|
|
 الشاف جنة الاطفال في التلفزيون الليلة منو؟؟
|
عرض التلفزيون القومي و في برنامج جنة الاطفال فقرات من احتفال مدارس "القبس" بنهاية العام الدراسي على مسرح قاعة الصداقة ،اي و الله مسرح قاعة الصداقة بشحمه و لحمه.من الطبيعي أن يتساءل المرء عن ماهية هذه المدارس التي يسعى التلفزيون لاحتفالاتها لينقلها للملايين على امتداد السودان ممن شاء حظهم العاثر أن يكونوا على اثيره القومي. هل هي مدارس حكومية ؟؟ أم خاصة؟؟ و هل "استاندرد" هذه المدراس-إن كانت خاصة كما يبدو- هو نفسه ما تلتزم حكومتنا الرشيدة بتقديمه لمواطنيها الصغار في شرق البلاد و غربها و شمالها و جنوبها؟؟
هل يحتفل الصغار في مدارس الحكومة بنهاية العام الدراسي و يلتزم تلفزيون الحكومة بنقل احتفالاتهم ليعرضها على شاشته؟؟
|
|
 
|
|
|
|
|
|
|
|
Re: الشاف جنة الاطفال في التلفزيون الليلة منو؟؟ (Re: سيف النصر محي الدين محمد أحمد)
|
د. سيف النصر محي الدين
سلامي وتحياتي..
مدارس القبس هي مدارس خاصة وتدفع للاعلانات في التلفزيون فمن الطبيعي أن يرد لها التلفزيون الجميل بدعاية مجانية
والله يرحم المدارس الحكومية زماااااان
يا سيف لو ما عندك قروش لا يمكن أن تتعلم أو تتعالج في الســـودان
اتخيل أنا عندي بنت في سنة خامسة ابتدائي تدرس في أحد المدارس الخاصة
ادفع لها سنويا ما يقارب 2,500 ج (بالجديد)عشان تقرأ كويس
اتخيل واحد عنده 3 أو اربعة طلاب كيف يكون حاله؟
والمبلغ المصروف عليها حتى الآن لم اصرفه أنا طيلة مدة دراستي والى حين تخرجي من الجامعة
اما ان تدفع ليتعلم أولادك كويس أو ترمي بهم الى اتون المدارس الحكومية حيث يحتوي الفصل الواحد على أكثر 70 طالب
وتجيب كرسيك معاك كمان وتشتري الكتب المدرسية .... وخليها مستورة بس
مودتي
| |
|
|
|
|
|
|
|
|
Re: الشاف جنة الاطفال في التلفزيون الليلة منو؟؟ (Re: الامين موسى البشاري)
|
الاخوان فتحي الصديق و امين البشاري
شاكر المرور و التعليق
اذكر أن قبل سنة او اكثر ثارت الضجة على المنبر بخصوص الرحلة لماليزيا و قد تابعنها من بعيد لبعيد دون ابداء اي رأي ، و رأيي -إن كان لي أن ابدي رأيا في هذه المسألة- هو يجب على هؤلاء الناس أن يمارسوا برجوازيتهم هذه بعيدا عن الناس و الا يؤذوا بقية الشعب السوداني بعرض ترهاتهم على شاشات التلفزيون او صفحات الجرائد.
و يا امين فعلا يجب أن تفكر في أن لو جاء اخوة لبنتك هذه فهل ستدفع لهم جميعا هذه المبالغ؟؟
هذا النوع من التخريب المتعمد الذي احدثه اهل الانقاذ هو مما يصعب اصلاحه و التخفيف من اثاره الاجتماعية و السياسية.
| |
|
|
|
|
|
|
|
|
|
Re: الشاف جنة الاطفال في التلفزيون الليلة منو؟؟ (Re: السيد المسلمي)
|
يادكتور سيف
سلامات
التلفزيون القومي او غيرو بيعتمد في دخلو على الاعلانات بشكلها المعروف او الاعلان البرامجي
يعني تدفع ممكن يعملوا ليك سهرة كاملة عن مؤسستك ... وبرنامج الاطفال اليوم مدفوع القيمة بالمناسبة دي
اما حكاية المعسكر بتاع ماليزيا دا لقسم الدبلوماسيين او اي زول قادر يدفع لابنو مصاريف السفر
والاقامة وخليك من مؤسسة كبيرة بالامكانيات دي د. نجاة محمود زميلتنا هنا بتعمل معسكرات احسن من دي
اما ملكيتها تتبع لمؤسسة الخرطوم للتعليم الخاص والتي تتبع لمنظمة خيرية وماعندها اي علاقة بالست المذكورة اعلاه
وزميلنا في المنبر هنا خالد ماسا يعمل ضمن طاقم التدريب للمدارس دي
وشكرا
| |
|
|
|
|
|
|
|
|
|
Re: الشاف جنة الاطفال في التلفزيون الليلة منو؟؟ (Re: سيف النصر محي الدين محمد أحمد)
|
Quote: التلفزيون القومي او غيرو بيعتمد في دخلو على الاعلانات بشكلها المعروف او الاعلان البرامجي
يعني تدفع ممكن يعملوا ليك سهرة كاملة عن مؤسستك ... وبرنامج الاطفال اليوم مدفوع القيمة بالمناسبة دي |
يا وهبة شنو الجدية دي ؟؟
ما فضل ليك الا تقول لي "نحيطكم علما".
