|
|
|
 Re: ثعابين سوداء تبث الرعب في قلوب الباحثين عن الذهب ... (Re: منتصرمحمد زكى)
|
يقول (ع.م) وهو أحد الذين خاضوا مغامرة البحث عن الذهب
بالطرق البدائية قبل ظهور الأجهزة : فوجئنا في أحد المواقع
النائية البعيدة عن تجمعات المنقبين بوجود جسم لامع فضي اللون
فقررنا الحفر في مكان الجسم اللامع .. وما ان تجاوزنا المتر في
الحفر حتى فوجئنا برأس ثعبان ضخم أسود اللون يطل من داخل الحفرة
فأصابنا الرعب وقذفنا ما بأيدينا من أدوات حفر وركبناعلى عجل البوكس
الذي حضرنا به .. والثعبان المرعب يمد رأسه خارج الحفرة .. يتابع هروبنا
دون ان تبدو عليه امارات الخوف من وجودنا .. علما أننا كنا 5 أشخاص لكن
ظهور شئ كهذا لم يكن أبدا في حسباننا ...............
| |
 
|
|
|
|
|
|
|
|
Re: ثعابين سوداء تبث الرعب في قلوب الباحثين عن الذهب ... (Re: Osman Musa)
|
اخوي منتصر
بوست دبايب
يعني بوست بتاع دبايب بشبه الدبايب المشت تفتش للدهب وناسية الدبايب
عارف ونحن صغار كان بحكوا لينا بي قصص حراس الدهب من الجان
وكمان فيهم جان ثعبان ليهو جوهرة ..
ده كان لميت فيهو امك تكون داعية ليك تغطيهو بي شملة ولا بطانية وتشيل الجوهرة وتغنى لي جنا جناك
ولا دهب ولا خوته
شوفت كيف ؟ اها بعد اتاكد كلام خبوباتنا انا من دربي ده على سوق الدوحة افتش كل ما يتعلق بالدهب وادواته وعندي عربية ابو لستك 4 درايف ويا الدهب والجان جاك الجن القدر جواهرك
والله ضحكتلامن وقعت نطتين وكانوا في البوكس ما قلتو الباحثين عن الدهب ؟؟!!
| |
|
|
|
|
|
|
|
|
Re: ثعابين سوداء تبث الرعب في قلوب الباحثين عن الذهب ... (Re: منتصرمحمد زكى)
|
الثعابين تعيش في الأماكن الأثرية لأنها تجد الغذاء في
الحشرات والزواحف التي تلجأ إلى المغارات الأثرية ..
أنا سعيد للغاية بظهور هذه الثعابين لأنها قامت بحماية المواقع الأثرية
حيث فشلت الحكومة .. أو بالأصح حيث أرادت الحكومة تدمير الآثار كما فعلت بالآثار
عند إنشاء سد مروي .. حسب موجهات "المشروع الحضاري" للحكومة .. !
المزيد من الثعابين يا رب .. من أرياب إلى القصر الجمهوري ..
