الأسلحة الكيميائية وحقيقة استخدامها في السودان في منتدى ميديكس للحوار
|
|
 ناس امريكا عاوزين تشوفوا قناة النيل الازرق?
|
مساكين يا ناس مريكا عينكم طالعة مع تلفزيون السودان..
رايكم شنو نحاول نقنع (ما عارفه منو) ان يختوا لينا قناة النيل الازرق مع القنوات العربية حتى لو كانت باشتراك براها ذى قناة اقرا و نورسات???
حقيقى انا ما عارفه ممكن نجنن منو بالموضوع ده!
ناس Dish networkاو reach media او ناس الART
اها ....زول يفتينا نضرب لمنو عشان نبريه بالموضوع ده!
|
|
 
|
|
|
|
|
|
|
|
Re: ناس امريكا عاوزين تشوفوا قناة النيل الازرق? (Re: smart_ana2001)
|
الله يسامحك يا سارة
ح تصدقى انى اتكلمت مع 7 فى خدمات المشركين لدشنتورك
و كل واحد بيحولنى للتانى .اخر واحد شاكلتوا وقفلت السماعة فى وشو
على العموم المعلومة الوحيدة المفيدة اللى طلعت بيها انى ممكن لضرب الرقم ده عشان اقول ليهم انى عاوزه القناة دى
18008949131
الليله ضغطى ارتفع بكره احاول تانى
| |
|
|
|
|
|
|
|
|
|
Re: ناس امريكا عاوزين تشوفوا قناة النيل الازرق? (Re: سارة علي)
|
يا اسمارت احلف ليك بشنو عشان تصدقى انا بتفرج قناتى النيل الازرق وشروق الان وفى تورنتو لا دش نيت وورك ولا ا ر ت ولا لمة وازيد مش حا اقول ليكم كيف دا حصل واليوم شاهدت لقاء على النيل الازرق مع الدكتور جعفر شيخ ادريس للناس المتابعة وعلى الهواء
| |
|
|
|
|
|
|
|
|
|
Re: ناس امريكا عاوزين تشوفوا قناة النيل الازرق? (Re: smart_ana2001)
|
سمارت أنا سلامات
| Quote: يا اسمارت احلف ليك بشنو عشان تصدقى انا بتفرج قناتى النيل الازرق وشروق الان وفى تورنتو لا دش نيت وورك ولا ا ر ت ولا لمة وازيد مش حا اقول ليكم كيف دا حصل واليوم شاهدت لقاء على النيل الازرق مع الدكتور جعفر شيخ ادريس للناس المتابعة وعلى الهواء |
ياهشام عليك الله قولينا كيف عشان خلاص نحن محاصرين بين الفضائية السودانية وتلفزيون جنوب السودان والاثنين قمة الملل والتلقيدية
عايزين نشوف النيل الأزرق عسى تكون فيها حاجة تسر الخاطر
يالله بطل حساده وورينا كيف يالحبيب
| |
|
|
|
|
|
|
|
|
|
Re: ناس امريكا عاوزين تشوفوا قناة النيل الازرق? (Re: النصرى أمين)
|
بشمهندس ابوبكر....
BNTV Syndrome دى لذيذه شديد....لكن نعمل شنو ؟؟انت و نجوان اللى دخلتوا نفسى فى النيل الزرق...اغانى و اغانى و اغانى...و احنا نتفرج فيكم تتغالطوا... فرفور غناى و عصام البنا ظريف.
رمضان الجاى لو ما عندى (ان شاء الله ) النيل الازرق ح امشى اصوم فى السودان.
سارة على ..الدنيا كانت اخر يوم و شكلهم الموظفين زهجانيين او ناس امريكا كانوا قفلوا وحولونى خدمات المشركين فى الهند.
و الله اخر واحد اتكلمت معاه ده بيكون (امن بالبطاطس)*
________________________________________________
(امن بالبطاطس) دى ما عندها اى معنى غير ان الزول استغرب.
هاشم نوريت ..سلامات...بصدقك من غير حليفة. لكن انا -للاسف- ما بعمل اى حاجه ما قانونية* . و ما بحب اتفرج بالكومبيوتر (لو كان قصدك من النت). انا عاوزه حاجه اشيل الريموت و اقلب القنوات و لما يعملوا حاجه سخيفة اغير القناة و اقعد اهرج فى ناس التلفزيون و زوقهم و اذا كان قايلننا متخلفين عقليا.
