كتب الكاتب الفاتح جبرا المتوفرة بمعرض الدوحة
|
بلد ناهد ولبنى
|
بلد ناهد ولبنى شامخات المبنى الطب فى المواقف لاحبوب لاحقنه
سمحات سيره نقيات النفوس وسريره على سودانا ليهن غيره صافيات فى السلام فى الحق يصيروا دميره
فارسات عزه وجدارن صميم بى هينه مابتلز ليهن حب عميق من القلوب ومعزه
لبنى وناهد صالوا وجالوا والتاريخ بسجل وشاهد العايز الشرف فى الدنيا يصبح زاهد ويكسر شوكة الكضاب وباقى مجاهد
ناهد للبخونوا الدين عندها فى النضال حدين حدها حق وحق مادين أما التانى يركع ريس التمكين
صامت من مشاهى الدنيا فى بلدن بعانى من اساس البنيه وزير الصحه يصرف للمريض كم بنيه والريس مهيص لاطرب لاغنيه
|
|
|
|
|
|
|
|
Re: بلد ناهد ولبنى (Re: Balla Musa)
|
يعني تجي مااااشي فينا سااااي يا اخوي انت قلمك ده بتسن فيهو لا متين
ناهد عرفناها بس لبنى دي ما تكون بتاعة البنطلون!! هو الضرس ده لسه ما سكت
محن
| |
|
|
|
|
|
|
Re: بلد ناهد ولبنى (Re: الشفيع وراق عبد الرحمن)
|
Quote: بس لبنى دي ما تكون بتاعة البنطلون!!
|
يا استاذنا الشفيع سلام ليك ولي الدكتور بلة
الناس لسع واقفه في بنطلون لبنى وهي عدت المرحلة دي من زمااااااان.... والان بقت تشرع في قوانيننا واوضاع نساءنا للان بضحك واتكيييييييييييف من بوست خليل بتاع (خليكي في بنطلونك احسن)..... الله يطراه بالخير... خليل طبعا
بالمناسبة : ادوها اللجوء ولا لسع دايرن ودايرن ..............ز
| |
|
|
|
|
|
|
Re: بلد ناهد ولبنى (Re: حليمة محمد عبد الرحمن)
|
لبني لمن شاء او ابى ..امرأة شجاعة خذلها الرجال ..قالت كلمتها فى وجه السلطان الجائر بسطت قضيتها الخاصة وبشجاعة تحسد عليها وبالرغم عن كل حساسيتها امام كل العالم ..لتبيه الناس الى المظالم الواقعة على نساء السودان وفتياتة فى ظل هذا النظام الكهنوتي المستكبر .. حتي خافوا منها ولم يجلدوها ودفعوا عنها الغرامة الرمزية لتموت القضية من الاعلام ..واستمرت ممارسات النظام كما كانت بصمت وسرية ..فقط لان لبني لم تجد من يصفق معها ..ظل كل هؤلاء الرجال الذين ينصبون من انفسهم ساسة وقادة جالسين فى مقاعد الفرجة حتي نجح كتبة السلطان في ان يجعلوا من قضيتها قضية سروال وشيشة واختلاط ...
والآن الدكتورة / ناهد فارسة سودانية اخري ترمي بروحها فى وجه الظلم بأمل ان تجد من يساندها فى استمرار راية المقاومة عالية .....
