|
|
|
 Re: يا طير الودى .. نزَّاح تسابق الشـارده (Re: خدر)
|
يا طير الوِدي نزَّاح تسابق الشاردة
بتجوب الفضا وتثكل ثكيل الفارده
نياتك سلام ما حارة عينك بارده
ميال للطبيعة والهبيبة البارده
أنيس الرياض ما بتخفى عنك شارده
ويكيِّف غريدك زي دموع الحارده
جفّال من حبايبك وما بتشيقك عارده
والنيل بيك تآنس والصحاري الجارده
قول لي ما وراءك يا عصام بالواحدة
عاطفتك كريمة وبالخبير ما جاحدة
لا زال النخيل في توتي مادي الشاحده
وشمبات لسه ترفل في نعيمة وجاحده
كنانة آمون مشغولة قايدة وشايدة
من ولدانه بي تلك القصور الشايدة
هديك الفلايك وديك (لوتس) و(عاندة)
وداك عاشق مدلل وديك حبيبة معاندة
ناس الأم حنان وإن مني متعوا الرايده
ما حسبو لي أنا وما أظنوا فيَ الفايده
زينتي وشينني عاد إياها فوقن عايده
والأيام ظروف صايدة وتكون ما صايده
__
أشعار خليل افندي فرح
| |
  
|
|
|
|
|
|
|
|
Re: يا طير الودى .. نزَّاح تسابق الشـارده (Re: ندى عثمان حسن)
|
ندي
لك و لعمنا عثمان من التحيات اجملها
و خليل افندي فرح قطعا يرد بأحسن منها .. تلك عادة لم يقطعها و إرث سابقة فيه كثيرين و بزهم فيه, هل إستمعت لـ :
قالوا ما سمعنا إنقطع خبرو .. يا حليلهم طشوا ما إنخبروا
واحدة فيهن قالت إنجبروا .. فقر ابونا و خدمة النبرو
خليل لا يقطع عادة يا صديقة .. فكوني بخير
| |
|
|
|
|
|
|
|
|
|
Re: يا طير الودى .. نزَّاح تسابق الشـارده (Re: Ahmed musa)
|
الله عليك يا ود يا ابو المفهومية ..
الله على دلعك للغنا الماهل ..
الله على أبوي الشيخ طه .
ياخي ما احلى الغنا عندك ..
ما أحلاك يا ود التوم ياخي ..
ما أحلى نقيدك و عزيلك و مزاجك اب جنحين .
الله يسعدك ياخي بركة اللانام لا أكل الطعام .
| |
|
|
|
|
|
|
|
|
|
Re: يا طير الودى .. نزَّاح تسابق الشـارده (Re: طارق جبريل)
|
يا طارق الاغنية التى كانت تطربنى اليوم ابكتنى
فى الثلاث سنوات الماضية كنت اتجنب الاستماع الى بادى
حتى لا يظهر ضعفى
اول امس ابكتنى اخته عائشه فى برنامج تلفزيونى فى ذكرى وفاته
واليوم انت بهذه الاغنية
وقبلها والد الشهيد بحديثه المؤثر
مالكم علينا ياخدر الحكومة تبكينا بقتل الابرياء
وانت بذكرى الاحباء
لكن ما احلى البكاء عندك
وما امر الدموع عندهم
لقد اصبحت كالطفل ابكى لابسط الاشياء
فكيف لذكرى رجل احببته فى الله وعشقت فنه
مودتى
| |
|
|
|
|
|
|
|
|
|
Re: يا طير الودى .. نزَّاح تسابق الشـارده (Re: باسط المكي)
|
يا خدر .
عاين عاين
فى أغنية ياقائد الأسطول .
وكت يصل المقطع البقول :
كم من أسير مغلول ... ما لاقى لحظة حنان
يرى وعدك المحلول ... زى حجة الوسنان
والكان سكونو تلول ... ما بدلن بجنان
..
يا خدر الأغنية دى تغنى بها سرور وعبيد الطيب وعبدالعزيز داؤد وبابكر الزكار
والدنيا كلها قامت وقعدت فى ترديد الأغنية الا بادى فى المقطع ده يا خدر اكتر
واحد PEAUTIFUL .
وكمان وكت يصل النهاية ويقول مثلت فينا فصول .. ما بتدرس النسيان ..
الله يرحمك .
| |
|
|
|
|
|
|
|
|
|
Re: يا طير الودى .. نزَّاح تسابق الشـارده (Re: باسط المكي)
|
احمد القرشي
يشهد الله كأنك بتحكي عني برضو
\ياخي بقينا نبكي لاسهل الاسباب
ده شنو الهم النحن فيهو ده
غربة ولا شجن ولا حزن ولا حاضر مقيت ؟
ربك يفرجها ياخي .. فترنا
باسط يا فنان
اشتهيت طلتك و شكرا علي الكلمات الجميلات
ربنا يجبر خاترك و خاتر المعاك
| |
|
|
|
|
|
|
|
|
|
Re: يا طير الودى .. نزَّاح تسابق الشـارده (Re: طارق جبريل)
|
و يسعدك يا ود التوم
شفت ابوك ده بقعدو كيف !؟
و العجب خليل افندي .. نوبي يكتب و يلحن بإيقاع
عربي مُبين ..إنا لله (يا قولك)
يا طروق
سلامتك من الحزن و الحسرة
تعرف في تذكارهم حياة لينا
شفتهم بدونا الحياة و هم اموات كيف ؟
ربنا يرحم موتانا
| |
|
|
|
|
|
|
|
|
|
Re: يا طير الودى .. نزَّاح تسابق الشـارده (Re: نيازي مصطفى)
|
*
*
خدر سلامي و تحياتي .................. دهـ تقليب مواجع وألم شديد .
