|
|
|
 Re: شغل الألغاز ..! (Re: داليا حافظ)
|
انتي تبري من الارهاق
الارهاق ده مالينا نحن
ورينا اللغز شنو وعندنا ناس حلالين بي شكل
ناس ود الصائم وابو تفه والاشياء المشابهة
داليا صاحبتي الزمان ازيك ياخي اسع لو مواصلة للصداقة ماكان في لغز وقف قدامك
تحياتي الاكيدة
زاتوووو
| |
 
|
|
|
|
|
|
|
|
Re: شغل الألغاز ..! (Re: ALZOLZATOO)
|
| Quote: داليا صاحبتي الزمان ازيك ياخي اسع لو مواصلة للصداقة ماكان في لغز وقف قدامك |
ولحدي هسة ولي بكرة إلا انت تقول ماعايز ..يلا حل اللغز ..
| |
|
|
|
|
|
|
|
|
Re: شغل الألغاز ..! (Re: داليا حافظ)
|
والله الجهد البنبذلوا في فكفكة طلاسم البوستات ....خرافي
كان بتاعت الضحك ..المراد به الضحك
ولا الضحك الباطنو جد ..
ولا الجد جد ..
بصراحة القصة دي دايرة إعادة نظر ..
| |
|
|
|
|
|
|
|
|
 Re: شغل الألغاز ..! (Re: داليا حافظ)
|
نحن يوميا في محاولة معرفة صاحب / صاحبة البوست عايز يقول شنو ؟
رامي وين .. ؟، أو عندو شنو مع منو ؟
ولمن ده يشكر ده بكون قاصد ينال من داك ..؟
ولمن دي تتجاهل ديك ..بتكون قصدها تصاحب ديلاك العندهم مشكلة مع ديك ؟
هو في شنو بالضبط ؟
| |
|
|
|
|
|
|
|
|
|
Re: شغل الألغاز ..! (Re: داليا حافظ)
|
بالجد بقى ينتابني إحساس "القطيع " وأنا داخلة مكان ودايرة أضحك ..والقى ليك نفسي فجأة ضحكت على
زول ..وجرحتو وأنا ماعندي علاقة بالموضوع .. ويشيل في نفسو مني ..وانا بضحك وما عارفة بضحك على منو
والقصة شنو ؟
لا لأ ..تاني في وقفة ..
وجد جد أنا أسفة لأي زول ممكن يكون صابو طشاش كلام مني وأنا ما قاصدة ..
ومهما كانت الصداقة الإفتراضية بينا وبين زول ما بتدينا الحق في انو "نشوت معاهو " والقصة ما
بتعنينا ..ومتأذي فيها طرف تاني ..
| |
|
|
|
|
|
|
|
|
|
Re: شغل الألغاز ..! (Re: داليا حافظ)
|
دلوش للصداقة مانسوووش
شوفي ياصديقتي عشان تحلي الغاز البورد مش عايزه ليها ارهاق عقلي
عايزه ليها متابعة يعني تقري معظم البوستات التي يتم فتحها ومن خلالها ح تعرفي لي قدام
او كمان تكوني على صلة بي زول ناطور (حارس ) عشان يوريك المستجدات شنو
شخصيا لمن اشوف بوست وما افهم الحاصل فيهو شنو برجع خطوتين لي وراء او اذا عايز الاجابة من دون تعب اذا كانت مهمة بقوم بسال صاحبي حيدر الزين الله يرحمو ويدشدش المخدة التحت راسو ده كان هالك الباندوث بتاعة بكري يعني لو سالتيهو عن عدد المتواجدين بالمنبر يوم الاحد الفات بيوريك كانوا كم نفر 
عشان كده لو غلبك اي لغز وكسلانة تفتشي شوفي ود الصائم بتلغي عندو الخبر اليقين
بعتقد انو ماقصرت معاك
زاتوووو
| |
|
|
|
|
|
|
|
|
|
Re: شغل الألغاز ..! (Re: ALZOLZATOO)
|
Quote: عايزه ليها متابعة يعني تقري معظم البوستات التي يتم فتحها ومن خلالها ح تعرفي لي قدام
او كمان تكوني على صلة بي زول ناطور (حارس ) عشان يوريك المستجدات شنو |
يا صاحبي
أبدا الموضوع ما موضوع تشفير وعدم متابعة ..الموضوع أكبر بكتير ..
معظم البوستات فكرتها ما واضحة ..
مرة مرتين تشفير ما بضرو لكن لمن تبقى لبانة ..بايخة شديد ..
وبعدين تشفير الضحك براهو ..في تشفير كلو ألغام ..
| |
|
|
|
|
|
|
|
|
|
Re: شغل الألغاز ..! (Re: جلال جبريل)
|
سلامات داليا
لا تبتأسي ولا تحزني
إنّما الكتابات بالنيّات -أو كما قال
ممكونة كتبت بوست قبل كدا فكرته قريبة من كلامك
اقترحت فيه ايقونة جديدو اسمها "مطاعنة" عشان البوست يكون واضح و ما ينجرف المتداخلين في شي هم ما طرف فيه
| |
|
|
|
|
|
|
|
|
|
Re: شغل الألغاز ..! (Re: محمد البشرى الخضر)
|
أهلين يا ود البشرى
Quote: ممكونة كتبت بوست قبل كدا فكرته قريبة من كلامك
اقترحت فيه ايقونة جديدو اسمها "مطاعنة" عشان البوست يكون واضح و ما ينجرف المتداخلين في شي هم ما طرف فيه |
انا ما قاصدة تعبير مطاعنة بقدر ما بعني "ألغاز " ..
| |
|
|
|
|
|
|
|
|
 Re: شغل الألغاز ..! (Re: جلال جبريل)
|
Quote: بالجد بقى ينتابني إحساس "القطيع " وأنا داخلة مكان ودايرة أضحك ..والقى ليك نفسي فجأة ضحكت على
زول ..وجرحتو وأنا ماعندي علاقة بالموضوع .. ويشيل في نفسو مني ..وانا بضحك وما عارفة بضحك على منو
والقصة شنو ؟
لا لأ ..تاني في وقفة ..
وجد جد أنا أسفة لأي زول ممكن يكون صابو طشاش كلام مني وأنا ما قاصدة ..
ومهما كانت الصداقة الإفتراضية بينا وبين زول ما بتدينا الحق في انو "نشوت معاهو " والقصة ما بتعنينا ..ومتأذي فيها طرف تاني .. |
إزيك يا داليا ..
كل الحكاية تتلخص في الكلام الكتبتيه ..
مع أهمية المنبر بالنسبة لنا ولكن في حاجات بتخلي الواحد يقيف ويشد شعر رأسه ..
صدقيني بقيت أتبع سياسة معينة في التعامل مع المنبر والبوستات تحديداً ..
أولاً أقوم بعملي كاملاً مع معاينة سريعة لعناوين المنبر بعد ما أفضى ممكن أرجع للبوستات المهمة التي أستفيد منها غير ذلك لا أضيع وقتي فيما لا يفيد وما أكثر المواضيع الغير مفيدة وأتحاشا البوستات التي يكون فيها طابع مزاح قد يؤذي أحد ..
مع كل ذلك آخد إجازة لمدة طويلة من المنبر بتكون لدواعي الشغل الكتير ومرات مزاج وزهجة ومرات الواحد يفضي راسه من المشاكل الكتيرة الملان بيها ..
أبعدي نفسك من الحاجات البتخليك تفكري كتير عشان ما تحتاجي للمفتش كرومبو ليحل لكِ الألغاز ..
لكِ المودة ..
| |
|
|
|
|
|
|
|
|
|
Re: شغل الألغاز ..! (Re: معتصم دفع الله)
|
Quote: مع أهمية المنبر بالنسبة لنا ولكن في حاجات بتخلي الواحد يقيف ويشد شعر رأسه ..
صدقيني بقيت أتبع سياسة معينة في التعامل مع المنبر والبوستات تحديداً ..
أولاً أقوم بعملي كاملاً مع معاينة سريعة لعناوين المنبر بعد ما أفضى ممكن أرجع للبوستات المهمة التي أستفيد منها غير ذلك لا أضيع وقتي فيما لا يفيد وما أكثر المواضيع الغير مفيدة وأتحاشا البوستات التي يكون فيها طابع مزاح قد يؤذي أحد ..
مع كل ذلك آخد إجازة لمدة طويلة من المنبر بتكون لدواعي الشغل الكتير ومرات مزاج وزهجة ومرات الواحد يفضي راسه من المشاكل الكتيرة الملان بيها ..
أبعدي نفسك من الحاجات البتخليك تفكري كتير عشان ما تحتاجي للمفتش كرومبو ليحل لكِ الألغاز .. |
كلامك مية مية يا معتصم ..تسلم ياأمير ..
| |
|
|
|
|
|
|
|
|
|
Re: شغل الألغاز ..! (Re: جلال جبريل)
|
دخل القش وماااا قال كش ..
أها ده منو ؟
طيب يا داليا اكون معاك جادي وأهو فرصة تشيلي الصورة القطعتيها من كنكوجك عني دي..
بقدر ما إنك قلتي مرات كتيرة بتخشي بي عفوية وتضحكي وفجأة تطلع الشغلانة غير فإنتي عندك مشكلة عكسية تمااما مع البكتبو انا ..
عارفة لو كنتي بتقري كتاباتي(لاحقاً) زي ما بتقري الجماعة ديل كان لقيتي إنو ما عندي معاك ايييييو شي( يا قول جارنا) لا من قريب لا من بعيد وركزي لي في لاحقاً دي ..
انا لحدي اسة مخلوع خلعة نميري في الانتفاضة لمن كتبت لي بوست عن السيد انور كينق وفجأة كده لقيتك قلتي البوست ده جرحك ..ياخ انا لحدي أسة كل ما اقرا كلامي الكتبتو داك واقلبنو فوق تحت ما بعرف انا هبشتك وين أو ممكن شنو يكون عندو علاقة بي البلح (يا قول عادل امام) وفي النهاية وصلت لي إنو ممكن تكوني قاصدة حاجة تانية بس لقيتي البوست المعني فرصة لتوصيل فكرتك ..
