|
|
 رابطة المعجبين بحسن موسى الرسام الذي بسودان فور ال
|
شخصيا من اشد المعجبين بكتابات الرسام ( الشهير اسفيريا) حسن موسى الذي يكتب بموقع سودان فور ال المقرؤ نسبيا من قلة من المطلعين وبعض من عضوية سودانيز اون لاين و سودانيات وواعضاء سودان فور ال , ما ان وجدت له كتابة مطولة او قليلة في اي مقارعة اسفيرية الا وجلست لقرائتها باستمتاع , فالقراءة له من الاشياء الممتعة جدا خاصة ان كانت في افحام المختلفين معه , هو شخص يجيد الكتابة اللاذعة بتفرد طيلة وجودنا في هذه الاسافير لم نجد شخصا حصيفا يتقن ما يفعله مثلما يفعل حسن موسى , افكر جديا في عمل قروب في الفيس بوك للمعجبين بالرسام حسن موسى وافكر في اسم ( زلابيا قروب ) كمقترح , وهو لقب اشتهر به في هذه الاسافير ولا اعتقد ان فيه اي نوع من انواع الاستخفاف به .
اتمني من جميع المعجبين بلرسام حسن موسى تسجيل اعجابهم في هذا البوست والتفكير سويا في انشاء القروب
|
|
  
|
|
|
|
|
|
|
 Re: رابطة المعجبين بحسن موسى الرسام الذي بسودان فور ال (Re: أمين محمد سليمان)
|
Quote:
ياخي الراجل بقي يكتب كلمتين ، تاني يوم تسير بها الركبان (علي أربع ) زي ما قال !
حسن موسي زول فظ لكنو كتاب و رسام حد الموت !! |
القول ما قلت يا امين خال حمور
القراءة لحسن موسى متعة لا تداني , ورغم حفظي لمقام رد الاخ مجدي سليم الاخير علي حسن موسى واستمتاعي بذلك حد الترف
الا انه يبقي الاصل ان حسن موسى لا يدانى حتي الان او يُقرب منه , فهو مفحم خصومه لا محالة
| |
|
|
|
|
|
|
|
|
 Re: رابطة المعجبين بحسن موسى الرسام الذي بسودان فور ال (Re: اساسي)
|
I'm an old fan
حسن موسى كاتبي (الإسفيري) المفضل بلا منازع
اللذيذة يا أساسي لي سنين بعمل ليهو ريكومنديشن قوي جداً للأصدقاء والصديقات
يقوموا يهبوا فيني ولا لا ودا زول سغيل ودا زول لسانو كعب
بعد زمن أكتشف إنو الجماعة تحت تحت بدوا يقروا سيدنا حسن بعين الرضا ..
| |
|
|
|
|
|
|
|
|
|
Re: رابطة المعجبين بحسن موسى الرسام الذي بسودان فور ال (Re: أمين محمد سليمان)
|
والله يا أساسي أنا شخصيا معجب بكتابة حسن موسى من زمان... الكتابة عنده فعل جاد و ما بستهين بيها أبدا و بتعامل حتى مع ردوده في المنبر باهتمام و توثيق لكلامه و إظنه من النوع البقيف عند أي كلمة بكتبها يعني لو جا زول حكاها معاهو تلقاهو اختار أي كلمة بعناية... أما عندما يكتب رادا و مهاجما الآخرين يمتعك تمام حتى لو مختلف معاه. هسع عليك الله دي ما كتابة ممتعة:
Quote: و يا مصطفى المتدثر الذي في كندا،