الاعلانات و رعاية البرامج شي معروف و لا اعتراض عليه لكن أن يمتد ذلك لبرامج الاطفال
و يمارس عبره ما يشبه "الحندكة" و الشو مما يتسبب في جرح مشاعر ملايين الاطفال الذين
اهملتهم حكومتهم و رفعت يدها عن تعليمهم فهذا مما لا يجب السكوت عليه.
ناس القبس اليحتفلوا براهم و يقفلوا عليهم مسرحهم و يشوفوا لو في زول سألهم و للا جاب
خبرهم.
| |
|
|
|
|
|
|
|
|
|
Re: الشاف جنة الاطفال في التلفزيون الليلة منو؟؟ (Re: Ahmed Elmardi)
|
سلامات يا احمد المرضي يا صديقنا الذي في فيلادلفيا
و الله كلامك الكتبتو ده هو نفسو الكلام الانا قاصدو و ما عرفت اصيغو بصورة محكمة مثل
التي صغتها انت .
غايتو بقت علي زي البقت على عادل امام في مسرحية شاهد ما شفش حاجة لما المحامي
قال لوكيل النيابة :"وضح ، ابن ،افصح" و عادل امام غلبو يعيدها فقام قال لوكيل النيابة
"اللي بيقول عليه دلوقتي ده.
| |
|
|
|
|
|
|
|
|
|
Re: الشاف جنة الاطفال في التلفزيون الليلة منو؟؟ (Re: Ahmed Elmardi)
|
| Quote: يا وهبة شنو الجدية دي ؟؟ |
هلا يا ابوالسيوف
جدية شنو ياصاحب ؟
انا بالجد زعلت من المتداخلين الفوق ديل
واحد قال ماليزيا
والتاني قال بتاعة واحدة ست .. انت عارف الاشاعات في البلد
ياها بتنطلق كدا ... واحد ساااي يسمع اي كلام فارغ في ونسة
يجي يطرشها هنا ودا بورد مقروء وليهو روادو الواحد مفروض يراعي الدقة
ما امكن ذلك ... وبس اها اخت ليك وش ضاحك اخدر بدور عشان تصدق اني ما جاد
ود المرضي يافنان
ليك وحشة والله
ياخ مغروض لي في كاركاتير كنت نزلتو انت
لاحد اعضاء المنبر المشاغبين والمزعجين جدا
اللي هو كان آخر واحد تقريبا
الفيو البطل شايلنو ماشين بيهو على برميل الوساخة
محتاج للكركتير دا بشدة عليك الله ارفعو ورسل لي الكود بالماسنجر
واكون شاكر ومقدر وبرضو سيف صحبي دا بكون مقدر جدا
ما تغيب كتير كدا
| |
|
|
|
|
|
|
|
|
|
Re: الشاف جنة الاطفال في التلفزيون الليلة منو؟؟ (Re: Ahmed Elmardi)
|
Quote: زولك دا شكلو كدا رفع الراية البيضا زمان ففكيتهو
توخيا للعدل واجتنابا للفجور.
لكن ما زلت مدخر ليهو "عتلة"..
برسل ليك الشي الدايرو عملا بمبدأ رد الصاع 3 صاعات مشنترات
أديني أي ميل |
ودالمرضي ياحبيبنا
دق القراف والجمل الاثنين معا
شكرا للاستجابة
وكان رسلت العتلة دي لخالك
تكون ريحتني شديد
ودا ايميلي [email protected]
مع خالص الود
_______________
ملحوظة : اي ايميل ما جاي من طرف احمد المرضي لن يفتح ولن ينظر فيه
| |
|
|
|
|
|
|
| |
فتحي الصديق
الامين موسى البشاري
أبو عبيدة البصاص
عادل عبدالعزيز عبد الرحيم
عبدالوهاب علي الحاج
Ahmed Elmardi
وليد الطيب قسم السيد
فيس بوك
تويتر
انستقرام
يوتيوب
بنتيريست