
وواحدة تقول ليك نزل لى الطقم ده ووزنه كم
وتقوم تمشئ من غير مقدمات .....
نرجع لحركات الشباب بعد الفاصل
| |
|
|
|
|
|
|
|
|
|
Re: جمعية محاربة الحركات الغياظة (Re: fadlabi)
|
لا حولااا
الناس دي كلها مغيوظة
انتو عايزين ليكم منبر خاص بالأعضاء المغيوظين 
أكتر حركة بتغيظني
انه الواحد بدال مايكتب رده في البوست المطروح فيه النقاش يمشي يعمل بوست برده الخاص
ويجيه زول تاني يفتح بوست تالت يرد عليه
وهكذا
لزومه شنو يعني !!
| |
|
|
|
|
|
|
| |
fadlabi
حليمة محمد عبد الرحمن
Raja
عبدالله شمس الدين مصطفى
عبد المنعم سليمان
عبدالكريم الامين احمد
ASAAD IBRAHIM
Balla Musa
Rihab Khalifa
Mohamed Elnaem
محمد سنى دفع الله
مريم الطيب
Ashraf el-Halabi
bayan
صديق الموج
Ibrahim Algrefwi
طلال عفيفي
ismeil abbas
fohamer
الملك
عاصم ابوبكر حامد
فيس بوك
تويتر
انستقرام
يوتيوب
بنتيريست