|
مطعم المتوكل
|
مطعم شعبي يرتاده الكادحون والمتسكعون والباعة المتجولون والمتجولون ساي من أمثالنا وهيك وهيك وهيك تفاجأنا صباح اليوم بالزول القاعد في الكاشير وهو يقول بحزم : يا شباب لو سمحتو قوموا لينا من هنا المكان ده بتاع العوائل الجدير بالذكر إنو قصة الجناح الفخيم ده لم يكلف صاحب مطعم المتوكل سوي شوالين خيش ليفعل فعلته تلك . يعني بالبلدي كده كل العملوا بتاع المطعم ده في غزوته السياحية الجديدة انو ربط شوالين فاضين وعملهم نظام ستارة وكدة .
بلد محظوظة بالمخترعين
|
|
|
|
|
|
|
|
Re: مطعم المتوكل (Re: خضر حسين خليل)
|
كنت حأجيب الصور لكن الواحد بعد قصة (ركن العوائل) ما يستبعد إنو الطلبات تكون بالإنترنت وبالتالي يكشف ( كنتتنا) دي . ونبقي في غرامات وتشهير وإشانة مطاعم .
| |
|
|
|
|
|
|
Re: مطعم المتوكل (Re: خضر حسين خليل)
|
Quote: Quote: 1- بوش 2- الصير 3- أم فتفت 4- باسم 5- جقاجق 7- كبدة إبل
اها وإن شاء الله بعد دا عاوزو يعمل ليك البارتيشن ألمونيوم؟ |
واحد من فوائد المنبر العديدة إنو ممكن يضحكك وإنت فى حالة دبرسة بمداخلة زى حقت ود شاموق دى
الله إديكم العافية ياخ خضر وود شاموق تحياتى.
_____________ بالله سلم على سيد المطعم ده يا خضر
| |
|
|
|
|
|
|
Re: مطعم المتوكل (Re: عبدالوهاب علي الحاج)
|
وهبة ازيك ياخي مالك مجافي الناس (ولابد) براك في جيهة مع الاعتذار للأغنية وللشاعر والملحن والفنان والجمهور الكريم بالنسبة للتواصل فهو تواصل شديد لكن ماذا نفعل بعدما حرمونا منو
موش قلت ليك بلدنا دي بلد المخترعين
| |
|
|
|
|
|
|
Re: مطعم المتوكل (Re: Osman Musa)
|
والله ياعثمان غايتو الستارة (ستروها) لكن كان بياكلوا ولا ما بياكلو العلم عند ربنا . لكن مبدئياً كده بياكلوا ياعثمان
بياكلوا
| |
|
|
|
|
|
|
Re: مطعم المتوكل (Re: خضر حسين خليل)
|
Quote: تفاجأنا صباح اليوم بالزول القاعد في الكاشير وهو يقول بحزم : يا شباب لو سمحتو قوموا لينا من هنا المكان ده بتاع العوائل |
أخونا خدر
أحمدوا ربكم ما جاكم بالعكاز ولحقكم الهبروا ملوا....
__________________________
قال المتوكل قال
| |
|
|
|
|
|
|
Re: مطعم المتوكل (Re: خضر حسين خليل)
|
وقفنا يا خضر فى الطريق . وقفنا فى قهاوى بين شندى وكبوشية . قهاوى مطاعم . سلسلة من الرواكيب وكان فى عرسان ماشين شهر العسل . واحد فى العرسان قالو عندكم شنو ؟ صاحب المطعم قالو : عندنا عدس بالزيت . وعندنا شاى بالكمبة . قام العريس قالو . اعمل 4 عدس بالزيت و4 شاى بالكمبة وادينى كمان ASPIRIN هههههههها .
| |
|
|
|
|
|
|
Re: مطعم المتوكل (Re: خضر حسين خليل)
|
Quote: 1- بوش 2- الصير 3- أم فتفت 4- باسم 5- جقاجق 7- كبدة إبل |
Quote: نسيت أن أضيف الكوارع ضمن الأكلات الرئيسية للمطعم . |
خدر ود حسين الزول ده ما ختا ليهو ملحوظة بى تحت كاتب فيها جيب بليتك وتعال؟؟؟؟ يكون بالغ لو ما كتبا ،طالما كاتب الحاجات دى كلها
بيكون كاتبا ،كدى اتاكد منها بكرة وتعال ورينى قال المتوكل قال
ــــــــــــــ طبعآ فى اللحظة دى اتزكرتا حلة الكوارع بتاعتك يا خدر
| |
|
|
|
|
|
|
Re: مطعم المتوكل (Re: خضر حسين خليل)
|
في مطعم يا ابن خالتي اسمه اليمن السعيد في شارع محمد نجيب بتاع كبسة،تخيل هو بالجد مطعم نص كم ومن حيث النضافة يعني برضو،لكن الامانة لله كبسته طاعمة جدا وبـ9 جنيه (يا بلاش) واخوك لما كان عنده كفيل كان يكره الكبسة وزول ويكة ولما جيت السودان كرهت الويكاب وتلفون النوكيا مرة مرة بمش بجدد السوفت وير بتاع المعده هناك،ده مطعم غريب جدا تكون قاعد تاكل تلقي واحد جنبك اكل وبكرع وشغال عزف منفرد يغسل ويرجع تضطر ترخي كورة الرائب وتنجو بصينية الكبسة لتربيزة تانية.
