كتب الكاتب الفاتح جبرا المتوفرة بمعرض الدوحة
|
Re: بوست خاص لتعديد الرسوم والجبايات السودانية لكى يعلك من لا يعلم (Re: Mohammed Awad)
|
مشكلة مشاكل البلد أن إنسانها إعتاد أن يأخذ كل شئ ولا يدفع أى شئ في عصور سابقة خدمات كلها مجانية ومدعومة والآن إنقلبت الصورة مع شديد الأسف رأساً على عقب فأصبح يدفع كل شئ في مقابل لا شئ. الناس نشأت على التعليم المجاني والعلاج المجاني وكلو high quality اليوم لا في كواليتي لا في إيسكريم تدفع وما في أى حاجه الرسوم المفروض أنها تذهب لتحسين الخدمات لكن الببيروقراطية والروتين يخلق أخصب البيئات للحرامية والمتسلقين والمتملقين والمتسللين فتروح كل رسوم الخدمات هذه في جيبوب وكروش وعروش هؤلاء اللصوص - ولأنه ليست هناك رقابة والناس في سرقاتها لا تخاف الله وسعت الحكاية - وتبقي الخدمة مدمرة تعبانه ليست في حد الأدني لأنها أصلها تحت خط هذا الحد ، ويمكن في هذه الحالة أن تتم معالجة الأمور بشكل فردي يعني كل مشكلة قائمة بذاتها بي كلام الفرنجة (case by case) تقوم تدفع يحسنوا ليك الخدمة ويمشوا ليك الموضوع تكون نظامي ورسمي يقولو ليك ببساطه system down وقابلني عشان السستم دا تاني wake up من تعسيلته الظريفة دي وأها يجي وقت الفطور ويجي تلفون وتجي كباية الشاي وفر يا طير حان الآن موعد صلاة الظهر وهاك يا ضياع وقت ، اها وبعدين يقولو ليك الساعة 12 الخزنه قفلت (شنو يعني الحكمة شنو عشان الخزنة تقفل الساعة 12) المهم تعال بكره وبكره ورا بكره وبعد بكره برضو بكره و tomorrow never comes ويا تدفع وتمشي أمورك يا تحارب طواحين الهوا بيد عاريه لغاية ما تجيك أنفلونزا الخنازير. التوقيع (كوز double agent) مع الحكومة إذا فازت وضدها إذا خسرت المعركة (سياسي محنك)
| |
|
|
|
|
|
|
Re: بوست خاص لتعديد الرسوم والجبايات السودانية لكى يعلك من لا يعلم (Re: almulaomar)
|
للمغتربين
1/رسوم خدمات 2/رسوم فيزا الخروج 3/رسوم او دمغة إستمارة فيزا الخروج 4/رسوم دخول ( إستمرت سنوات ثم ألغيت بعد ماشبعو الجماعة ) 5/زكاة غير شرعية من المرتب الذى لا يحول عليه الشهر ، خليك من الحول ولذلك هي جباية وليست شعيرة دينية 6/ضريبة(مسهمة إلزامية ) غير شرعية لأن الدستور لانص على ضريبةدخل لمن يعمل خارج الوطن
ولسه ...