عارفة زمااان قالوا واحد من الكتاب العالميين ديل ما بعرفو ليك منو كتب قصة وبعدين في جملة كده استخدم كلمة الديك( اااي الديك الوااحد القلتيبتاع العدة داك) اها جات استاذة في المدرسة تشرح القصة للطلاب ووقفت في كلمة الديك دي كتيير وقعدت تحلل وتنظر والكاتب كان يعني الرمزية وان الديك هنا بمعنى الحرية وان وان وان وان ..
ولد الكاتب دهكان قااااعد في الفصل رفع يدو وقال للاستاذة :
والله ابوي ده قاصد الديك ..الديييك بس يعني مااااا اييييو شي تاني يا استاذة ..
اها شوفتي انا كده ما تتعبي وتحلليني كتييير مرات بكون قاصد الدييك بس ما اي شي تاني ..
بالمناسبة صدقيني وصدقيني تمااااما فرق كبيير بين سابقاً ولاحقاً في البكتبو ليك وما تقيفي فيها كتير الله يرضى عليك ..
اها تعالي قولي لي شكراً لي كتابتك الكتيييرة ..
تخريمة :
ست وعشرين شخص و 21 كرسي وعايزين اي زول يقعد في كرسي براهو ..إتصصصل علينا وإربح الهامر وأكيييد إنت الفايز معانا (قالها بنفس طريقة قناة إسترايك )
| |
|
|
|
|
|
|
|
|
|
Re: شغل الألغاز ..! (Re: عمر الفاروق)
|
| Quote: بقدر ما إنك قلتي مرات كتيرة بتخشي بي عفوية وتضحكي وفجأة تطلع الشغلانة غير فإنتي عندك مشكلة عكسية تمااما مع البكتبو انا .. |
تصدق في البوست ده نفسو كنت عايزة أقول الكلام ده ما بشملك ..جد والله عشان اكون معاك واضحة
وانا يا عمر ممكن أهبش زول وانا ما قاصدة ..بقوم طوالي اتراجع ..وأوضح دي طريقتي وطبعا مافي زول
ملزم يبقى زي ..
لكن لو قاصدة البقول فيهو ..بختها تاااخ وما بهمني ..وده الحصل معاك ..طبعا انت عارف ومتأكد أنو
كلامي في بوست أنور كان على طريقة ..بالمناسبة ..ولمن شفت المناسبة جات قلت ليك ..أنت (مؤذي )
..
ولمن فتحت بوست عن "كارهاتك " ..وفرت عليك عناء مطاعنة طويلة عريضة ..وقلت ليك سجلني ..
وقلت زول فرحان بكراهية الناس ما منو رجا ..
عن الخلعة أنت أخر واحد يتكلم عن الخلعة ..أوريك كم مرة خلعتنيي ..وانت بتجي ترمي كلامك وبتمشي ؟
خليك مني ..أوريك كم مرة خلعت اهلي ومن يهمهم امري ؟
بسأل نفسي كتير وبسألوني الناس هو مالو مغيوظ منك / مني كدة وما بلقا رد ؟ بس الأكيد كان أنو ما
كنت حأقد عيني ولا أكسر كيبوردي عشان بطنك تبرد ..
إفتراض أنك ما بدورني كده لله ؟ ok حقك ..لكن أسأل نفسك ..، أنا متين فرضت نفسي عليك ؟أنت "سابقا " لمن
فتحت بوستات طويلة عريضة باسمي ..وعني ..، ناهيك عن المداخلات وقلت فيها ما قلت ..هبببتو ليك ؟ جيت
بعندك ؟ قاعدة أجي أتخفف في بوستاتك وأضحك معاك أبدا، اكتر مرات بحس فيها انو دمي تقيل لمن ارد ليك
عارف لي لأني ما بعرف أنافق ، المهم ماحولت أفكر في مشكلتك وين لانو "كلاكيعك " ما بتعنيني في شيء ..
لكن لمن الأمور إتجاوزتني لغيري ولاطراف شافت في سكوتي علامة إستفهام ..كان لازم ارد ، وده الحصل ..
على فكرة أنا أعتذارك الخجول الزماااان داك ..والله والله كنت قبلتو ..
لكن لمن جيت طبظتو..بي حاجات بعدو كتيرة ومصر على أنك تختمو بالحال في حالو ..
قررت أنو صلحك من عدمو مابعني لي شي مادام الحال في حالو ..
ما أتخيل في اوضح من كدة ..
| |
|
|
|
|
|
|
|
|
|
Re: شغل الألغاز ..! (Re: داليا حافظ)
|
داليا ياختي..
لو واجهتك اي طلاسم ومفردات ما لاقيا ليها ترجمة..
ما تتردي تعالي اسئليني,,
عندي دكشنري ختري خلاص
بيفكفك ليك الكلمة وبيدخلا ليك في جملة مفيدة,,
ولو دايرة بينطقا ليك..
ما بتغاتت عليك زي ود الصائم
ــــــــــــــــــــــــــ
عشرة دولار لمعني الكلمة الواحدة
| |
|
|
|
|
|
|
|
|
 Re: شغل الألغاز ..! (Re: سارة علي)
|
| Quote: ما أتخيل في اوضح من كدة .. |
والله يا داليـا عن جد .. ضحكته .. ضحكته شديد .. وأنا استحضر عمر الفاروق وهو بيقرا في كلامك دا ..
عارفه:
قريت قبل كم يوم تسجيلك في رابطة (التحرمني منك) استبشرت خيرا .. قلت اخيرا الواحد ح يمتع نفسم بي لعب مفتوح
اللعب المفتوح دا يا داليا معناته الوضوح الختمتي بيهو مداخلتك دي ..
اجمل حاجة في الدنيا إنو الواحد يطلع الجواهو كلو ..
عارفه تطلعي الجواك كلو تجاه الآخر .. بتلقى إنك كنت بسيطة خلاص .. وكنت فاهمة الحاجات غلط خلاص .. وكنت شايله جواك شديد خلاص ..
عارفه في ناس في الدنيا دي اتخصصت عكننه .. تخصصه عكننه .. بمعنى إنو أنا برتاح اللقى لي زول قدامي اقوم افتش ليهو ..
انا ما بضمن إنت بترتاحي لي عمر .. أو عمر برتاح ليك .. لكن انا مع التصعيد
ياخ عمر دا .. عندو صاحبو الروح بالروح .. ودفعتو وود حلتنا .. من شدة ما اشتكى منو قاليو تاني ما تتصل علي في جوالي دا .. تخيلي زول يتصل على زول في السودان والدقيقة بي كم ... عشان يمرضو
عارفه يا داليا أنا ما متضرر من عمر في اااي حاجة .. غير حاجة واحدة بس .. اشترينا أنا وهو (شبط) ولامؤاخذة ماركة عالمية .. وما اكضب عليك غااالي .. بإيعاز من عمر .. أنا جني وجن الشباطة .. لكن قلت كدي اجرب حظ عمر ..
تخيلي الشبط دا (ضفروني) فوقو ضفر .. ما لقيت زول قالي الشبط دا خطيررر .. إلا عمرررر الفارووووق
قفلت الشبط في الدولاب .. وكان من ضمن الاختراحات إني أمشي بيهو السودان ..
أول ما جيت من السودان فتحت الدولاب عشان ادخل الحاجات .. تخيلي الشبط جا واقع .. بدون ما اشعر دموعي جرررت جرررر كدا دا .. اتذكرت لحظات الفشل الممكن تمر على البني آدم ..
أنا الخميس الجاي ممكن اجي لابس ليكم الشبط دا هنا .. لكن صدقيني ح تبكو كلكم ..
عمر ميتافيزيغي يا داليا ..
ربما عندو نظرة في الشبط دا .. وربما الشبط دا يوما ما يتعرض في مزاد زيو وزي منديل أم كلثوم .. يا مسدس نابليون ..
اتعاملي معاهو يا داليا ككائن ميتافيزيغي
ياخ قبل شوية قالي (حمودي) كان دخل اصبعو جوه (نخرتو) معناته الهلال مغلوب .. تجي تقولي لي زعلانه من عمر ؟؟
وما زلت عند موقفي القديم .. إنو عمر دا في حفله اكون فيها أنـا ... والله كان نطق عديل كدا .. ما يغني .. كان طلع فيها ماشة ما يغني ..
إنت شفتيهو في السايبر .. لو شفتيهو بيغني تقولي شنو..؟
| |
|
|
|
|
|
|
|
|
 Re: شغل الألغاز ..! (Re: tmbis)
|
| Quote: والله يا داليـا عن جد .. ضحكته .. ضحكته شديد .. |
والله والله يا تمبس ليك حق ..أنا مضيعة زمني ساي ..
| Quote: عارفه تطلعي الجواك كلو تجاه الآخر .. بتلقى إنك كنت بسيطة خلاص .. |
صاح كلامك وعيت الدرس متأخر ،انا جادة ..
بالجد شكرا يا تمبس ..
| |
|
|
|
|
|
|
|
|
|
Re: شغل الألغاز ..! (Re: سارة علي)
|
شخصيا متابع نص نص كدة
وما بعرف 90% من الشخصيات الانا بخش ارد ليها لانو ده منبر عام
حتة انو زول يمسكوه والباقين يجوا يصفوا حسابات ما واقعة لي برضو
البفهمه وبعرفه انو في شلليات في المنبر أو انترست قروب
ودي بتتكون اتوتمتكلي ناس السياسة في خبر حساس بمشوا عليه ناس الرياضة كذلك
في ناس متواصلة في المنبر ده وعملت ليها تيرمنلوجي خاص بيها ودي يمكن الانتي اشرتي ليها بالالغاز
لما يجي يكتب الباقين بكون فاهمنه وفي جزء ما فاهمنه ممكن يجوا يشوتوا في اتجاه الريح او عكس حسب قرايته.
وفي شخصيات محددة بتقدر تعمل الآكشن بشتارتها او موقف غريب وهكذا...وعلي ضوءها الناس بتتداخل
الناس المتواصلة دي هنا اغلبها وسائل كسبها من مكاتب وبتقعد 8 ساعات بمضوي ورقة بعمل مداخلة بمش مكتب تاني ريفرش ومداخلة ودي لي سنين طويله وقدرت تخلق مخزون في ذاكرة الناس...يعني ممكن تكوني متذكرة موقف ما متابعه شخص تاني من 2005 وتحصل عكة من مافي.
