|
|
|
 Re: نفير الأبتسامه .. أعدك سوف تبتسم (توجد صور) (Re: Biraima M Adam)
|
كيفك يا بريمة ....
Quote:  |
اللافتة الفوق دي ذكرتني موقف أصلو ما قادر أنساو بمناسبة الـ balls .. في الهند وأنا لسع جديد كنت حايم مع واحد هندي وكان بيقول لي أحذر من النشالين .. قلت ليهو النشالين ديل ما بيقدرو علي .. قال لي ديلك في السودان لكن هنا (زي كان ستييل يور بولص) .. أنا طبعا مسيكين وجاي من السودان بي شوية إنجليزي كنت فاكرو كارب وقلت ليهو (ام نوط كاريينق إني بولص وز مي تو ليت زيم ستول) .. صحبي إنفقع من الضحك وأنا ما فاهم قصدو شنو !! وهو ما وراني لحدي بعد كم شهر عرفت إنو الـ بولس ما معناتا بس كورات صغار وعندها معاني تافهة تانية
صنفرة :
إتخيلت منظر صاحبنا الفوق لو قبضوهو وعملو ليهو (ريموفنق) لي his بولس 
| |
 
|
|
|
|
|
|
|
|
Re: نفير الأبتسامه .. أعدك سوف تبتسم (توجد صور) (Re: Biraima M Adam)
|
والله يابريمة قاعد تجيب ليك جنس صور بتعرفها براك غايتو .
هسع صورتك دي كان ضحكت عليها ساكت يقولوا قليل أدب 
غايتو الدابي دا يكون سرق ليه حبة حبتين من علبة الدواء الفي صورة عوض عكاشة .
بريمة ياخي قلنا ليك أشرب عبار لكن الظاهر إنتا شربت ليك جردل وجيتنا بي صورك ديل.
الله يجازي (عبارك) ٌقصدي محنك .
| |
|
|
|
|
|
|
|
|
|
Re: نفير الأبتسامه .. أعدك سوف تبتسم (توجد صور) (Re: awad okasha)
|
عوض عكاشة
لحدي ما رستمك دي تكمل الناس بيكون بالها مشى بعيد وسرحت ومشت ومشت وبتكون نست تتابع رسمتك دي زاتها .
ذكرتني نكتة قالو ناس الأمن جاهم بلاغ إنو في زول مجنون بوزع منشوارت جنب اشارة مرور . المهم يازول ناس الامن ركبو بكاسيهم ديك المابتغباني وجو جري على الإشارة لقو الزول بوزع في منشورات ورق أبيض فاضي . قالوا ليه دا شنو يازول ؟ قال ليهم غنتو البتسوو فيه دا داير ليه كتابة ؟
ياخي إنتا وبريمة دا راعو مشاعر العزابة والله الكلام دا ماصاح منكم
| |
|
|
|
|
|
|
| |
Biraima M Adam
حسين محي الدين
ALazhary2
ناذر محمد الخليفة
awad okasha
محمد فرح
فيس بوك
تويتر
انستقرام
يوتيوب
بنتيريست