| |
|
|
|
|
|
|
Re: بوست خاص لتعديد الرسوم والجبايات السودانية لكى يعلك من لا يعلم (Re: Mohammed Awad)
|
تحياتي الأخ محمد سمعت برسوم نقالة ؟؟؟ الصيف الفات في مدني توفت إمراة جارتنا بالمستشفى ، أخذنا الجثمان على نقالة وطالعين على العربية ، اعترضنا واحد قال مافي نقالة بتطلع بره من هنا ... شيل دق تحانيس واسطات قال هاتو (50) ألف ولمن ترجعوها تأخذوا المبلغ ، لا نملك سوى الدفع ، والله لو شفت النقالة ما تشتريها ب 5 ج ، مواسير متهالكة وحبال مهترية ... أها كمان زيادة في الرسوم ( رسوم مغادرة) للمرضى بالمستشفى الحكومي بمدني ، يعني قبل ما تخرج تمر على ناس الحسابات تصفي معاهم ، وفي الباب يمنع منعا باتا خروج المريض إلا بعد إبراز سند سداد كافة الرسوم ... وعاشت حكومتنا اللا رشيدة الشفيع
| |
|
|
|
|
|
|
Re: بوست خاص لتعديد الرسوم والجبايات السودانية لكى يعلك من لا يعلم (Re: Alshafea Ibrahim)
|
Quote: الصيف الفات في مدني توفت إمراة جارتنا بالمستشفى ، أخذنا الجثمان على نقالة وطالعين على العربية ، اعترضنا واحد قال مافي نقالة بتطلع بره من هنا ... شيل دق تحانيس واسطات قال هاتو (50) ألف ولمن ترجعوها تأخذوا المبلغ ، لا نملك سوى الدفع ، والله لو شفت النقالة ما تشتريها ب 5 ج |
وانت ماشى بعيد ليه؟
انا عمتى اتوفت رحمة الله عليها وناس المستشفى ختونا بين نارين
نار نطلع سريع عشان نفضى السرير ونار الاسعاف المفروض يجى يشيل الجثمان وبيفاوض فينا ساعتين عشان القروش ولازم يكون فى زول حاضر بالقروش قبل مايشيلو الجثمان جوة الاسعاف, ولو ماعندك قروش كفاية عشان تستر الميت بتاعك يقولو ليك فى بكاسى برة !!!
شمس شنو هو ماميت ميت
| |
|
|
|
|
|
|
Re: بوست خاص لتعديد الرسوم والجبايات السودانية لكى يعلك من لا يعلم (Re: Mohammed Awad)
|
في المشاريع الزراعية المروية لأي مساحة مهما قلت أو كثرت
1- ضريبة المساحة : على الأرض التي تمسح بأسمك وحجمها تدفع سنوياً، تؤخذ في مكتب المشروع 2- ضريبة الري: عند فتح الجدول إلى الأرض وقبل زراعة كل شئ ، تؤخذ في مكتب المشروع 3- ضريبة البستنة: عند غرس أشجار في الأرض مثل الأحماض أو المانجو، تؤخذ في مكتب المشروع 4- ضريبة الزروع : عند زراعة الأعلاف، تؤخذ في مكتب المشروع وتراقب بواسطة مراقب الري 5- ضريبة النخيل : عند زراعة شتول النخيل ويتم حسابها بعدد الشتلات تؤخذ في مكتب المشروع 6- ضريبة العشور: وهي قبانة عن الحبوب والبقوليات تؤخذ في بوابات العبور. 7- زكاة الزروع : وهي قبانة عن البلح والعجوة والفواكه. 8- رسوم ولائية: تحسب على كافة المحصولات في مكتب الخروج من الولاية وتتكرر كلما عبرت ولايتين. 9- رسوم أسواق: في حالة دخول الشاحنة لسوق مثل كسلا أو بورتسودان تحمل عجوة أو فواكه أو خضروات أو أعلاف ويتم التحصيل في مكتب التحصيل في مقدمة الأسواق ( تتكرر الرسوم كذلك عند قيام تاجر التجزئة بعرض المنتجات في سوق الخضروات والفواكه أو سوف فراشات الحبوب فهو يدفع تذكرة يومية في مكان الفراشة وهذا غير الرسوم المتعلقة برخصة مزاولة التجارة في السوق.
| |
|
|
|
|
|
|
Re: بوست خاص لتعديد الرسوم والجبايات السودانية لكى يعلك من لا يعلم (Re: المسافر)
|
Quote: تتكرر الرسوم كذلك عند قيام تاجر التجزئة بعرض المنتجات في سوق الخضروات والفواكه أو سوف فراشات الحبوب فهو يدفع تذكرة يومية في مكان الفراشة وهذا غير الرسوم المتعلقة برخصة مزاولة التجارة في السوق. |
يحدث وكثير جدآ انو يتم تحصيل رسوم واحدة مئات المرات لكن طبعآ بطرق فنية جدآ مثل الذكرتهم ديل ومرات كمان بعلم المواطن المسكين اللى مايقدر يرفض قبل ماتظهر ليهو ضريبة رفض كمان.