علاقة الناس بالمنبر لو اتعدت الصفحات الصفراء دي وخشت في حياتها الخاصة يجب ترك المنبر علي الفور ...لوق اوت يعني في حياة موازية بهناك ما عندها علاقة بالحاصل بجاي.
| |
|
|
|
|
|
|
|
|
|
Re: شغل الألغاز ..! (Re: سارة علي)
|
| Quote: عشرة دولار لمعني الكلمة الواحدة |
هسة يعني بعد البوست بتاعك الفكينا شفرتو أنا وود الصايم ..بتشككي في مقدراتي
كان مفلسة ساكت قولي ..
| |
|
|
|
|
|
|
|
|
|
Re: شغل الألغاز ..! (Re: جلال جبريل)
|
والله ما دايرة أعرف كل شيء يا جلال ..الواحد الفيهو مكفيهو ..
حتى المرات البدخل أتشمشر فيها ..بكون عايزة أتونس وبس ما بكون شمار جادي ..
| |
|
|
|
|
|
|
|
|
|
Re: شغل الألغاز ..! (Re: داليا حافظ)
|
| Quote: ما بتذكر عكتبت ليك بوستات بي اسمك |
| Quote: ولسة بقول ليك جيبي لي البوستات العنونتها بي اسمك دي اشوفا !!!! |
أها ..
تأكيداً لما كتبته داليا أول مواليد الجزاعيين ..عمر الج...عي ..وإبراهيم الجزعي
| Quote: لسة انا مصر ومطالبك تبحتي فوووق تحت وتمشي الارشيف وتجيبي انا اذيتك وين او شتمتك وين أو أو أو وصدقيني لو لقيتيني هبشتك في غير حدود البعملو مع كل الناس فليك الحق |
قبل ماتصر
أنت ماحصل أبدا سالتيني السؤال ده ..
سؤال موجه منك أنت شخصيا ..نهااائي ماحصل ..
| Quote: اخديها نصيحة مني ما تدي الامور اكبر من حجمها وما تتونسي مع الناس عن الموضوع ده لانو بيكبر الحاجات وبيجيب لي انا ده الكلام |
سبحان الله لمن جبت لي الكلام أنت ما فرقت معاك ..، بعدين ما تفتي بغير علم ، وتفترض حاجات قاطعها من
راسك ..، يا سيدي أنا ما بتاعت قلنا وقالوا ..وكلامي كان واضح قلت ليك بسالوني مالو معاك ..وما بكون عندي ردي لانو مالي حاجة معاك ..واهو ياناس عشان تاني ما تسالوني ،
أهو ده كلام عمر :
| Quote: لأنو انا فعلاً ماف بيني وبينك اي شي نهاااااااائي والله وإطلاااااااااااقاً |
وقال:
| Quote: وأسة اسة اخديها مني عشان تاني لمن يسألوك الناس القلتيهم ديل قولي ليهم الزول ده ماف اييي شي بيني وبينو منبر والسلام ردود وخلاص بكتب وبيكتب بفتح بوست وبيفتح عشرة هو بي جازو وانا بي جازي .. |
أما
| Quote: ولقيتك لابدة بي كلام واضح جداً إنو شغل قوالات وقالوا لي وقالوا ليك وفعلت وتركت .. |
حاجة من القلتها ليك أتعدت حدود ما كتبتو أنت في المنبر مافي عشان ماتسرح بي كلام كتير انا ما من
ناسو ..عمرك ما حتلقاني في مواضيع قوالات ومعرفتي بالناس محدودة وفي حدود ..، والأذية الشخصية ما
عندها علاقة بكلام من برة من المنبر ده ..تمام
| Quote: تييك كير من الحاجات دي يا داليا واتعاملي مع المصدر ومن النخيل للعميل وما بتخسري .. |
النصيحة دي توفرا ليك ..لأنهاببساطة ما بتعنيني لكونها مبنية على إفتراض خاطئ ، وزعم بمعرفة الناس
ونواياهم وتفكيرهم ..
تنويه :
أنا أرشيف ما بجيب منو إقتباسات ..، لسبب بسيط ما مستعدة أخلي الما قرا يقرا، وما المالاحظ يلاحظ ..
وما بأذي نفسي بنفسي ..كان انت عايز تفتش ..ومهتم فتش ..لأ ؟ حيظل الحال كماهو عليه ..
واللنك الجبتو ده بس عشان ما تصر ساي ..على أنو ما حصل عنونت بوست بأسمي ..
| |
|
|
|
|
|
|
|
|
|
Re: شغل الألغاز ..! (Re: جلال جبريل)
|
والله يا علاء الدين كتبت مداخلتي بدون ما اقرا أو أشوف مداخلتك واتكيفت جداً إنك جيت شرحت علاقتي بي الاستاذ موودي ..:)
بعدين الله يسألك الحاجة الوحيدة القطعتها إنت من كنكوجك كانت الشبط بينما كانت التي شيرتات وبناطلين الجينز بإيعاز مني تمااااماً واتحداااك قول النصيحة جازفو منك كم واحد في الموردة ؟
يا تمبس ياخ انتي كنت عايز تمشي السودان بي بدلة :)
اسة عليييك الله يا علاء قول لي النصيييحة كده لمن مشيت الموردة وخور ابو عنجة ما إتأكدت إنو فعلاً الهنا ده سايبر سااااااي؟؟؟
كتكوت بي نفس الموتر ابو عنجة لسة بيلبسو اصفر بي ازرق سوق الموردة كما هو ..كشك الليمون في الزاوية قااااعد ..
نرجع لي موضوع الشبط لأنو الموضوع ده مأزمني جداً خالص والله ..
إنت عملت لي شنو في موضوع الجزمة الحمرا ؟ :)
تخريمة :
واله تاني إلا تلاقيني في دوار الإحساء ..:)
| |
|
|
|
|
|
|
|
|
|
Re: شغل الألغاز ..! (Re: عمر الفاروق)
|
| Quote: والله يا علاء الدين كتبت مداخلتي بدون ما اقرا أو أشوف مداخلتك واتكيفت جداً إنك جيت شرحت علاقتي بي الاستاذ موودي ..:) |
.. تعرف أنا برضو اتكيفت لما لقيتك كاتب .. لانو متأكد إنو كتابتي ح يكون فيها كتير من المتطابق معاك .. لكن بي صراحة .. مودي خليهو يرفع ايدو من الهلال .. يازول موضوع الشبط دا .. سيك سيك معلق فيك .. ياخ كان شفت الشباطة الاشتريته من سوق امدرمان كان بتقول شنو .. الشبط الجبتو لي زمان داك اللونو (حرجلي) عامل زي القلوبية .. يوم بعدما خيطتو من تحت .. ماشي بيهو في امان الله في شارع التحلية .. اتلفته وراي .. لقيت خطواتي ماشه وراي .. بمعنى إنو الوطاية ثابته وماشي بالجلده الفوقانية .. دا كلو اختلافي معاك في مسالة الشباطة دي .. الجينز الكحلي .. لا تثريب عليك .. التشيرتات الاشتريته من العليا .. علمت شغل احسن من شغلك .. قمت وزعت تشريتاتك .. وقلت ليهم دا من زول اخونا اسمو عمر الفاروق .. واحد قالي .. رجع التشيرتي دا لي عمر وقول ليهو قاليك نيابة عن اولاد الحلة قاليك شكرن دي ما المحرية فيك .. | Quote: ما إتأكدت إنو فعلاً الهنا ده سايبر سااااااي؟؟؟ |
.. والله العظيم وما طالبني حليفه .. سايبر ونص وخمسة .. والله فشلونا عديل .. فشلونا فشل زريع .. ياخ انا الناس الجات في حنتي في البيت اهلي وقرايبي واصحابي .. كانو واقعيين بشكل عجيب .. ياخ انا لما البيت اتملى علي بالناس ديل .. والله يا عمر قربت اكسر ليك اللاب توب وزين كونيكتر .. ياخ قعدت اضحك ضحك علي ناس .. يا ايها الشنو ما عارف .. وحتما شنو كدا ما عارف .. وسمهل ولا يهمل .. انا تاني ما بدقس .. ما بدقس تاني ..
| Quote: إنت عملت لي شنو في موضوع الجزمة الحمرا ؟ :) |
غايتو في الحتة دي بعترف .. والله الجزمة الحمره عملت شغل عجيب خلاص .. إنت ماشفت الظهرية طبعا .. الثابت في المسالة دي .. إنو الجزمتين ما جو راجعات .. وطالبين لسة مددد ..
تتخيل يا عمر لاقيت ليك نادر كتكوت بي موطرو ووين ..؟
لاقيتو جمب ميدان الاصدقاء .. بي نفس موطرو .. ونفس الصلعة ..
يا داليا .. معليش .. عندنا حاجات انا وعمر دا لسة ما خلصت والزول دا نقلوهو من جمبنا حسع دوار الاحساء دا إلا اركب ليهو حتين بعداك اجي راجع معاهو ..
| |
|
|
|
|
|
|
|
|
 Re: شغل الألغاز ..! (Re: tmbis)
|
دلـــوش ,,,
اول حاجه افتحي تلفونك دا عشان نعرف نتطمن عليكي من وغت لاخر ياخ ..!!
تاني حاجه,, انتي اتعودتي مني دايما الصراحه ودايمااثناء قطيعتنا الستاتيه قاعدين نتفق في
اشياء كتيره جدا ,, لكن المره دي اسمحي لي يا دلوش .. اختلفـــنا 
عارفه يا دلوش عومر الفاروق دا انسان فري فري فري سيمبل , بالعربي كده زول زينا كدا سااااي , بس زي ما قالوا ليكي ,
الاسافير دي بالجد كضابه , والكيبورد دا مرات بيخونو التعبير , لكن عومر دا بالذات , كائن حي لطيف جدا جدا , وكمان جدع جدا
يعني بالعربي كده ( ود الحلـــــه) ..
يعني عمر دا ممكن تطلعي من بيتكم تلقيهو قاعد في صندوق البيبسي الجمب الدكان بيشرب في سجاره ويكشف للماشي والجاي
ولو سالتو اخر اليوم الجا منو ولا المشى منو , بيقول ليك انا عارف ..؟؟ ياخ انا فاضي ليك ..؟؟ وبعد داك يعمل معاك شيرينق في فته فول ..!!
