|
|
 كان تعرف شنو البحصل لي وقت الليل يفلل. أردد آهه تعقب آهه، والدمعات تبلل
|
الحاجات الزمان كلها طاعمة، موش زي حاجات هسي دي معجونة بي موية الكذب والنفاق وفتات الرذيلة، وقلة الأتوكيت وانعدام الذوق العام،وقلة الموهبة وانعدامها..والخوف الذي يشع من الزوايا كلها، والحاجات الممصوصة من الطعم،والنفق الضيق المظلم، والانحسار السريع، والتسلق المفضوح، والحذلقة والتنطع، والفوضوية..باختصار لاشئ يطرب الآن، ولاشعر يهز الوجدان ولافن راقي في الجهات الست..ي
|
|
 
|
|
|
|
|
|
|
|
Re: كان تعرف شنو البحصل لي وقت الليل يفلل. أردد آهه تعقب آهه، والدمعات تبلل (Re: منصوري)
|
| Quote: هي في شكل سؤال إيحائي لواحد عشان ينزل هذا الإبداع.. أو قول هي ( شرك),, |
قبلنا بالوقوع في الشرك يا منصوري
| Quote: ياخ أنا من زمان ناوي أسالك.إنت إسمك كدة، والله إنت حبيب واحدة إسمها نوره |
ياخي في داعي للسؤال التعسفي دة!
بالمناسبة إنتي تعسفي يعني شنو!
شايف الجماعة كلهم شابكين في الكلمة دي بصورة تعسفية غريبة
المهم !
كدي أمرق باقي الكلام
ونحن منتظرين
شكرن كتيرن!
| |
|
|
|
|
|
|
|
|
Re: كان تعرف شنو البحصل لي وقت الليل يفلل. أردد آهه تعقب آهه، والدمعات تبلل (Re: صالح عبده)
|
طارق جبريل... قد تستغرب لو قلتا ليك إنت من الأعضاء هنا الراسخين في ذاكرتي، صحيح المدة طالت في التلاقي هنا... لكن إنت خالد جواي، لأنك زول ذواقة شديد..أنا لما عملت هذا البوست بأمانة كنت قاصدك.. ليه أنا فتشت وتعبتا وما لقيت..كان تعرف شنو البحصل لى؟
شقيش دار أقبل خلا ما دام فات رحل ودع.. ما ياهو العذاب خلايا لامن تاني لى يرجع
زولي حروفو زي طمبوري
كل سلكايي فوقا أصبع
.............
أصلا يا طارق جبريل من زمان بدري أنا قاعد أسرق الدايرو من ( موقع القرير الالكتروني) منو فينا المما محتاج للقرير.. أسرق أسرق وأتذوق وأحفظ عندي وأملا لى قسيبي لامن تدفق..
هسه دي مشيت أجيب ( كان تعرف شنو البحصل لى) من موقع القرير خذلني لقيتو عليهو هذه العبارة( الموقع مغلق بغرض التجديد)..
زمان في الإجازة الصيفية المابيحضر ليهو حفلة في القرير كأنو ما أجز إجازة صيفية.. بالرغم من إنو دفعتنا من المتوسطة قسموها قسيم الجن..ماخلونا في كريمة .. جزو منها في كريمة الثانوية وجزو منها راح مروي الثانوية وجزو منها راح عطبرة..أنا كنتا مغيوز من الناس الراحو مروي وكريمة لأنهم سوف يستمتعوا بالحفلات نصيبنا كان في عطبرة. لكن القرير ما بنخليها نجيها في الإجازة الصيفية ولو مرة واحدة في الإجازة..
هسه إجازتي السنة الفاتت أصريت أمشي القرير.. حاجة بديعة مزارع شتول جديدة وجمال.. حتى الرشاشات بتاع التمر دي البي نشوفا هنا في الخليج عملوها هناك.. مشينا جنينة واحد من أقاربنا هناك.. بس وامغستي رحل تلوت الليل..
شايف يا طارق جبريل البوست ده بيجيب الناس النادرين كيف.. جاب ( مامان) لي منو زمن وهو رجل عالم وموثق.. وظريف
وشايف صالح عبدو كمان برضو راجل ما ساهل.جابا لينا أغنية( أنزل لى من فروعك مرة...
مامان ده برجع وبجيهو عندي ليهو كلام كتيييير
........
يا طارق الأغنية ما مسموعة ياخي
| |
|
|
|
|
|
|
|
|
|
Re: كان تعرف شنو البحصل لي وقت الليل يفلل. أردد آهه تعقب آهه، والدمعات تبلل (Re: منصوري)
|
مامان(عبد الرحمن محمد صالح) الرجل الصالح
سمعتا سليمان... برضو ده غناء من الزمن الجميل... السر عثمان الطيب كنا ننظر له قامة لاتطال..نسافر بقطر كريمة سوا..هو في معهد المعلمين العالي.. ونحنا لسه صغار في أولى وسطى.. نقاش الشعر يستمر حتى يصل القطر الخرطوم..نحن كنا نستمع بس..
سليمان هذا صوته يذكرني بابن خالتي الفنان( عبد الرحمن البركل.. أي عبد الرحمن محمد صالح علي المادح.. شقيق عبد الرحيم البركل...
هو يغني بنفس الوتره أو السلم.. أو شدة الطمبور البيغني بيها عبد الرحمن البركل.. فنانيننا صاروا يغنوا بالوترة الموازية الحادة مع صوت في القرار.. ابتدر هذه الصيغة والنقلة الفنية الفنان القامة صديق أحمد.. ومشى فيها فنانين الحداثة في فن الطمبور مثال السقيد وغيره.. ومن قبله عوض الجرف ..هسه لو فكروا في طريقة عكسية يكون الصوت حاد والطمبور موزون على وتره القرار أي وتره غليظة.. كطمبور سليمان هذا.. لكانت برضو نوعيه جيدة.. أنا بتخيل برضو راح تطرق هذه النوعية في المستقبل القريب كتطوير لفن الطمبور...
أما الفنان محمد كرم الله فقد لامس الوترة الحادة بطبيعة صوته وسلالمه العالية بدون أن يتطرق لشدة الطمبور كما يفعل السقيد الآن.. يعني محمد كرم الله لايحتاج لهذا
لأن صوت محمد كرم الله وسلالمه العالية لاتوجد عند اي فنان طمبور آخر ولامحمد جبارة ولاصديق أحمد وهذه هبة إلهية يتفرد بها محمد كرم الله.. لو تلاحظ كيف يتعب الكورس في مجاراة محمد كرم الله في بعض الأغاني.. يمكنك أن تقول أنه لايوجد كورس عندنا في مستوى صوت محمد كرم الله
ضعيت علينا كتير كم وعشرين سنة دي يتوقف فيها محمد كرم الله ويعود الآن.. حسرة...
هل الغناء حرام.. غذا كان الغناء بعض صنوفه حرام.. أنا إفتكر غناء الطمبور عندنا علاج وبلسم شافي ومعالج وطبيب.. كم تؤلمني وقفة محمد كرم الله هذى..
| |
|
|
|
|
|
|
| |
منصوري
حبيب نورة
طارق جبريل
maman
صالح عبده
فيس بوك
تويتر
انستقرام
يوتيوب
بنتيريست