مشكور على مساهمتك الغالية والله يجيبك راجع
| |
|
|
|
|
|
|
Re: بوست خاص لتعديد الرسوم والجبايات السودانية لكى يعلك من لا يعلم (Re: Mohammed Awad)
|
الأخ الفاضل محمد عوض وضيوفه الكرام السلام عليكم ورحمة الله وبركاته الرسوم في عهد ثورة الإنقاذ قصة طويلة وتاريخ يجب أن تتم قراءته جيدا والاستفادة من الدروس والعبر الكتيرة المتعلقة به فقد استنبطت الإنقاذ أساليبا جمة لجمع الأموال وكان أهم ما يميز هذه الطريقة اختفاء أرانيك وزارة المالية واختفاء المحاسبين في أحيانا كثيرة فقد تجد من يجمع منك هذه الرسوم في مكتبه أو خارج المكتب وهو مسؤول الجباية وهو المحاسب وهو المراقب في آن واحد ... يملك إيصالات لا تنطبق عليها أية مواصفات للشفافية والمحاسبة المالية يكتب أرقاما ويشخط في الخانة المخصصة للبيان أي كلام خط مستقيم أو خط مائل أو زقزاق المهم يأخذ منك الفلوس .. وبالطبع ليس بالضرورة أن يحاسب هو على ما استلمه من المواطن في مجمع المغتربين يبيعونك أورنيك التأشيرة بـ 17 جنيه (بالجديد) ولا تستلم ما يفيد بدفعك لذلك المبلغ هذا كمثال فقط ....
| |
|
|
|
|
|
|
Re: بوست خاص لتعديد الرسوم والجبايات السودانية لكى يعلك من لا يعلم (Re: جعفر محي الدين)
|
Quote: في مجمع المغتربين يبيعونك أورنيك التأشيرة بـ 17 جنيه (بالجديد) ولا تستلم ما يفيد بدفعك لذلك المبلغ |
العزيز جعفر
الامثلة كثيرة, بحكم عملى اتردد على دائرة الجوازات والتسجيل كثيرآ, هنالك بند بقيمة 19 جنيه بدون ادنى ورقة تثبت اين ذهبت.
اضافة على تعليقك بالوصولات التى لاتفهم منها شئ نسبة لعدم وضوح كتابة الشخص المكلف بالكتابة عن قصد طبعآ
الله المستعان
| |
|
|
|
|
|
|
Re: بوست خاص لتعديد الرسوم والجبايات السودانية لكى يعلك من لا يعلم (Re: المسافر)
|
في حاجة كده إسمها قبانه ودي لا زكاة ولا عشور ولا غيرو لو شايل ليك قفة بصل من السروراب لي أمدرمان بدفعوك ليها طبعاً بس الحق يقال النقاط الكانت منصوبة على طول الطريق لأمدرمان إتلحست ويبدو أن غزوة خليل لأمدرمان ريحتنا منهم. هناك أيضاً رسوم تعرف برسوم إنتاج لو شايل ليك بنبر أو عنقريب إشتريتو عشان ترقد فيهو مش تختو في قهوة تجارية ولا فندق نص نجمه لا موديهو بيتكم وأنت مشتري مش صناعي يقولو ليك ما بنعرف يا الدفع يا العنقريب يتقلع تقول تعاين لي العنقريب وكراب العنقريب وعنقريبك الإسبير الفي البيت تقوم تدفع. في حاجه إسمها العتب على العقارات والمنازل دي شنو ولي شنو ما عارف لو كبيت ليك صفيحتين خرسانه جمب بيتكم يقولو ليك أدفع دا شارع الحكومه لو قصيت شجرة النيم قدام بيتكم مش قطعتها كلها هذبتها وشذبتها يقولو ليك لم تحصل على تصريح وبالتالي عليك مخالفة مبلغ وقدره لو عاوز تعمل سكينه يعني 3 مداميق في حيطة بيتكم الجالوص عشان تستر ناس البيت من الناشين في الشارع حيث ن الشارع يرتفع والبيوت إتلحست لمن بقت زي الخنادق يقولو ليك عليك غرامة فأنت تبني أو تعمل صيانة بدون تصريح
| |
|
|
|
|
|
|
Re: بوست خاص لتعديد الرسوم والجبايات السودانية لكى يعلك من لا يعلم (Re: مريم بنت الحسين)
|
طبعآ دى عندها قصة برضو يا ملا