انا ما بعرف عمر , يمكن اتلاقينا مره واحده وكمان على السريعجدا حتى انو ملامحو ما انطبعت بي شكل كويس في راسي
لي درجه اني شفتا ليهو صوره في موبايل علاء , وسالتو دا منو ..؟؟ قال لي : يا داليا .. انتي جنيتي ..؟؟ دا ما عمر الفروق !!
لكن والله الخمسه دقايق ديكـ ورتني انو بالجد زول زوق وود الحله بالجد ..
الاســـافير دي يا دلوش اسافير ساااااي , الواحد هنا تزعل منو , وتتقل بطنك (زي ما بتقول حبوبتي) , وراسك يصدع
وعيونك يوجعوك من المعاينه في الاسكرين بتاعت الكمبيوتر, وتقعد تحلل في الكلمات , وياربي قاصد هنا شنو , وياربي هنا
قال كده ليه .. واول ما تلاقيهو في الطبيعه تلقى انو الزول دا زول سااااااااي ,, اكزاكتلي ساااااي
ياكل ويشرب ويتنفس , وكـــده ..
-------------
اكتر زول كنت مكجناهو في المنبر دا , (ود البشرى) , لمن جمعني بيهو (المطار) هنا في السودان , عرفتا قدر شنو
الناس ممكن يكونوا اخوانك في لحظات انت احوج فيها لي زول يقيف جمبك ..
من الوقت داك قررت اني ما (اتقل بطني) من زول في المنبر دا خالص , الا زول يهبشني في الحياه الحقيقيه دي ..
واهم من دا كللللللللللللو .. مشتاقين يا بنيه ..
---------------
ود البشرى يا عمك .. الكلام الفوق دا لا ينفي انو كورتك فكت
| |
|
|
|
|
|
|
|
|
|
Re: شغل الألغاز ..! (Re: داليا الكباشى)
|
دلوش 2
تلفوني فااااتح ..
أنت عادوك بالمداخلات الطويلة دي ..
بالنسبة لمدح ..ما عرفتك وانت بتمدحي سيف الدولة يا داليا المتنبئ ..
وبعدين أقول انا ما بتاعت قوالات تطلعيني قطاعة ..عليك الله غير سؤالي داااك ..متين جبت سيرة زول ؟..موش ياهو في رويحتنا دي ..فشلتيني ..
| |
|
|
|
|
|
|
|
|
|
Re: شغل الألغاز ..! (Re: tmbis)
|
مادام يا عمر وتمبس الموضوع بقى عن الشباطة الحمرا القيافة ، في الوقت الأنا
بتكلم فيهو جادة ، صدقوني الإسترسال فيهو ما بجيب نتيجة وانا اسفة جدا على الجدية ، لانو فعلا الناس دايرة ترمي وتستخف في أي وقت ، وما مهم عندها مشاعر الأخر ، ومادام هي أسافير الله والسلام ..،مافي زول جي يسالني تاني ليه كتبتي لعمر ده تحديدا كدا ..ياهو دة المشهد ..
ومعليش يا اسافير على الوقت المهدر ده ..
ــــــــــــــ
نرجع لموضوع البوست ، ويا ملاسي باين في خلل لكن أنا ما عارفاهو شنو ..
| |
|
|
|
|
|
|
|
|
|
Re: شغل الألغاز ..! (Re: عمر الفاروق)
|
Quote: (صراحة بشاغل بعض العضوات هنا متعمد بس بيناتنا
الامور إبرة في موزة ). |
ممكن تشرح لي اللغز ده يا عمر (ماتحته خط)..
باعتباري يعني من (بعض العضوات) البتشاغلن
هنا ده..
والنصيحة مافهمته..
داليا إزيك..
| |
|
|
|
|
|
|
|
|
|
Re: شغل الألغاز ..! (Re: Hussein Mallasi)
|
يا داليا ..
سودانيز دي بتتعبك جد لو سويتيها شغلتك الشاغلة .
في ناس شايفنها هي الأول و الاخر و الظاهر و الباطن و الجتة و الراس .. !!!
و حارقين رُزهم فيها ..
ياخي بلا هم .
| |
|
|
|
|
|
|
|
|
|
Re: شغل الألغاز ..! (Re: Hussein Mallasi)
|
والله يا الفاروق بختك والله
شكروك اكتر من العريس ذاتو ههههههه تصدق لحدي ما اتلخبت قلت ا لزولة دي بتقصد عمر المرشح للرئاسة ولا عمر المشرشح للكياسة
كمان جاك حسين ملاسي معاتبا فط السطر ياخي اعتبر الزولة دي خطها شين وبتنزل من السطر او صغر حجم الزوووم عندك يااخونا صحبتي دي ابعدو منها اثابكم الله
كلام ملاسي ممكن اتبلع لانو سطرين لكن البيجو يدشو ليك مقالة تكون الامبراطورية العثمانية ديل
ربينا يعينك ياصديقتي غايتو لو الموضوع استمر على كده اعملي لي بكري مس كول وهو بيتم الباقي
زاتوووو
| |
|
|
|
|
|
|
|
|
 Re: شغل الألغاز ..! (Re: ALZOLZATOO)
|
زاتوو يا صديقي (بدون شعير)
دلوش دي صديقتي انا زااااتي , وشديد كمان ..
بس النصيحه لازم نقولها , عشان صاحبتي بقول ليها النصيحه .. وعشان هي وعومر الاتنين ناس 
بعدين البوست بتاعها دا جميل بالجد , ليه ملحقو ليها بكري ياخ ..؟؟
----------
بالمناسبه كلامك صاح ,, ياخ انا كتبتا كتابه كتيره ياخ ..!! لووول
| |
|
|
|
|
|
|
|
|
|
Re: شغل الألغاز ..! (Re: داليا الكباشى)
|
Quote: الطريقة التي تنسق بها داليا مداخلاتها بأن تكتب سطر
و تفط سطرين تجعل من المتابعة أمر شاق و مضجر. |
ملاسي
طبعا إنت مرتاااح سطر واحد تكتبو وكان الله يحب المحسنين
| |
|
|
|
|
|
|
|
|
|
Re: شغل الألغاز ..! (Re: ALZOLZATOO)
|
| Quote: ربينا يعينك ياصديقتي غايتو لو الموضوع استمر على كده اعملي لي بكري مس كول وهو بيتم الباقي |
يا فردة ..مافي شي ممكن إتقال أسوا من الإتقال أصلا ..
عن نفسي حاشاني ما بطلب سحب بوست ..
ــــــــــــــ
ملاسي ده أصلي ما بزعل منو مهما إتقاطم ..وما عارفة ليه ؟
| |
|
|
|
|
|
|
|
|
 Re: شغل الألغاز ..! (Re: داليا حافظ)
|
| Quote: انا ما بيهمني كتير بكتب العايزو وبدون ما اتلفت .. |
نفس الشي حيصل مني ..وما في داعي تعمل فيها بتتخلع سمح ، ونشوف البتعب منو ..
وانا مقاسي جزمتي ياتمبس 37
| |
|
|
|
|
|
|
|
|
|
Re: شغل الألغاز ..! (Re: داليا حافظ)
|
| Quote: ما تراهو الزول ده جا ضحك وهظر وقلبا ليك صحوبية وصداقة مالك ما حردتي؟؟ |
ياود الفاروق
ياخي ربنا يديم المحبة والصداقة بين البورداب والشعوب كلها
ياخي زي مازوجة صاحبك شكرتك وماخلت ليك حاجة وشكر قدر ده لو ماضبحت ليها خروف وهي طالعة من المطار تكون قصرت في حقها الزولة دي خطيبها صاحبي زولة كويسة وظريفة ولطيفة وبتهظر وبتاكل الطعام ومابتمشي في الاسواق الا للضرورة القصوى
لكل ماذكر ياخي ارخي البنزين شويه ورزقك الله بحب الداليتين ياخي
تحياتي
زاتوووو
| |
|
|
|
|
|
|
|
|
|
Re: شغل الألغاز ..! (Re: Tabaldina)
|
والله يا الخاذوق ضحكتني
ياخي الزول بتاع المطار ده كان تقول ليهو يخلف من الصلع اربعين
بعدين انت طلعت زول كعببببببببببببب مش كعب عالي كعب بمعني بطال عارف الكان بيلبسو شباطة عندنا في الفصل كلهم كانوا بيجو في العشرة المبشرين بالطيش ماعارف علاقة الشبط بالطيش شنو ههههههههههه يكه
بعدين سؤال ياحبيبنا عزاز دي اسع الجابها هنا شنو ياخي يادوب انا بقيت افهمك شوية شوية انت مفتكر الناس دي كلها لابته ليك في القش ولا شنو ومتابعة كتاباتك حرف حرف ومابنختلف مرة اماني الامين عملت حركة بي خشمها وعزاز بتاعين لي كتابتك ياخي رفقا بالقوارير بعدين تعال شاكلنا نحن والله مابنسالك ويمكن تفتح بوست بي اسمنا عديل كده ولا نعمل فيهو كليك خليك من نشاكلك كمان
لكن عزاز وداليا واماني كمان بتختار من بيت الكلاوي لووووووووووووووولز صدقني من يوم الليلة انا ح اهتم بي حقوق المراة واعتبرني من المناضلين لانو انا اصلو قبل كده ماناضلت زمان كنت بتاع مظاهرات وقبضوني كم مرة كده وكتبت تعهد لكن بعد ده ممكن اعمل حركة مسلحة عديل كده
تحياتي
زاتوووو
| |
|
|
|
|
|
|
|
|
|
Re: شغل الألغاز ..! (Re: عزاز شامي)
|
والله ياعزاز برنامجك مبالغة
نحن غايتو سمعنا بال DHL والبلازما دي مابنسمع بيها الا لمن نمشي نعمل فحوصات طبية
اما بالنسبة للاجهزة الموجودة عندنا فدونك التلفزيون ابو كرش مش المسطح ومكوة الفحم في مواسم الحج والعمرة
بالله لمن تكونوا عاملين برنامج ملوحة اعملي لي مس كول الله يرحمها حبوبتي زمان كان بتوصي امشي من امدرمان للصحافة عشان الملوحة اخر مرة اكلتها من خمسة سنة
ماعارف البطن مازالت بي نفس الكفاءة ولا تقوم تخزلنا بعدما عودناها
والمشوار بتاع الرياض للدمام ده كفيل بي انو يطلع ريحة الملوحة كلها لو الواحد فتح الشبابيك في الهاي وي
تحياتي
زاتوووو
| |
|
|
|
|
|
|
|
|
|
Re: شغل الألغاز ..! (Re: ALZOLZATOO)
|
Quote: اتعاملي معاهو يا داليا ككائن ميتافيزيغي
ياخ قبل شوية قالي (حمودي) كان دخل اصبعو جوه (نخرتو) معناته الهلال مغلوب .. تجي تقولي لي زعلانه من عمر ؟؟
|
ميتافيزيغى شنو يا هداك الله
ياخ دا مجنتر عديل كدا
قرقرقرقرقرقرقرقر
كدى مباراة الهلال الجايه نضرب ليهو تلفون
لو لقينا حمودى دخل اصبعو جوه نخرتو نضرب الكيته من عصرا بدرى
Quote: يعني عمر دا ممكن تطلعي من بيتكم تلقيهو قاعد في صندوق البيبسي الجمب الدكان بيشرب في سجاره ويكشف للماشي والجاي
ولو سالتو اخر اليوم الجا منو ولا المشى منو , بيقول ليك انا عارف ..؟؟ ياخ انا فاضي ليك ..؟؟ وبعد داك يعمل معاك شيرينق في فته فول ..!!
