|
جاكم المابنو !!..
|
ضبانكم هدر يا العطرك البف باف في سيل النضم ما بتعرف الاسفاف الليلة البقر لابد كتير خواف مالك يا المسولب كتفك كبير رجاف
طه جعفر
|
|
|
|
|
|
|
|
Re: جاكم المابنو !!.. (Re: عادل سهل)
|
شكر عادل سهل علي الهدية و اعتذار كبير عن التأخير في الرد
راقدين في السجم ما بعرفو عديلة رجالة خزف فوقم رديم السيلة كان جاتم حرب ما بشيلوا الشيلة خوفم من ام كوكاب خلا العقول ضليلة
مقتل طالب آخر.. خبر صاعق
من قتل الابرياء ما بتشبع ايدهم ديل عترة مجرمين كضاب البقول بديهم دايما سارقين، ناهبين بي صوابع ايديهم غير الحرام!! خير بالحلال ما بجيهم
طه جعفر
| |
|
|
|
|
|
|
Re: جاكم المابنو !!.. (Re: سليمان الرفاعي)
|
الحبيب سليمان الرفاعي اهلا بيك
ابو الحاج العوير بدورلو موت الذلة الراجل المهضلم، باهت، مرذول رجالة الحلة يا فاشل الدكاترة ،عديم الضمير و الخلة يصاحبك في الجحيم ابليس و المراجيم جلة
طه جعفر
| |
|
|
|
|
|
|
Re: جاكم المابنو !!.. (Re: سليمان الرفاعي)
|
شكرا تاني الي سليمان الرفاعي
الي مجرمي الحرب ، كلاب الامن و اللصوص ...هذا الشتم و الوعيد
لابد من جرايمك،خايف، ما بتقدر تقول سويتا الشينة ما منكورة، غافل! تتزاوغ، قايل نحن بنخليك و نقدر علي تفويتا عمايلك في السجل مدخورة، جاهل بالحساب راجنك، بنشيل حتي في الجيوب ختيتا
طه جعفر
| |
|
|
|
|
|
|
Re: جاكم المابنو !!.. (Re: طه جعفر)
|
يا شوك الكتر معقوف و في الرجول مغروسة الليلة النضم فوق البموج بالسموم مبثوثة في جسد الكلاب مسعورة تبحث عن البداوي حسوسة ما لها البترفس خافت من البجس محسوسة
طه جعغر
| |
|
|
|
|
|
|
Re: جاكم المابنو !!.. (Re: طه جعفر)
|
مرحبتين حباب......... الجاية كانت صابت....... تكون الغاية وكان خابت بنتحزم... نشوف الجاية الفاتك كتير يالغافل،ابقي التاية
طه جعفر
| |
|
|
|
|
|
|
Re: جاكم المابنو !!.. (Re: طه جعفر)
|
ديل الكاذبين
كتيفة حبالك للهاربين والخافو قاسية يا النار البتوقد في الضماير دافية من برد الانكسار ... والخيانة الخافية الساقطين، اولاد الرذايل تجيهم داهية
ديل الكاذبين
طه جعفر
| |
|
|
|
|
|
|
Re: جاكم المابنو !!.. (Re: طه جعفر)
|
كضاب و تافه، عشمان حقير.. و انت كلب مأجور يا البتخاف من الكيزان!! بتحلم بي نساء الحور؟ جهاد البنك، مال مسموم حرام، الدارة العليك بتدور بتخجل من عمايلك انت يا مرذول لما الليالي تدور
طه جعفر
| |
|
|
|
|
|
|
Re: جاكم المابنو !!.. (Re: طه جعفر)
|
ضوّت إيديك طه عرّيت اللئام في قصّتك فرّيت بلد وإتكيت والحزب كان هو مخدّتك تيرب وعيك سنبلاتو وحتّي الشوارع زكّتك يا صاحبي الوريف عارفك شيوعي دي نكهتك
| |
|
|
|
|
|
|
Re: جاكم المابنو !!.. (Re: عاصم الحزين)
|
شكرا ايها الحبيب عاصم الحزين و انت تنير البوست و تلونه بالوان قوس قزح علمتنا كيف تكون المربوعات مربوعة و شبعانة احساس
كتب عاصم الجمال التالي
Quote: ضوّت إيديك طه عرّيت اللئام في قصّتك فرّيت بلد وإتكيت والحزب كان هو مخدّتك تيرب وعيك سنبلاتو وحتّي الشوارع زكّتك يا صاحبي الوريف عارفك شيوعي دي نكهتك |
طه جعفر
| |
|
|
|
|
|
|
Re: جاكم المابنو !!.. (Re: طه جعفر)
|
قوس قزحـك براك دلّيتو فوق إحساسنـا لوّن قلبنا و خلانـا نحـفر سـاسـنا شان نبني البلد بالوعي مو بي فاسنا يا طــه السمـح شبعانه منّك ناســنا
| |
|
|
|
|
|
|
Re: جاكم المابنو !!.. (Re: عاصم الحزين)
|
عاصم حنين والله مو تب قاسي شعرك في جمالو يتجمر احساسي مربوعاتك بتوقد في ضمير الناسي نيران التذكر للعميق و اساسي
شكر متكرر لعاصم الحزين شاعر الجمال الفرح
طه جعفر
| |
|
|
|
|
|
|
Re: جاكم المابنو !!.. (Re: طه جعفر)
|
ارسل الي الاستاذ عاصم الحزين المربوعات التالية اثناء قراءته لروايتي( فركة) التي نتحزم سويا لنشرها
ما مشيت بعيد قعدت فوق راي ضل (سلطان) ركز و اتكلم الحكاي يا (طه) السبر من قولك الضواي جهجه فكرتي يوم (فركه) حدرت بي جاي
ديل تمانية بنات خلن وراهن سافل الولد الوحيد قطعن ايدينو جحافل جروك بي جواد قايلك المتجافل حرم كان قطعوك بالنية برضو تكاتل
يا (تيه) الوريف جروك بالزندية يوم غابو العيال شان يبنو كم قطية (فركه) معاك يا الواطتك مروية اصبر عيش كفاك يوم سيرتك محكية
طه جعفر
| |
|
|
|
|
|
|
Re: جاكم المابنو !!.. (Re: طه جعفر)
|
Quote: ضبانكم هدر، يا العطرك البف باف في سيل النضم ما بتعرف الاسفاف الليلة البقر لابد كتير خواف مالك يا المسولب كتفك كبير رجاف
|
يعودون دائما و لنا عودة... و العود احمد
طه جعفر
| |
|
|
|
|
|
|
Re: جاكم المابنو !!.. (Re: طه جعفر)
|
كيفك يا الوريف انشالله طيب ورايق ماك زي حال دروب قلبي الصبح مضّايق وكل ما الشمس قلعت توبا الألم لي سايق فتران والشعر حارن يكون ما فارق
| |
|
|
|
|
|
|
Re: جاكم المابنو !!.. (Re: عاصم الحزين)
|
Quote: مبروك يا صديق الديمه قلبك أخضر جهجهت الوطن بي حب دوام هو الأنضر يا مالك هواناانشالله عمرك يكتر يا العودك متين بالوعي ما بتكسّر |
حب كتير اليكما معا
خضر عاصم
طه جعفر
| |
|
|
|
|
|
|
|