واحد فى جبل اولياء فضل يدفع فاتورة الموية زمن طويل جدآ وبعدين لما زهج قال ليهم اقطعوها انا ماداير مويتكم المافى دى
بعدين حفر بئر وبقى شغال بى عرق جبينو بعد كم يوم جوهو ناس المحلية وشوف الحكمة مافى القروش الطالبو بيها لكن الحكمة فى الوحى اللى جاهم وراهم الكلام دا
على العموم الراجل رفض بحجة انو ماجارى موية من الحكومة وهو تعذرو بانو دى ارض الحكومة
اللهم خالق السماوات والارض هل جات الانقاذ بى ردمية غير ارض الله ولا شنو؟
بت الحسين
اذنك معاك والله مالم تتسببى فى شطب البوست
تحية طيبة
| |
|
|
|
|
|
|
Re: بوست خاص لتعديد الرسوم والجبايات السودانية لكى يعلك من لا يعلم (Re: مريم بنت الحسين)
|
Quote: حاجة كده إسمها قبانه ودي لا زكاة ولا عشور ولا غيرو لو شايل ليك قفة بصل من السروراب لي أمدرمان |
الملا عمر انت عندك علاقة بالسروراب لانو بزور فيها واحد صحبي كتير...القبانة دي هلكتنا مع محصول البلح
في الشمالية القبانة 5جنيه في الشوال الخراج 3 جنيه للنخلة(غير متأكد) شوال السكر من ايام نمير بشيلوا رسوم 5 جنيه لما يكون ماشي الشمالية المنسفتو للبصات المسافرة
| |
|
|
|
|
|
|
Re: بوست خاص لتعديد الرسوم والجبايات السودانية لكى يعلك من لا يعلم (Re: Mohammed Awad)
|
سلام أخطر ما في الرسوم في السودانك - أن الدولة أعفت نفسها من كل واجبات الدول وتفرغت للجبايات والرسوم كل شئ برسوم (المدارس - الجامعات - العلاج - النظافة والنظام - تقديم الخدمات ) فقط الدولة تصرف على منسبويها من جيوش الدستوريين والانتهازية والحرامية وتزيد على ذلك بمنحهم العطاءات الحكومية المليارية والاعفاءات الضريبية والجمركية لأن أصحاب تلك الشركات وشركائهم هم اصحاب السلطة من جبهجية ووزراء وولاة ومستشاريين ومنسوبي الحزب الفاسد الحاكم.. شعارهم أكذب اكذب جتى تصدق نفسك ولكن الشعب يرى ويعلم كل شئ ولن تجدي محاولات الغش والتهريج الاعلامي من المهلوع البشكير وزمرتة فكذبهم ورقصهم أصبح مثار تندر .. أخطر ما في أمر الجبايات أنها تتم خارج ولاية وزارة المالية وبدون أورنيك 15 .. وزارة الداخلية لها ايصالات خاصة بها مطبوعة في ورق عادي يمكن طباعتة بأي كمبيوتر وكذا وزارةالدفاع وعلى ذلك قس.. ده كلو بموافقة وتصديق الدولة.. هو حدي فاضي كلو بيأخذ في حقو.. ياشعب الآن أنت أمام تحدي كبير للتخلص من حكومة القتلة والحرامية وحماة الفساد فأنظر حولك في مكان سكنك فستراهم يستمتعون بمقدراتك وأنت لا تستطيع حتى علاج أو تعليم أبنائك.. انظر..
احتراماتي
| |
|
|
|
|
|
|
Re: بوست خاص لتعديد الرسوم والجبايات السودانية لكى يعلك من لا يعلم (Re: عثمان جلال الدين)
|
Quote: أخطر ما في أمر الجبايات أنها تتم خارج ولاية وزارة المالية وبدون أورنيك 15 |
وياويلك تسأل
انت عارف البيزعلنى شنو؟ انو مرات تسأل عن ابسط حقوقك يمنو عليك
تمشى ناس الطوارى بتاعين الكهرباء فى حالة حدوث عطل يقول ليك والله مامعروف نجيك متين وانت جاينا متأخر بعد الساعة تسعة (زى الانا سبب العطل)
واول ماتعترض يقولوا ليك مش كتر خيرنا موصلين ليك كهربا جاى تتأمر فينا كمان؟
ياربى قيمة الكهرباء دى كان بيدفعها منو؟
| |
|
|
|
|
|
|
|