انا ما بمشوا جنوب......
- ميري انت بصوت لانفصال وبمشو جنوب؟!! - وهه.. انفسال وييين!!!....ان ما بمشوا جنوب - ليه ..يا ميري؟! _امشو وين اخلي ليكم..اس كريم ومشلشلات في تلفزيون ده.. هذا نبض الشارع السوداني وهذا الحورا بين امراتين احداهما من الجنوب والاخري من الشمال.. اذا الاستفتاء خيار هؤلاء البسطاء من ابناء الجنوب وليس السياسيين ...فان مسؤلية حتي تكون الوحدة خيارا جاذبا....هو خيار المواطنين البسطاء من ابناء الشمال..وليس علينا ان نستمع للاراجيف التي تروج عبرالصحف والاقلام الصفراء لهذا السياسي او ذاك شمالى اوجنوبي ..انفصالي...لان الامر واضح المسالة خيار شعب ونحن في الشمال كمواطنين هل قادرين على التخلص من الثقافة الاستعلائية المنحطة القائمة علي اساس ديني او عرقي زائف اذا علينا كمواطنين او مثقفين او اأ مة مساجد او موظفين ان ننظر حولنا ونري اقرب جنوبي لنا ونعامله بالحسني..وهو انسان سيعرف ذلك ويقدره ويختار الوحدة ..حتي ياكل الايس كريم ويتابع المشلشات المصرية معنا....وهذا هو الحل الثقافي والاخلاقي لمشكلة الجنوب التي دعا لهااهل البصائر منذ امد بعيد (عدل بواسطة adil amin on 09-01-2005, 09:05 AM)

09-01-2005, 09:20 AM

adil amin

adil amin
تاريخ التسجيل: 08-01-2002
مجموع المشاركات: 36923

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: انا ما بمشوا جنوب...... (Re: adil amin)
OLD SUDAN DIE HARD

09-01-2005, 09:40 AM

Abureesh

Abureesh
تاريخ التسجيل: 09-22-2003
مجموع المشاركات: 30182

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: انا ما بمشوا جنوب...... (Re: adil amin)
"اذا علينا كمواطنين او مثقفين او اأ مة مساجد او موظفين ان ننظر حولنا ونري اقرب جنوبي لنا ونعامله بالحسني.." الأخ عادل أمين، يا أخى انت بصحك! كويس، بس أسـرعـوا عشـان الجنوبيين منتظرينكـم، تدوهـم أسكريـم وتوروهـم يفتحـوا المسلسـل كيف.. بعـد داك ما حيطـروا الإنفصـال تانى!! يا اخى الحنوبيين ما عاوزين أى تفضل عليهـم من اى شخص.. دى بلدهـم كان شمـال وللا كان جنوب.. إذا ارادوا يعيشـوا فيهـا كلهـا، وإذا أرادوا يعيشـوا فى إقليمهـم الجغرافى ويفصلوه.. بعدين الجنوبيين فيهـم من يعلم الشمـاليين فى أدق علوم العصـر، ومن الشماليين من لا يستطيـع ولا يعرف فتح التلفزيـون ولا الراديـو. فأوزن حديثك رحمك الله. كنت ســأجـد لحديثك هـذا وجهـا لو أنه خاطب الحكومـة لسن قوانين تمنع العنصـريـة والتفريق على أسـاس العرق والدين..الخ. الدستـور وحـده لا يكفى ولا بد أن تكون هناك موادا مفصلـة فى قانون العقوبات، تعاقب على التمييـز العنصـرى فى مجالات العمل وغيرهـا.. وخلينـا من حكايات الفلم الهندى دى.. (عدل بواسطة Abureesh on 09-01-2005, 10:02 AM)

09-01-2005, 09:56 AM

Lim Donato Lim

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: انا ما بمشوا جنوب...... (Re: adil amin)
اخى عادل امين ان تناول مثل هذه العبارات ونشرها وتفسيرها على وزن مزاااااااااااجك فقط وعكسها على انها راى كل الشعب الجنوبى لا يمت للمنطق والحجة ولا يدل على مصداقية الطرح ولا يمثل رأى لشخص فى مستواك الذى تعكسه مشاركاتك فى البورد اخى عادل لابد من التحلى بالعقلانية والاتزان فى تناول قضايا تعرف انها قنابل موقوتة فى هذا الوطن وما خطر رمى واطلاق التعليقات والتفسيرات جزافا دون مراعاة لردود افعالها من جوانب اخرى لك التحية والاحترام على الطرح ولكن طبزتها المره دى يا ابو امين

