كتب الكاتب الفاتح جبرا المتوفرة بمعرض الدوحة
|
|
 مستشفـى البصيــرة ام حمــــد
|
ي زول يشاوروهو في حل مشكلة و يحلها ليهم حل يصوطا زيادة لا شك انو البصيرة ام حمد... او جابوهو فزع وبقى وجع... او جا يكحلها عماها... قالوا" الله يكفينا شر قالو وقلنا" والله مكجّن القوالة في بلد الله....قالوا البصيرة أم حمد دي... قصتا أصلو .. كان في عجل العجل عطشان.. وجا دخّل راسو في قُلة موية عشان يشرب... دخل راسو وما قدر يطلعو تاني.... ناس الحلة اتلمو وقدر ما حاولو يمرقو راس العجل دا من بطن القلة,, ما قدروا... قالوا يجيبوا البصيرة أم حمد، و أكيد ح يلقو عندها الحل الشافي ... جات البصيرة أم حمد و وقفت على العجل، و بعد ما غزّت كوعها و فكرت ملياً... قالت ليهم جيبو سكين و اقطعوا رأس العجل... جابو سكين و قطعوا رأس العجل ... بعد شوية قالت ليهم اكسروا القلة و أمرقوا رأس العجل... كسروا القلة ومرقوا رأس العجل... يعني الجماعة لا لموا في العجل ولا لموا في القلة... يا ربي عندنا كم بصيرة أم حمد في السودان... و نحن أمورنا كلها في إيدهم يباصروا فيها بصارة أم حمد... و أنا ما رضيان أقيف اكتف إيديا و أعاين و أتلوم في البلد... كمواطن حقو ادخل ايدي في الصواطة دي... و قطع شك رأيي ما ح يكون أكعب من رأيهم .. رأيهم و فهمهم البشوف فيهو دا...عندك على انو.. في المستشفيات....مرا متقدمة في السن شوية عندها حبيبة قامت ليها في واحد من شطورا.. رقدوها مستشفى... دكاترة تمشي ودكاترة تجي .. و نضم كبار بالإنكليزي و بالعربي ... قرروا يشلوا الشطر ويقطعوهو ليها... وقطعوا الشطر.. وبعد فحص عينة من أنسجة الثدي.. لقو إنو الحبة دي لا سيلطان ولا حاجة.. وممكن بشوية حبوب ودهان كانت تتعالج... و منعاً للحرج الدخلوا فيهو الدكاترة و كنوع من الجمجرة نضم معاي واحد فيهم قلت ليهو يا اخي هي عمرها كم ؟ قال لي فوق الستين قلت ليهو طيب يا اخي يعني هي ما ح تحتاج للشطر دا... قال لي ايوا ... قلت ليهو خلاص ما دام هي ما محتاجة ليهو ... أهلها زعلانين فوق كم؟.. ..... و انا بنضم معاهو كدي جات سيستر مطيّرة عويناتا وقالت ليهو يا دكتور نسينا مقص في بطن البيشنت بتاع شنو كدي ما بعرفوا... برضو دخلت خشمي وبجمجرة أشد .. قلت ليهو: نسيتو المقص جوا بطنو يا دكتور؟.... قال لي يس"نعم"... قلت ليهو انتو مش عندكم مقصات كتار و ما أظن تحتاجوا للمقص؟ قال لي ايوا... قلت ليهو .. خلاص يا اخي سيبوهو.. بدل تقومو تفتحو بطن الزول تاني و تكوسو المقص و يا عالم تلقوهو واللا ما تلقهو.... خلوهو والعند الله ما بتروح ... وبعد شوية فكرت قلت ليهو يا دكتور انا عندي ليكم فهم ... قال لي فهمك شنو؟ قلت ليهو تجيبو مغنطيس.. وتربطوهو بي خيط و تدخلوهو في بطن الزول العيان دا المقص بيتشعلق في المغناطيس وبجي مارق! و رسمت علي وجهي بسمة طويلة عريضة بسمة المنتصر .. فكر الدكتور شوية وبدت علي وشيهو علامات المحنة وقال لي ندخلو بي وين لكن؟... قلت ليهو... اصلو ما بصعبها عليكم البكان البريحكم!
|
|
  
|
|
|
|
|
|
|
|
Re: مستشفـى البصيــرة ام حمــــد (Re: سجيمان)
|
| Quote: و رسمت علي وجهي بسمة طويلة عريضة بسمة المنتصر .. فكر الدكتور شوية وبدت علي وشيهو علامات المحنة وقال لي ندخلو بي وين لكن؟.. |
الله يجازي محنك يا دكتور ...
