|
|
 أمس. الهلال. الجالية السودانية. ابوظبي. كمال إدريس. الفوز بالكأس
|
باختصار حاجة لاتوصف...
الهلال أسر قلوب الناس بصورة مفرطة. قدم عرض رائع للغاية.. أخذ كاس الدوري.. فاز على المحرق البحريني في مباراة رائعة.. كان هو أستاذ اللعب فيها..
استرق الفوز في آخر دقائق الشوط الثاني وتمت المعادلة 2 مقابل اثنين حسمت بضربات الجزاء
الهلال فرح الجالية السودانية بصورة منقطعة النظير .زمن كثرة الاحباطات الواقعة على الناس من جميع النواحي ، الهلال أداهم جرعة فرحة عارمة وكبيرة.. تعجبك الجالية السودانية في تشجيعها كعادتها.. الأسر جات لأبوظبي في ملعب نادي بني ياس بمدينة الشوامخ.. جات من دبي والشارقة وعجمان والفجيرة وراس الخيمة وام القيوين ومن لواء ومن مزيرعة ومن العين.. الزغاريد لاينقطع.ز كلمات الهتاف( سيد البلد) 0 بالطول بالعرض هلالنا يهز الأرض... وغيرو وغيرو... رنين الطبول والدلاليك والدربكة لاينقطع.. أشبال السودانيين أكثر حماسا في التشجيع.. ربات الأسر نسوا معاناة خدمة البيوت وتجهيز الأطفال للمدارس وعاشوا الفرحة بحذافيرها.. حاجة تبهج وتسطل.. واحد مشاهد سوداني من الفرحة أغمى عليه.. المشجعين نزلوا الملعب بكثافة مما أعجز الشرطة عن صدهم أو سمحوا لهم لإكمال فرحتهم
اللاعبين حملوهم على الأكتاف.. شرطة الملعب خافت عليهم شالتهم بسرعة من المعلب
صلاح ادريس نزل يعبر عن شعوره ومبسوط من الجالية السودانية بصورة كبيرة نزل جاب الملعب.ز اليوم الأول في مباراة الهلال مع المحرق السودانيين وقفوا أرتال أمام سيارته ومنعوها الحركة ليتمكنوا من مصافحته.. تمكنت من مصافحته وتهنئته.. واحد قال ليهو الإستقبال اللي لقيتو يا صلاح ما حصل لى زول في تاريخ الإمارات فليهنأ هلالك واهلك وكل السودانيين.. كان صلاح متواضعا. السواق يصر على التحرك وصلاح ادريس يقول ليهو انتظر خليهم يعبروا عن فرحتهم.. بعد كدة الجماهير سمحت للسيارة بالتحرك.. صلاح ادريس في ايام التمرينات والناس كان بيجوا يحضروها.. صلاح إتفرجخ في الارض مع الناس وقال ليهم إنتو عايزين شنو طلباتكم؟ قالوا ليهو ما عايزين حاجة غير الكاس من بني ياس..
