|
خارطة طريق للاعضاء الجدد عشان بطنهم ما تطم
|
اولا تراحيب بقدر طموحاتكم وانتم تجاهدون للباس وورد
اول حاجة الباس وورد تبقوا عليه عشرة يعني تجيب محفضة حبوبتك وتدرعها في رقبتك وتخت فيها الباس وورد واياك ثم اياك ان تسلفوا وتعمل ظريف دي الفاجعة الكبرى الحتكون في حياتك
يلا نجي للكتابة طبعا الواحد فيكم بكون ليه فترة بيقرا وبيكون ممغوس من حاجات كتااااار ويقول والله لو انا مشترك كنت نجمتهم ليك نجام اها قبل ما تنجم اي حاجة نجم حشتك واليك قائمة المحاذي 1- ابعد من المهمشين 2- والمحمشين 3- والمحرشين 4- وناس المديدة حرقتني 5- وناس ود الصايم والله ديل يدورو بيك سورو تكره اليوم الدخلت فيه سودانيز
يلا تعمل شنو
1- ظبط ليك شلة والا حتقعد في الصقيعة 2- اي شكلة ابعد منها دي فيها مطبات هوائية توقع اي طيارة 3- في البداية عليك بي بوستات الونسة الخفيفة عشان تعمل ليك اصحاب ما تدقس زينا
ونواصل
|
|
|
|
|
|
|
|
Re: خارطة طريق للاعضاء الجدد عشان بطنهم ما تطم (Re: khalid fahmi)
|
Quote: لو عملت بوست إجتماعي .. واستلموهو العمالقة ناس ودا الصائم و ميادة ود. نجاة و تراجي وهباني .. |
ما دي ليلة القدر ذااااتها تقزقز بيهم واااااحد واحد ما تعمل شهم وتكمل ردودك في يوم واحد لا مثلا زي يوم الليللة تتجدع في ود الصايم وتخلي البوست يسرح بعد يوم تاخد البعده وبكدة تضمن لفترة معقولة انو البوست بتاعك مشعلق في الصفحة الاولى كم يوم
استشارة زي دي القصر الجمهوري ما عنده
| |
|
|
|
|
|
|
Re: خارطة طريق للاعضاء الجدد عشان بطنهم ما تطم (Re: د.محمد حسن)
|
. . . يادكتور ما تهرش الناس دي خليهم يكتبوا
لكن والله اصعب حاجه انك تتجدع يابرلوم وتعمل ليك سيناريو بوست بي مراجعو والفهارس كمان...
تجي تلقى الردود صفر والمشاهدات يادوب كدي تقول عشرين
والله دي حاله الا تجيب ليك حبوب مصران وضغط معاك
لانك ممكن تحس انك زول بله ساي
فرجائي ما تتحسس فعليك ياحدي الطريقيتين
اما ان تكون زي محمد الحسن ده وامير العود حسن عطيه زول فنان صفوه يعني بستمخوا ليك معينين لانهم جنهم قرايه وكده وتواصل حياتك وبراك تحدد سعر صرفك ..
او تبقى اكعب من ديك العده سته شهور كده
تقعد تفتش وين الكبار بتاعين المنبر ده والشباكم رامي الف الفين
شفت الواحد منهم تلقاهو ماشي يمين بس طوالي اقع بيهو الواطه
لحدي ما يفرزوكم الا بي الشعر
وتبقى نجاضه ماتريح زول لحدي تشفق عليك كبسور ذاااتو
بعد داك تخت الرحمن في قلبك وتكتب الكلام الفي راسك
الناس الهنا ديل بقولوا والله الزول ده الحمد لله عقل ..وبقى كتاب ..
و ببقى عندك اصحاب زي الممغوس من واحد انت فرجت فيهو خلق الله
وزي الاتضامن معاك في ذات علقه اسفيريه اخدتها
وواصل اوعى تفاصل
البصاص
| |
|
|
|
|
|
|
Re: خارطة طريق للاعضاء الجدد عشان بطنهم ما تطم (Re: أبو عبيدة البصاص)
|
الاخ الكريم البصاص
سلام وتحية معطرة
في دي جبت النجيضة
Quote: و ببقى عندك اصحاب زي الممغوس من واحد انت فرجت فيهو خلق الله
وزي الاتضامن معاك في ذات علقه اسفيريه اخدتها
وواصل اوعى تفاصل |
ولي عودة لنصائحك الغالية حاحاول اصيغ منها مانفيستو اديه لبكري يصرفو مع الباس وورد
مودتي
| |
|
|
|
|
|
|
Re: خارطة طريق للاعضاء الجدد عشان بطنهم ما تطم (Re: حافظ كنجال)
|
Quote: ياعمك قول فجعتا كده لم فيني هكر.. ] |
ذكر الشيخ محمد حسن الامدرماني في كتابه الهكر السوداني في منبر بكري الاصلعاني
ان من يسوط ويجوط في منبر بكري هكر من فئة الليليين ولكني مع القول الراجح بانه ليس بهكرن ولكن المنبر مسكووووووووووون غير ان الجن الذي سكن هذا المنبر جن مراهق يادوب بتعلم في ركوب العجل فان اصابك منه شئ فلا تثريب عليه ولا تقلق منه
| |
|
|
|
|
|
|
|