|
|
 طلب مساعدة عاااااااجل يا بورداب الرياض... فزعتكم يا شباب...
|
أحبتي الكرام بورداب الرياض... سلامات وتحايا نواضر...
ومساكم الله بالخير والرضا...
على وزن بوست الأخ محمد الشفيع... والبحث عن شقة...
فعاوز فزعتكم وإيدكم معاي... عاوز شقة في الأحياء التالية:
الخالدية على شارع الستين... أو السويدي قريب مخرج (17)... لأن مكان عملي في مخرج 17...
همتكم معاي يا شباب...
ونسأل الله يكتب الخير على أيديكم...
قواسيب مودتي...
أبو الحُسين...
|
|
  
|
|
|
|
|
|
|
 Re: طلب مساعدة عاااااااجل يا بورداب الرياض... فزعتكم يا شباب... (Re: صالح عبده)
|
| Quote: يا زول شن جاب السويدي لمخرج 17 |
شكلو ناوي يزح ويحبو في الدائري الجنوبي
مع الشاحنات ويصل الدوام تاني يوم ؟!
ده لو كان بقود سيارتو بسرعة شباب منفوحة ؟!
أخي أبو الحسين ،
تحياتي ،
سوف نبحث ونوصي ليك في الخالدية
وفي حي الفاروق والسلي ، لأنها
كلها على مرمى حجر من مخرج 17 .
وربنا يسهل .. بس .. لكن تعال يا أخوي
نحنا لمتين حانقعد نرحل من شقة لي شقة ؟!
سودان نهي نهي ؟!! نسأل الله أن يرد غربتنا جميعاً
وكفانا شلهته وجرجرة مرافئ الغربة !؟
أم تراني حالماً ؟!!
أقول هذا وعيني على نفسي أولاً ؟!
مودتي ،
( ليمو )
| |
|
|
|
|
|
|
|
|
 Re: طلب مساعدة عاااااااجل يا بورداب الرياض... فزعتكم يا شباب... (Re: abdulhalim altilib)
|
Quote: سوف نبحث ونوصي ليك في الخالدية
وفي حي الفاروق والسلي ، لأنها
كلها على مرمى حجر من مخرج 17 . |
ماب تقصر يا الحبيب التلب...
Quote: وربنا يسهل .. بس .. لكن تعال يا أخوي
نحنا لمتين حانقعد نرحل من شقة لي شقة ؟!
|
يا اخوي مااااالك علينا هسع؟؟؟ كدي خلي أبريل الأغر يجي ونشوف بعد داك...
لكن بيني وبينك يبقى لي وِتِدْنا نقويييييهو هنا والكائن اليكون...
| |
|
|
|
|
|
|
|
|
|
Re: طلب مساعدة عاااااااجل يا بورداب الرياض... فزعتكم يا شباب... (Re: أبو الحسين)
|
انت يا خليفة وكتين اصلك ماك داير تفارق السعودية دي ما تفكر تتنقل لينا في عسير انا عارف عندكم فرع هنا . الشقق راااقدة ورخيسة.
يا خي انا بتحرك من البيت سبعة الا سبعة دقائق وبصل الساعة سبعة وعندي اشارة واحدة و في طريقة تزوق منها.
ياخي الرياض وجدة ديل الا الواحد يكون ساكن في محل الشغل.
اها شنو ليك راي البصيرة ام حمد دا؟؟
| |
|
|
|
|
|
|
|
|
|
Re: طلب مساعدة عاااااااجل يا بورداب الرياض... فزعتكم يا شباب... (Re: MOHAMMED ELSHEIKH)
|
| Quote: انت يا خليفة وكتين اصلك ماك داير تفارق السعودية دي ما تفكر تتنقل لينا في عسير انا عارف عندكم فرع هنا . الشقق راااقدة ورخيسة. |
ود الشيخ يا شقيقي الفاضل...
تعرف أنا جايي للرياض دي من الخُبر الجميلة الهادئة... شارعين رئيسيين (الملك عبد العزيز × الملك عبد الله الظهران سابقاً) وبس...
وجيت للقيامي الرابطي دي!!!
تعرف برضو عندنا فرع في الدمام وكان ممكن أمشي ليهو لكن الرياض بَحْبَحَتها أحسن "وجه مُبتسم للضحاكات"
شكراً للدعم والمساندة والشباب هنا ماب يقصروا معاي...
| |
|
|
|
|
|
|
|
|
|
Re: طلب مساعدة عاااااااجل يا بورداب الرياض... فزعتكم يا شباب... (Re: خالد المحرب)
|
ود الحسين ياشقيق
لك خالص محبتي وتقديري
هناك شقة في غبيرا بالقرب من تقاطع الستين مع الفرزدق من ناحية الشرقية للفردق
الشقة كبيرة 3غرف وحمامين وصالة كبيرة وايجارها 16الف ريال بالسنة
اهم شي الشقة جديدة ما اتسكنت قبل كدا
اذا عايز تشوفها امشي شارع الفرزدق وانت جاي من الستين منفوحة وكانك ماشي شارع غبيرا العام
مكتب العقار به سوداني وتجده علي يمينك بعد خمسين متر بعد ماتخلي الاشارة وراك
اها وصفي دا ماوقع ليك
امشي شوف الشقة واكيد حاتعجبك
لك مودتي ياحبيب (ياشقيق)
| |
|
|
|
|
|
|
|
|
|
Re: طلب مساعدة عاااااااجل يا بورداب الرياض... فزعتكم يا شباب... (Re: خالد المحرب)
|
Quote: ابو الحسين سلام عليكم دى اول مداخله بعد حضورى من السودان البارح
نجى لى موضوعك الدار البيضاء كيف انا شغال فى 17 وساكن فيى الدار البيضاء
قواسيب محبتى |
شيخ العرب المحرب... سلامات وألف حمداً لله على سلامة عودتك وإنشاء الله كل الأهل هناك بخير وعافية...
