كيلا يقول:الكاشف سبب تخلف الاغنية السودانية

Quote: هذا أغرب كلام سلبى أسمعو لأول مره مش عن العبقرى الكاشف ولكن لأن أخونا كيله للأسف الشديد ماعندو أى خلفيه مؤسسه عن الغناء السودانى ولا درس موسيقى ولا قرأنا له نقد الموسيقى

Quote: نرجو ان نسمع راي الموسيقيين بالمنبر وعلي راسهم اخونا الموصلي وبصراحة

(عدل بواسطة Elmosley on 03-09-2010, 02:42 AM)

Quote: هسع بصراحه دي لزومها شنو يعني لازم تحرجونا كمال كيلا زميل عزيز تكلم عن الشتم والدلوكه والنوبه الخ الخ وقال ان الكاشف استخدم الطبله فقط ولكنني لم اري كيلا ابدا يستخدم تلك الالات التي ذكرها فهو يستخدم الالات الايقاعية الغربية وهي الان مستخدمة في السودان بالطول والعرض والمشكلة ليست في استخدام تلك الالات ولكنها تكمن في كيفية استخدامها

Quote: طيب منو الطورا؟

دا اسا سؤال
شكلك لم تطلع على التجربة الغنائية لالستاذ حمداة بت
او لم تواكب النقلة النوعية فى التوزيع والاخراج للـأغانى السودانية التى قام بها الموسيقار ايمن الربع
كم يكنك ان ترج الى تجربة الرائدات
ايمان لندن
سهى امبدة
حنان جردل
للمقارنة حتى تتكتشف حجم التطور فى الاغنية السودانية بعد ما خلفها الكاشف



*********************************************

والله يا عمر حاجة تمغس

Quote: شكلك لم تطلع على التجربة الغنائية لالستاذ حمداة بت او لم تواكب النقلة النوعية فى التوزيع والاخراج للـأغانى السودانية التى قام بها الموسيقار ايمن الربع كم يكنك ان ترج الى تجربة الرائدات ايمان لندن سهى امبدة حنان جردل للمقارنة حتى تتكتشف حجم التطور فى الاغنية السودانية بعد ما خلفها الكاشف

Quote: ( كاك بم بم بم كاك .

Quote: فى منتصف السبعينات يوم سمعنا كمال كيلا يغنى . وفى نص الغناء كان بيدها صرخات كدى . ( كاك بم بم بم كاك .. عندنا عمنا سمعو قام قال الزول ده بصرخ كدى اصلو طاقو دابى ؟؟هههههه

Quote: كمال كيلا ده منو؟

Quote: يكفيه فخرا ما قدمه باميته المعروفة كتابة وقراءة وعزفا

(عدل بواسطة عمر الفاروق عبد الله الشيخ on 03-09-2010, 08:54 AM)
(عدل بواسطة عمر الفاروق عبد الله الشيخ on 03-09-2010, 08:56 AM)

Quote: أدو كمال كيلا فرصة في النقاش...يمكن وجهة نظرو تكون صحيحة... لو لم يعزي السبب في تراجع الاغنية السودانية..للكاشف.. فالكاشف كان له ما قبله من الغناء...وجاء من بعده يغني بأساليب مختلفة... فلو كمال كيلا ورانا فسر لينا اكتر في موضوع الطبلة يمكن نخرج بحاجة مفيدة... النقد ما تأبوه يا موصلي وأنس... أنا زيكم واحد...في الكاشف ما بقبل ولا كلمة...(كسوداني) وان شاء الله نبقي نردد برانا فتنت بيه مليون سنة... وما عايزين زاتو ناس ينفتنوا بيها غيرنا... لكن يبدو ان كمال عايز فتنة باقي العالم بي غنانا... من هنا ممكن نطلب منه توضيح اكتر يا سراج الدين مصطفي.. عليك الله اضرب ليه تلفون وقول ليه...في واحد قال ليك اشرح لينا اكتر في موضوع استعمال الكاشف للطبلة وليه الطبلة فتنت الناس بي غنانا؟؟؟؟

Quote: طرحت قضية الإيقاعات وقلت للحاضرين يومها أن السودان ملئ بالإيقاعات المتنوعة فكل قبيلة لها تراثها وأيقاعاتها المختلفة في الزراعة والحصاد والبكاء والفرح وقلت أن القبائل السودانية تمتاز بالأيقاع الطبولي القوي والساخن..ولكن ابراهيم الكاشف الذي كون أول أوركسترا في تاريخ السودان الغنائي والموسيقي أستخدمت إيقاع " الطبلة " الذي يوصف بأنه ضعيف نسبياً بالمقارنة مع أيقاعات القبائل السودانية مثل الدلوكة والشتم والدفوف من حلفا وغير ذلك من أيقاعاتنا ..فهو ترك كل ذلك التراث الإيقاعي السوداني وإستخدم " الطبلة " وهي غير سودانية ..فكان سبباً في عدم تقدم الأغنية السودانية وتأخرها عن صيفاتها. هل يمكن إثبات ذلك علمياً وعملياً؟ ما قلته كان حديثاً عليماً ويمكن أثباته عملياً وبكل سهولة..ولكن البعض قال بأنني قللت من مكانة ومقدرات فنان عظيم مثل ابراهيم الكاشف ..وأنا لا يمكن أن أقول ذلك في حق أستاذنا الكاشف هذا الفنان العبقري بكل ما تحمل الكلمة من معني ومضامين..وفي تقديري أن الأجيال اللاحقة بدأت في تصحيح ذلك الوضع بإستخدامها للإيقاعات السودانية في أغنياتهم.

Quote: ابراهيم الكاشف تفرّد بتجربته الموسيقية، وما فعله بالطبلة، يشبه مافعله ببقية آلات البنية الموسيقية الغريبة على السودان والمسمّاه "أوركسترا" ... ويشبه ما فعله بالوجدان السودانى الطامّة ليست فى "ابراهيم الكاشف" واستخدامه للطبلة، فمن الواضح أنه كان يدرى ما يفعل .... الطامة فى أجيال الـ"حاكو حاكو" التى ورثت استخدام الكاشف للأوركسترا ... دون أن ترث إبداع الكاشف وتفرّده الذى اختار به الأوركسترا والطبلة ... بعض التجارب فى موسيقى الخرطوم التى أتت بعد الكاشف تترك أثراً طيباً فى النفوس ... ولكن موسيقى الخرطوم عموماً منحطّة فنياً .... ناهيك عن بعدها الشاسع عن الموسيقى السودانية ... قاتل الله الإذاعة ... وسدنة الإذاعة .... على مرّ الدهور والأجيال .... ... المهم ...