و يبدو أن الحال عجبك من جديد فعدت بين ظهراني الوزة و خاطرك مشحون بغبائن الشباب القديمة و فمرحبا بك.و الله أنا كان عارف جلد الشباب دا بجيبك لينا كنت واظبت على جلدهم تلات مرات في اليوم، حبة صباح و حبة الظهر و حبة قبل النوم.لكن يالمصطفى فيلم إتحاد "الشباب المتورم" دا إنت حكيتو لينا قبل كده[ و شوف الرابط الفوق دا]،وكمان الشاب محمد حسبي عامل فيهو نظرية بحالها [ سنتناولها في مكيالها]. و ياخي لو عندك فيلم جديد بنقعد نسمعك، عجبنا عجبنا و لو ما عجبنا و الله نقفـّل المنبر دا "و نقطع راسو نعملو فرن" و نمشي نسوّي لينا منبر تاني "للأعضاء فقط .و هذا تنويع غير جلف للعبارة لعناية ذوي المشاعر الحساسة. و هاك "وجه وسيم باسم ذو أسنان ناصعة" و معاهو نصيحة أخوية كمان :اضحك بإعتدال، عشان في شاب بي هناك الضحك شرطو بالمرة. و كمان لو شفت " نيوب الليث بارزة" فلا تضحك معه من غير سبب، فتقع تحت طائلة الطلاشة الشبابية المعهودة لدى بعض "الشباب المتورّم" من شاكلة محمد حسبي الذي نبخـّر فيهو و نضاير ليهو و هو يجود علينا بشناعات لا تطاق.و الفرز بين الخيار و الفقوس و بين الطلاشة و العوارة وارد عندي بين نوع محمد حسبي الذي في الخليج و محمد عثماني الذي في أوستراليا[ و آخرين] ، فهؤلاء هم الطلشاء، الضرب ينفعهم و العلم يرفعهم، و ناس قصي المناضل الضاحك و النملة أمعود وعاطب عبد العاطب و سيف بن لم يزل و بقية المتغرّضين مع حسين ملاسي الذي عين نفسه قائما بأعمالي في "وطن من لا وطن له" المفتوح للغاشيين و الماشيين على أربع بدون فرز.
اضحك باعتدال يا مصطفى المتدثر عشان انا ناوي اكتلك بالضحك[ بس " سوفتلي وذ ماي ويردز" على قول لورني هيل] و كان كتـّرت جريمة و كان حصـّلت غرامة. |
| |
|
|
|
|
|
|
|
|
|
Re: رابطة المعجبين بحسن موسى الرسام الذي بسودان فور ال (Re: Elawad)
|
يا سلام …
و الله بشارات طيّبة و محموده. سيدنا الفنان حسن موسى رجل كاتب كبير و رسام اكبر كمان. و هو بلا شك من انبياء بلادنا و من عادة الانبياء الا يجدوا كرامة بين اقوامهم. له أخطاء مثله مثل الاخرين، لكننى اظن أن أجمل ما يميز السيد موسى هو الندّية التى يعامل بها شركاء الحوار او الحلفاء الايدلوجيين كما يسمّيهم او الاعدقاء. حسن رجل ذكى، يدافس مع الاخرين فى ارض الحوار، يوزّع عليهم فيوض الاعزاز كل بما يستحق و فوق ذلك يحتفظ بمسافة نقدية لنفسه من الاخر، للاخر تجاهه.
لو كانت بلادنا تحترم بنيها و تسعى لخير اٍنسانها لكانت اٍستدعت رجل فى قامته و فتحت له دار نشر كبيرة و طلبت منه ان يكتب و يرسم للاطفال و للثقافة و الفنون. لكن نقول شنو الله غالب.
| |
|
|
|
|
|
|
|
|
|
Re: رابطة المعجبين بحسن موسى الرسام الذي بسودان فور ال (Re: Elawad)
|
يا سلام …
و الله بشارات طيّبة و محموده. سيدنا الفنان حسن موسى رجل كاتب كبير و رسام اكبر كمان. و هو بلا شك من انبياء بلادنا و من عادة الانبياء الا يجدوا كرامة بين اقوامهم. له أخطاء مثله مثل الاخرين، لكننى اظن أن أجمل ما يميز السيد موسى هو الندّية التى يعامل بها شركاء الحوار او الحلفاء الايدلوجيين كما يسمّيهم او الاعدقاء. حسن رجل ذكى، يدافس مع الاخرين فى ارض الحوار، يوزّع عليهم فيوض الاعزاز كل بما يستحق و فوق ذلك يحتفظ بمسافة نقدية لنفسه من الاخر، للاخر تجاهه.
