|
|
 قصة أثرتني في كنكوجي ..!!
|
غايتو انا ما فارزا هل هي من فيلم ولا هي دعاية ولا قصة حقيقية ولا ولا ولا ..
لكن أثرتني ليكم فيييييييييييييييييي كنكوووجي ده ..
الأبو وولدو قاعدين في حديقة (الولد عمرو زي 27 سنة والبو نقووول بيلعب تحت الخمسين) الولد بيقرا في الجريدة وخالف رجل فوق رجل والأبو قاعد في كرسي مقابل بيشرب في شاي ..
فجأة كده قووومي ياالطيرة أنزلي في نجيلة الحديقة ..
الأب إتلفت لي ولدو وسألو :
دي شنو يا ولدي ؟
أزاح الولد الجريدة وعاين للأرض محل أشر ليهو الأبو ورد :
عصفورة يا أبوي (طييرة للما حناكيش) وواصل الولد في قراية الجريدة ..
تاااني الأبو قبل على ولدو وسألو :
دي شنو دي يا ولدي؟
الولد زح الجريدة وزاد في حدة الصوت :
عصفوووورة .. وواصل في القراية تاني..
دقيقتين والأبو تااااني سأل ولدو :
دي شنو دي يا ولدي؟
قام الولد رمى ليكم الجريدة دي هنااااااااااااااك وقاااام يكورك ليك في أبوهو :
يااااااااااااخ قلنا ليييك عصفووووووورة عصفووووووووووووورة ياخ إنت ما بتفهم ؟؟ ولا ما بتسمع ؟؟؟ ياخ كرررررررهتنا القراية والقاعد زاااااتو وعكككرت لينا مزاجنا ده شنو ده يااااااخ !!!!
صمت الأب برهة (برهة دي يعني بسيييتة كده ) وقام من كرسيهو ودخل البيت جوة وبعد لحظات جا طالع وشايل في يدو نوتة (دفتر ) ومداهو لي ولدو وقال ليهو هاك أفتح ..
الولد قال ليهو مالك في شنو ؟
الأبو قال ليهو افتح الصفحة رقم 37 وأقرا لي بي صوت عالي...
فتح الولد الصفحة وبدا يقرا :
إنه وفي يوم 27-01 من عام ... وبينما كنت اقرأ في الجريدة في حديقة المنزل وبينما إبني الصغير يلعب نزلت عصفورة على الأرض..
فسألني إبني :
دي شنو ؟؟؟
رديت ليهو انا مبتسماً :
عصفورة ..
فسألني للمرة التانية :
يا ابوي دي شنو ؟
فرديت :
عصفورة ..
فسألني للمرة الثالثة :
دددددددددددي شنوووووو يا ابوووووي؟
فرديت ليهو عصفوووورة ..
كرر لي السؤال خمسة وعشرين مرة وفي كل مرة كنت أجاوب وانا أكثر فرحة وسرور من السؤال فرحااان واكاااااد أطير من الفرح وولدي يسألني وانا أجاوب ...
تخريمة :
علييييييييكم الله فيييييي ذمتكم ما حاجة تأثر في الكنكوووج ؟؟؟
يااااااااااااااااه على الوالد وقلب الوالد !!!
وياااااااااه على عولاق الأبناء ...
غايتو يا محمد ياااا ود عمر الفاروق تقعد تتعولق فيني وتسألني 25 مرة أبشششششرك من السؤال الرابع النهرة محمداك ..
أحسن انهرك انا من أسة عشان ما بعدين تتعولق فيني وتنهرني إنت ..
|
|
  
|
|
|
|
|
|
|
 Re: قصة أثرتني في كنكوجي ..!! (Re: فيصل نوبي)
|
بعد القراءة ..
Quote: الأبو قال ليهو افتح الصفحة رقم 37 وأقرا لي بي صوت عالي...
فتح الولد الصفحة وبدا يقرا :
إنه وفي يوم 27-01 من عام ... |
يعني لو فتح صفحة 47 كان ممكن يكون سألو 40 مرة
كويس الجاب ليهو 37 بس ..
_
بأمانة كده .. محمد عمر لحدي هسي بيسألكـ كم مرة ؟
| |
|
|
|
|
|
|
| |
عمر الفاروق
فيصل نوبي
الخير محمد عوض
GamarBoBa
فيس بوك
تويتر
انستقرام
يوتيوب
بنتيريست