|
واهو دلوش ياتامبا
بتثبت بما لا يدع مجالا للشك انو فرنكش ود الحله
كانت قصة عمر الفاروق قبل الاغتراب
قرقرقرقرقرقرقرقرقر
معليش يا داليا حافظ
واظنك بتتزكرى فى البوست الاول لمن انتقدت عمر
وقلت ليهو البت دى موجوعه منك واتفاهم معاها بالماسنجر
عمل لى فيها رايح
| |
|
|
|
|
|
|
|
|
|
Re: شغل الألغاز ..! (Re: على محمد على بشير)
|
نعم هناك الغاز وشفرات
وكل زول حسب الشلة بتاعتو
ودالصائم وودالبشري وهبة والمسلمي تمبس وداليا
خليل وكيكي تيسير وسارة
وكل يستعمل الشفرة المتفق عليها
عشان كدة لابد يا داليا من دروس خصوصية واختراق هذه الجماعات الاسفيرية
| |
|
|
|
|
|
|
|
|
|
Re: شغل الألغاز ..! (Re: khaleel)
|
ادوني وجهه نظر معاكم(علي قول د.يونس الامين)..
وجهه نظر في داليا الكباشي..
اشتقت لمناقرتا..
| Quote: ما بعرف عمر , يمكن اتلاقينا مره واحده وكمان على السريعجدا حتى انو ملامحو ما انطبعت بي شكل كويس في راسي |
يعني بس فهميني دي كيف...؟؟؟
صلعة قدر دي ..وفي مطار الخرطوم مع انعكاس الشمس والسراميك علي الصلعة,,وما تنطبع ملامحو في راسك؟؟
الزهايمر محمدك..
| Quote: اكتر زول كنت مكجناهو في المنبر دا , (ود البشرى) |
يا مراااااااا
فيك الخير...
ههههههههههههههههههههههههه
داليا حافظ
فيما يخص موضوع البراي الاسمو عمر الفاروق فالايامات دي بيدخل عشان يكشح لي مداخلة لا تخلو من ذكر اسماء محددة من الجنس الناعم وبقت ظااااهرة والحمد لله بعترف بكاملي قواي العقلية الفضلت اني من الجنس الخشن عشان ما تجي تشبكني حركات نسوان..
يا داليا عمر دة بالجد زول والله نفسو نضيفة شديد خلاص ما بتاع لف ودوران لو عندو رأي فيك بيديهو ليك في يدك وما بتعبك عشان تخمني انو قاصد شنو..لكن بما انو بقي في مرحلة خرف مبكر والدليل نقتو الكتيرة دي ..فاتوقعي اي حاجة المرحلة دي ومشي ليه ...
بالجد ما ترهقي راسك في الموضوع دة هو ظاتو قال ليك شختي للموضوع دة..
هسه بالقصة دي حيعمل لينا فيها مهم لربعين قادمين...
| |
|
|
|
|
|
|
|
|
|
Re: شغل الألغاز ..! (Re: سارة علي)
|
داليا حافظ سلام وود واحترام يا ستنا !
| Quote: ملاسي ده أصلي ما بزعل منو مهما إتقاطم ..وما عارفة ليه ؟ |
لانو مؤدب .
Quote: تخريمة :
ياخ انا لاقاني زول في الخرطوم بعد اسبوعين وقفني قال لي ياخ مش إنت قبل اسبوعين كنت في المطار؟
قلت ليهو أيوة عرفتني كيف؟
قال لي انا كنت واااقف فوووق منتظر لي مسافر جاي بي الخطوط الاماراتية بس الغريبة فرزتك وملامحك إنطبعت في راسي ..
|
احكى القصة احكيها على حقيقتها ، انا عارفاك لو ربطوك ما ح تقدر تسكت عليها اكتر من كدا
خلينى احكيها ليك انا عشان ترتاح ::: شالت وصايا
اهلها من الصالة جوووه فى المطار وتانى قدر ما ضربت
ليها ابت ترد !!! قالت لى ما خلاص شفتك تانى شنو ؟ عندك زيادة ولا كضب ؟
| Quote: أدفع كل عمري مقابل أن لا تمر دينا خالد عبر هذا البوست .. |
الله شاف ليك .. لانى ما بقدر اقرا الكلام الكتير خااااالص مهما رص
بعناية وشفتنه مدعاه ...
بقترح عليك تسحب كل ما اسهبت به فى هذا البوست فهو اسهاب مخل ..
وما تقول لى عرفتى كيف ما قلتى ما قريتى ! انا بعررررف .
ثانيا يمكنك ان تشرح مشاعرك بوضوح لداليا
والله انا ياداليا اسف .. وزهجتك منى دى حاميانى النوم ارجوك سامحينى !
الاخيرة دى على طريقة الاسبيس توون ,,
السطر دا صعب هسه ؟؟؟
| Quote: طيب يا داليا اكون معاك جادي وأهو فرصة تشيلي الصورة القطعتيها من كنكوجك عني دي.. |
اكون معاك جادى دى .. كان تتبعها طوااالى مشاعرك الخقيقية
بدل تمارس علينا سياسة ال 7 دوخات !!
ــــــــــــــــــــ
انت يا ود وهم ولا شنو ؟؟ امشى امسح الكلام الفوق دا
واستعيد بريقك والقك ومروتك ولا تنس لسانك فى اقتضاب !
| |
|
|
|
|
|
|
|
|
|
Re: شغل الألغاز ..! (Re: دينا خالد)
|
الاخت داليا حافظ
اسمحي لي بالتداخل في هذا البوست
في التعامل بين البشر الكلمة المكتوبه لا تستطيع ايصال كل ما نود توضيحه.
اعتقد انه ما لم تكن هنالك معرفه بالشخص فمن الصعب التواصل معه و التفاهم
و الاتفاق ا و الاختلاف عن طريق الكلمات المكتوبه فقط.
مئات الكلمات المكتوبه و المساجلات يمكن ان تحسمها جمله من كل طرف مصحوبه بتعابير الوجه.
الكلمه المكتوبه وحدها ليست كافيه
جميعنا نعرف اشخاص من حولنا اقارب,زملاء عمل ,زملاء دراسه,جيران و غيرهم
نتواصل معهم و نتعامل معهم بما نعرف عنهم
نفس الكلام ان قاله هذا فهو مقبول و من ذاك يستوجب الإعتذار و يؤدي للزعل
نتعامل مع هذا بأريحيه و مع هذا بتحفظ و مع ذاك بتأدب اما هذا فتفاديه واجب
و عدم مناقشته و مجادلته من المسلمات.
اذا نقل لك كلام عن فلان تزعل اما عن علان فلا تعره انتباها
كل هذا لأننا نعرفهم
تحدث حتي اعرفك
اكتب لي بكره لن اعرف عنك إلا القليل
الفضاء الإسفيري
آآآآآآآآآه
اعتقد اننا نتعامل من خلاله مع الناس علي انهم مثل احسن من عرفناهم
و نغضب بسبب ذلك
و نحرق دمنا
و نمرض
و يكون السبب
اما انهم ليسوا كذلك
او ان وسيلة الكتابه فقط غير كافيه للتعبير
و هذان السببان هما عزائي في مثل هذه الظروف
نقول العارف عزو مستريح
و لكنه ليس كذلك
فنحن نريد ان نعرف عزنا و يعرفه الآخرون
و هذا مستحيل
لاسبيل للراحه.
ربما فقط بالتصالح مع النفس
هوني عليك
| |
|
|
|
|
|
|
|
|
|
Re: شغل الألغاز ..! (Re: صلاح مختار)
|
تحايا للجميع ..
الأخت دالياً حافظ ..
يمكن معظم الإتداخلو هنا ولهم معرفة بعمر الفاروق ذكروه بالخير ..
ومن واجبنا بحكم صحبتنا ووجودنا وعلاقتنا بعمر أن نقول كلمة حق في حقه قد لا يرضى أن نقولها ..
عمر إنسان جميل وزول طيب وأخو أخوان ..
داره مفتوحة لنا جميعاً ندخلها بطيب خاطر وكرم فياض منه وأسرته متى شئنا ..
وزي ما قال ليك تمبس يلاعب مووودي ولده ويلاطفه كأنهم أصحاب ..
يقول لي عارف الليلة محمد دا عمل ليهو حركة كده معناها موضوع الهلال ( مستحمي ) بكون ما مطمئن لنتيجة المباراة ..
دواخله هكذا كما يلاطف محمد إبنه ..
وكما نعرفك يا داليا من خلال البورد ومداخلاتك فإنك إنسانة أميرة وتحملين كل طيب ..
ويشهد لكِ الجميع بذلك ..
ومن باب العشم فيك يا داليا وفي عمر أن تطويا هذه الصفحة ..
على الأقل وقف الردود لبعضكم البعض ..
على أمل أن يعود الصفاء والود بينكم وهذا مبتغانا ..