لو كانت بلادنا تحترم بنيها و تسعى لخير اٍنسانها لكانت اٍستدعت رجل فى قامته و فتحت له دار نشر كبيرة و طلبت منه ان يكتب و يرسم للاطفال و للثقافة و الفنون. لكن نقول شنو الله غالب.
| |
|
|
|
|
|
|
|
|
|
Re: رابطة المعجبين بحسن موسى الرسام الذي بسودان فور ال (Re: abubakr salih)
|
| Quote: فيه اي نوع من انواع الاستخفاف به |
الجملة دى حقت مخارجة من ما يقوم البطل دة يدخلك جوة
كاراكتير باللوك الجديد بتاعك
اساسى اتوقع والعليم الله انه كتابات البطل حسن بتستهويك فى تخصصها افحام الخصوم والفارات ودة ضرب
الكتابة المحبب بالنسبة لك - لا ادعى معرفتى بكتابات الرجل ولكننى دايما انفر من الجهة التى يتزاحم
عليها المشجعون والمعجبون (برشلونة - كورال الحزب الشيوعى ...) مثلا
الناس دايما بتحب خلق الرموز ومن ثم اصباغ صفات النبؤة مما يضر كثيرا بصورة الرمز
| |
|
|
|
|
|
|
|
|
|
Re: رابطة المعجبين بحسن موسى الرسام الذي بسودان فور ال (Re: Rawia)
|
اضفناكي يا راوية
لكن تعرفي اجمل تعليق علي حسن موسى سمعته من الاخ دكين حينما جئت قبل سنوات ببعض رسوماته الفنية وفي الخط العربي وبعض كاركتيراته في شان خصومه , علق دكين ان كنت اذكر عبارته تحديدا : حسن موسى رسام مبدع ومميز ما فيهو كلام , ولكن سفيه زينا واحد .
هذا ما قاله دكين وامتعني ايضا
| |
|
|
|
|
|
|
|
|
|
Re: رابطة المعجبين بحسن موسى الرسام الذي بسودان فور ال (Re: بشير أحمد)
|
| Quote: اضفني في زمرة محبي حسن موسي الذي بفرنسا؛ |
بالتاكيد يا دكتور
واكثر ما يثلج صدري ان المختلفين مع حسن موسى وطريقته في ادارة اشيائه ( كسودان فور ال ) انسلوا فرادي او قدم انفسهم قرابين ولكن بشكل فردي مما يجعل متعة الصاق شلوت حسن في (قفاهم) وهم مغادرون مختلف في كل مرة , وباسباب عدة تجعل من حسن موسى يبدع وهو يلصق ديباجته ووصمته عليهم وهم مغادرون غير مأسوف عليهم في سودان فور ال , وبالتالي مرحب بهم في سوانيز اون لاين , يجدوا بعض العزاء هنا ويمارسوا اناء ذلك بعض النحيب .
| |
|
|
|
|
|
|
|
|
|
Re: رابطة المعجبين بحسن موسى الرسام الذي بسودان فور ال (Re: تيسير عووضة)
|
تعرفي يا تيسير
القاري لحسن موسى اول وهلة يتفاجا بقسوته علي خصومه , وهذا يخلق رد فعل سلبي خاصة في بيئة مثل بيئتنا السوداننية المسالمة , ولكن اعادة القراءة له تجعلك تستمتع بقسوته هذه تحديدا , فهي ليست قسوة لفظية فقط ولكنها مؤسسة علي بنيان ثابت اصلها في النهود وفرعها في فرنسا , لذا هو بالتاكيد ممتع لكل من يقراه حتي انني اعتقد جازما ان كثير من المفحمين يستمتعون بما قاله حسن موسى فيهم , اعتقد ان الاولي برئاسة هذه الرابطة هو اخانا حسين ملاسي الذي يعرف من اين تؤتى الكتف
| |
|
|
|
|
|
|
|
|
|
Re: رابطة المعجبين بحسن موسى الرسام الذي بسودان فور ال (Re: وليد محمد المبارك)
|
| Quote: تسير بها الركبان (علي أربع ) زي ما قال |
سلام يا اساسي ..
