|
جالية فلادلفيا تدعو النساء لحفل غنائى تحييه سميرة أحمد
|
* الحفل النسائى الكبير
*** ***
السكرتارية الإجتماعية بالتاضمن مع سكرتارية شئون الأسرة للجالية السودانية بمدينة فيلادلفيا الكبرى تدعو نساء الجالية و صديقاتهن لحضور الحفل النسائى الكبير تحيه الفنانة القديرة سميرة أحمد وذلك يوم السبت السابع و العشرون من فبراير ٢٠١٠ الساعة الثالثة بعد الظهر الى العاشرة مساء
المكان: 6902Castor Ave Philadelphia, PA 19149 ٣٥ دولار للتذكرة - مشروبات مجانية ً و السندوشات بأسعار رمزية
السكرتيرالإجتماعى وصال محمد عبدالله
(عدل بواسطة Egbal Elmardi on 02-26-2010, 01:54 AM)
|
|
|
|
|
|
|
|
Re: جالية فلادلفيا تدعو النساء لحفل غنائى تحييه سميرة أحمد (Re: Deng)
|
Quote: إقبال سلامات .
يا اقبال ما معقول ، الكوزات في السودان كانو برقصن على الهواء في تلفزيون النيل الازرق لايف ، أنتوا المستنيرات في أمريكا عاملين حفلة مخصصة للنساء |
دينق كيف الدنيا معاك....
والله يا دينق أنا ما عندى أى يد فى الموضوع ...... ولا حتى عضو فى لجنة الجاليه أنا بس حبيت أقدم خدمه للسكرتاريا الإجتماعيه بالإعلان عن الحفل لأنو ما عندهم أكسس لسودانيز....
يا دينق فى أمريكا دى الرجال ما بعملو قعدات
قالو الفنانه ح تغنى بالدلوكه....يعنى غنا بنات وأهو فرصه للبنات ديل يشمو الهوا شويه
| |
|
|
|
|
|
|
Re: جالية فلادلفيا تدعو النساء لحفل غنائى تحييه سميرة أحمد (Re: دبس)
|
بت المرضى اذيك شنو الحفلات النسائيه دى ياناس فلى حيرتونا عديل كده يعنى نغيب شهور نلقاكم راجعين خلف ذى حال السودان بعدين يابت المرضى الدنيا قايما قاعده تدشين حملات ونساء فلادلفيا آخر ربه اوع تقولى دى حساده ساكت . ذى ما قال الاستاذ الكمندان دينق حفل نسائى خاص ده فى السودان بقى مافى اى زول عاوزه ربة بالكوم وعلى الهواء مباشرة ذى حفل تدشين البشير برقيص رقبة وجبجبة شديده.أهم شئ تسلمى لى لناس فلى البستاهلوا سلامى شديد يااقبال وهم كثر كما تحياتى لسميرة احمد ووصال.
نجاة سيد احمد الشيخ ( مواطنه من فلى وتقيم باالسودان الان )
__________________________ تخريمة : يابت المرضى عليك الله شوفى لينا بوست كارب كده لمرشحنا للرئاسة الجديد( وش ميت من الضحك)
http://www.sudaneseonline.com/db/attention/200_4e.gif
| |
|
|
|
|
|
|
Re: جالية فلادلفيا تدعو النساء لحفل غنائى تحييه سميرة أحمد (Re: نجلاء سيد أحمد)
|
Quote: دينق كيف الدنيا معاك....
والله يا دينق أنا ما عندى أى يد فى الموضوع ...... ولا حتى عضو فى لجنة الجاليه أنا بس حبيت أقدم خدمه للسكرتاريا الإجتماعيه بالإعلان عن الحفل لأنو ما عندهم أكسس لسودانيز....
يا دينق فى أمريكا دى الرجال ما بعملو قعدات
قالو الفنانه ح تغنى بالدلوكه....يعنى غنا بنات وأهو فرصه للبنات ديل يشمو الهوا شويه |
إقبال .
خدمتك للجالية وصلت . وردنا لهم لازم يوصل برضو . وقولي لهم الفيكم أتعرفت يا ظلاميين . قعدات الرجال دي بعض مرات فيها فنانات وفيها عناصر نسائية ، ولكن قعدات الرجال القاصداها أنتي ، أنا ده ما عندي بيها أي شغلة. وناس الغرب في السودان عندهم مثل بقول "ونسة الضكير للضكير النوم أخير" . بعدين الكوزات شموا الهوا في السودان في بث حي على قناة النيل الازرق . تقول لي دايرين غنى دلوكة دلوكة ؟ ناس واشنطن أفتكر حفلتهم النسائية بحنان بلو بلو قبل كده فشلت وما جابت أي دخل . أعملو حسابكم النسوان ما بدفعوا ف حفلات زي دي .
| |
|
|
|
|
|
|
Re: جالية فلادلفيا تدعو النساء لحفل غنائى تحييه سميرة أحمد (Re: نجلاء سيد أحمد)
|
يا نجلاء سلامات وشكراً على توصيل رسالة نجاة....
________________ نجاة يا حبيبه والله الشوق بحر...... ناس الجاليه ديل قلت دايره أساعدهم جابو لى الهوا...... لحدى هنا مقدور عليهو....إنشاء الله ما يبقى كتاحه.......
ناس البشير ديل ما أصلهم راقصين مناسبه بلا مناسبه...إذا كان رب الدار....
Quote: يابت المرضى عليك الله شوفى لينا بوست كارب كده لمرشحنا للرئاسة الجديد( وش ميت من الضحك)
|
يا بت أمى دى إلا تلفون....
| |
|
|
|
|
|
|
|