|
|
|
 Re: .. نطلع من الكتمة دى (Re: سيف الدولة كامل)
|
الطيف
كلمات / محمد سعيد دفع الله
حتى الطيف رحل خلاني ما طيّب لي خاطر
أما النوم أبا وجافاني .. وأصبح داجّي ساهر
قليل يا طيف أقيف وأرجاني .. وين فايتني عابر
شن حارس وراك أنا تاني.. ياني معاك مسافر
لا تقول لي كدي استناني.. أمشي وأجيك باكر
يبقى أنا ما ألم فيك تاني.. مين عارف المصاير
هاك اسمع رنين ألحاني .. وأبقى معاي سامر
خفف لي قليل أحزاني .. ياما أنا عشت صابر
شوف كيفن يسوي زماني .. ديمة علي جاير
آه مر العذاب وراني .. سهمو في قلبي غاير
شوف الليلة كيف بستاني .. دا الكان باشّي ناضر
من حر السموم بيعاني .. طيرو يفر يهاجر
جفّ يبس صبح صناني .. لافح حرو كافر
عدمان الضليل سواني .. مجنون قالوا شاعر
كل ما تمر تعدي ثواني .. منو اسراب تغادر
رحلوا الفيهو صار وحداني .. نازل ومرة سادر
أحوم .. أرجع .. أصد لبكاني .. مقطوع راسي حاير
وين أحبابي وين خلاني .. آه يا الله قادر
ما عارف العلي تراني .. فوق كرعي ساير
وأسكت أسوي في أوزاني.. أشعار مالا آخر
وإت ياطيف عليك أحزاني .. ليّ شوية كابر
عشان خاطر قليبي عشاني.. لحظات بس تخاطر
| |
  
|
|
|
|
|
|
|
|
Re: .. نطلع من الكتمة دى (Re: Ahmed al Qurashi)
|
ياسلام عليك يا د / أحمد القرشى
جبتها عديل ؟
قال :
يبقى أنا ما ألم فيك تانى .. مين عارف المصاير
.. شوف الكلام ده حنين كيف .
الأغنية دى يا أحمد اجبرت السوبرفايزر محمد وردى يغنيها بالطمبور .
الأغنية دى يا أحمد وكتين الجو يكتم عندها سر عجيب .
سلامات يا أخى
| |
|
|
|
|
|
|
| |
Osman Musa
ندى عثمان حسن
سيف الدولة كامل
Ahmed al Qurashi
محمد الجيلى
فيس بوك
تويتر
انستقرام
يوتيوب
بنتيريست