فزنا في الأول على المحرق البحريني ومكافأة الفوز يقولون ثلاثة ملايين درهم وفزنا بالأولى على بني ياس ومكافأة الفوز يقولون ستة ملايين درهم لا أدري ما حقيقة ذلك
على العموم الهلال كان رائع بكل المقاييس وافرح الجالية كلها وأعاد لهم البسمة المسروقة
صديق عبد الله المنصوري
ابوظبي
|
|
 
|
|
|
|
|
|
|
|
Re: أمس. الهلال. الجالية السودانية. ابوظبي. كمال إدريس. الفوز بالكأس (Re: منصوري)
|
تستاهلوا يا منصوري لأنكم سودانيين
وتستاهلوا لأنكم هلالاب
يستاهلوا نسوانا وبناتنا فلذات اكبادنا هذا الفرح
يستاهلن لأنهن هن من ولدن امثال خليفة ومنير امبدة
لأنهن هن من ولدن البرنس ومهند وعلاءالدين يوسف
لأنهن هن من ربين وتعبن فينا
فكيف لا يفرحوهن ابنائهن
يستاهل الهلال ويستاهل اهل الامارات الشوامخ أن يفرحهم هلالنا الملاييني
نحن كمان في السعودية فرحنا حتى أطربنا الذين من حولنا
فرحنا بهذا الهلال الكبير الشامخ الذي عاد من بعيد
العبرة والله واقفة لي هنا بس (يد ممدودة إلى حلقي)
يا سلام
اللهم لك الحمد كما ينبغي لجلالك العظيم
الصادق
| |
|
|
|
|
|
|
|
|
|
Re: أمس. الهلال. الجالية السودانية. ابوظبي. كمال إدريس. الفوز بالكأس (Re: الفاتح شلبي)
|
الفاتح والصادق سلام
ايه رايكم بعد التشجيع ده
أنا موش هلالابي؟
لكن اقول الحقيقة
موش هلالابي يعني شنو؟
مرياخبي؟
لا هذا ولاذاك
أشجع اللعب الجيد
وتمثيل وطني بلعييبه يرفوا راسنا
إذن فريقي هو الفريق القومي
.........
فريقي هو الاعب الجيد أينما وجد.. في الهلال في المريخ في الموردة
فناني كذلك هو ملك الأداء أطرب للجيد من الجميع بدون انحياز
أنظر من خارج المنظور الملون بلون الفئوية عشان اقول يمكن أقدر أعطى الحقيقة
| |
|
|
|
|
|
|
|
|
|
Re: أمس. الهلال. الجالية السودانية. ابوظبي. كمال إدريس. الفوز بالكأس (Re: منصوري)
|
واحد علق هنا قال
زهرة اللعبة وفاكهتها هو جمهور المشجعيين أمس في نادي بني ياس
وفعلاً
ناس جايين بي جوع بطونهم من دبي وأحراشها وليوا وبدع زايد ومزيرعة بي جوع بطونهم للأستاد
قالوا نحصل الكورة وبعدين نفتش الأكل
آآآآه لهم الله السودانيين..
واحد وواحدة قالوا لى هو هنا أحسن، لو كانت المباراه دي في السودان يجوها بي كرعينهم من أم بده والحاج فللي
قلت للمدام عليكي الله ربنا يزيد خيرك ويكتر ضيوفك لو في ناس تقطعت بهم السبل وجايين من بعيدأدعيهم يبيتوا معنا ما انت عارفة البيت ممكن يشيل عشرين أسرة.. وذلك بعد ما شفتها ماسكا ليها خمسة أسر جنبها تتحدث قالت ديل جايات جعانات طوالي على الأستاد حباً في الكورة.. الله الله الله على السودانيين.. الناس بيحبوا الهلال وأنا بحب الهلال والسودانين معاً
| |
|
|
|
|
|
|
|
|
|
Re: أمس. الهلال. الجالية السودانية. ابوظبي. كمال إدريس. الفوز بالكأس (Re: منصوري)
|
| Quote: الهلال كان رائع بكل المقاييس وافرح الجالية كلها وأعاد لهم البسمة المسروقة |
يا منصوري عافي منك و الله بصراحة فرحة جميلة و ياخي انا من الفرحة سايق خائف يطقني ردار ماشي جاي :) بصراحة كان يوم عظيم اثبتا لكل الحضور كيف يكون التشجيع و كيف تحب فريقك حتي و الفريق خسران ٢ صفر
الحمد الله تم افتتاح استاد الهلال فى بني ياس ههههه
تخريمة شوفته الناس دي قال حاجزه تلاته اركان لمشجعي بني ياس لكن مع الحضور السوداني المهووول فتحت جميع ارجاء الملعب لمشجعي سييييييد البلد و غطت الجلاليب و الاعلام الزرقاء ارجاء الملعب
هلالنا فووق ...... خليفة فووق .
| |
|
|
|
|
|
| |
منصوري
الصادق صديق سلمان
الفاتح شلبي
Sayed Bekab
معتصم مصطفي الجبلابي
فيس بوك
تويتر
انستقرام
يوتيوب
بنتيريست