| |
|
|
|
|
|
|
Re: بلد ناهد ولبنى (Re: حليمة محمد عبد الرحمن)
|
تحياتي ومودتي د.بله
كامل التضامن مع كل الاطباء في السودان وخاصة دكتورة ناهد انها تخاطب العالم باجمعه وسوف يسمع ويري بلا خيار او اختيار وتخاطب الخالق باسمه المقيت (بضم الميم) الذي به ناكل الطعام وتثمر به الاشجار وترضع به الام رضيعها وتتكاثر به الانعام هي صلاة بلا لغة وصال بلا اتصال ووصول بلا سفر فالجوع هو الوسيلةلتفعيل الاسم وهذا قانون روحي لا يعمل الابعد غياب العقل الذي ان غلب عليه الخير عم الكل وان غلب عليه الظلم استاصله من بواطنه في محتواه الاولي
هنالك من سيكفر برسالتها...ويكذبها...ويستهزئ بها...وهم من الاقربين نقابيا...ومهنيا...فلا جديد فلينتظرو الطوفان انه ليس من العقل بل من الروح التي ترفل في خلاياهم... فلقد تمت كلمة ربها صدقا وعدلا لا مبدل لكلماته وهو السميع العليم
| |
|
|
|
|
|
|
Re: بلد ناهد ولبنى (Re: امبدويات)
|
صباح الخير عليك يا الصايمه من الشينه يا البيك حوا ولاده وتسدد دينا يا الخليتى كل الناس تراجع دينا شايفو عدوكى مهزومن جبهتو حزينه
| |
|
|
|
|
|
|
Re: بلد ناهد ولبنى (Re: وجن)
|
كان يبقي ده المنطق ورونا ...قرونا كان العلاج الدق مالو اليدقونا وجلد الطبيب كان حق.. خلي اليجلدونا كان للنفس نشهق لو حتي شلونا بالوجعه نتحنطق للاخره ودونا الصف ده ما بنشق مهما يذلونا ونور الحقيقه ببق وفي نارو بلقونا يات دوله في التاريخ اتحرو ورونا؟؟؟ا بتسيب طبيبا جريح عسكر وبسطونه تخلي للتجريح يتشفو فيه وفينا يات دوله في التاريخ اتحرو ورونا لو حتي في المريخ والله تب شينه ايه ذنبو قال وصريح اوضاعو مازينه قال الوضع مامريح حلوها بس لينا ماقلنا دايرين سيخ اتسلحو وجونا عسكر بدون تسريح اتحزمو رجونا سيطان تسوي فحيح اعلان جهاد فينا ياربي نحنا مسيح دينم ده ما دينا؟؟ قايلين طبيبنا لتيخ بيخوفوه واضينه لو حتي دمو يسيح اخوكي يالزينه مابكسر للريح منكوره يالشينه حنكتب التاريخ لو حتي صلبونا حنبقي نحن ضريح اجيال تزور فينا
_____________________
القصيدة منقوله
| |
|
|
|
|
|
|
Re: بلد ناهد ولبنى (Re: وجن)
|
التحية والاجلال للماجدة دكتورة ناهد , وهى تقاوم الظلم والعدوان معرضة نفسها الأبية للخطر , والتحية لكل طبيبات وأطباء بلادى وهم يسعون لتحسين بيئةالعمل وتهيئة المستشفيات لمرضاهم , كامل تضامنى مع قضيتهم العادلة . ألف شكر يا دكتور بلة وقد أصبحت لساننا المبين الذى يعبر عنا أفضل تعبير .
تعرف يا دكتور بلة محبتى الزائدة لأطباء السودان مردها أن لى الكثير من الأصدقاء بينهم , وعندما أحلت للمعاش فى اكتوبر من العام 1989 ذهبت للقمسيون الطبى لتكملة اجراءات المعاش , دخلت على طبيب جميل المحيا والأخلاق مربوع القامة فى الثلاثينيات من عمره , نظر فى الأوراق التى قدمتها له ورد على قائلا أنت فى قائمة الشرف , رددت عليه ب الله يجبر خاطرك نعم أنا فى الكشف الذى صدر فى الأسبوع الماضى , نهض الرجل من مكانه وتقدمنى الى مكتب آخر تحدث مع موظف طالبا منه انهاء مهمتى على عجل واعادة الأوراق له مرة ثانية , بالفعل قام الموظف بتسجيل بعض البيانات وذهب معى لمكتب ذلك الطبيب الانسان الذى قام باعتماد تلك الأوراق واعادتها لى مع أمنيات نابعة من قلبه الكبير بالتوفيق فى حياتى .
