|
|
 سـؤال ... عن نتيجة مبارة الهلال ؟
|
اولا انا لست منتميا لاي فرقة ولا اعرف كثير شيء عن كرة القدم والبطولات ..
بل ازعم بانني كرهت المباريات الرياضية وخاصة مباريات فرق القمة بفعل النتائج السلبية ومناوشات المشجعين ..
كنت في السبعينات في السودان اكره ان اكون في المكتب في اليوم التالي لمبارة هلال / مريخ .. فالنقاش المحتد كان يمتد دوما بين الزملاء..
وفي مصر كنت اتهرب من الخروج الى الشارع يوم او بعد او اثناء مباريات اهلي / زمالك
وكذا في السعودية وفي مدينة الرياض مباريات هلال/ نصر ..
يعني من فترة قريبة هربت من منبر ( سودانيزاون لاين) لكثرة البوستات التي كتبت عن المباريات .. ومن يومين ..وبالصدفة البحته - للأنني غير متابع لاخبار الكورة - علمت بان هنالك مبارة للهلال السوداني ..
طبعا انا حدي في التشجيع يقف عند الامنيات للفرق السودانية المشاركة في المناسبات والبطولات بالفوز ..
لكن ان يكون مشاهدة المباريات سببا في تعطيل بعض الضروريات اليومية والغاء بعض الالتزمات ..اراه عبس غير مبرر..
المهم علمت ان سبب تأخر اجتماع كان مقررا ان ينعقد في تلك الليلة بسبب مبارة الهلال .. كنت ساعتها مستغربا وكنت شايل هم آخر
كنت اتوقع ان يمتلىء المنبر هنا في ( سودانيزاون لاين) بعدد من تلك البوستات .. ولكن الظاهر النتيجة مش على قد كده .. عشان كده اختفت البوستات التى كنت اخشاها ان تظهر في المنبر ..
بس الظاهر ان عدوى السؤال عن النتيجة انتقلت لديّ ..
بالله عليكم الحصل شنو .. والنتيجة كام.!؟
|
|
 
|
|
|
|
|
|
|
|
Re: سـؤال ... عن نتيجة مبارة الهلال ؟ (Re: welyab)
|
من أسبوع تقريبا وفي هذا الشهر الفضيل تلقيت أكثر من دعوة من إخوة أفاضل مهمومين بالكورة وتشيع الفرق الرياضية .. لمشاركتهم بعض الليالي الرمضانية الترحيبية .. لبيت ما استطعت منها حسب ظروفي وملابساتي الخاصة والخارجة عن تشجيع هذا الفريق او تفضيله عن ذاك .
جاءت المشاركة حسب الظروف الوقتية والمكانية . وحسب توفر وسيلة الانتقال حيث كنت وما زلت أعاني من وسيلة التنقل ..
ومن طريف المواقف بأنني كنت أطرش الزفة في كل تلك اللقاءات . وقد استوقفتني كلمة بعينها وردت أو تكررت مفادتها في اغلب تلك اللقاءات . حيث أشاد أكثر من متحدث بدور الاعلام والصحافة الرياضية واستشهد جلهم بإشادة قيلت عن جريدة رياضية هي التي حققت المركز الأول والأكثر توزيعا في السودان من جملة الصحف اليومية التي تصدر ..
نعم ان في ذلك اشادة و نتمى لاسرة تحريرها ولكل العاملين فيها مزيدا من النجاح . ولكن أن في هذه الحقيقة أمر كبير لا بدء من الوقوف عنده .. و هو ظاهرة اختزال الثقافة وهموم المثقفين في هموم الكورة دون سواها من ضروب الثقافة انه شيء محزن .. وسخيف..
| |
|
|
|
|
|
|
|
|
|
Re: سـؤال ... عن نتيجة مبارة الهلال ؟ (Re: welyab)
|
ولياب الجميل
سلام
عتدى قريبى شاب مدين,,لا يفهم فى الحياة غير الشغل ودا حلال ودا حرام
وعلى كدا بخيل شديد لا بعزمك على شىء,,ولا بعطيك جوالو عشان تتصل منو
وحتى جوالو فى الشهر بشحنو بعشرة او عشرين,,,وهو على هذا الحال اكثر من خمسة سنوات
اها,,قال كدا خطب,,ومن يومها زادت مبيعات الاتصالات,,البطاقة ابو 100 يقرضها فى اليوم
اها انت جرب شجع الفريق القومى,,
لكن شكلك بقول هلالابى,,لان كل سودانى يولد على الاهلة فظروفه تمريخه او تمروده
عيد سعيد مقدما
وكل سنة وانت طيب
| |
|
|
|
|
|
|
|
|
|
Re: سـؤال ... عن نتيجة مبارة الهلال ؟ (Re: نادر محمد الراضي)
|
كل عام والجميع بالف خير
انا في حكاية الكورة والتشجيع قريب من زولكم.ابيض زي البفته
يس يكرر ليكم اهو... في موضوع الكورة والتشجيع ومعرفة اسماء الفرق الرياضية والاعبين ..
لكن الحمد لله بعيدين من حكاية الفتاوي ..حلال وحرام .. والبخل .. وبقية الحاجات !!
