القارئ الكريم الأخوات والأخوة البورداب المشاركون والمشاركات من خارج الحوش لكم مني التحية والتجلة ووافر الإحترام هكذا جادت قريحة الشاعر الرهيف الهفيف عزمي أحمد خليل في عيد الحُب.
عيـــــــد الحُـــــــــــب
شعر عزمى احمد خليل ليه ما مريت بى بلدى هناك يا عيد الحب تلقى الحبان بيقاسوا دوام من كتر الغلب لا ليهم عيد ولا ليهم سيد بس غير الرب وليه ما مريت بى بلدى هناك يا عيد الحب ######### حبان بلدى يختلفوا كتير عن باقى الناس يعيشوا الحب من كل القلب ويضحوا عشانو بالمال والمآس يخافوا العين وكمان البين يدارواالريد جوه الاحساس والبينهم كان ميثاق وشرف وما ليهم هم غير الاخلاص ويا بخت البيخلصوا بس فى الحب وليه مامريت بى بلدى هناك يا عيد الحب ######### الحب دايمآ مظلوم فى الكون والبيعرف قيمتو قليل نادر لا عندو حدود ولا ليهو قيود مرات فى الريف ومره مهاجر كم لمه قلوب كانت تايهه وكم بكى عيون وهدى خواطر كم دلى القمره من السموات وكم خلى اليوم يصبح باكر وصانع الاعجاز دائمآ هو الحب وليه ما مريت بى بلدى هناك يا عيد الحب ######### الحب يا عيد كل الاوقات ووحياتك تب ما داير يوم والصابو الريد دائمآ معروف لو كان قايل عن روحو كتوم ناس لبنى وعبله وناس عنتر مين يقدر يرمى عليهم لوم ياريت لوهسع كان ظهروا وياريت الريد لو كان بيدوم ولو كل الناس كان بينهم حب وليه ما مريت بى بلدى هناك يا عيد الحب
Quote: الحب يا عيد كل الاوقات ووحياتك تب ما داير يوم والصابو الريد دائمآ معروف لو كان قايل عن روحو كتوم ناس لبنى وعبله وناس عنتر مين يقدر يرمى عليهم لوم ياريت لوهسع كان ظهروا وياريت الريد لو كان بيدوم ولو كل الناس كان بينهم حب وليه ما مريت بى بلدى هناك يا عيد الحب
شكراً ليك وأنت تتحفنا بما خطه يراع شاعرنا رقيق العبارة الأخ عزمي ، رد الله غربته ليتواصل عطاءه الثر من داخل الوطن وليعطر أمسيات الخرطوم ولياليها الثقافية بفخيم نظمه وبديع شعره ، ويشفي غليل معجبيه بصادق كلماته وحلوها.
الأخ العزيز عبد الحليم التلب لك التحية والود وعاطر الياسمين شكراً لكلماتك الطيبة، وسلامك موصول للأخ الشاعر المبدع / عزمي، يمكنك مراسلتي على الإيميل الخاص ([email protected] ) حتى تحصل على التخريمة (هاتف الأخ عزمي) مع خالص تحياتي د. صلاح البشير
02-17-2010, 06:41 AM
abdulhalim altilib abdulhalim altilib
تاريخ التسجيل: 10-16-2006
مجموع المشاركات: 4050
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
abdulhalim altilib
فيس بوك
تويتر
انستقرام
يوتيوب
بنتيريست