|
Re: المهرة العاصية في لجاما***لقلوبنا لحاظك يالسمحة رجاما (أروع مانظم أبوصلاح) (Re: عاطف عمر)
|
الاحت العزيزة / نها ابوراس
سلامات وكيف اخبارك
افتقدناك كثيرا فى المنبر
ودائما اسأل معاوية اسماعيل مكى عن اخبارك
بالامس كتبت مداخلة كبيرة عن هذه الاغنية وارسلتها
جيت ما لقيتها ، رينا يستر مع سرقة بريدى الالكتونى
واحباطى الشديد
ما اكون ختيتها فى بوست عزاء ، كان راحت اسلم
والناس لو لقوها فى محل تانى يقولو لى عوووك
احاول اثذكر بعض ما كتبته ....
اغنية فريع البانه هى الاغنية الوحيدة لابوصلاح والتى لحنها الحاج محمد احمد سرور
سجل الاغنية على الاسطوانات بمرافقة الربابه الفنان بشير الرباطابى
وكان معه فى الكورس ابن عمه احمد عمر وذلك فى سنة 1927
وسجلها للاذاعة بالشتم الفنان بابكر ودالسافل
وايضا سجلها الثنائى المبدع ميرغنى المامون واحمد حسن جمعه
ولقد اجاد الراحل بادى محمد الطيب فى غناء هذه الاغنية
وهذا التسجيل كان فى برنامج ايام لها ايقاع والذى كان يقدمه الاستاذ حسن خوجلى
ولقد استضاف فيه الاستاذ عوض بابكر بابكر والفنان محمود صداح بالاضافة لبادى والحلقة
كانت عن ابوصلاح واظن ان ذلك كان فى سنة 2003
مودتى
| |
|
|
|
|
|
|
Re: المهرة العاصية في لجاما***لقلوبنا لحاظك يالسمحة رجاما (أروع مانظم أبوصلاح) (Re: Ahmed al Qurashi)
|
أستاذي المبجل أحمد القرشي عساك بخير دائما بتتحفنا بأجمل المداخلات الثرة الدقيقة
وأنا إقترحت علي معاوية الاسبوع الفات لو قدرت تعمل لينا كتاب تضع فيه كل مخزونك المعرفي عن الحقيبة وعن شعراءها وفنانينها وأنا أعتقد انك اكتر أنسان جدير بنقل الناس إلي ذلك الزمن الجميل وإبراز النواحي الجمالية في كل قصيدة
ألف شكر علي سؤالك عني حقيقي ياأستاذ أبحث عن مناسبة القصيدة دي وما لاقياها ياريت لو أكرمتنا بيها
الفنان بادي محمد الطيب أسطورة في عالم الفن الجميل وأنا أعتقد إنو أحسن من أدي هذه القصيدة غناها بإحساس عالي وسلاسة في مخارج الالفاظ الصعبة تخلي الواحد يقرب يطير وهو بستمع ليها شكرا ليك كتير
وربنا يرجع ليك بريدك الاليكتروني بالسلامة لوووول تحياتي
| |
|
|
|
|
|
|
Re: المهرة العاصية في لجاما***لقلوبنا لحاظك يالسمحة رجاما (أروع مانظم أبوصلاح) (Re: عبدالكريم الامين احمد)
|
حبيبنا الدكتور احمد القرشي لك التحيه والتحيه مجددا لصاحبة البوست
Quote: اغنية فريع البانه هى الاغنية الوحيدة لابوصلاح والتى لحنها الحاج محمد احمد سرور
سجل الاغنية على الاسطوانات بمرافقة الربابه الفنان بشير الرباطابى
وكان معه فى الكورس ابن عمه احمد عمر وذلك فى سنة 1927 |
تعرف المعلومه دي يادكتور مفاجأه بالنسبه لي لانه حسب علمي انه سرور كان في التيم بتاع العبادي والشعراء سيد عبدالعزيز وعبيد عبدالرحمن اضافه لود الرضي اما التيم الذي يقف في الضفه الاخري والذي يتزعمه ابوصلاح لم اكن اتوقع ان غنى لاحدهم سرور .
مودتي
| |
|
|
|
|
|
|
|