يحتوي المزاد علي كمية من الكواريك و الجوطة .. و انواع مختلفة من الكضب ( بحالة جيدة ) .. و ما عدد واحد مساعد ياي ( تم تزييته قبل اسبوعين ) .. جاهز موية و نور .. و عدد واحد كوكو جمبو ( نطاط ) .. و عدد مقدر من اللحاسات و البلاعات بمختلف المقاسات .. كما يتوفر عدد واحد ولية كاروشة .. يمكن استخدامها في ( دق المحلب ) .. و عدد خمسة رشاش بلاستيك ( ألعاب اطفال ) .. و كمية مهولة من ( البامبرز المستعمل ) ..
يا شماتة ابلة طاظا فيكم ..
.. ..
02-23-2010, 10:54 AM
بشير أحمد بشير أحمد
تاريخ التسجيل: 03-21-2008
مجموع المشاركات: 10020
والله يا حميدة يا أخوى المزاد دا شغال ليهو عشرين سنه وقالب قلب تمام لكن كرور الليله كتير لانو الحا إتباع الصالح للإستخدام والباقى إعادة تصنيع دق الجرس الساعة كم عليك الله
02-23-2010, 11:18 AM
حافظ كنجال حافظ كنجال
تاريخ التسجيل: 10-02-2009
مجموع المشاركات: 511
حُميدة سألتك بالله ... ولو فيها حبّة فساد يعني ... لكن أحجز لي (3) هياكل دايرهم قطع غيار ... حأديك أرقام الشاسيهات في المسنجر عشان مزيد من (الفساد) الإداري ... وخوف الريحة تزكم الأُنوف ... وكدة ....
02-23-2010, 11:47 AM
omer osman omer osman
تاريخ التسجيل: 06-09-2007
مجموع المشاركات: 15218
يا حسون .. ما اعادة تصنيع .. اسمها اعادة تدوير .. تجي تدور الواحد فيهم كدا لمن يجيهو طمام بطن .. و يطرش ما تبقى له من نضال .. بعدها ممكن نمشي ندخله ( حظيرة ) الوطن ..
02-23-2010, 11:53 AM
ادريس خليفة علم الهدي ادريس خليفة علم الهدي
تاريخ التسجيل: 10-11-2005
مجموع المشاركات: 5409
و الله يا عمك .. خالتك فرنســا دي دايرين يشتروها ناس مزادات سوذبيز وكريستيز وبونهامز .. بأعتبارها ( تحفة ) عالمية .. و ناس ( اليونيسكو ) اتكلموا فيها .. و في مطالبات بتحت تحت .. انه نبيعها قطاعي .. و نصدر ( العيون و الشلاليف ) للكيان الصهيوني ..
02-23-2010, 12:00 PM
humida humida
تاريخ التسجيل: 11-06-2003
مجموع المشاركات: 9807
نبدأ المزاد ( غير الرسمي ) .. يعني علي هامش القمة .. شوية ( هتش ) كدا .. لحين اكتمال مراسـم تشييع حرب دارفور الي مثواها الاخير ..
.. ..
القطعة الاولى .. بيضة اسفيرية .. لديها مقدرة علي كتابة نص اباحي .. تمشي في المظاهرات و تنبح في المنتديات .. هيكل من الكالسيوم المقاوم للصدأ .. مكبرات صوت .. فلسفة عورا .. يبدأ المزاد بـ( صحن ملاح ) .. او بتيخة ..
.. ..
02-23-2010, 12:29 PM
omer osman omer osman
تاريخ التسجيل: 06-09-2007
مجموع المشاركات: 15218
Quote: بيضة اسفيرية .. لديها مقدرة علي كتابة نص اباحي .. تمشي في المظاهرات و تنبح في المنتديات .. هيكل من الكالسيوم المقاوم للصدأ .. مكبرات صوت .. فلسفة عورا .. يبدأ المزاد بـ( صحن ملاح ) .. او بتيخة ..
حميده بالله شهادة البحث بتاعت البيضه دي اول حاجه .. يعني مسجله هنا والا بره .. والشاسي كيف ؟ معوج والا مسمكر والا شركه .. واهم حاجه السب ووفر وباقي الوهمات والبرمجه حقته .. دجتل والا ما دجتل .. علي اساسه ممكن نرسل ليك الاوفر بتاعنا..
02-23-2010, 12:34 PM
Ahmed musa Ahmed musa
تاريخ التسجيل: 07-08-2007
مجموع المشاركات: 16669
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
humida
بشير أحمد
احمد معتصم الطيب
حسن الجيلى سعيد
حافظ كنجال
عبدالوهاب علي الحاج
Ahmed musa
omer osman
طلال جبير جابر
ادريس خليفة علم الهدي
العوض المسلمي
Faisal Elrasheed
Hassan Makkawi
فيس بوك
تويتر
انستقرام
يوتيوب
بنتيريست