09-02-2005, 08:53 AM

adil amin

adil amin
تاريخ التسجيل: 08-01-2002
مجموع المشاركات: 36923

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: انا ما بمشوا جنوب...... (Re: Lim Donato Lim)
الاخ ابو ريش تحية طيبة طبعا بتفتكر اني الفت الحوار ده من راسي...ولكن هذه القصةحصلت بالجد وان دئمااستمد كتباتى من الوقع واعبر عن المهمشين(والحقيقة لا تقبل الجدل..تتصالح معهافقط) ويمكنني ان اقودك لهذه المراة في السودان وفي مدني تحديدا وهي صديقة العائلة وتفتكر كلاماالبسيط ده ماذكي المرة دي ذكيةذى المرحوم دكتور قرنق عبرت عن غياب التوزيع العادل حتى للرفاهيةالتلفزيون/الايسكريم بكلمات بسيطةنفس كلمات دكتور قرنق التي دخلت قلوب الجميع وفهما البسطاء في كل السودان ولا توجد حتي الان فضائيةتعبرعن تراث الجنوب في السودان وهناك لايرون حتي المسلسلات..وهناك فرق شاسع بين المواطن السوداني والسياسي السوداني وعياوسلوكا...ابسط مواطن افضل واوعي من اي سياسي في السودان على الاطلاق...اذا كانت اوضاع الجنوبيين واهلنا في جبال النوبةطبيعية في الشمال كما تري ..انا ماكنت كتبت كلمة واحدة في هذا البورد...شفتهم بالسنين قاعدين في بيوت الخيش في احزمة حول العاصمة ...شفتهم دئما ضحايا الكشة..شفت بعض اهلنا من تراثهم التاريخي البائس يتداولون امرهم في مجالسهم الخاصةبصورة ممعنة في الدونيةوهذا الامر لا تحده القوانين بل التربيةالسوادنية الاصيلة ونحن قلنا المعاملة بالحسنى وهي قيمة سلوكية مفقودة لدى الكثيرين ..وحتي في هذاالمنبرالحر قرفتنا المفردات التى كان يستعملها البعض ضد الاخوة المتحاورين معهم هنا من ابناء الجنوب..والسودان فعلا فلم هندي لكن ابيخ فلم هندي اشوفو في حياتى...ولازلنا نضع الاقنعة على ذواتنا المشروخة دون جدوي...وانى اتعامل فقط مع الحقيقةواكثر الناس للحق كارهون..وعايز اسالك ليه وقفو السينمات في الخرطوم وهي المتعة والوحيدة للمهمشين في الخرطوم؟؟؟ الاخ العزيز ليم دانتوا تحية طيبة هذه بعض مطالب المهمشين وليس المثقفين وميري امراةسودانية عادية ليس لها طموح يتجاوز ما قالت وهو طموح مشروع تريد فضائيات في الجنوب وتلفزيونات وكهرباء عشان مكنات الاسكريم وفي ناس شايفين الاسكريم ده ذاتو سلعة استفزازية وعزيزة المنال للاسف وليس بالخبز وحده يحي الانسان(وانصحك بالاستماع لاغنية عقد الجلاد حاجة امنةاتصبري ) وكلام الحب كلو قلتوهو بس كلامي انا الماعرفتوه...والبوست ده ما اقل ابدا من مانقدمه للمثقفين والسياسيين الذين هم افضل مني بالتاكيد بس ما افضل من اي مواطن اغبش في السودان وفعلا التحرير من شنو وليس من منوا (عدل بواسطة adil amin on 09-02-2005, 08:59 AM) (عدل بواسطة adil amin on 09-02-2005, 09:02 AM)