فليس فينا من يرضى أن يكون هنالك أعزاء يحملون في جواهم شئ تجاه الآخرين ويصرف بصره عنهم ..
لذلك نحمل عشمنا ويقيننا أنكم لن تردونا خائبين ..
لكما التحايا والشكر مجدداً ..
| |
|
|
|
|
|
|
|
|
|
Re: شغل الألغاز ..! (Re: معتصم دفع الله)
|
Quote: تحايا للجميع ..
الأخت دالياً حافظ ..
يمكن معظم الإتداخلو هنا ولهم معرفة بعمر الفاروق ذكروه بالخير ..
ومن واجبنا بحكم صحبتنا ووجودنا وعلاقتنا بعمر أن نقول كلمة حق في حقه قد لا يرضى أن نقولها ..
عمر إنسان جميل وزول طيب وأخو أخوان ..
داره مفتوحة لنا جميعاً ندخلها بطيب خاطر وكرم فياض منه وأسرته متى شئنا ..
وزي ما قال ليك تمبس يلاعب مووودي ولده ويلاطفه كأنهم أصحاب ..
يقول لي عارف الليلة محمد دا عمل ليهو حركة كده معناها موضوع الهلال ( مستحمي ) بكون ما مطمئن لنتيجة المباراة ..
دواخله هكذا كما يلاطف محمد إبنه ..
وكما نعرفك يا داليا من خلال البورد ومداخلاتك فإنك إنسانة أميرة وتحملين كل طيب ..
ويشهد لكِ الجميع بذلك ..
ومن باب العشم فيك يا داليا وفي عمر أن تطويا هذه الصفحة ..
على الأقل وقف الردود لبعضكم البعض ..
على أمل أن يعود الصفاء والود بينكم وهذا مبتغانا ..
فليس فينا من يرضى أن يكون هنالك أعزاء يحملون في جواهم شئ تجاه الآخرين ويصرف بصره عنهم ..
لذلك نحمل عشمنا ويقيننا أنكم لن تردونا خائبين ..
لكما التحايا والشكر مجدداً .. |
دة كلام جميل يامعتصم
شكرا
| |
|
|
|
|
|
|
|
|
|
Re: شغل الألغاز ..! (Re: عمر عشاري)
|
ملاسي
Quote: الطريقة التي تنسق بها داليا مداخلاتها بأن تكتب سطر
و تفط سطرين تجعل من المتابعة أمر شاق و مضجر. |
الوقت الكتبتبه فيهو كلامك دا وبعد الكلام الفوق ليهو كلو داك خلاني أنفجر من الضحك يا عمر عشاري أزيك وإنشا الله طيب مالك علي ملاسي دا والله مداخلتو دي ألذ مداخله في البوست دا
مع الإعتذار ليك يا داليا ولي باقي الشباب
| |
|
|
|
|
|
|
|
|
|
Re: شغل الألغاز ..! (Re: محمد سنى دفع الله)
|
ياداليا ان شاء الله يوم شكرك مايجي لوووووولز
والله ياشباب شهادتكم على العين والراس وغير مجروحة لكن كمان من راي منكم منكرا فليغيره عمر الفاروق من حقه ان يتنقد حمد الريح وعبدالوهاب وردي لانو دي شخصيات عامة وفانين والفنان ملك الجمهور
لكن كمان مالي درجة تصل لي بوردابيات ومطاعنة ومخاشنة ولو زول قال كلام غير هذا انا ح اعتبر شهادتو مجروحة
طب خاص يافاروق قبل ان تعمل مداخلة بتخص او تمس احدي البوردابيات ارجو ان تعيد قراءة البوست قبل ان تعمل كليك ارسال واذا لقيت مافيهو حاجة فارجع النظر كرتين ينقلب اليك الرد خاسئاوانت في النهاية الخسران
جمعة مباركة وكل مولد وانتم بخير وصلوا على اشرف الخلق سيدنا محمد صلى الله عليه وسلم
تحياتي
نفس الزول
| |
|
|
|
|
|
|
|
|
 Re: شغل الألغاز ..! (Re: ALZOLZATOO)
|
دلوش , غايتو البوست حقك دا استعووضي الله فيهو (معليش حبيبتي حال الدنيا)
لانو بصراحه كــده (شركـــو قبض !) ..
الزول زاتوو صديقي العزيز ..
والله عومر دا يضبح لي خروف (في المطار .. في الشارع .. في دوار الاحساء .. في اي حته) اتاكد تماما انو نصيبك
بيجيك انشالله بالدي اتش ال .. لووول .. تسلم يا راجل ياراقي .. تحياتي ..
علي محمد بشير .. اخــانا الذي هو صديغنا الاسفيري ..
لقد سالت عن عظيم يا ابو علوه , وهو شخصيه فرنكـــــش ود الحـــله طبعا الشخصيه ليست افتراضيه على
ما اعتقد (ما متاكده لانو قريتها بس كمتصفحه وما كان عندي باسويرد وما كنت بعرف صاحب البوست) , لكن المتاكده
منو تماما تماما , انو البطل ليس عومر الفاروق .. ياخ عومر دا قلنا ليكم زول ساااي ســـاااااي لوووولز ..
تحياتي لك وللاموره الفي الصوره ..
خـــلي يا خلي .. خليل صديقي العزيز ..
اسي عليك الله ما لقيت تختني الا مع الناس الهبايب ديل (ما عدا المسلمي لانو الريس لوووول) ,
كان تختني معاكم انت وكيكي , على الاقل جنا تعرفو ,, لووووووووول .. تحياتي يا صديق .. وكلامك ميه ميه بالمناسبه .
ســاره .. علي ..
اكتر زول كـــــــــــــــــــــــــنت مكجناهو في البورد هو ود البشرى ..!! دي نمره واحد ..
اكتر زول انا مكجناهو نــــــــــــــــــــاو هو حيدر الزين لانو شليق ..!! دي اتنين ..
امــا الزوله الفي بالك فلا ترقى لمستوى كجين حضرتنا !! لوووووووووووووووووووووووووووووول ياخ
دينــا خالد (او كيفما كان اسمها) لووول ..
اعتقد انو عومر دا ما كان زاتو محتاج يكتب اسمك في البوست دا عشان تجيهو (لافحه توبك الابيض وجاريه) لوول
الحاجه الما عارفه عومر انو : اينما توجد فتنه ومديده حاره , فانه توجد دينا خالد او كيفما كان اسمها برضو لووولين !!
بعدين انتي بقيتي تخافي تكتبي اسمي ولاشنو يا دندون ياخ ..؟؟ انتي قايلاني بعمل لي روحي سيرش ..؟؟
يعني كنتي دايراني اعمل لي روحي سيرش وما القى مداخلتك الثره دي ..!! لووووووووووووولز كميــات ..
ــــــــــــــــــــ
كل سنه وانتو طيبين وجمعتكم مباركه انشالله ..
| |
|
|
|
|
|
|
|
|
|
Re: شغل الألغاز ..! (Re: داليا الكباشى)
|
اختنا داليا الكباشي التي فى الرياض ( باعتبار ما سيكون ) 
اتبرع لك بعدد 10 صناديق بيبسي ( حجم عائلي ) ابو خمسة جنيه داكـ
وعدد 10 براميل وقود .. بمناسبة هذه الجمعة المباركة ..
| |
|
|
|
|
|
|
|
|
|
Re: شغل الألغاز ..! (Re: معتصم دفع الله)
|
| Quote: امــا الزوله الفي بالك فلا ترقى لمستوى كجين حضرتنا |
غريبة؟؟؟
كنتا قايلة مستوي كجين حضرتكم علي نفس مقياس مستوي سطح البسيطة..!!!!
وبالتالي ما داير شعبطة وارتقاء...وتعلق... وسلم قياسي
معلومة جديدة اضيفت لمخزوني(اللا ثقافي)
لولااااااات من عندينا لحد عنديكم..لحد الشبع والتخمة ..
والبشبع ما يجي(*يترع) لينا هنا عشان ما نديهو بالمثل اوكي؟؟
ـــــــــــــــــــــــــــــــــــــــــــ
عمر الفاروق كلمتك قلتا انا ما جنس ناعم..وبالتالي البعمل فيهو دة ما حركات نسوان..
لغير الناطقين بها:-
* يترع = يقول بووووووووع .. ويقصد بها هنا الكلام الما حلو وما في محلو..
| |
|
|
|
|
|
|
|
|
|
Re: شغل الألغاز ..! (Re: سارة علي)
|
داليا سلام
اقدر لك هذا النبش العظيم
واصلي وفكي الرموز
وبتكتشفي الحقائق بنفسك
اصلا هنا مابتنفع حسن نيه او طيب خاطر
ودي والاحترام
| |
|
|
|
|
|
|
|
|
|
Re: شغل الألغاز ..! (Re: محمد طه الحبر)
|
داليا سلام
يا شباب الربه نقطة نظام لو سمحتوا
البورداب بعرفوا بعضهم هنا في الاسفير ده و ما كل الناس تعرف بعض خارج البورد ده
يبقى المهم هو تقييم الزول حسب كتاباته هنا
حكاية انو الزول ده ود حله واخو اخوان ده حنك بيش
عمر الفاروق ده عامل فيها ظريف البورد, مافي مشكله لكن تعديهو حدودو مافي ليها مبرر
ياخي ده في في بوست بتاع فرح وهو خطوبة داليا جا يتكلم ويعلق بكل سخافه عن الموت
فيا داليا الكباشي معرفتك بيهو ما هو تبرير كافي عشان الناس تقبل السخف ده
| |
|
|
|
|
|
|
|
|
|
Re: شغل الألغاز ..! (Re: Nader Abu Kadouk)
|
الزول زاتو ..
شكرا لأنك من القلائل البيقولو كلمة حق في البورد ده,
| Quote: لكن كمان مالي درجة تصل لي بوردابيات ومطاعنة ومخاشنة ولو زول قال كلام غير هذا انا ح اعتبر شهادتو مجروحة |
نادر أبوكدوك ..