| |
|
|
|
|
|
|
|
|
|
Re: ثعابين سوداء تبث الرعب في قلوب الباحثين عن الذهب ... (Re: محمد الطيب حسن)
|
دكتور السني .. تحياتي الخالصة
والله أنا بديت آخد لي وقفات في كلام الحبوبات
يبدو ان تلك القصص والحكاوي لم تكن جميعها مجرد
خرافات وخطرفات لتزجية الوقت أو لاخافتنا من ارتياد
بعض الأماكن .. بل هنالك شئ من الحقيقة في ثنايا تلك
الحكاوي المسائية .. سمعت الكثير من القصص حول الثعبان أبو جوهرة
من شيوخ ومعلمين وأدباء وعاملين بالسكة حديد .. في الدامر وعطبرة وبربر ....... تقديري
| |
|
|
|
|
|
|
|
|
|
Re: ثعابين سوداء تبث الرعب في قلوب الباحثين عن الذهب ... (Re: منتصرمحمد زكى)
|
تعرف
الأسترالي المغلب الدبايب داك لو ما كان إتلحس كان جاب ليكم خبر الدبايب دي
ولا أقول ليك
في كم خواجة لافين يفتشوا ويصوروا في الدبايب
خلوهم يجوا يشوفوا خبرها ويطلعوا ليهم كيلو ولا إثنين من الذهب
ديل قصص الجن وحراسة المال دي ما شغالين بيها
مرقوها في آلاسكا بحثا عن الذهب
غايتو
كل هوجة (بحث عن الثراء المفاجئ) ولها كمها من الحكاوي والأساطير
| |
|
|
|
|
|
|
|
|
|
Re: ثعابين سوداء تبث الرعب في قلوب الباحثين عن الذهب ... (Re: منتصرمحمد زكى)
|
الطيب عبدالرحيم .. عساك طيب
نعم في سبيل الحصول على لقمة العيش نرتاد المخاطر
غير مبالين بالعواقب .. لكن هل تعلم ان هنالك في
قلب الصحراء يوجد الكثير من التجار والأغنياء يزاحمون الغبش والحالمون بالثراء
في فتات الذهب .. في النهاية كل زول بياخد قسمتو .. شكرا على الرابط رغم أنه لم يفتح معي ...... تقديري
| |
|
|
|
|
|
|
|
|
|
Re: ثعابين سوداء تبث الرعب في قلوب الباحثين عن الذهب ... (Re: منتصرمحمد زكى)
|
أخى منتصر السلام عليكم..وقد تكون أيضآ إشاعة هذا الخبر من الطامعين لأحتكار اكبر كمية من الذهب..
ألأشاعة فى السودان تنتقل كما النار فى الهشيم...وكل واحد بزيده حبه..الناس ديل ماقالوا جعليين والجعليين ما بخافوا يجروا من دبيب....أفو!!!!!
أها وكان سمعن بنات عممومتهم بذلك.. كيف يكون الحال ....
شكرآ للمعلومة..ودمت بعافية..
| |
|
|
|
|
|
|
|
|
|
Re: ثعابين سوداء تبث الرعب في قلوب الباحثين عن الذهب ... (Re: ismeil abbas)
|
اسماعيل عباس .. شاهق التحايا
كل شئ وارد .. لكن حسب علمي مثل هكذا اشاعة
قد لا تردع شراهة الباحثين عن الثراء الا اذا
شاهدوا الأفعى بأم عينهم .. خاصة ان سائق البوكس
لا يمكن أن يروج لشائعة في مهنة تدر عليه الكثير من الدخل
من نقل الركاب ونقل المعدات والمؤن ........... تقديري
خارج النص : الفزو ديل جعلية مدن
| |
|
|
|
|
|
|
|
|
|
Re: ثعابين سوداء تبث الرعب في قلوب الباحثين عن الذهب ... (Re: منتصرمحمد زكى)
|
Quote:
أخى منتصر السلام عليكم..وقد تكون أيضآ إشاعة هذا الخبر من الطامعين لأحتكار اكبر كمية من الذهب..
ألأشاعة فى السودان تنتقل كما النار فى الهشيم...وكل واحد بزيده حبه
|
مرحبتين منتصر .
كلامك صاح يااسماعيل علااااا ياأخوى منتصر اداها كوز كوزين من عندو وبالمناسبه
انا جيت من وادى الدهب يوم الاربعاء وبرجع بكره اذا ربنا سهل وكلامك دا اشاعه كبيره
ويطرشنى ما سمعته بيو الى عندك هنا ياربى الدبايب آم رسين سود ديل يكون جو بعد ما مشيت .
ربنا يعلم الدهب راقد هبطرش والقصه ارزاق .