09-02-2005, 09:18 AM

adil amin

adil amin
تاريخ التسجيل: 08-01-2002
مجموع المشاركات: 36923

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: انا ما بمشوا جنوب...... (Re: adil amin)
وشوفوا يا حبايب.. دي اغنيةشعبية علي لسان امرأةمن قري الشمال التي دفنتا الرمال الرسول يا ود حشيا رسل التسريح انا جاية المي بالماسورة جاية وطبيخنا في الحلة ام غتاية يعنى الموية تجي بالماسورة مش من البير...الاكل من حلة البريستوا مع تحيات التوجيه المعنوي للسودان الجديد

09-02-2005, 10:36 AM

Abureesh

Abureesh
تاريخ التسجيل: 09-22-2003
مجموع المشاركات: 30182

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: انا ما بمشوا جنوب...... (Re: adil amin)
" دئمااستمد كتباتى من الوقع واعبر عن المهمشين" الأخ عادل، لا أشك فى ذلك، وأرجـو أن تقرأ كتابتى فى هـذا الإطـار.

09-03-2005, 00:16 AM

adil amin

adil amin
تاريخ التسجيل: 08-01-2002
مجموع المشاركات: 36923

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: انا ما بمشوا جنوب...... (Re: Abureesh)
لا أشك فى ذلك، وأرجـو أن تقرأ كتابتى فى هـذا الإطـار بالتاكيد ساقراها في هذا الاطار..وما بنختلف نحن نقول التربية الوطنية هي التي تخلق مجتمع فاضل...وليس القوانين...وما لم يتجاوز من مسختهم الجبهة وعي بنو تغلب...لن يكون هناك وحدة ولاهم يحزنون..والمواطنين في السودان في واد والسياسيين والمثقفين في واد اخر..ويا اخي نحن قاعدين في الشارع مع الناس ديل من سنة 1985 من الانتفاضةما رجعنا البيت تاني..ونحن الان ايضا مع المواطن اليمني البسيط في الشارع ونعبر عنو ثقافيا بينما المثقفين يتعاطون الثقافة في اوكار خاصةكالعادة السرية....والحديث ذو شجون ***********8 اذكر يوم في شتاء 1987 وجدت متشرد يبكيى جوار سينما الحلفايا وحسبته جائعااحضرت له سنتدوتش ولكن قذفه بعيدا وقال لي : انا عايز قروش ادخل السينما ..الفلم الهندي ده ومن ما اديتو القروش قام جاري جري ودخل السينما..وليس بالخبز وحده يحي الانسان

09-03-2005, 06:16 AM

zoul"ibn"zoul

تاريخ التسجيل: 04-12-2003
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: انا ما بمشوا جنوب...... (Re: adil amin)

Quote: - ميري انت بصوت لانفصال وبمشو جنوب؟!!
- وهه.. انفسال وييين!!!....ان ما بمشوا جنوب
- ليه ..يا ميري؟!
_امشو وين اخلي ليكم..اس كريم ومشلشلات في تلفزيون ده..

هذا نبض الشارع السوداني وهذا الحورا بين امراتين احداهما من الجنوب والاخري من الشمال..
اذا الاستفتاء خيار هؤلاء البسطاء من ابناء الجنوب وليس السياسيين ...فان مسؤلية حتي تكون الوحدة خيارا جاذبا....هو خيار المواطنين البسطاء من ابناء الشمال..وليس علينا ان نستمع للاراجيف التي تروج عبرالصحف والاقلام الصفراء لهذا السياسي او ذاك شمالى اوجنوبي ..انفصالي...لان الامر واضح المسالة خيار شعب
ونحن في الشمال كمواطنين هل قادرين على التخلص من الثقافة الاستعلائية المنحطة القائمة علي اساس ديني او عرقي زائف
اذا علينا كمواطنين او مثقفين او اأ مة مساجد او موظفين ان ننظر حولنا ونري اقرب جنوبي لنا ونعامله بالحسني..وهو انسان سيعرف ذلك ويقدره ويختار الوحدة ..حتي ياكل الايس كريم ويتابع المشلشات المصرية معنا....وهذا هو الحل الثقافي والاخلاقي لمشكلة الجنوب التي دعا لهااهل البصائر منذ امد بعيد