عبّرت عن الفي خاطري تماما وبرضو قلت النصيحه:
Quote: يا شباب الربه نقطة نظام لو سمحتوا
البورداب بعرفوا بعضهم هنا في الاسفير ده و ما كل الناس تعرف بعض خارج البورد ده
يبقى المهم هو تقييم الزول حسب كتاباته هنا
حكاية انو الزول ده ود حله واخو اخوان ده حنك بيش
عمر الفاروق ده عامل فيها ظريف البورد, مافي مشكله لكن تعديهو حدودو مافي ليها مبرر
ياخي ده في في بوست بتاع فرح وهو خطوبة داليا جا يتكلم ويعلق بكل سخافه عن الموت
فيا داليا الكباشي معرفتك بيهو ما هو تبرير كافي عشان الناس تقبل السخف ده |
رأيي حأكتبه في مداخله منفصله ,,
| |
|
|
|
|
|
|
|
|
|
Re: شغل الألغاز ..! (Re: Amany Elamin)
|
داليا وتمبس ومعتصم وكل أصحاب عمر الفاروق ..
شكركم لعمر الفاروق ده ذكرني أخوي زمان كان عايز يخطب وبنرشح ليهو عروسات,
كل ما نقول ليهو (الزوله دي والله رايقه ومهذبه وبت ناس) يقول: انتو بتقولو لي كده ليه؟ يعني أنا بفرتق حفلات؟!!
هسي انتو بتشكّروا لينا في عمر الفاروق ده ليه؟
نحن حنستفيد شنو من انه ود حله وعنده ولد اسمه مودي؟
الزول ده سلوكه هنا في البورد ما مقبول, نقده للفنانين يالزول زاتو نقد جارح وسخيف,
حتي النقد عنده أصول, وحدود..
أمّا تعديهو السافر علي أعضاء البورد وبالذات البنات تمت اثارته كتير, وبعد ده بيجو أصحابه يدافعو عنه ويشكّروهو,
وكأنو ده بيديهو حق يغلط علي الناس ويستهتر بيهم !!
نحن ما بنعرف عمر ده, وماعايزين نعرفو,
عايزين شوية احترام بتاع زماله وبس,
وما حنمشي نجيب أصحابنا يتكلمو عننا عشان تعرفونا نحن شنو ..
اسلوب عمر بختلف عن اسلوبي أنا شخصيا كتير لو في الحياه ولا في البورد,
ما قاعده أمارس شفتنه ولا بعرف أتعامل بشفتنه,
ولو في الحياه لاقاني عمر ده ما بتعامل معاهو, لأنو ما في لغه مشتركه ..
وبالتالي احتمال انه يكون في حوار معاهو ما وارد,
عشان كده أنا وغيري كتير في البورد بنتحاشاهو وخلاص,
يعني أدخل في كلام مع عمر حأطلع منه بشنو غير باساءه وقلة قيمه واستهتار؟
زول ما بحترم الغير وفاكر زمالة البورد بتديهو حق يتعامل مع الناس زي ما عايز أعرّض نفسي لكلام معاهو والنتيجه معروفه لشنو؟
داليا وتمبس ومعتصم أصحابي وبعرفكم معرفه شخصيه,
لو ماكده ماكان اتكلمت معاكم بصراحه,
عشمي في انكم حتفرزوا كوم صداقتكم بعمرعن كوم غلطه في الناس واستهتارو بيهم في البورد كبير ..
سلام وتحايا ,,
| |
|
|
|
|
|
|
|
|
 Re: شغل الألغاز ..! (Re: Nader Abu Kadouk)
|
Quote: قريت قبل كم يوم تسجيلك في رابطة (التحرمني منك) استبشرت خيرا .. قلت اخيرا الواحد ح يمتع نفسم بي لعب مفتوح
اللعب المفتوح دا يا داليا معناته الوضوح الختمتي بيهو مداخلتك دي ..
اجمل حاجة في الدنيا إنو الواحد يطلع الجواهو كلو .. |
.. Quote: مادام يا عمر وتمبس الموضوع بقى عن الشباطة الحمرا القيافة ، في الوقت الأنا
بتكلم فيهو جادة ، صدقوني الإسترسال فيهو ما بجيب نتيجة وانا اسفة جدا على الجدية ، لانو فعلا الناس دايرة ترمي وتستخف في أي وقت ، وما مهم عندها مشاعر الأخر ، ومادام هي أسافير الله والسلام ..،مافي زول جي يسالني تاني ليه كتبتي لعمر ده تحديدا كدا ..ياهو دة المشهد ..
ومعليش يا اسافير على الوقت المهدر ده .. |
.. يا داليا حافظ .. والله دي فرصة كويسة إنو الواحد يشيل الشباطة حقتو الفنايل من البوست حقك دا .. مع ملاحظة انو لما دخلت هنا ما دخلت بي نية إني اكون ما جادي في البوست حقك دا ولا اني .. اقوليك يا داليا ياخ والله عمر دا غيري رايك فيهو لانو انا بعرفو إنو زول كويس ..
أول مداخلتي مقتبسه ليك هناك فوووق .. والظاهر لي في بوستات كدا الواحد بيفترض فيها حسن النية إنو البساط احمدي وممكن يقرب وجهات النظر .. لكن اتضح انها اعمق من كدا ..
لا جديه ولا غيره يا داليـا .. وجهة نظري اعتبريها ممعوطة من البوست دا .. وما ح اعمل تعديل واشيله علشان البوست ما يمشي لي حتة تانية ..
| Quote: فيا داليا الكباشي معرفتك بيهو ما هو تبرير كافي عشان الناس تقبل السخف ده |
.. يا نادر القاليك اقبل السخف منو حسع ..؟
نفس كلامك دا طبعا بفترض انو موجه لي أنا .. دا لو ما خذلني الظن ..
| |
|
|
|
|
|
|
|
|
 Re: شغل الألغاز ..! (Re: tmbis)
|
| Quote: داليا وتمبس ومعتصم وكل أصحاب عمر الفاروق .. |
..| Quote: شكركم لعمر الفاروق |
.. والله يا اماني .. حبوب الصراحة الفي البوست دا بلعتوها بلع جد وكملتوها كلها ..
ياخ منو القال انا جيت بشكر في عمر الفاروق ..؟
ومنو القال انا جيت داخل هنا علشان ترضو عليهو .. وفي تنفس الوكت .. اقوم اضغط على الجهة بتاعت انو والله عمر دا غلطان عليكم .. وقاعد يسئ ليكم اكان إنت أو داليا حافظ أو غيرك ..
ومنو القال زاتو كلامي بمثابة دفاع عنو علشان ترضو عليهو .. وتغفرو وتسامحو..
Quote: هسي انتو بتشكّروا لينا في عمر الفاروق ده ليه؟
نحن حنستفيد شنو من انه ود حله وعنده ولد اسمه مودي؟ |
أماني عايني .. علشان ما نجدع لينا كلام سااي كدا ..
يللا خلينا نخت الحاجات في حتته ..
أنا الشي العارفو إنو في خلل ما بين داليا وعمر الفاروق .. زي ما في ارضية مشتركة كنت اعتقد انها بتديني الحق اخد راحتي في بوست داليا حافظ زي ما باخد راحتي في بوست لي عمر الفاروق .. عملت كدا ..
لكن مسالة إني اجي احكي ليك إنت تحديداً بي علاقة مودي مع عمر .. أو كان العصريات بيمشي وين في الحلة دي ما خطرت على بالي ..
لذلك يااماني .. ما توسعي الحاجات بي شكل ما بتحتمل فوقو التوسيع .. الكلام البايخ اي زول بيقدر عليهو واي زول بيقدر يكتبو وهو مجاني ما بي قروش ..
| |
|
|
|
|
|
|
|
|
|
Re: شغل الألغاز ..! (Re: tmbis)
|
تمبس ..
| Quote: عشمي في انكم حتفرزوا كوم صداقتكم بعمرعن كوم غلطه في الناس واستهتارو بيهم في البورد كبير .. |
ده مغزي مداخلتي ..
شكرا علي توضيح انك ما عندك غرض في الحاصل في البوست كله ..
افتكرتك عايز تلطف الجو أو تصلح بين داليا وعمر لاني حسيت انه داليا موجوعه ومتضرره في حياتها الشخصيه
من تصرفات عمر الفاروق معاها ..
وحبيت أقول ليك انه الحاصل في البوست ما بيدي نتيجه ايجابييه اطلاقا..
سوري جدا ما قصدت أتبايخ معاك لو فهمت كلامي كده ..
| |
|
|
|
|
|
|
|
|
|
Re: شغل الألغاز ..! (Re: سارة علي)
|
| Quote: (عدل بواسطة عمر الفاروق on 27-02-2010, 03:05 م) |
علي فكره ..
مداخلتك العدّلتها قريتها,
بس كنت مستعجله عندي كلاس,
رجعت لقيتك عدّلتها !!!!!!
وطول الكلاس بفكّر في حاجه واحده عايزه ليها اجابه:
الكرور منو ياعمر الفاروق؟
| |
|
|
|
|
|
|
|
|
|
Re: شغل الألغاز ..! (Re: محمد عبد الماجد الصايم)
|
Quote: سارة علي عارفك جادة وبتتكلمي بي مبدأ الجد في مكان اللعب بس صدقيني الموضوع ماخد ليهو جانب تاني وعليه كلامك البتكتبي فيهو ده انا ما بلعتو أو قلبي أباهو فياخ اديها صنة شوية ..
|
عمر الفاروق
ياخي اقلب الصفحة وشوف لينا موضوع الهلال حسب الاتفاق
وسيب البنات ديل في حالهم
| |
|
|
|
|
|
|
|
|
|
Re: شغل الألغاز ..! (Re: khaleel)
|
سلام للجميع
عمر الفاروق :
النتيجة 10/ صفر لصالحك ..مبروك ..
لكل المتداخلين
شكرا كتييير ونواياكم وصلتني ..وبتمنى أكون قريتا زي مادايرنها، والحصل معاهو
العكس يعذرني لأني بمزاج خرب تماما ..
| |
|
|
|
|
|
|
|
|
 Re: شغل الألغاز ..! (Re: أميرة فاروق عبد العال)
|
سلام يا شباب,,
حتى تعم الفائدة..
