الاسماء القبيحة!!!

Quote: قال كمان ان جبريل كويس و اما مخائيل "مايكل", فلا يجوز.

Quote: أنا عمتى إسمها الشول وهى جعلية أما وأبا.

Quote: شول, اسمك و اسم ابوى طلعا من اسماء الغير مستحبة.

Quote: شول, اسمك و اسم ابوى طلعا من اسماء الغير مستحبة.

Quote: قال كمان ان جبريل كويس

Quote: ياخال ,, كيفك ياخ المصيبة مافى الزول البجى يقول كلام زى ده فى التلفزيون المصيبة فى التلفزيون زاتو ,, اللى بجيب مواسير زى ديل. وبعدين ياخال انت فى بداية كلامك ومن عنوان البوست قلت انو الزول ده قال دى اسماء قبيحة ,, وفى كلامك للمحبوب شول يفهم منه انو قال دى اسماء غير مستحبة ,, فلو سمحت ياخال ترسينا على كلام الزول ده وياريت تجيب لينا السياق كاملا عشان نقدر نحكم عليه. فإن كان هذا الرجل قال انها غير مستحبة فاقول له الإنسان عدو ماجهل. وكون الإسم غير مستحب فهذه مسألة نسبية فإذا كان غير مستحب اليه فلايجوز له ان يلزم غيره بعدم استحباب ما لايحبه هو خصوصا اذا كان الإسم بلغة لايعرفها هو وفى ثقافة يجهلها. اما ان كان قد قال ان الاسم قبيح فالقبيح ليس مايستقبحه هو والقاعدة ان الحسن ما استحسنه الشرع والقبيح ما استقبحه الشرع كما ذهب الأخوان بدرالدين ومحب. لكن على العموم التلفزيونات بتاعتنا دى يهدوها من الطشيش تبيت كتر. بعدين الزول ده كان ماعارف شول واشوانق ماعارف جوزيف ده منو.? غايتو يا شول التجى من التلفزيون يتحملا سلفا كير عشان هو نائب الرئيس ويوم واحد ما استغل فرصة انو رئيس ـ اثناء سفرات الرئيس الكتيرة دى ـ وشال قرجته وقطع الكبرى ورفد الناس اللى بتجيب لينا فى المواسير دى. يعنى كان عمل كدى كان الرئيس حايقول ليهو شنو? أكتر شئ حايقول ليهو : يازول وكت رجيتنى عضمها التلفزيون هين.

Quote: و دي عادة موجودة عند كتير من القبائل بفتكروا إنه الناس الأطفالهم بموتو بعد الولادة ممكن يتجنبو الحكاية دي بتسمية أسماء معينة و الكلام دا من ناحية إسلامية ما مقبول فاحتمال يكون الشيخ بتكلم عن الناحية دي و إنه تسمية الأطفال بأسماء معينة باعتقاد إنه دا بدفع عنهم الموت مسألة غير مستحبة. كلام محب عرض برة الحلقة فمن أين له أن هذا الشيخ يجهل أن الله يحب الناس جميعا أما قوله أنه ليست هناك أسماء قبيحة فغير صحيح... هناك أسماء قبيحة على العقلاء تجنب تسمية أبنائهم بها.

Quote: عند واللا عندو؟ يا خوي خليك في حدود شول واجاك وليس الشول والجاك على الأقل نبه اللي ظنوا انو (الالف واللام) حروف كافية لاخاءهم تسلم يا خوي وتحياتي لـ(شول) اشوانق... والحمد لله انه لا يكتبه (الشول)!!. تحياتي قــير

Quote: العزيز أبو الزيك تحيات الحقيقة أنني على وشك كتابة بوست عن الأسماء السودانية كجزء ثاني لبوست أخونا اشوانق عن الأسماء في الجنوب . بالمناسبة لا توجد علاقة بين اسم الشول الذي يطلق على البنات في وسط السودان عموما و الذي يشير لأناث الحيوانات ذات المواليد و خاصة البقر- تيمنا - و اسم شول الذي يطلق على الذكور في الجنوب .

Quote: ***- كتير من الاسماء في السودان غير عربية ولااسلامية زي ( زكريا، ابراهيم، يوسف، نوح، عيسي، ميخائيل، اسماعيل، سارة، صفية، مريم،موسي،بلال،جبريل،اسحاق). ***- وبعدين يازكريا، انت البوديك تشوف تلفزيون الجبهة شنو? ( وجه ضاحك)!! ***- يازول حافظ علي صـحتك من ضـغط الدم والسكري وابعد من الاعلام المسيـس!! ***- لك مودتي.

Quote: الأخ زكريا . زي ما عارف . ده برضوا ينضوي في إطار "أسلمة وتعريب" المجتمع في السودان . مثل هذا الشيخ لا يرى أي حرج في ما يقول ، خصوصا أن القنوات الاعلامية الحكومية مفتوحة لأمثاله فقط .

Quote: غايتو يا زكريا دي تندرج تحت عنوان محن سودانيه معقوله الكلام ده في تلفزوين وكمان اسمه قومي ؟؟!! حالة تحزن!

(عدل بواسطة Zakaria Joseph on 03-10-2010, 05:54 PM)
(عدل بواسطة Zakaria Joseph on 03-10-2010, 05:55 PM)

Quote: سلام هل الموضوع مثار النقاش عرض فى تلفزيون السودان القومى (ام درمان ) ؟