قبل فترة شغال صيانة في العربية مشيت مطعم في المنطقة، قاعد مكنيكي بتاع سطلة اظنو الفول فيه حبة زيت قام الوضع ما عجبه كورك لبتاع المطعم قال ليه فولك ده ماله جادي كدة التقول امام جامع،ادونا زيت بالله.
تقول لي سولتير في ابداع قدر ده في سولتير؟؟ غايتو اوزون تحديدا بذكرني بمنبر الحوار المتمدن
| |
|
|
|
|
|
|
Re: مطعم المتوكل (Re: GamarBoBa)
|
ياقمر بوبــا
Quote: اليمن السعيد في شارع محمد نجيب |
انت عارف ياموسى عندى كان واحد يمنى صاحبى جنو يقول لى انا ماشى مطعم اليمن السعيد دا ويجى راجع من هناك شايل ليهـو كيس فيهو خضار .. طوااالى بالطريقة دى ، وكم مرة شلت الخضار معاهو يوم الشمار كتلنى فتحت الكيس لقيت ليك فيهو حاجة زى الجرجير كدا، ما اهتميت بالموضوع ، يوم مشيت ليهو الشقة لقيتو بيمضـغ فى الخضار دا ، قلت ليهو دا شنو البتمضغ فيهو دا ، تتخيل طلع قات .!! قلت ليهو دى ما مخدرات .؟ قال لى دا عندنا فى اليمن حاجة عادية ،، زى الصعوط هنـا ، وبعدين الرئيس عندنا بيخزن .! فأول ما قريت اسم المطعم دا اتذكرت صاحبى اليمنى والقات .!
| |
|
|
|
|
|
|
Re: مطعم المتوكل (Re: GamarBoBa)
|
يا قمر بوبا للطاريح بس و الله الزول دا نكاية في البوست داك - و يجوز تبديل الاحرف - احتفل بعيد ميلادو في بيت عزابة في الثقبة بقراصة تركين مغزوز في وسطها بلّية، و حلا بي بصل وشطة، فعلشان كدا حقو تغفروا ليهو السلوك الاجتماعي الرفيع داك .
يا خضر ياخ طالما المطعم ما بقدم تركين فسيخ كول تقلية جهود ديسي شيش طاووق لازانيا شرحات قطايف فوليفان ( دي من قوقل )
يبقى الموضوع عادي جدا و من حقه يعمل اللي عاوزه و يستحق الخمسة نجوم و الله
| |
|
|
|
|
|
|
Re: مطعم المتوكل (Re: Osman Musa)
|
Quote: أدناه قائمة بالأكلات التي يقدمها المطعم :
1- بوش 2- الصير 3- أم فتفت 4- باسم 5- جقاجق 7- كبدة إبل 8- كوارع 9- شوربة قراقير
وهيك وهيك وهيك |
يا خينا خضر أنت متاكد من هيك هيك هيك دي والا انت قاصد هيق هيق هيق بعد القائمة دي؟! عشان نعرف نحنا ح نتوكل والا لع .
| |
|
|
|
|
|
|
Re: مطعم المتوكل (Re: Osman Musa)
|
خضر والله بقيت زول كلامو كتير قمر بوبا بقيت زول قطاع من الدرجة الاولى والعمارات حمد فتح الرحمن بنعرف الزول لمن الحكومة بتاعتو تشرف بصون لسانو
تخريمة ... بالكوارع والمطاعم والاشياء الاخرى بكره نسمع بيك في المنبر ده الاديب الاريب قوم سف
| |
|
|
|
|
|
|
Re: مطعم المتوكل (Re: حبيب نورة)
|
Quote: كدي ياخضر عيب لي الزول دا ياخ دا زول رائع عديل كدا وداعم للتواصل الانساني في هذا الزمن الاغبر الذي أضاف جلادين العناقريب الى فئة العطالة |
وهبة
دى ما بتتفوت....لووووووول
| |
|
|
|
|
|
|
Re: مطعم المتوكل (Re: Hassan Makkawi)
|
Quote: إضافة لإنو عندوا شريط واحد بتاع (مرام ما جات) والحاجة دي بي صراحة بقت تضر بنفسيات الناس . |
ههههههههههههههههههههههههههههههههههههههههههههههههههه الناس حتاكل كيف ؟؟؟؟
| |
|
|
|
|
|
|
|