بعد اذنك أكاجر أمين محمد سليمان المعروف بأمين خال حمّور و أخو بدري.
يا أمين تفسير كلمة حسن موسى بتاعة الماشين على أربع دي أظنها تجني من ناس خدر ديل ساي.
الراجل ده كان بيتكلم انو سودانيز مفتوح على أربع اتجاهات للغاشين و الماشين.
أو هكذا فهمته. ولم يقصد انها مفتوحة للغاشين و للذين يمشون على أربع.
يلا واصلو اعجابكم.
| |
|
|
|
|
|
|
|
|
|
Re: رابطة المعجبين بحسن موسى الرسام الذي بسودان فور ال (Re: حمور زيادة)
|
البسيط حمور زياده
ده كلام سيدي حسن موسي :Quote: فهؤلاء هم الطلشاء، الضرب ينفعهم و العلم يرفعهم، و ناس قصي المناضل الضاحك و النملة أمعود وعاطب عبد العاطب و سيف بن لم يزل و بقية المتغرّضين مع حسين ملاسي الذي عين نفسه قائما بأعمالي في "وطن من لا وطن له" المفتوح للغاشيين و الماشيين على أربع بدون فرز.
|
(الماشين علي أربع ) بتفيد الكرعين ما الاتجاهات !!
و هو ياخ إنت لو كنت مثقف و بتفهم الكلام ده مش كان خلوك تكتب معاهم ؟!
--------
التلب ما خاتي عليك أبدا !!
| |
|
|
|
|
|
|
|
|
|
Re: رابطة المعجبين بحسن موسى الرسام الذي بسودان فور ال (Re: أمين محمد سليمان)
|
| Quote: وطن من لا وطن له" المفتوح للغاشيين و الماشيين على أربع بدون فرز |
خال حمور و اخو بدري أمين محمد سليمان ..
ياها نفس الجملة القريتا أنا و فهمت منها انو العدد هو للجهات و ليس للاقدام.
حسن يصف الموقع انه مفتوح من كل اتجاهاته للغاشي و الماشي و دون ان يكون تمحيص للعضوية.
ـــــــ
التلب من ما قال اللغة تكون أجمل لمن تكون ما مفهومة و ما عندها معنى انا قنعت منو.
و هسه لمن وليد يوسف جاب خبرو انو مستلف عنوان مقالاتو أنا ختيت منو يدي في الأرض.
| |
|
|
|
|
|
|
|
|
|
Re: رابطة المعجبين بحسن موسى الرسام الذي بسودان فور ال (Re: حمور زيادة)
|
Quote: خال حمور و اخو بدري أمين محمد سليمان ..
|
شايف قصة اخو بدري دي دورت من ما عاطف مكاوي جابها : الوحد تاني عشان يكتب إسمي داير ليه مقدمه زي ربع ساعه كده ! Quote: ياها نفس الجملة القريتا أنا و فهمت منها انو العدد هو للجهات و ليس للاقدام.
حسن يصف الموقع انه مفتوح من كل اتجاهاته للغاشي و الماشي و دون ان يكون تمحيص للعضوية.
|
شوف يا حمور البسيط : ما حا أخش معاك في حوار لانك أصلا ما أتيت لحوار ، شايف كيف ؟
الشي التاني ما عايز أوري الناس فهمك المغلوط للجمله و عورتك المعرفيه و الثقافيه البائنه لكل ذي بصيره .
--------
أسمع بمناسبة عورتك المعرفيه و الثقافيه دي : امبارح كتبت لابوالريش (يا أخينا الذي ...) جات راويه قالت لي مفروض تكون ( يا أخانا) و شبكتني ليك منصوب و مرفوع ونقه كتيره . كلامها صح ولا حنكتني ساي ؟!
| |
|
|
|
|
|
|
| |
اساسي
أمين محمد سليمان
تيسير عووضة
بشير أحمد
Rawia
Elawad
abubakr salih
احمد التجانى احمد
محمد الجزولي
عبدالوهاب علي الحاج
حمور زيادة
عبداللطيف خليل محمد على
فيس بوك
تويتر
انستقرام
يوتيوب
بنتيريست