_____________________________________________
* موضوع قانونيى دى ما لانى شريفة فاضل ..لكن انا من انصار الملكية الفكرية و اذا كانوا ببيعوا الخدمة المعينة و انا عاوزاها ..انا مفروض ادفع.
اما اذا كان الموضوع قانونى و من غير نت ..فورينا ..عليك الله
| |
|
|
|
|
|
|
|
|
|
Re: ناس امريكا عاوزين تشوفوا قناة النيل الازرق? (Re: Afraa Sanad)
|
شكرا يا عفراء..تسلمى
خلاص يا جماعة ..بكره.... كلو واحد فيكم كده فى النهارية مع كباية الشاى التانية يرفع التلفون و يضرب للجماعة ديل. و ان شاء الله تتسهل
و مرحبا بالBNTV Syndrome *
__________________________________________
*مفروض نسال بشهمندس ابوبكر عن الاعراض و العلاج.
| |
|
|
|
|
|
|
|
|
|
Re: ناس امريكا عاوزين تشوفوا قناة النيل الازرق? (Re: smart_ana2001)
|
بكرى ابو بكر شخصيا قال ليكم اضربوا النمرة دى...18882622604
ده كلام واضح ..اى زول من بورداب امريكا ما ح يضرب النمرة بكرى ح يوقفوا من البورد. و حى تبقى عليكم مصيبتين ..ما فى نيل ازرق و لا حتى بورد.
بعد كده الا تمشو تقضو وقت مع اولادكم و تشوفوهم فى سنة كم فى المدارس و بيعملوا فى شنو فى الدنيا*
_____________________________________
* I am just kidding
| |
|
|
|
|
|
|
|
|
|
Re: ناس امريكا عاوزين تشوفوا قناة النيل الازرق? (Re: النصرى أمين)
|
شكرا بكرى ابوبكر..حاولت الايف شات و جاتنى المسج دى
Quote: Thank you for your interest in chatting with a live representative. Currently no agents are available to answer your chat.
Please try again in a few minutes or feel free to Contact Us through one of the following options |
و ذى ما قلت ..اليوم IHAVE HAD IT WITH THEM
بكره يمكن الموضوع يكون احسن
النصرى...حالة صعبة شديد. ذى ما قلت ليك احنا ما حتى فكرنا فيه الموضوع ده. و لما امشى لناس عندهم باستغرب جدا من الحاصل.
لكن تقول شنو ..اهو هسى ساكين الموضوع و عاوزين ندفع فيه قروش كمان ...و بكرة تقعدوا تشكو .
| |
|
|
|
|
|
|
|
|
|
Re: ناس امريكا عاوزين تشوفوا قناة النيل الازرق? (Re: isam elzein)
|
Quote: لا ما عاوزين نشوفا
نشوف ألله والرسول
مش كفايه المرض والقرف النحنا فيه |
مالوا...ان شاء الله كلنا نشوف الله و الرسول ....
و فى الدنيا الفانيه دى نشوف النيل الازرق (بعد ما تصلوا المغرب و تقروا الاوراد)
بعدين قرف شنو يا اخى؟؟؟انا -شخصيا- مبسوطة جدا فى حياتى (الف حمد و الف شكر لله)...و شويه مرض من ناس النيل الازرق بيخليك تحس بباقى نعم الله عليك من صحة و عافية وكده.
| |
|
|
|
|
|
|
|
|
|
Re: ناس امريكا عاوزين تشوفوا قناة النيل الازرق? (Re: Maawya Hussein)
|
Quote: حاااااضر...
وليك علي اشيل الرقم و اوزعه علي الاصحاب غير الاعضاء هنا
ونهريهم تلفونات و لو في طريقة كمان الايمل.. |
شكرا يا هوارى..
و على قول امى - يديها العافية - (لما اقول ليها حاااضر ) تحضر ما تغيب.