| |
|
|
|
|
|
|
Re: بلد ناهد ولبنى (Re: فيصل عثمان الحسن)
|
عندك طاقه واتحديتى وعود براقه بى سودانك ليكى علاقه ارفع من اوراق وبطاقه
الايمان الساكن جوه فيك متمكن يابت حوا لاهزاك تهديد بالقوه ولاهماك الخانوا الخوه
اسمك ناهد والتاريخ لى فعلك شاهد يا الخليتى الريس يناهد وعلمتيهو كيف بنجاهد
الانقاذ حاتل فى بركه ولبستيهو التوب والفركه السودان يابشير ماتركه ننقذوا بى منطق ماعركه
شلتى الحق فى يدك شعله واتحديتى الفعلوا الفعله السودان بى اسمك يعلى ويهد الطاغيه الاستعلى
خلى الراس مرفوع كالعاده وسوقى معاكى كتايب غاده بيك سودانا يعيش فى سعاده ونحطم العايز اتمادا
صولى وجولى عزيزه وحره واقطعى عرق الظلم الشر عيش الشر بالخير يتضرى ويلا نعيش لاكلاش لا مضره
| |
|
|
|
|
|
|
Re: بلد ناهد ولبنى (Re: Balla Musa)
|
Quote: بلد ناهد ولبنى شامخات المبنى الطب فى المواقف لاحبوب لاحقنه
سمحات سيره نقيات النفوس وسريره على سودانا ليهن غيره صافيات فى السلام فى الحق يصيروا دميره
فارسات عزه وجدارن صميم بى هينه مابتلز ليهن حب عميق من القلوب ومعزه
لبنى وناهد صالوا وجالوا والتاريخ بسجل وشاهد العايز الشرف فى الدنيا يصبح زاهد ويكسر شوكة الكضاب وباقى مجاهد
ناهد للبخونوا الدين عندها فى النضال حدين حدها حق وحق مادين أما التانى يركع ريس التمكين
صامت من مشاهى الدنيا فى بلدن بعانى من اساس البنيه وزير الصحه يصرف للمريض كم بنيه والريس مهيص لاطرب لاغنيه
عندك طاقه واتحديتى وعود براقه بى سودانك ليكى علاقه ارفع من اوراق وبطاقه
الايمان الساكن جوه فيك متمكن يابت حوا لاهزاك تهديد بالقوه ولاهماك الخانوا الخوه
اسمك ناهد والتاريخ لى فعلك شاهد يا الخليتى الريس يناهد وعلمتيهو كيف بنجاهد
الانقاذ حاتل فى بركه ولبستيهو التوب والفركه السودان يابشير ماتركه ننقذوا بى منطق ماعركه
شلتى الحق فى يدك شعله واتحديتى الفعلوا الفعله السودان بى اسمك يعلى ويهد الطاغيه الاستعلى
خلى الراس مرفوع كالعاده وسوقى معاكى كتايب غاده بيك سودانا يعيش فى سعاده ونحطم العايز اتمادا
صولى وجولى عزيزه وحره واقطعى عرق الظلم الشر عيش الشر بالخير يتضرى ويلا نعيش لاكلاش لا مضره
|
تسلم يا نصير المرأة يا فارس حوبتنا
| |
|
|
|
|
|
|
Re: بلد ناهد ولبنى (Re: Balla Musa)
|
الفارس الشامخ فيصل عثمان الحسن لك تحياتى واحترامى العلاقة بين الأطباء والشرطة عميقة جدا لأن كلانا يتعامل مع الإنسان فى لحظة ضعفه.. كانت لى علاقات جيدة وعميقة مع ضباط الشرطة وقد شاركت فى تأسيس مركز صحى متكامل للشرطة فى عطبرة مع سعادة الفريق عبد الرحمن عيسى عباس مدير شرطة سكك حديد السودان والعميد آنذاك المرحوم محمد أحمد الكنزى وقد كان مدير شرطة الإقليم الشمالى بالإنابة.. فى عطبرة قدم ضباط الشرطة لنا جزء من ناديهم لنجتمع فيه كما رحبوا بانضمامنا واندماجنا معهم بالنادى إذا رغبنا فى ذلك.. التحية لك ولكل من عرفناهم من ضباط الشرطة الشوامخ.