1/" تكلموا تعرفوا " , فإن المرء مخبوء تحت لسانه... فضل الكلام والصمت
2/شتائم , سباب , مطاعنات , إفلاس , تهديدات - أين أدب الحوار والخلاف ؟
وغير ذلك فعند عماد عبدالله الخبر اليقين!! راجعوا مداخلته,,,
تحياتى,,
| |
|
|
|
|
|
|
|
|
|
Re: شغل الألغاز ..! (Re: فيصل نوبي)
|
شنو الحكمة من سحب مداخلات عضو دون غيرها بينما الأقتباس من كلامو موجود ؟
هسة ده ما بخل بالتسلسل والمصداقية ؟
يعني كل الردوا ديل ..مجانين وكانوا بيرودوا على نفسهم ؟
إذا كان الحصل ده من باب الشينة منكورة ما كان أفضل أنو يقوم العضو بمسح مداخلاتو بنفسو ؟
هسة ده نسميهو شنو ؟ تواطوء ؟
مش كان الأكثر عدالة أنو البوست يسحب كلو؟
| |
|
|
|
|
|
|
|
|
 Re: شغل الألغاز ..! (Re: داليا حافظ)
|
التعامل مع ما كتب كما لم يكن "بسحبه "..جبن ليس إلا ..وهو لا يعادل أبدا الإعتذار
وأضعف الأيمان المسح عن طريق العضو نفسه ..
ــــــــــــــــ
ده إسمو تزوير ..
| |
|
|
|
|
|
|
|
|
|
Re: شغل الألغاز ..! (Re: فيصل نوبي)
|
عارفة يا داليا هي ميزة أو عيب ما عارفو بس نهاااائي ما بشكي في البورد ده من لييي شلتو بوستيني وأين مداخلاتي ولماذا يا بكري ونااادراً ما اعمل الحركة دي وبتكون بي سبب قوة راس للتوضيح إنو ما انا الشلت البوست ..
من الصباح جيت عشان ارد على بوستات تركتها ونسيتها مع الخروج من الاسفير الخيالي ده وجيتا لمن دخلت تاني عالم الخيال بس للأسف ما لقيتا !!!
جيت قلت افش الغبينة في اكتر بوست ضامن الاقي ردود فيهو واللي هو بوست سياداكم لقيت البوست وزنو خف وبدل ما كان كم وتسعين مداخلة لقيتو كش لي تمنينات !!!
والله وتصدقي ما انتبهت أبداً إنو مداخلاتي انا المحذوفة إلا بي كلامك التحت ده وده أسة شككني في روحي وفي ناس كتااااار بتاعين سواطات معقول بكري انتبه للدرجة دي وقرا البوست ده بي حذافيرو وقدر يفرز يحذف شنو ويخلي شنو ؟؟؟
مع إنو انا المفروض أشكي جيت لقيتك إنتي الشاكية ومع إنو المفروض انا الأستغرب لقيتك انتي كمان مستغربة ..انا متأكد انتي حريصة أكتر مني مداخلاتي تكون موجودة عليه انا متأكد تماااما إنو إنتي ما ليك يد في الموضوع ده بس صدقيني ناس السواطات وليس غيرهم اللي شالو مداخلاتي ..
ما بيهمني كتير تتشال تتحذف تترك وبالمناسبة عندي بوست شهير مع اختنا عزاز بي محض ارادتي حذفت كل مداخلاتي ورسلت ليها قلت ليها معليش شلت المداخلات وحا اخليك زي المجنونة لمن الناس تقرا كلامك بس ما تلقا كلامي ووضحت ليها بي صورة عامة كده اني كان لازم اسحب المداخلات ..
هنا في بوستك ده حذفت مداخلتين كتبتهم فعلاً في لحظة غنفعال نادراً ما اقع فيهو في المنبر ده وكان بي سبب مداخلة وفعلا رجعت استغفرت وشلتها لا خوفا بقدر ما انها كانت في لحظة غضب بس للاسف اتفسرت الشغلانة غلط وقررت إنو اجي اعيدا تاني غير نادم عليها ولو طلبو مني اكتبا مليون مرة حا اكتبا ابدا ما نادم عليها وما متنازل منها لأنو افتكروني بسحب كلام عن خوف وجبن وتراجع ..
معاك يا داليا ولأول مرة نتفق فتشي معاي ليييي المداخلات اتحذفت ومنو المستفيد ومنو المشتكي ومنو بتاع السواطات والقوالات ..
يا يتحذف البوست كلو يا كمان يدوني حقي يا كمان يوقفوني عدييل وبكري ده يطردني من بيتو وهو حر ..
تخريمة :
يا ريت مداخلتي دي كمان ما يشيلوها او لو شالوها بعد تقريها عشان تتأكدي بس ..
| |
|
|
|
|
|
|
|
|
|
Re: شغل الألغاز ..! (Re: عمر الفاروق)
|
داليا
وضاع البوست يا ولدي
عمر الفاروق
تحية من كنكوجي لي كنكوجك لزوم تأكيد اشواق الكناكيج
تخريمة
الاخت الكريمة داليا
لحل الالغاز عليك
بالشيخ
google
حفظه الله
| |
|
|
|
|
|
|
|
|
|
Re: شغل الألغاز ..! (Re: عمر الفاروق)
|
الأخت / داليا تحياتي
أستأذنك أولا في الدخول فقد لفت نظري العنوان ... موضوع هام جدا تطرقتي له رغم أنه ضاع وسط زحام الأحبة ... الألغاز ... بالتأكيد أتحدث بالتعميم لا التخصيص ودون أي قصد لأحد ...
منذ عام 2005م وأنا عضو بهذا المنير ولأول مرة تتفتح عيني على ماوراء الكتابات فكثيرا جدا أمر على كتابات مرور الكرام وأقرأ الحروف دون تفكير في هذه الماورائيات ..لأول مرة أجد الاجابة على أسئلة كثيرة كانت تدور في ذهني ففي بعض البوستات تكون وراء الكلمات تصفية حسابات ووو ... الخ ... صدقا لأول مرة أحس بذلك .
وبعيدا عن كل ذلك أقول لك أنت صاحبة قلم رائع فاكتبي ولا تلتفتي ورائك أبدا .. لاتحاولي إرهاق ذهنك بالتحليل حتى لا تصابين بضغط أنت لست في حاجة إليه ... أوصلي فكرتك فقط وحاوري دائما من يتداخل في إطارها ويثريها وبالتأكيد الحديث معمم للجميع فالكل يدخل المنبر ليرتاح من زحمة العمل والحياة يلتقي مع أصدقاء الكلمة والفكر ويكسب مزيدا من العلاقات المتميزة .
إمضي يا أختاه ولاتلتفتي ... لاشيء يستحق ضغط الأعصاب ولاشيء يستحق ( النرفزة ) ... وقديما قالوا بأن الحجارة لو تكالبت على الشجرة فهو دليل على إثمارها .
لاتحرمينا من قلمك ولا من مزاجك العالي حين تكتبين ووفقك الله وسدد خطاك .... ووفق جميع المتداخلين وسدد خطاهم وجعل المنبر دوحة نستظل بفكرها وعلاقاتها الحميمة لا مصدرا للقلق وبؤرة للالغاز
| |
|
|
|
|
|
|
|
|
|
Re: شغل الألغاز ..! (Re: عبدالدين سلامه)
|
داليــا ســلامــات ..
غايتو انا اتعودته اى حاجة بتتعبنى نفسيأ بسقطه من حساباتى
وبفط الصفحة وبمشى للبعدا مهما كانت حجمها او بالاصح نحن البندى
الحاجات مساحات تتمدد جوانا ..
بالنسبـــة للمنبــر بقيت مابشيل معاى التعليق اكتر من مسافة قرايتو
عارفه ليه لانو فى ناس بتجى تحدع ليك كلااام عشان تحركك او تثيرك او او او
يبقى انا اديك مساحة جواى ليه وازعل وافكر واربط نحن بنخلق برانا الازمة ونعيشه
.....
داليــــا
نصيحة منى ليك شيلى من الحياة البريحــــك ...
| |
|
|
|
|
|
|
|
|
|
Re: شغل الألغاز ..! (Re: سارة كرودى)
|
داليا .. يا ســلام .. ( و فعل مثل ماجدة زكي في دورها في مسلسل العطار و سبع بنات ) ..
كونك تكتبي انك ( مرهقة فكريا ) و يتداعى لك سائر المنبر بالسهر و الحمي .. دي حاجة كويسـة جدا جدا ..
انظري يا زميلة دائما الي النصف الممتلئ من الكوب ..
عمر الفاروق هذا لو ( دقشـو ) قطر هسع دي او سقط فيهو ( بيانو ) من اعلى البناية .. زول بجي يقول ليهو الكلام الكتير ما في ..
يعتبر السيد عمر الفاروق شيخ الدين المعروف حركيا بـ( حسن بمبان ) .. الهد كوراتر بتاع البيض السوداني في منطقة الميدل ايست ..
و للامانة يعني .. كان قرر يفقع مرارتك .. طوالي تقومي تتصلي بناس غريس انوتمي يشوفوا ليك عملية بتاعت زرع اعضاء .. ( مرارة + كبدة ) ..
| |
|
|
|
|
|
|
|
|
|
Re: شغل الألغاز ..! (Re: humida)
|
شكرا لبكري أبوبكر ..أن ضرب لنا مثلا حيا ..لشغل الالغاز ..؟
هسة يا جماعة حيلوا لنا اللغز ده ..
من في رأيكم يمكن أن يطلب من بكري ابوبكر حذف مداخلات عمر الفاروق ؟
أو منو يعني الاكثر حرصا ده ؟
| |
|
|
|
|
|
|
| |
داليا حافظ
ALZOLZATOO
SHIBKA
محمد عبد الماجد الصايم
جلال جبريل
محمد البشرى الخضر
معتصم دفع الله
عمر الفاروق
سارة علي
tmbis
GamarBoBa
داليا الكباشى
أميرة فاروق عبد العال
Hussein Mallasi
عبدالله كع
Emad Abdulla
عمر عشاري
على محمد على بشير
khaleel
دينا خالد
مرتضى احمد عبد القادر
محمد سنى دفع الله
معاوية عوض الكريم
البدري عبد الله
Nader Abu Kadouk
أيمن الطيب
فيصل نوبي
د.محمد حسن
عبدالدين سلامه
humida
بشير جبريل علي
محمد على طه الملك
فيس بوك
تويتر
انستقرام
يوتيوب
بنتيريست