|
الكافرة امك !
|
سوداني في استراليا اتصل بي ابوه تلفونيا ـ يا ابوي انا عرست استرالية ـ يا ولدي كيف الكلام الكلام ده ... يقولوا عليك راجل المرة الكافرة ويقولوا ولد فلان عرس البت الكافرة ولو جبت ليك عيال يقولو ولد المرة الكافرة يا ولدي مالك علينا ! !!!
|
|
|
|
|
|
|
|
Re: الكافرة امك ! (Re: خالد العبيد)
|
بعد فترة اخونا اصطحب زوجتو وعلى السودان بعد اسبوع ساب مرتو مع ابوه وامو وسافر مدني ابو الولد عندو سكري والعروس " الكافرة" متخخصة تمريض اهتمت بي ابو زوجها من الصباح بدري تدي الراجل كباية موية بعد نص ساعة تقيس الضغط بعد ساعو ونص تديه حقنة السكري بعد ربع ساعة تسلق ليه بيضة وشوية بطاطس وهكذا البرنامج ماشي زي الساعة الولد رجع من مدني ومن الباب قال لي ابوه: اها يا ابوي "الكافرة" كيف؟ رد ابوه سريع: والله يا ولدي الكافرة امك
| |
|
|
|
|
|
|
Re: الكافرة امك ! (Re: خالد العبيد)
|
خالد العبيد
الله يجازيك والله صدق الزول دة الكافرة أموا
مرة كدة قلت لي حاجة قريبتنا كدة وانا بحاول أسخر من زميلاً لينا قلت ليها يا حاجة الجني دة شيوعي قالت لي شِعيوي كيفن! قلت ليها لا بصلي ولا بصوم و بسب الدين! المهم الحاجة شكلها كدة لاوزت من صاحبنا بعد فترة صاحبنا دة مشي ليهم في البيت و صادف إنوا الحاجة دي تقع و تكسر رجلها طبعاً ما قصّر جاب العربية الأمجاد ومشي معاها المستشفي لمن بات فيه بعد الحاجة دي قامت بالسلامة قالت لي صاحبكم دي صحي شعيوي لكن شِعيوي ود حلال
ــــ
إنت أخبارك شنو يا حبيب؟
| |
|
|
|
|
|
|
|