| |
|
|
|
|
|
|
Re: بلد ناهد ولبنى (Re: Balla Musa)
|
سلام ياهدير الزين أظن أن التغيير هذه المرة تقوده حواء السودانية الى نهاياته.. وهذا الأمر سيرعاه الله لكسر شوكة من أهانوا المرأة وهتكوا عرضها فى دارفور والجنوب وأرادوا إهانتها فى الخرطوم.
| |
|
|
|
|
|
|
Re: بلد ناهد ولبنى (Re: Balla Musa)
|
نحمد الله أن الأخت ناهد إستجابت لنداءات أهل السودان.. فقد صامت حتى عطش المؤتمر الوطنى.. وصمدت وهى صائمة وأنهكت قوى المؤتمر الوطنى رغم أكله بشراهة لحق الشعب السودانى.. وأكرر مرة تانيه: صولى وجولى عزيزه وحره واقطعى عرق الظلم الشر عيش الشر بالخير يتضرى ويلا نعيش لاكلاش لا مضره
| |
|
|
|
|
|
|
Re: بلد ناهد ولبنى (Re: Balla Musa)
|
Quote: صامده وثابته ان برد النهار او حر ومابتزحى لو زحت شواهق مره ريسنا الصبح منو الحريم تتبرا علمتيهو انو الزول بموت فد مره |
تسلم
| |
|
|
|
|
|
|
Re: بلد ناهد ولبنى (Re: somia gassim)
|
.
المهزومون في الدواخل فقط، هم من يستفذهم موقف الدكتورة ناهد وقبلها الصحفية لبنى حسين، ولذلك يتوهمون أنهم أول المعنيون، متى ما كان الموقف متشحا بالجسارة والنبل، فيتحسسون "محبس" الشجاعة يسحبونه عن آخره حتى لا يمشي بالحقيقة بطلاً! .. وهيهات!
سيف اليزل
.
| |
|
|
|
|
|
|
Re: بلد ناهد ولبنى (Re: سيف اليزل الماحي)
|
هيعععععع
Quote: الشفيع وميادة انقطع العشم من صدقكن كالعاده الانقاذ تستف وانتو ليها سداده ماسمعتو المثل لى حوا قال ولاده؟ |
رايكم شنو فى نمى على بناتى بلدى :
ناهد فى العلم برنجى كمان دكتوره اسكتوا يا خشامه رجال عرس الكوره امشوا لبيوتكم وكتروا فى البنضوره
...
ولبنى فى باريس كمان عفيف بنطاله
انجليزى تكتب وكمان للفرنساوى رطَانه
البقول بغم فى لبنى ياأخوناوجب كتاله
| |
|
|
|
|
|
|
Re: بلد ناهد ولبنى (Re: Balla Musa)
|
Quote: بالمناسبة : ادوها اللجوء ولا لسع دايرن ودايرن ..............ز |
حديث ميادة يا دكتور مقشششط راسي اقلب فيهو ساعتين ما ظبط بي مقاسي عموما ، احي ناهد ولبنى وارفع كاسي بي موقف شجاع ضون ظلامنا القاسي
| |
|
|
|
|
|
|
Re: بلد ناهد ولبنى (Re: Ahmed Yousif Abu Harira)
|
عموما ، احي ناهد ولبنى وارفع كاسي بي موقف شجاع ضون ظلامنا القاسي
سلام ياصاحبى أبو حريرة
ياخى تقول شنو فى ميادة دى
غايتو النوبيين ديل وسط أظنو ماعندهم يا يسب الدين يا يبقى كوز (طبعا دى فى الجانب المشرق صفة خالية تماما من النفاق)..
| |
|
|
|
|
|
|
Re: بلد ناهد ولبنى (Re: Balla Musa)
|
Quote: حديث ميادة يا دكتور مقشششط راسي اقلب فيهو ساعتين ما ظبط بي مقاسي عموما ، احي ناهد ولبنى وارفع كاسي بي موقف شجاع ضون ظلامنا القاسي |
اخوان ناهد ولبني بله وابوحريرة وحات الله مبسوط منكم حد الانبساط
| |
|
|
|
|
|
|
|