شكرا يا معاوية ...ممكن برضوا نجننن ناس النيل الازرق ..اى زول فى اى حته ...
| |
|
|
|
|
|
|
|
|
|
Re: ناس امريكا عاوزين تشوفوا قناة النيل الازرق? (Re: smart_ana2001)
|
يا اسمارت ليه سؤ الظن دا يااستاذة قاعد قدام تلفزيونى وبلقب زى ماعايز كان جات الحكومة اقول ليهم اقعدوا اتفرجوا دي النيل الازرق كان دايرين ريضاة دى الجزيرة وكان ما عاجباه دى جزيرة رياضية تانية ودى ابوظبى ودى دريم واحد واتنين ودى الحياة الاولى والتانية وديل كل قنوات النيل حدث ولاحرج ودى قناة الرسالة واقراء وديل القنوات اللبنانية لكل الاحزاب والكنتونات عدا ناس حزب ايران وديل كل القنوات الاخبارية واقلب احمممممممممممممممممد الله وشاااااااااااااااااااااااااااااكر الله انتو خليكم مع دش ابرا واستبببببببببرا من دقديق الدشوش فى نص الليالى ومين قال ليك دقديق الدشوش قانونى الا قانونا بتاع السودان كدى اخليك حسى عشان فى لقاء مع واحد فى النيل الازرق وهو عن الحافظ على الوزن المثالى وبعدين عشان اوجع فشافيشكم الماشاف النيل الازرق ما شاف تلفزيون سودانى مثالى اخخخخخخخخخخخخخخخخخخخخخخخخخى من الفضائية السودانية
وانت يا النصرى دى خوتك تفضحنى مع الجكس احا كان كدا شوف اتصالك مع دش ولا شوف تلفون الريس ياخ انت هسى كمبيوتر قبل سنتين زى كمبيوتر اليوم ناس تارا بايت شوفت كيف المتابعة دى
لكم التحية والمغصة الغياظة
| |
|
|
|
|
|
|
|
|
|
Re: ناس امريكا عاوزين تشوفوا قناة النيل الازرق? (Re: smart_ana2001)
|
العزيزة smart_ana2001
الظاهر عليك مقرشة وجاكى
Tax return ما عرفة تودية وين
Save it for rainy day
يا smart_ana2001
اناعندى كل القنوات لى اكثر من سنة
وعندى القناة السودانية 5 سنين
لكن ما عندى وقت علشان استمتع بيهم
باللة ورينى بتلاقى وقت وين مع جرى امريكا
بلدناالسمحة
اوعدك بكرة
weekend
ح اتصل
to support you
| |
|
|
|
|
|
|
|
|
|
Re: ناس امريكا عاوزين تشوفوا قناة النيل الازرق? (Re: Adil Osman)
|
سلامات العزيزه هدى
ياريت و الله يكون فى tax return .احنا ما جانا tax return من زمن(ما عاوزه اقول كم سنة عشان قلبى ما يوجعنى).السنة دى مطلوبين شئ و شويات . غايتو شهر اربعة زوجى العزيز ح يبيع واحد من الاولاد عشان يدفع الضرائب.
اما عن زمن للتلفزيون فانتى عارفه بلدنا السمحة دى مطابخها فى غرفة المعيشة اليوم كلو بطبخ و اغسل فى العده و اونس الاولاد و بتفرج فى التلفزيون. غيره كده انا براى كمان فوق العاده كده I don't have a life
شكرا على الدعم ....تسلمى
عادل امين شكرا جزيلا يا اخى نردها ليك فى ساعة خير
That’s true they don’t offer the BNTV and that is why we want to bug them. We want them to offer it. So when you call them or chat with them tell them that you know that they don’t offer it, but you know that there are soooo many people that would be interested in it .
| |
|
|
|
|
|
|
|
|
|
Re: ناس امريكا عاوزين تشوفوا قناة النيل الازرق? (Re: smart_ana2001)
|
Quote: بكرى ابو بكر شخصيا قال ليكم اضربوا النمرة دى...18882622604
ده كلام واضح ..اى زول من بورداب امريكا ما ح يضرب النمرة بكرى ح يوقفوا من البورد.
و ح تبقى عليكم مصيبتين ..ما فى نيل ازرق و لا حتى بورد.
بعد كده الا تمشو تقضو وقت مع اولادكم و تشوفوهم فى سنة كم فى المدارس و بيعملوا فى شنو فى الدني |
سلام يا اسمارت وكيف الحال..
كلو الا الرفد من المنتدي نودي وشناوين!!!!!!!
بعدين الما عندو اولاد اعمل شنو????
ما عندك مشكله يا ستي ح نتصل عليهم ...عسي ولعل رمضان الجاي اكان الله حيانا
نحضر اغاني واغاني بس لازم ادخلو فيها اسرار بابكر واطلعو نادر......