وما دخلت استاد (ملعب رسمي) وما حصل تابعت مبارة حتى في التلفزيون زي بعض الاخوة ..أشوفهم مشدودين ومنفعلين . ودايما اقولهم ( ربنا يشفي كل مريض ).
لكن ربنا ابتلاني بواحد مجنون كورة .. لاعب .. ومشجع .. وناقد..
المهم على كبر رافقت ابني مجبرا لمشاهدة مبارة كان السودان طرفا فيه .. انا طبعا ذي الصعيدي في الجامعة الامريكية وكل شوية اسال الولد عن بعض ما اشاهده في الاستاد .. والولد مسكين زهجان من الاسئلة ..و يقولي اقولك بعدين يا بابا !! ...
| |
|
|
|
|
|
|
|
|
|
Re: سـؤال ... عن نتيجة مبارة الهلال ؟ (Re: welyab)
|
Quote: ما عرفت لصالح مين ....
لكن .. بل اكيد طالما البوستات ديك ماظهرت ... النتيجة تكون على مقولة يابخت من بات مغلوب |
و دا كمان...
عليك الله دا كلام زول ما بعرف أسماء اللعيبة؟
و اللا كلام زول داير تفاصيل زي بتاع محمد أحمد داك...
يا مريخاب، شماتكم يعني شماتة للسودان!
| |
|
|
|
|
|
|
|
|
|
Re: سـؤال ... عن نتيجة مبارة الهلال ؟ (Re: welyab)
|
Quote: كنت اتوقع ان يمتلىء المنبر هنا في ( سودانيزاون لاين) بعدد من تلك البوستات .. ولكن الظاهر النتيجة مش على قد كده .. عشان كده اختفت البوستات التى كنت اخشاها ان تظهر في المنبر ..
بس الظاهر ان عدوى السؤال عن النتيجة انتقلت لديّ ..
بالله عليكم الحصل شنو .. والنتيجة كام.!؟ |
و الله ذكرتني بنكتة الفنان محمد موسى...له مني التحية و التهنئة بالعيد السعيد...
قال: واحد إسمو محمد أحمد عندو صحبو هلالابي كدا ما قدر يحضر مباراة بين مريخ و هلال...
محمد أحمد طبعاً حضر المباراة التي كانت نتيجتها هزيمة الهلال واحد/صفر...
أها صحبو دا سألو: يا محمد أحمد المباراة كان كيف بالله عشان الهلال تتهزم بسهولة دي؟...
عمك محمد أحمد قام ليك يوصف الهدف جابوهو كيف...
قال ليك: يا زول شفت الأسمو العجب دا قام ليك من النص قطع الكورة من هيثم مصطفى...
و نزل ليك جر في الباكات ديل واحد واحد...
مر من ريتشارد...
و من عمار...ومن ....
و إنفرد ليك بالمعز...
حاور ليك المعز دا زي سلام عليكم...
و كك...ختاهو في المقص قون!
صحب محمد أحمد قام قال:
و الله يا محمد أحمد إنت شاكين فيك من زمان إنك مريخابي...
هسا دا وصف واحد ممكن يعملو لقون جا في فريقو؟
و بدوري أقول:
إنت يا ولياب دا بالزات مريخابي...
هسا دا بوست يفتحو زول محايد؟
| |
|
|
|
|
|
|
|
|
|
Re: سـؤال ... عن نتيجة مبارة الهلال ؟ (Re: Dhieu Chabiet)
|
Quote:
إنت يا ولياب دا بالزات مريخابي...
هسا دا بوست يفتحو زول محايد؟ |
Dhieu Chabiet
اولا.... و مع الاعتذار ما قدرت اقرا اسمك صح ..
واظن دي ما يبدخل فيها حكاية اني مش محايد !!
والحكاية كلها انا منزعج بما يمارسة نفر من مشجعي الفرق ، وكلامهم الكتير عن فرقهم الرياضية !! والمناكفات التي لاتفيد المتلقي باي شيء..
انا اصلا ما معترف بكرة القدم وزحمتها الفارغة.. وسمعت انها (افيون الشعوب) ..
خليك من اللاعين . وكام تاشر جارين !! ونقدر نقول انهم بيمارسو رياضة!!!
القول في الناس الدايشة والكواريك .. والزحمة و الشكل .وكمان ناس تقع تموت في الاستاد عشان فريق اتغلب.. بالله عليك جنس الكلام دا عاوز ليه منطق ... وواحد محايد ومش محايد.
دا انا اتمني انهم يلغو احتساب نتيجة التعادل بدون اهداف و يعتبروا الفرقين مهزومين و ينقصوهم نقاط عشان ما نسمع جعجعة اي طرف منهم بعد المبارة ..
لك وللهلالاب والمريخاب ومشجعي كل الفرق صادق امنياتي بان يزول عنهم هاجس التشجيع الى ينتج عنه ازعاج سواهم من خلق الله بمناقشة المباريات بتلك الهمجية.. واللا عقلانية...
| |
|
|
|
|
|
|
| |
welyab
abuguta
نادر محمد الراضي
Dhieu Chabiet
فيس بوك
تويتر
انستقرام
يوتيوب
بنتيريست