|
البت عُزاز بقلم الاساتذة عُزاز الشامي
|
صدفة لقيتها (أظنو من مغسة حذف بوستها) بتتونس مع اصدقاءها في الفيس بوك و بتحكي طبعا انا و عزوز اصحاب عشان كده ما إستأذنت منها , بس عجبني سردها الممتع و قلت تشاركوني
خلوها تكتب بي هناك و انا بنقل ليك هنا مافي زول يكلمها عليكم الله عشان تستمر تكتب بالتلقائية دي
|
|
|
|
|
|
|
|
Re: البت عُزاز بقلم الاساتذة عُزاز الشامي (Re: خدر)
|
Quote: Azaz M. Shami انا اتولدت في البلد، وقت الولادة كان عصريات .. عصر مسيخ على قولة خالتي فايقة، ولدوني قبل المغرب، كانت الولادة ساهلة و ما تعبت امي .. ضبحو لي تاني يوم عتوت و تاني يوم بقرة و تالت يومي بقرتين و عتوتين ده غير السماية خلي بالك .. يعني وشي كان حلو على الحلة وعملو شية و الصواني تتكطاقش بس انا ولا جايبة خبر، ملفوفة في طرحة كستور و معلقين لي حجاب و يرضعوني بقطرة مليانة موية النيل مغلية سموني بعد سبعة يوم بالضبط، و الباصات جات محملة الاهل و القرايب من عبري و عمارة و مش و منين و كعك و جرادل الطلس تريـانة بلح و دقيق ... بنات اخواتي اتلمن و قررن يسموني بالقرعة .. كانو مقترحين اسم غادة و زينب و ماريا و داره وعزاز و جاره .. و الثلاث الاخيرة اسماء نوبية صميمة ... سحبو اسم عزاز مرتين و دارة مرة .. وقد كان
|
| |
|
|
|
|
|
|
Re: البت عُزاز بقلم الاساتذة عُزاز الشامي (Re: خدر)
|
Quote: كبرت هناك لغاية عمر سنتين، أول كلامي كان لغة نوبية، وأول لعبة كانت بنت لعاب عملتها لي امي من جريديتن نخل متقاطعات و لبستهم باقي توب قديم نصو بقة غتى مرتبةو الباقي عملت لي بيهو فستان مكشكش للعروسة باربي النوبية اتعلمت لقيط الحطب و السعف الناشف و جيب الموية بالجركانة، والحلب و مداراة صغار الغنم في الرعي و ارجاعهم آخر النهار منهكين يتزاحمن على ضرع الامهات ... ركبت حمير و خيول و اتشعلقت في خشب الساقية و صدت سمك التركين و عملت شوير بالسعف و في آخر صيف تركت وراي حصير ما تميتو وود خالتي قال لي لسه مركون في المندرة الشمالية راجينين زي ما البيت الطين راجيني و زي ما نخلي الزرعتو راجيني... يا راجياني
الناس هناك حنينة، تبذل حكاوي و ذكريات تدغدغ فيك مشاعر انتماء تظن بأنها بعيدة بعد المجرات .. خالتي سعيدة ترقدني في حجرها و تمشط لي شعري و هي تروي لي مرور الدراويش و مجاعة ستة و حكاوي الدقر و الناس الطشت في الجبل ... حكاوي منسوجة من نسج الخيال و خاطر بكر ، اشيلها معاي لأحلامي أكمل عليهم بغراندايزر وسالي و اعيش تلفزيون خيال مدور في راسي براي و اضحك براااااي يقولو بنت السعودية جنت |
| |
|
|
|
|
|
|
Re: البت عُزاز بقلم الاساتذة عُزاز الشامي (Re: ghariba)
|
Quote: اكثر ما كنت أحب هناك هو المشاوير ما بين حلتنا و حلة بيت عمتي سكينة، عمتي سكينة كانت امرأة لا تغادر سريرها حتى ظننت بانها بلا ساقين، ولكنه بالرغم من ملازمتها منزلها منذ موت زوجها إلا انها تعد نيوز ديسك للمنطقة و الحلة و الإقليم الشمالي كله .. تعرف اسماء سائقي اللواري من البوري .. طووطلووولط ده لوري محمد صابونة و تووووط لووولط ده ابا يزيد و اكيد بيكون يوم الاتنين لانو بمشي سوق عبري كمان ...
