|
|
 الهلال أكد أنه الفريق الأفضل والمريخ وصيف بدرجة إمتياز
|
الان تأكد لي تماااماً إنو الفرق كبير وكبير جداً بين إمكانيات لاعبي الهلال الفنية والخططية والمهارية وبين لاعبي المريخ ..
اكتر من تلاتة مباريات اعتقد إنها كافية لتوضيح ملامح أي فريق والمريخ شاهدته في مباريتين تنافسيتيين بعد معسكر إعدادي ثلاثي الابعاد كل مباراة يفوزو فيها تلاتة ويقولوا لينا المريخ العالمي..وده معناهو لو كنا شاهدنا المباريات الاعدادية للمريخ لثبت لنا شرعا ان المريخ فريق عادي بإمكانيات مادية مهولة ظهرت في الوقت الحالي ..
الهلال يلعب كرة قدم حقيقية ممكن تغيب في فترة من فترات المباراة بس الشكل العام بيكون واضح وملامح الفريق وروح الفريق بتكون موجودة فيغالب زمن المباراة ..
المريخ فريق متهالك بلا روح بلا نكهة بلا طعم والزول الوحيد فيهم بيشبهنا وحقنا عبد الحميد السعودي..
ده كلو كووم وحكاية الصفوة دي كوم تاني..
ياخ جمهور الهلال ده طلع فعلا جمهور صفوة يشجع الفريق في وقت الأزمة ووقت الشدة وفي وقت الرخاء ..الهلال كويس جمهورنا يصفق.. الهلال كعب جمهورنا يشجع ..وما اي تشجيع لالالا تصفيق وبحرارة وتنسيق عالي..
جمهور المريخ امبارح لا وجود له تمااااما طيييلة زمن المباراة والعجب لمن ظبطوهم ليك بي القون ..
نجي لي كورة امبارح وعايز اسأل امبارح المريخ لعب كم تمريرة صاح ؟؟ كم تمريرة غلط ؟
نتمنى لاشفاء لي حافظ بي ضربة الجزاء جوووووووة الجك ..
الاغرب والاعجب الزمن المحتسب بدل ضايع في الشوط الأول خمسة دقايق دي كييف دي؟؟؟
الأعجب منها إنو الحكم حسب 3 دقايق بالضبط وصفر بعد المريخ إتعادل لأنو الغرض من الزمن كان لتعادل المريخ ..
ما بقول الحكم كان كعب بالعكس في معظم فترات المباراة كان منصف تماااماً بس مرر هدايا متعمدة للمريخ كانت حساسة ..
المريخ الحالي حدو الكورة دي ان شاء الله ليتفرغ بعدها للمحلي واحتلال الوصافة بجدارة ..
دفاع المريخ شوارع..وسط المريخ توهان وعدم توظيف..هجوم المريخ افضل الخطوط ..
الهلال اثبت إنو الفريق الأفضل بالرغم من التخبط الاداري والمشاكل المالية ..
لو وجد الهلال نصف اموال الدولة الموفرة للمريخ لكان الهلال الافضل افريقيا بكل المقاييس..
تخريمة :
الجماعة اتزنقوا زنقة عدوووك
|
|
  
|
|
|
|
عمر الفاروق
خالد عبد الله محمود
Faris Mohamed
كمال سالم
جمال السنوسي
فيس بوك
تويتر
انستقرام
يوتيوب
بنتيريست