|
|
|
 Re: يا ود الصائم عليك الله الصورة عشان عاوز ارفع الموقع .. ويا ناجي الملك احتاج معونتك (Re: وليد محمد المبارك)
|
بالجد يا وليد الموقع خفيف وسهل التصفح
عندي بعض الملاحظات قد لا تكون تمس التصميم في نفسه ولكن فكرة التصميم
* حاول ابتعد عن اللون الأخمر فهو سياسياً له معنى ورمزية لا تخفى على أحد
* الصورة الشخصية جامدة جداً وجادّة جداً ولا تعكس روح الشباب ولا الأمل بمستقبل مزهر
* اتمنى أن تكون صورتك في البانر فرائحية شبابية مفعمة بالحيوية غير رسمية
أمثلة :
امسك بيدي طفلين وأشّر للسماء بيدك
أغرس شجرة في باحة مدرسة وحولك التلاميذ
عد مرضى بالمستشفى القريبة منك وداعب الأطفال المرضى
هذه الأمثلة ليست ضرباً من الهزار والهزل لكنها رسالة واضحة تخاطب القلوب والعقول
صورة البانر يجب أن تكون في خلفيتها ما يظهر منطقة الدائرة أو أي معلم فيها
في الختام لي ملاحظة بسيطة وهي اختفاء الفوتر
اعد وضع الفوتر وبه عنوان بريدك وتلفون هذا يعكس قربك وجاهزيتك لسماع أراء الناخبين وتأييدهم أو نقدهم
اعرف أنّ المعلومات موجود في مكان أخر في الموقع لكن وجودها في الفوتر جد مهم حسب قناعتي
تحياتي كمال
كمال
| |
  
|
|
|
|
|
|
|
|
Re: يا ود الصائم عليك الله الصورة عشان عاوز ارفع الموقع .. ويا ناجي الملك احتاج معونتك (Re: وليد محمد المبارك)
|
وليد الشفت ..
و الله شغل نضيف ..
انا عندي تلاتة قروبات في الفيس بوك .. عدد اعضائهم من الشباب يتجاوز 15 ألف عضو ..
غير الصداقات الجيدة جدا مع المسئولين عن اكبر القروبات السودانية في الفيس بوك ..
و ان شاء الله بصدد عمل حملة لتعريف الناس دي بموقعك .. يعني بضمن ليك 30 الف شاب يكون في صندوق البريد بتاعهم في الفيس بوك اللنك بتاع الموقع ..
غير ممكن يا شفت بيني وبينك كدا تطلع القائمة البريدية بتاعت اي موقع بواسطة برامج معينة منتشرة في النت .. و بعملها كتير من اصحاب المواقع الجديد بس ما تكلم زول ..
بالنسبة للصور و الشباب و الحركات دي .. موجودة صور كميات .. و ممكن نساعدك بالتصميم بس ورينا الفكرة شنو .. يعني دايرا كيف ..
علي العموم الكلام كتير .. تعال في الماسنجر علي [email protected] و دا live ID بشتغل معاك في اي حتة ..
و بالمناسبة عشان الشباب و كدا لازم يكون عندك تواجد في الفيس بوك و المناطق المشابهة ..
..
..
طبعا ما داير احبطك .. لكن بعد دا كلو ما حتنجح .. يا وليد انت زول عارض .. 
| |
|
|
|
|
|
|
|
|
|
Re: يا ود الصائم عليك الله الصورة عشان عاوز ارفع الموقع .. ويا ناجي الملك احتاج معونتك (Re: humida)
|
والله يا حميده
رغما عن مساختك دي انا كنت عارف انك زول كويس يتلقي وكت حارة
ياخ مقترحك ده اسعدني جدا ومشكور مقدما على خدماتك الحا تقدمها
اديني صنه يومين بس وابدا في كلامك عن القوائم ونشر الموقع
لحدي ما شكل الموقع يكتمل تمام
بالنسبة للتصميم
انا عاوز حركة حاجات حلوة
تتعرض محل الفلاش الموجود تحت الهدر
يعني صور فيها حيوية لي شباب
بتونسو
تحت نيمة
في الدافوري
نضاااااااااااف وقاعدين خالطين
الصورة يكون معاها تعليق بسييييط
والصور بتتغير زي ما هسع شغال كل 6 ثواني وتجيب صورة تاني
طبعا عاوزين نقول انه المستقبل للشباب
وكفاية عجائز
بجيك بهناك نتونس
| |
|
|
|
|
|
|
|
|
|
Re: يا ود الصائم عليك الله الصورة عشان عاوز ارفع الموقع .. ويا ناجي الملك احتاج معونتك (Re: وليد محمد المبارك)
|
وليد ازيك....
