|
يا تمبس لو خليتا رجعت تكون فارة وداقس
|
تغادر ارض الوطن بعد ساعات من الآن الأخت العزيزة والعروسة الجميلة داليا الكباشي متوجهة الى الرياض (السعودية)
دعواتنا لها بالسلامة ان شاء الله وتحياتي للوالد والأهل جميعا
ـــــــــــــــ تمبس وصيتي ليك أمسك وما تفك فرصة وجاتك لحد عندك وخير البر عاجله .. والشغل ملحوق
الساعة الآن 11:15 ص اليوم هو الثلاثاء 09/03/2010
|
|
|
|
|
|
|
|
Re: يا تمبس لو خليتا رجعت تكون فارة وداقس (Re: عبود عبد الرحيم)
|
Quote: سلام يا ودالقريش ما عندك حق ... ختيتو في حتة ضيقة ياخ المسالة فيها اقامة واجراءات دولة ما ساهلة
أمسك في الاجراءات دي ياتمبس !! |
يا زول هوي صاحبك لو مسك في الاجراءات يكون أكل نيم هي أصلا ماشة تخلّص اجراءات الاقامة (والاقامة جاااهزة) يعني صاحبك دا إلا يطير
| |
|
|
|
|
|
|
Re: يا تمبس لو خليتا رجعت تكون فارة وداقس (Re: حاتم يوسف العبيد)
|
Quote: والي بعده .. واللي بعده .. وهكذا .. مافي زول يعمل تنوير للجايين لتجنب المطب الوقع فيه .. |
يا حاتم .. دي عامله زي (القد) عين الجماعة بالشوكـة وهو كان في أول الصف .. الشوكة دخلت ليو في عينو .. وعمل ميت زيك كدا ... غايتو من ما لبدته مني ليك كم سنة كدا .. أنا عرفتك ما بتعمل تنوير ولا اي حاجة ..
| |
|
|
|
|
|
|
Re: يا تمبس لو خليتا رجعت تكون فارة وداقس (Re: tmbis)
|
Quote: غايتو من ما لبدته مني ليك كم سنة كدا .. أنا عرفتك ما بتعمل تنوير ولا اي حاجة .. |
يٌحكى في سالف العصر والأوان ... في مبارة ملاكمة فاصلة بين بطل الجزيرة (خدوري) .. وبطل الخرطوم .. والملعب مكتظ بالمشاهدين والمشجعين ... ومع بداية المباراة ..مع ضربة قوية .. أنبطح خدوري أرضاً - بالعربي رقد ستاا وودوهو الضل- .. وجماهير ومشجعي الجزيرة تصرخ .. خارج الحلبة .. أرفع رأس الجزيرة ياخدوري .. أرفع رأس الجزيرة ياخدوري .. فألتفت اليهم خدوري - وهو مازال منسدحاً -قائلاً ... أنا قادر أرفع رأسي .. عشان أرفع ليكم رأس الجزيرة ..لوووول .. أها دحين ياتمبس أخوي ... تنوير بتاع فنيلتك ... أناقادر أرفع رأسي ..لووووووووووووول
..
| |
|
|
|
|
|
|
Re: يا تمبس لو خليتا رجعت تكون فارة وداقس (Re: معتز القريش)
|
Quote: كدي النشوف طلاق منو البمشي الجعلي ولا الشايقية |
يا قريش مالك داير تجيب لينا الهواء، صاحبك ده جبنا ليهو كديسة مشلخة لي ورا، وقلنا ليهو أضبحا قدامها عشان تآمن، قال أنا عضو في جمعية الرفق بالحيوان.. __ إعتبر طلاق داليا الماشي، حتى إشعار آخر..
| |
|
|
|
|
|
|
Re: يا تمبس لو خليتا رجعت تكون فارة وداقس (Re: طارق جبريل)
|
Quote: ويا تمبس البت دي لازم ترجع تتم تدريبها كيتا تكوي الظلامين ديل... |
.. إنت يا ود القريش والضلاميين المعاك .. ما ناقشين حاجة عن يوم المرأة العالمي..؟
النجيضة كلام الدكتورة دا .. قاليك خليها ترجع تتم قرايته ..
.. دي عقلية ذكوريـة مك بس يا قريش ..
| |
|
|
|
|
|
|
Re: يا تمبس لو خليتا رجعت تكون فارة وداقس (Re: tmbis)
|
غايتو الواحد بعد كدا يا قريش بقى زول بتاع .. (قفـه) وجرايد .. و (بطيخ) زمااان الأخ اساسي .. كان بيجي هنـا مسكييين .. تسألو يقوليك والله الأيامات دي ما فاضي .. يحننك يغيب ليهو شهر شهرين من البورد .. وكان جا كتب .. يكتب ليهو بوست بيضة جدا .. يخجل . الواحد حسع يادوبك نقش الحاصل شنـو..
ياسر طيفور أو ياسر (سيد الوزة) .. قريت ردك الأول قلت الشفت دا متضامن معاي .. لكن اطلاقا ما ساورني شك .. إنك دافن لي .. .. طــارق جبريل.. التحريش ما بنفع طبعا .. دا كلو بتلقى قدام... أحسن ليك أعمل معاي تطبيع .. أنا عندي محلين في قندهـار .. شية تقيلة .. أحمد التجاني .. يا باشمهندس .. يديك الصحة والعافية .. .. برجع ليك بي رواقـه.. .. عبود عبد الرحيم .. والله اخوك مسااك خطير جدا .. رونالدو ما بيمر منو.. .. يا دكتورة بيان .. بلاي لو عندك الاعلان العالمي لحقوق الإنسان .. اعملي ليهو اتاشمنت هنا دا .. عشان الواحد يكون عندو وثائق كتيرة ومالي يدو .. حضرت حلقة في التلفزيون قبل فترة مع كم زولة كدا .. ياخ الواحد قرب يخاف عديل كدا .. وليد الشفــت ... طبعا إنتو كتلة تجمع الداخل .. .. فيكم طابور خامس الواحد بيعتمد عليهو شديد خالص .. ..