الدار البيضاء دي وين؟؟؟ لا تقول لي إمتداد شارع البطحاء لا قدام؟؟؟
لأني جديد على الرياض... وعيني على القُرُب يا صاحبي...
لك قواسيب مودتي...
| |
|
|
|
|
|
|
|
|
|
Re: طلب مساعدة عاااااااجل يا بورداب الرياض... فزعتكم يا شباب... (Re: أبو الحسين)
|
أخي شيخ العرب ود المحرب
تحياتي ،
وحمد لله على سلامة العودة
والوصول للرياض بسلامة .
| Quote: نجى لى موضوعك الدار البيضاء كيف انا شغال فى 17 وساكن فيى الدار البيضاء |
مالك عليهو داير تطفشوا لحدي كازابلانكا بتاعكم ديك ؟
خليهو يكون قريب مننا .. باقي هو جاي من بلد كلها
كورنيشات وهمبريب وحدائق وهاف موون وخواجات و .. الخ ؟!
خبارك بتدور تخليهو يسكن قريب من .. من .. من .. مقابر المنصورة ؟!؟!
( يا ساتر أستر ) !
مودتي ،
( ليمو )
| |
|
|
|
|
|
|
|
|
|
Re: طلب مساعدة عاااااااجل يا بورداب الرياض... فزعتكم يا شباب... (Re: أبو الحسين)
|
أبو الحسين
تحياتي والرياض ترحب بيك
بما انك جاي من الخبر حيث الهدؤ وكل شئ هايبر
تعال سجل لينا زيارة في اسكان الخرج وانا متأكد بعجبك وما بعيد خالص من مخرج 17
او ادناه هو الخيار الافضل لك
Quote: ود الحسين ياشقيق
لك خالص محبتي وتقديري
هناك شقة في غبيرا بالقرب من تقاطع الستين مع الفرزدق من ناحية الشرقية للفردق
الشقة كبيرة 3غرف وحمامين وصالة كبيرة وايجارها 16الف ريال بالسنة
اهم شي الشقة جديدة ما اتسكنت قبل كدا
اذا عايز تشوفها امشي شارع الفرزدق وانت جاي من الستين منفوحة وكانك ماشي شارع غبيرا العام
مكتب العقار به سوداني وتجده علي يمينك بعد خمسين متر بعد ماتخلي الاشارة وراك
اها وصفي دا ماوقع ليك
امشي شوف الشقة واكيد حاتعجبك
لك مودتي ياحبيب (ياشقيق) |
ومرحبا بك في الرياض
| |
|
|
|
|
|
|
|
|
|
Re: طلب مساعدة عاااااااجل يا بورداب الرياض... فزعتكم يا شباب... (Re: عبدالله ود البوش)
|
Quote: ود الحسين ياشقيق
لك خالص محبتي وتقديري
هناك شقة في غبيرا بالقرب من تقاطع الستين مع الفرزدق من ناحية الشرقية للفردق
الشقة كبيرة 3غرف وحمامين وصالة كبيرة وايجارها 16الف ريال بالسنة
اهم شي الشقة جديدة ما اتسكنت قبل كدا
اذا عايز تشوفها امشي شارع الفرزدق وانت جاي من الستين منفوحة وكانك ماشي شارع غبيرا العام
مكتب العقار به سوداني وتجده علي يمينك بعد خمسين متر بعد ماتخلي الاشارة وراك
اها وصفي دا ماوقع ليك
امشي شوف الشقة واكيد حاتعجبك
لك مودتي ياحبيب (ياشقيق) |
الحبيب قنات سلامات وتحايا نواضر...
بالمناسبة منطقة غبيرا من على الستين خيار بس بعد ما أعدم الخالدية والجيهة القريبة من مخرج 17 قول لي ليش؟؟؟
هسع أنا ساكن منفوحة البي جاي على شارع البطحاء... كُجنتي في الدنيا دي... إشارة تقاطع البطحاء مع الستين... وتاني تمشي لا قدام كدي إشارة شارع الخرج مع الستين؟؟؟!!
أها بي خيارك دا هسع إتخارجت من إشارة البطحاء ومُو بعيد علي الله يخارجني كمان من إشارة الخرج... ويبقى كدي من إشارة الصافي تلف يمين ومن تحت النفق عليك يا الشغل بكل حيوية ونشاط...
وبيني وبينك عندي ساعة نصت نهارية رايحة مني لبعد المسافة!!! أها كان لقيت الخالدية ولة السُلي براااااااااحة أجي أقيِّل وارجع "وجه مبتسم وكأنه جاء ريَّح وراجع لي شغلو"!!!
لك مودتي التي تعرف وعبرك لصديقي العزيز الرجل الفاضل أبو المكارم د. سيد قنات...
أبو الحُسين...
| |
|
|
|
|
|
|
| |
أبو الحسين
شكرى سليمان ماطوس
محمد إبراهيم علي
صالح عبده
abdulhalim altilib
عمر عبد الله فضل المولى
علي الكرار هاشم
MOHAMMED ELSHEIKH
عبد الدائم سيد أحمد
خالد المحرب
حاتم يوسف قنات
عبدالله ود البوش
يوسف السماني يوسف
فيس بوك
تويتر
انستقرام
يوتيوب
بنتيريست