| Quote: قلت ليهو... اصلو ما بصعبها عليكم البكان البريحكم! |
البريح منو فيهم 
| |
|
|
|
|
|
|
|
|
|
Re: مستشفـى البصيــرة ام حمــــد (Re: سجيمان)
|
والله يا سيجمان انت فت البصيره ام حمد وناس قدرك قدرك الما بريحو
ودي طبعا قصة واحد عايز يشتري ليه جزمه مشي محل الجزم واول ما نزلو ليهو الجزمه
وعايز يقيسهاويا دوب بدخلها في رجله كل الناس الفي المحل قالوا ليهو قدرك قدرك
ولما رجع البيت لقاها ما قدرو مرتو قالت ليهو اجيي ما مشيت جبتها براك؟
قال ليها ناس قدرك قدرك مابريحو
| |
|
|
|
|
|
|
|
|
|
Re: مستشفـى البصيــرة ام حمــــد (Re: سجيمان)
|
الاخ سيجيمان بعد التحية والسلام يلا قوم ايه ادي الزعلان منك دا
وصفه من وصفات البصيره ام حمد تشيل منو الزعل( والرطوبه) ودي من عندنا
وتخليهو عال العال يعني ما فيناش زعل
| |
|
|
|
|
|
|
|
|
|
Re: مستشفـى البصيــرة ام حمــــد (Re: Hayat Hussien)
|
أخي العزيز / سجيمان
تحياتي ،
| Quote: وبعد شوية فكرت قلت ليهو يا دكتور انا عندي ليكم فهم ... قال لي فهمك شنو؟ قلت ليهو تجيبو مغنطيس.. وتربطوهو بي خيط و تدخلوهو في بطن الزول العيان دا المقص بيتشعلق في المغناطيس وبجي مارق! و رسمت علي وجهي بسمة طويلة عريضة بسمة المنتصر .. فكر الدكتور شوية وبدت علي وشيهو علامات المحنة وقال لي ندخلو بي وين لكن؟... قلت ليهو... اصلو ما بصعبها عليكم البكان البريحكم! |
وبعيد هذه الشوتةالبصيرية القوية
أضحى إسم سجيمان :البصير أبو حمد ،
زوج البصيرة أم حمد ؟!
رهيب واللا رهيب يا سي جي .
مودتي ،
( ليمو )
| |
|
|
|
|
|
|
|
|
|
Re: مستشفـى البصيــرة ام حمــــد (Re: سجيمان)
|
| Quote: وحات الله زمان زمنا الفي اتبرا .. كسرتا ايدي ود طلب دا جبرا لي |
ابقى كده طالبك .. ( لكن عفيت ليك )
اصلو ودطلب ده جدي
يجمع بين الحكمة والشجاعة والبصارة
اي شي يباصره
ربنا يرحمو ويغفرلو
| |
|
|
|
|
|
|
|
|
|
Re: مستشفـى البصيــرة ام حمــــد (Re: سجيمان)
|
| Quote: يا حمد.. قريشات البياض عند يحي!!!.. |
اوعى يكون يحي ود العقيل
عمك العقيل زمان ونحن ( جنون ) كان مخوفنا
يجي راكب حمارتو ومن نشوفو في طرف الشارع نقوم صوف
وكان راجل اقيف انتظرو الا يخلي ريحتك طير طير
يوم عمك العقيل اشتري حمار من الدامر وطلع مسروق
وسيد الحمار عرف الحمار الليلو والعقيل دخل السجن
قامو ناس الحلة دفعو لسيد الحمار حقو وجو يطلعو العقيل من السجن
قام يا سيد الامانتي ليك العقيل ابا يمرق الا الحمار يشهد انو اشتراهو من الدامر
..
عشان كده اوووعك تشبكني في ود العقيل ده
| |
|
|
|
|
|
|
|
|
|
Re: مستشفـى البصيــرة ام حمــــد (Re: سجيمان)
|
| Quote: يا ربي عندنا كم بصيرة أم حمد في السودان... و نحن أمورنا كلها في إيدهم يباصروا فيها بصارة أم حمد... و أنا ما رضيان أقيف اكتف إيديا و أعاين و أتلوم في البلد... كمواطن حقو ادخل ايدي في الصواطة دي... و قطع شك رأيي ما ح يكون أكعب من رأيهم |
| |
|
|
|
|
|
|
|
|
|
Re: مستشفـى البصيــرة ام حمــــد (Re: سجيمان)
|
| Quote: يا ربي عندنا كم بصيرة أم حمد في السودان... و نحن أمورنا كلها في إيدهم يباصروا فيها بصارة أم حمد... و أنا ما رضيان أقيف اكتف إيديا و أعاين و أتلوم في البلد... كمواطن حقو ادخل ايدي في الصواطة دي... و قطع شك رأيي ما ح يكون أكعب من رأيهم |
| |
|
|
|
|
|
|
| |
سجيمان
طلال جبير جابر
جلال جبريل
abdulhalim altilib
حمد محمد احمد
Alrayah Senhuri
فيس بوك
تويتر
انستقرام
يوتيوب
بنتيريست