الموقع ظريف... بالذات اللون الاحمر :D
في فتلة كده في التصميم بتخلي الscroll bar التحت طويلة... ممكن الزول ما يلاحظ ليها.. لكن برضه.... بتوري انه في خلل
حسّن الquality بتاع الجرس دي شوية... ده طبعا لو ما انت ملزم بالشكل ده تحديداً....
حاول انه تحفّظ الناس بالغصب، يعني غصباً عنهم يكونوا متذكرين انه رمزك شنو...
الشعار بتاعك بالعربي حلو خالص، لكن بالانجليزي، اعتقد المقابل ليه بكون vote for the future
حركة الترجمة ظريفة، بس احصرها في اللغات بتاعتنا في السودان... انا عارفه الحركة ما دايره ليها اي شي... بس ما تخلي سهولة الشغل بالcontent providers تشتت انتباهك
التصويت ظريف برضه، فكرته حلوه.. لكن الافضل لو كان السؤال ليه علاقة بحملتك... او بشي انت طارحهه... السؤال بتاعك فيه خطأ إملائي "ما هو رائيك في ...." الصاح "ما هو رأيك في ...."
لو قدرت خليت ناس يساعدوك في تنشيط المنتدى شوية، حتنجح تماماً في انك تشوف الناس عايزه شنو، وتضّمنه ضمن حملتك (لكن بعدين ما تنط)..
الجزئية بتاعت البرنامج الانتخابي دي طويله شويه... يعني انا بصراحة ما حأستحمل امشي فيها كلها... ساعد المتصفّح بإنه تقسّمها لأجزاء.... كل جزء بحسب العنوان الانت كاتبه "على المستوى الوطني".. "على مستوى الولاية "... وهكذا...
إيميلك ما ممكن يكون hebo... هههههههههههه ... ولا شنو؟ اعمل email مخصوص للحمله... ما عندك إيميل @votefuture؟ .. وبياناتك مكتوبه بالانجليزي، واللغة بالعربي...
ما تشمّني على التعليقات دي هههههههههه
وموفّق ان شاء الله...
| |
|
|
|
|
|
|
|
|
|
Re: يا ود الصائم عليك الله الصورة عشان عاوز ارفع الموقع .. ويا ناجي الملك احتاج معونتك (Re: naeem ali)
|
نعومه يا حبيب
الله القبضك لي
لو قريت البرنامج فيه
Quote: •وقف مطاردة النساء العاملات (ستات الشاي وغيرهن) وبدلا من ذلك العمل على تسهيل وتنظيم ممارسة كل المهن الشريفة للنساء العاملات وذلك بتصديق أكشاك صغيرة لستات الشاي و الكسرة وبائعات الأطعمة ومنع تحصيل أي رسوم منهن.
•معالجة قضايا الأطفال المشردين والأطفال مجهولي الأبوين وذلك بإنشاء دور الرعاية الاجتماعية المؤهلة والصرف عليها من قبل الولاية وكذلك تشجيع برنامج الأسر البديلة . |
وانت خير العارفين بهذه الامور
ياخ بعلاقاتك عاوز لي صور بتخص الموضوع ده واهما شي عاوز موافقة اصحابها
مثلا صورة لواجة دار المايقوما او لنشاط فيها
صورة لستات الشاي او ست كسرة
يعني حاجة توضح في الدعاية حال الشريحتين ديل ..
على الاقل لو ما فزنا ننبه من سيفوز ونضغط عليه يخت باله منهم
ودي
| |
|
|
|
|
|
|
| |
وليد محمد المبارك
Ahmed musa
محمد عبد الماجد الصايم
سارة علي
haroon diyab
ابراهيم بقال سراج
الملك
Frankly
Maawya Hussein
humida
Mohammed Elhaj
مريم بنت الحسين
naeem ali
ياسر بيناوي
مزمل خيرى
عماد الدين عبدالله
عبدالوهاب علي الحاج
أبو عبيدة البصاص
Emad Abdulla
فيس بوك
تويتر
انستقرام
يوتيوب
بنتيريست