عمتي سكينة لها صوت جهوري يجيب التايه، تعرف مواعيد عودة عبدالرحمن كاره من المدرسة في كوشة و تناديه من وراء السور علشان يديها التقرير الإخباري، و خلال حديثه معها من وراء جدار تعرف دبة خطوات عرفات ولد بابا طماية و تناديهو يجي وريهو اخبار شجر المنقا و الساقية و ليه العامل السوداني ما جا من اجازة العيد ...
|
| |
|
|
|
|
|
|
Re: البت عُزاز بقلم الاساتذة عُزاز الشامي (Re: محمد الجيلى)
|
Quote: كنت مغرمة بدقتها في تسير امور حياتها و منزلها من عنقريبها الضخم و وهي التي لم أرى قدميها في حياتي ... تجلس طوال الوقت القرفصاء و على ركبيتها مخدة طويلة مندسدلة بالجنبتين و فوقها توب مطبق و مسبحة و راديو لابس جلد بني جابو ليها بابا في حرب الخليج ... عاشت معها خالتي أمنة و سناء، آمنة فقدت نظرها من العشى الليلي و سناء في فيرجينا ترطن الانجليزية و النوبية و العربية جلتو وما ناوية تتعلمو زاتو
نرجع تاني لكلام وردي، خالي وردي، ومن أجل كل ما ورد ... انا بحب من بلدنا ما بره البلد ... سودانية تهوى عاشقة ود بلد.
المهم بلادنا الحنينة دي اورثتني أمرين لا أعلم ان كانا خير أم شر مستطير ... اورثتني المباشرة في بث الأمور و معالجتها، لا وقت ولا حوجة للمدارة ولا الانثناء ولا التلون و أخذ شكل الاناء ... والأمر الثاني الزعل بسرعة و الرضا بسرعة أكبر من السابقة .. خفة ولا شلاقة ولا انا الله خلقني مطرطشة ما عرفتها بس عليم الله لو نمت و انا ما زلعانة ممكن اموت في نومتي و موتي الصغرى |
| |
|
|
|
|
|
|
Re: البت عُزاز بقلم الاساتذة عُزاز الشامي (Re: خالد العبيد)
|
te: كبرت هناك لغاية عمر سنتين، أول كلامي كان لغة نوبية، وأول لعبة كانت بنت لعاب عملتها لي امي من جريديتن نخل متقاطعات و لبستهم باقي توب قديم نصو بقة غتى مرتبةو الباقي عملت لي بيهو فستان مكشكش للعروسة باربي النوبية اتعلمت لقيط الحطب و السعف الناشف و جيب الموية بالجركانة، والحلب و مداراة صغار الغنم في الرعي و ارجاعهم آخر النهار منهكين يتزاحمن على ضرع الامهات ... ركبت حمير و خيول و اتشعلقت في خشب الساقية و صدت سمك التركين و عملت شوير بالسعف و في آخر صيف تركت وراي حصير ما تميتو وود خالتي قال لي لسه مركون في المندرة الشمالية راجينين زي ما البيت الطين راجيني و زي ما نخلي الزرعتو راجيني... يا راجياني
الناس هناك حنينة، تبذل حكاوي و ذكريات تدغدغ فيك مشاعر انتماء تظن بأنها بعيدة بعد المجرات .. خالتي سعيدة ترقدني في حجرها و تمشط لي شعري و هي تروي لي مرور الدراويش و مجاعة ستة و حكاوي الدقر و الناس الطشت في الجبل ... حكاوي منسوجة من نسج الخيال و خاطر بكر ، اشيلها معاي لأحلامي أكمل عليهم بغراندايزر وسالي و اعيش تلفزيون خيال مدور في راسي براي و اضحك براااااي يقولو بنت السعودية جنت اخلاص وشموخ واصالة وعارفة كيف وليه بتكتب معك عزاز كامل تتضامننا
| |
|
|
|
|
|
|
Re: البت عُزاز بقلم الاساتذة عُزاز الشامي (Re: محمد سنى دفع الله)
|
Quote: نمت و انا ما زلعانة |
وافضيحتنا مع اللسان المعووج ..!! هيي أزاز بورو .. إر أرابين دامون ؟؟؟ .. مندي ياخي ؟؟
........ أنا برضو ح أنكُت ليك محن من محن كتاباتها الفارعات يا ود التوم . ما نصيحة الزولة دي لما تنفعل .. بتجوط ليك حنان أي شي .. و تقعّدو في علبو .
المهم .. أكتب عندك : أنا أحب عزاز .
| |
|
|
|
|
|
|
Re: البت عُزاز بقلم الاساتذة عُزاز الشامي (Re: عمران حسن صالح)
|
تضحك ؟ .. MINDAI مِنديه .. و دي رطانة مستقيمة يا ناس قريعتي راحت إنتو .. يا الما عندكم لغة تانية غير الأربي ده . مش المندي بتاعكم داك أب دهن و رز لذيذ و ... طاعم ياخي .. طاعم .
......... هسه أقول ليك زي الكتبتو لي بهناك داك ؟؟ عمران .. !!! .. أحسن ليك .
| |
|
|
|
|
|
|
Re: البت عُزاز بقلم الاساتذة عُزاز الشامي (Re: abuguta)
|
يا ابقوتة ابقوتة ويييييييييييييييييييييي عطبرة ويييييييييييييييييييييييييي غير الناطقين بها ديل عاوزين يحتلوا لينا البوست عشان هم (قريب غطاء) , تكأكأوا علي البوست بليل
سندحرهم يا فريند , و سنعيد للعربية مجدها
| |
|
|
|
|
|
|
|