تحياتي,,,,
| |
|
|
|
|
|
|
|
|
Re: ناس امريكا عاوزين تشوفوا قناة النيل الازرق? (Re: smart_ana2001)
|
ضربت فى النمرة اللى ختاها بكرى ابوبكر. طلعت بتاعة دش نتورك بالعربى. لقيت واحده مصرية قنعتنى تماما...
اظن اننا مفروض نضرب لناس النيل الازرق و نشوف اذا كان عندهم ارسال فى قمر صناعى فى امريكا الشمالية
اها يا جماعة اذا زول شغال فى النيل الازرق ?
و برضوا استمروا اضربوا لناس دشنتورك عسا و لعل
| |
|
|
|
|
|
|
|
|
|
Re: ناس امريكا عاوزين تشوفوا قناة النيل الازرق? (Re: smart_ana2001)
|
Quote:
الان انا محتاجه لزول شغال فى النيل الازرق يورينا ممكن نتصل بمنو عشان بس نفهم الحاصل او اللى يمكن يحصل |
سلامات ومساء الخير
علي ما اعتقد يا اسمارت أنا- عضو البورد محمد عكاشة
هو بشتغل في النيل الازرق...
لكن موش ناس art,عندهم اسهم فيها...
مناصفة مع تلفزيون أو حكومة السودان.....
طيب ليه ما نسالهم...
رايك شنو؟؟
| |
|
|
|
|
|
|
|
|
|
Re: ناس امريكا عاوزين تشوفوا قناة النيل الازرق? (Re: هواري نمر)
|
هوارى كلامك صحيح
لكن كمان ناس ART ديل كمان ح يكون التفاهم معاهم اصعب من ناس دشنتورك
اصلا اجيب ليهم نمرة تلفون من وين؟ و اضرب فى اى مكتب؟ فى اى بلد؟
لكن لو فى اى زول عندو ولو فكرة بسيطة عن الاجابة لاى واحد من الاسئلة دى يورينا
حاليا انا فى طريق مسدود ...الحل الوحيد القى نمرة ال اى ار تى اونمرة تلفون قناة النيل الازرق.
| |
|
|
|
|
|
|
|
|
|
Re: ناس امريكا عاوزين تشوفوا قناة النيل الازرق? (Re: smart_ana2001)
|
سمارت
بعد ما اتم نووووووومتي
واصحي انشاءالله بعد الساعة عشرة ص
واشرب الشاي
واطق حنك
واقنع نفسي استحمى الحمام نصف السنوي
وارجع اشخر تاني
واصحي اشرب الشاي لا تي
ممكن
ممكن
اتصل ليك علي ناس النيل الازرق..
ــــــــــــــــــــــــــــــــــــــــ
بي كآآآآآآآآآآآآآآآآآآآآم؟؟ علي قول الصعايدة
| |
|
|
|
|
|
|
|
|
|
Re: ناس امريكا عاوزين تشوفوا قناة النيل الازرق? (Re: سارة علي)
|
Quote: اتصل ليك علي ناس النيل الازرق..
|
علييييييييييك الله انا ما بليد
امسكي يا سمارت انا....قوي هنا...
(موظف سابق في النيل الازرق)
يا سارة..
بالله بلا شاي بلا حمام
هسي اتصلي عليهم....وعلي الاقل انت من (ارباب المعاشات)...يعني عندك تعامل خاص.. (:
هههههههههه
| |
|
|
|
|
|
|
|
|
|
Re: ناس امريكا عاوزين تشوفوا قناة النيل الازرق? (Re: هواري نمر)
|
ساره ...و من الصباح موديانى البحر و مرجعانى عطشانه و انتى عندك كل مفاتيح اللعبه؟؟؟؟؟؟
بعدين الحمام العليك شنو ؟؟؟ موش استحميتى حماية العيد الكبير؟؟؟؟ خلاص ..كفاية.
عليك الله يا سارة شوفى لينا حل للموضوع ده و ينوبك ثواب...
هوارى...العفو يا اخى انت ما بليد ..ساره هى اللى غتيته!