لم نستطع رفع الفراش وخايفين يستمر معانا حتي يوم الدين .
الاثنين 15 فبراير 2010 م كان الذكرى الثالثه لرحيل البروف بادى .
أمس بدار فلاح الأربعاء 17/فبراير/2010م كانت هناك سهرة خاصة
نظمت تخليداً وتذكيراً بالمبدع المسكون . (عرفت بعد تلفون مع الأستاذ يوسف محمد أحمد محمد الطيب) .
لكم ودي ،،،،،،
| |
|
|
|
|
|
|
|
|
|
Re: يا طير الودى .. نزَّاح تسابق الشـارده (Re: عبد المنعم عمر عثمان)
|
على الرغم من انه من الجزيرة المروية
لكننا نعرفه ابنا للعباسية
منذ ان تفتحت اعيننا وجدناه امامنا فى البيت والحلة
مغنيا وانسانا اجتماعيا
يجئ بيوت الاحزان كما يجئ الى الافراح مغنيا
كان صديقا لخالى فخرى بابكر سلامة
كلما طاف بالحى جاء الى البيت رفقته
يجلسان وكنت ثالثتهما
يغنيان فى رسوخ وكنت استمع فحفظت ماشاء الله لى من اغنياته
كنت اعجب بشكل خاص باغنية الخنساء
حيث شقيقتى الصغرى كان اسمها الخنساء
لكن مكمن اعجابى انه يقول "الا يا سلمى يرضيك "؟
وكان يرضينى لحظة ان يجئ كلاهما من دار الرياضة امدرمان ويطلبا الى ان "اعمل شاى "
فبادى كان "ما بشرب خمر يسكر "لكنى لا اعرف مقدار محبته للملاح الاخدر ...!
فلم احظ باكله فى بيتنا سوى كباية الشاى تلك
حتى فى الحفلات يجئ ناحيتى هامسا "بت اختى سوى لى كباية شاى من يدك "
هكذا اذن كنا فى عداد الخال وابنة اخته
يا له يا خدر من رجل متواضع رغم كل فنه لكنه كما كل السودانيين "الصح "
فى مرة قال له عميرى وكان يسجل فى حلقة لصديقنا عوض بابكر "حقيبة الفن "
ـاسمع يابادى حاغنى ليك بالرق
ضحك بادى وقال
ـ يا عبد العزيز القصة ما ساهلة
ومعروف ان عميرى لم يكن يعرف حتى كيف يعزف العود
المهم انه "اخد الرق وغنى ميل وعرض كتر امراضى بالرق "واغنية ازعم انها للكاشف
رحم الله الخال بادى فهو خالى لانه صديق خالى وصديق خالك خالك
| |
|
|
|
|
|
|
|
|
|
Re: يا طير الودى .. نزَّاح تسابق الشـارده (Re: خدر)
|
خدر
شنو ؟؟؟
انشاءالله المانع خير ؟
حالك ؟
وحال الأسرة ؟
وحال مدرجات ال K L M .
د / أحمد القرشى قال بادى ساق الفيات كيف كيف ما تعرف . كلام فنانيين .
يا سلام .
وسمعت قالوا يوم مات بادى . بروفسور على شمو بكى . صوت بادى يا خدر مافى
منو .. زى الاصوات دى قالوا بتجى فى الدنيا كل ألف سنة .
سبحان المعبود .
| |
|
|
|
|
|
|
|
|
|
Re: يا طير الودى .. نزَّاح تسابق الشـارده (Re: محمد عبد الماجد الصايم)
|
احمد القرشي
يشهد الله كأنك بتحكي عني برضو
\ياخي بقينا نبكي لاسهل الاسباب
ده شنو الهم النحن فيهو ده
غربة ولا شجن ولا حزن ولا حاضر مقيت ؟
ربك يفرجها ياخي .. فترنا
الحساسية بتزيد وبتقشر القليب وتخلية رهيييييف
رحم الله بادي الذي اطربنا واشجانا
رحم الله بادي الذي ربط لنا جسر التلاقي بينا ماضينا وحاضرنا
رحم الله بادي الذي حفظ لنا تراثنا الفني الاصيل بصوته والعذب وادائه الرفيع
ربنا يتقبلة قبولا حسنا ويجعل مثواه الفردوس
شكرا الفنان خدر وجايك يوم الجمعة انشاءالله
| |
|
|
|
|
|
|
|
|
|
Re: يا طير الودى .. نزَّاح تسابق الشـارده (Re: عماد شمت)
|
يا جماعة الله يشهد يومي بيمر علي
تفكيري بادي ويومي بسمع صوتو
زول بيوزن مليون نفر .
البوست ده لازم يكون فوق
لحين ميسرة .
كم نظرته في دار العبر
نظرة اللحياة اختبر .
الله الله يا شيخ طه .
ولو بحجبو الامر الصدر
ما بيحجبو دمعي الانحدر
وكل شئ إن صفاء او كدر
في ايادي القضاء والقدر .
| |
|
|
|
|
|
|
| |
خدر
ندى عثمان حسن
حبيب نورة
Ahmed musa
Emad Abdulla
طارق جبريل
Ahmed al Qurashi
باسط المكي
Osman Musa
الفاتح ميرغني
الجندرية
د.يوسف محمد طاهر
محمد الجيلى
JAD
نيازي مصطفى
سلمى الشيخ سلامة
محمد زكريا
أحمد طراوه
سفيان بشير نابرى
هواري نمر
فاروق أبوحوه
محمد عبد الماجد الصايم
عماد شمت
فيس بوك
تويتر
انستقرام
يوتيوب
بنتيريست