زمان فى منتصف الثمانينات البصات الوحيده الكان شغاله فى خط الخرطوم كوستى
هى الامان والهدى الاسلاميه والتوحيد , اها يا أخوى نمن البصات السياحيه دخلة البلد
امثال سوجبت و السفينه وجماعتك بتاعين النيسانات السوق معاهم نخه وحالهم بقه يصعب بدأت الإشاعات ..
وكان اقوى اشاعه انه اللستك الامامى بتاع البص السياحى لو ضرب بلحق الركاب (أمات طه) وطبعا المكنه قسمة
اسبوع اسبوعين بالكثير .. فدحين ياأخوى خلى الناس تسترزق والله على ما اقول شهيد .
| |
|
|
|
|
|
|
|
|
|
Re: ثعابين سوداء تبث الرعب في قلوب الباحثين عن الذهب ... (Re: Abdelmuhsin Said)
|
عبد المحسن .. حمد الله علي السلامة أولا
ثانيا: كونك لم تسمع بالواقعة لا يعني ان القصة اشاعة فهنالك أكثر من موقع للدهب
وسبق وذكرت ان الواقعة لم تثني الآخرين عن مواصلة البحث .. بل حتى
مقتل التاجرين والاستيلاء على ما يملكونه من دهب ومال لم تجعل المنغبين الجدد
يترددون في الذهاب الى مجاهل الصحراء ... بعدين ما وريتنا كنت في ياتو موقع وجبت معاك كم كيلو
على حسب قولك الدهب راقد هبطرش .............. تقديري
| |
|
|
|
|
|
|
|
|
|
Re: ثعابين سوداء تبث الرعب في قلوب الباحثين عن الذهب ... (Re: منتصرمحمد زكى)
|
يا منتصر
غايتو العاجبني في حكاية الذهب دي أنها ولو جزئيا نفت فكرة أنو السودانيين كسالي وما بتاعين شغل
أهو الناس مرقوها في صحار فيها دبايب وعقارب (وجن ) وكتاحة وسخانة ( وربما تكون أسوا ظروف للعمل في كل العالم)
وشغالين إستكتشاف وتعدين ومعالجة وتسويق
المهم شديد
يجب دعمهم بكل ما نملك
فهم بيدخلوا لنفسهم وللسودان دخل ما ساهل
دول كبيرة في هذا العالم بنيت من البحث عن الذهب بما في ذلك أمريكا (وبالتحديد كاليفورنيا)
وجنوب أفريقيا والبرازيل
دبايب الخلاء ساهلة
الخوف عليهم من دبايب الحكومة
اللا برحموا ولا بخلوا رحمة الله تنزل
| |
|
|
|
|
|
|
|
|
|
Re: ثعابين سوداء تبث الرعب في قلوب الباحثين عن الذهب ... (Re: منتصرمحمد زكى)
|
منتصر سلامات ..
اشاعات لا أكثر ولا أقل ..
ابن خالتي يذهب بصورة دورية الى مناطق الذهب النائية برفقة مجموعة من الرجال .. آخر مرة كانوا على مرمى حجر من الحدود المصرية ، عادوا بالذهب ولم يقابلهم لا شيطان في شكل ثعبان ولا ثعبان حقيقي زاتو .
السفرة الماضية عندهم زول لدغتو عقرب واسعفوهو ، ده الكلام المتأكد منو .
وجود ثعابين حاجة عادية ، ووجود شياطين برضو حاجة عادية ، لكن حكاية شيطان يحرس الدهب دي ما خاشه لي راسي.
تقبل تحياتي
| |
|
|
|
|
|
|
| |
منتصرمحمد زكى
قرشـــو
Osman Musa
محمد سنى دفع الله
سالم أحمد سالم
الطيب عبد الرحيم خلف الله
محمد الطيب حسن
Nasr
ismeil abbas
Abdelmuhsin Said
محمد عبدالله مختار
فيس بوك
تويتر
انستقرام
يوتيوب
بنتيريست