خلاص كده انا ممكن امشى انوم بمعنويات كويسه
| |
|
|
|
|
|
|
|
|
|
Re: ناس امريكا عاوزين تشوفوا قناة النيل الازرق? (Re: Adil Osman)
|
| Quote: اسمارت ليه سؤ الظن دا يااستاذة قاعد قدام تلفزيونى وبلقب زى ماعايز كان جات الحكومة اقول ليهم اقعدوا اتفرجوا دي النيل الازرق كان دايرين ريضاة دى الجزيرة وكان ما عاجباه دى جزيرة رياضية تانية ودى ابوظبى ودى دريم واحد واتنين ودى الحياة الاولى والتانية وديل كل قنوات النيل حدث ولاحرج ودى قناة الرسالة واقراء |
سمارت أنا لك كل التحايا
يا هاشم يا خي بطل الحركات
SHOW US THE TRICKS
| |
|
|
|
|
|
|
|
|
|
Re: ناس امريكا عاوزين تشوفوا قناة النيل الازرق? (Re: smart_ana2001)
|
سلام اسمارت
الاشتراك لقناة النيل الازرق والجزيرة وغيرها من القنوات متوفر لدينا
هنا فى كندا (وغالبا امريكا برضو).. الشركة المنفذه اوربية ..
قيمة الاشتراك الشهرى 29.99$ وربما كانت هناك رسوم لتركيب
الجهاز الذى يشبه ال reciever مع انترنت high speed ..
يقول صديقى انه مشترك معهم منذ اكثر من سنة وان الصورة والصوت جيدة جدا ولا فرق بينها
والساتلايت العادى ..
ساقوم بنشر التفاصيل والعناوين حالما تتوفر لدى ...
| |
|
|
|
|
|
|
|
|
|
Re: ناس امريكا عاوزين تشوفوا قناة النيل الازرق? (Re: هاشم نوريت)
|
حسى يا هاشم فى ذمتك تدفع 30 دولار فى الشهر عشان النيل الازرق ؟
ياخى انت زول مروق وقروشك كتيرة خلاص ..
نيل ازرق شنو البدفع فيها تلتيناية فى الشهر..
الكييل بتاعى فيهو 95 قناة بدفع فيهو 40 دولار فى الشهر ..
اى نعم ...عايزين نشوفها
لكن ما desperate للدرجة دى ....
اوع كلامى يحبط ادارة القناة
دايرين نشوف القناة لكن كمان ما للدرجة دى
| |
|
|
|
|
|
|
|
|
|
Re: ناس امريكا عاوزين تشوفوا قناة النيل الازرق? (Re: هاشم نوريت)
|
هاشم ...
الشركة بتاعت كندا دي اسمها شنو... موقعها علي النت شنو...و بتجيب ياتو قنوات ؟
احتمال يظهر واحد "خفس" يقدر يشغلها لينا في امريكا
...
نحنا ناس dish network عاملين لينا stick up عديل 50 دولار في الشهر....يدخلن عليهم بالساحق و الماحق و البلي المتلاحق
| |
|
|
|
|
|
|
|
|
|
Re: ناس امريكا عاوزين تشوفوا قناة النيل الازرق? (Re: Mohamad Shamseldin)
|
الاخ هاشم
شكرا جزيلا على محاولتك لادخال الثقافة السودانية لبيوتا المستلبة ثقافيا بس قنوات دشنتورك العربية و قنواتهم الامريكية.
النصرى ٣٠ دولار دى رحمة . ذى ما قال ليك محمد شمس الدين ٥٠ لدشنتورك العربى و ٥٠ تانية ( اظن) للدش الامريكى و كم ما عارفه للانترنت و حاجه تانيه كده لتلفون البيت .الموضوع كلو كده قريب ال ١٨٠ دولار
ده غير فاتورة التلفونات للسودان .احسن امشى اقعد هناك احسن .التلفزون ملح و ما فى تلفونات .العاوزه اتكلم معاه بصلو بروحى.
محمد شمس الدين و الله فعلا ناس دش نت ورك مادبيننا
لكن
عندى ليكم خبر كويس قريب ان شاء الله
| |
|
|
|
|
|
|
| |
smart_ana2001
سارة علي
abubakr
هاشم نوريت
Afraa Sanad
حسن حماد محمد
Elhadi
بكرى ابوبكر
isam elzein
هواري نمر
Maawya Hussein
Adil Osman
Ehab Eltayeb
Kostawi
ahmed khidir
أمير عثمان
waleed nayel
Deng
Mohamad Shamseldin
motaz
فيس بوك
تويتر
انستقرام
يوتيوب
بنتيريست