For archiving. However will come back for it soon

09-07-2005, 02:26 AM

adil amin

adil amin
تاريخ التسجيل: 08-01-2002
مجموع المشاركات: 36923

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: انا ما بمشوا جنوب...... (Re: zoul"ibn"zoul)

Quote: For archiving. However will come back for it soon

تحياتنا يا زول بن زول ومنتظرين عودتك

ونعود للحبيب ابو الريش عن قصتنا نحن اهل الشمال مع الايسكريم..لمن دخلنا الجامعةوكنابرالمةواحد من اصدقائى الاعزاء جدا من ابناء الدامر..قال الليلة لازام يمشى يجرب الاسكريم ده...وطبعا الناس الما بعرفو مدينةالدامر 1980. هي مدينةمحافظةلدرجة تجعلها اشبه بالنجف في العراق..ناسا شديدوا التوجس والحياء وتتسع دائرة العيب حتي تشمل الاشياء العادية كدخول السينما مثلا..بل من شدة حياءهم يستحمون بكامل ملابسهم رغم ان ابناءها اشد الناس وعيا والثقافة ويحصدون الجوائز على مستوي السودان في الدورات المدرسية .نعود لصديقي(ع.ع)..في ذلك اليوم المشهود خرجنا نتربص كانناماشين نشتري بنقو..ولمن وصلنا محلات بنبو التي اعرفها جيدا توتر صديقى واخبرنى ان نختار طريقا اخر ..فالتفينابشارع الجمهورية ودخلنابالهول الكبير داك وتسمر صاحبنا امام محل الشرايط وانزوى جالس في الركن..وتركني امضى لاشتري اتنين اسكريم واعود كل المسافة و تناول الاسكريم في فرح طفولي وجلس يلتهمه بسرعة ويتلفت في حذر ادهشني قلت له مابك
- خايف يشوفني واحد من ناس الدامر..يكلم ابوي يقول ليه ولدك بقي(...)..لقيتو ياكل في الشيء الذى خرا الجداد داك البياكلو ناس الخرطوم الما كويسين
وانفجرت ضاحكا...فرد في يخبث

-طبعا انتوا اولاد حلة الموظفين البيكم والعليكم معروفة.
واستشطت غضباوقلت ليه
-روحوا يا ناس الدامر يا كرتون..والله لو انت راجل صاح كان تقولي من الاول نمشي سعد قشرة او سبعةبيوت محل الرجالة الجد
وبهت صديقى العزيز النظيف العفيف..والذى كان متفوقا واضحى اليوم دكتور في الجامعة.. وبالتاكيد الثلاجةبتكون مليانة اسكريم ومستكين في الخرطوم ...وما برجع الدامر تاني..حتى لوانفصلنا في الشمال وكونا رابطة الدول المستقلة التي تضم(الدامر -عطبره -بربر)
ويا اخوانا قصص الاسكريم وناس الاقاليم كثيرة.وناجمة عن عدم التوزيع العادل للرفاهية..وليس في الامر عجب..اذا قالت خالتنا ميري انها قاعدة عشانوا...
فقط افهموا من هذا البوست..ان الاستفتاء في يد المواطنين العاديين..وجعل الوحدة جاذبا ايضا في يد المواطنين العاديين..واذا في مثقف عايز يساعد اهلا وسهلا ..لانو ولا مواطن عادي حيجيهم في ابراجم العاجية عشان يسمع ثرثرة فوق النيل اذا ما نزلو في الشارع السوداني لنشر ثقافة المجتمع المدني اما السياسيين فراينا فيهم قلناه لدرجة الملل والضرب على الميت حرام

من اغاني المتشريد في شوارع الخرطوم
حليلي ويا حليلي
حليل زمني القبيلي
بعد قفطان بقيت ارقع
في السديري
اذا فطرت مابلقى غدا
واذا غديتا مابلقى عشا
مابمشي بحري بليل
بخاف من الكشة

وكلام الحب كلو قلتوه بس كلامي انا الما عرفتوه

(عدل بواسطة adil amin on 09-07-2005, 02:41 AM)

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]