ود الصايم .. تضحك مش كدا ..؟ والله تاني تشمني قدحــه
| |
|
|
|
|
|
|
Re: يا تمبس لو خليتا رجعت تكون فارة وداقس (Re: كمال سالم)
|
ربنا يكتب ليك السلامة داليا
الف حمدلله علي سلامة الاولاد تمبس
---------------------------------------
القريش شايفك ما جيت في بوست الامير
لكن غالبا وصولي الي الدوحة مطلع الاسبوع القادم
مابخليك بلبد ليك في مكتب الامير وبجيب معاي السني عشان يكون شاهد
| |
|
|
|
|
|
|
Re: يا تمبس لو خليتا رجعت تكون فارة وداقس (Re: عبدالكريم الامين احمد)
|
عيد المرأة براهو البذكرو غياتو تجيب ليك سبورة بيضاء تكتب فيها التواريخ المهمة بنات الزمن دا صعبات شديد ومسبلات آوي آوي
تنسى عيد ميلادهاالله قال بقولك تنسي عيد الزواج الله قال بقولك وهكذا دلاليك الى ان يصل عيد ميلاد ماما
اهم حاجة العدة عليك عشان عروستك ترضى عليك
الظلامين ديل تختاهم نهائيا خاصة القريش دا..
| |
|
|
|
|
|
|
Re: يا تمبس لو خليتا رجعت تكون فارة وداقس (Re: د.نجاة محمود)
|
شوفوا عليكم الله ود عوج الدرب
Quote: الف حمدلله علي سلامة الاولاد تمبس |
تخيلوا الحاله دي؟؟؟!!
شنو يا سيف زوله زميلتك وعضوة المنبر بجرة قلم بقت نكره ويمز لها كمان حاله صعبه.
شوفت يا تمبس اختى الفاظ ناس ود عوج الدرب دي زاتها تحيء في المنبر ده وتكتب لدوش كمان ونحن نقول يحي تمبس نصير المرأه وبنبقى لك سند لو اتفرعنت بتنا.
الا تقول عنها الاولاد وصولوا دي معنها الموضوع متسحمي.
تصلي بالسلامه يا لدوش لارجلك ابو لسان طويل ده وغطسي بالسلامه مننا ولامن نشتاق له ونقول اين تمبس؟
يا شباب ارفعوا ايديكم عن هذا الجوز وخلهوم يتهنوا بشيء من الهدؤ و الخصوصيه يعين دي ضرائب باهظه لمن يكيس من خلال هذا المنبر واطاته اصبحت.
يجيك ود القريش من قطر شايل حال اي لقاء ولو لتكملة الاوارق حاله (صعبه خلاص).
| |
|
|
|
|
|
|
Re: يا تمبس لو خليتا رجعت تكون فارة وداقس (Re: معتز القريش)
|
Quote: ماشي البيت اتغدى وآخد لي نومة |
شوف الكضب ... ومال منو الحيغسل عدة أمس الجريت الشغل خليتها متندلة فى الحوض ديك؟؟ أنوم قال، والله ياهو الفضل!!!!!. إنت يا تمبس أسى قعد تغسل عدة ولا تكوى هدوم فى ذمتك؟؟؟ شفت الحاقد عاوز يدخلك فى (الفورمة) عشان تغطس وتطلع بالشهر والشهرين زى صحبك أساسى. القريش ذكرنى قصة ثعلب مزرعة البطيخ أبو ضنب مقطوع بتاع المطالعة داك، أبقى عشرة على ضنبك يا تمبس ومااا تسمع كلام معتز.
والله حمداً لله على سلامة الدكتورة وإنشاء الله البلد ترحب بيها، جيداً جيتى يا دكتورة.
| |
|
|
|
|
|
|
Re: يا تمبس لو خليتا رجعت تكون فارة وداقس (Re: عبدالله شمس الدين مصطفى)
|
Quote: شوف الكضب ... ومال منو الحيغسل عدة أمس الجريت الشغل خليتها متندلة فى الحوض ديك؟؟ أنوم قال، والله ياهو الفضل!!!!!.
إنت يا تمبس أسى قعد تغسل عدة ولا تكوى هدوم فى ذمتك؟؟؟ شفت الحاقد عاوز يدخلك فى (الفورمة) عشان تغطس وتطلع بالشهر والشهرين زى صحبك أساسى. القريش ذكرنى قصة ثعلب مزرعة البطيخ أبو ضنب مقطوع بتاع المطالعة داك، أبقى عشرة على ضنبك يا تمبس ومااا تسمع كلام معتز. |
افو افو أنا أب تلاتة أنا بغسل العدة ؟؟
| |
|
|
|
|
|
|
Re: يا تمبس لو خليتا رجعت تكون فارة وداقس (Re: tahani abusin)
|
Quote: يا معتز سلام ياخى هى ذاتا هنا قدتنا وقلنا ليكم فى اضراب هنا كلامك دا كلام راجل عاقل خلى تمبس دا يحلف بالطلاق تانى ماتجى ولو اصرت هى يجى هو |
طلاق شنو البحلفو تمبس دا يا تهاني يا أختي منعوه عديل من دخول البوست وقال سمعا وطاعا
* تاني تآخد ليك شايقية
| |
|
|
|
|
|
|
|