|
أمنجية البورد .......
|
من فتره وأنا في خاطري كتابة البوست ده عن امنجية البورد لأني مبهور بيهم شديد ..
بالجد امنجية يسدوا عين الشمس ..
من الكتابه في البورد حبيتهم وحبيت النقاش معاهم ومواضيعهم المتميزه, مرات بحس بيهم بيضيعوا وسط زحمة المشاكل في البورد والشتيمه والنقاش الحار, لكن ظني بيخيب لما أشوفهم في بوستاتهم بينجّضوا مواضيعهم تمام, وأسلوبهم كلو رقه ولطافه .. وقوه وشراسه كمان اذا لزم الأمر ..
لما صاحبتهم في الفيس بوك قربت منّهم وشفت صور جميله للماشفتهم منّهم,
قابلت بعضهم واحتكيت بيهم وبتمني ألاقي الباقين في أقرب فرصه ..
في البوست ده عايزه أسجل أعجاب غير محدود بيكم يا امنجية البورد ..
خلقه وأخلاق,
ذوق ولطافه واهتمام بالأصحاب,
واعين ومتفتحين ومحتّكين حقيقي بالدنيا,
مثقفين بكل اللي بيهّم صحتكم وأسركم ووطنكم,
نشيطين في التفاعل مع قضايانا والتعبير عنها..
ناجحين في حياتكم العمليه ومقبلين علي الحياه بقلب قوي ..
ماعندكم فكره قدر شنو معجب بيكم, وسعيد بمعرفتكم,
وهبة ... العوض .... حيدر الزين ... علاءالدين .... تمبس ........ اساسي .... حميدة .... فيصل الرشيد ... ودالباوقة
الشفيع وراق ........ السيدح ........ ابوعبيدة ......... ودالصايم ....... عمر صديق ...... بدرالدين وكللللل البقيه ..
والشكر لمن جعل ذلك ممكناً ....... بكري ومن بعده اماني الامين
|
|
|
|
|
|
|
|
Re: أمنجية البورد ....... (Re: عمر صديق)
|
Quote: ياخ في خمسة في اللستة دي ...ياتمرقهم ....يا انا اتخارج |
لا ياعمر ...... وحدة الصف مهمة في هذا المنعطف الخطير ومرحلة عنق الزجاجة من عمر النضال الاسفيري
| |
|
|
|
|
|
|
Re: أمنجية البورد ....... (Re: ندى عثمان حسن)
|
Quote: ياجنابو
عليك الله قبل ماتلطش , أمش أفتى لينا فى بوست (ناس المرور) بتاع حيدر الزين |
ازيك ياندي .........
مبدئياً كده انفي كل ماورد علي لسان الاخ حيدر الزين في بوست المرور رغم اني ما قريت البوست لسه ....
| |
|
|
|
|
|
|
Re: أمنجية البورد ....... (Re: وجن)
|
Quote: أساسي زاتو ملهوووم يا خالد أبو اللطشي لحده عاد الليلة شكلو يوم اللطشي العالمي التحية للأمنجية وعلى رأسهم لاطش البوست دا |
ازيك ياوجن .......
اساسي راجل عمدة واللطشي منو مكسب ...... بس حبينا نثبت لاماني الجزائرية حقوق الملكية الفكرية
| |
|
|
|
|
|
|
Re: أمنجية البورد ....... (Re: علاء الدين يوسف علي محمد)
|
Quote: حيدر الزين ... علاءالدين |
هو بالله حيدر الزين رُتب عُليا و كِدة؟ سعادتك حيدر الزين غاية أسفي على تحرُّشاتي بيك الفاتت و تهديدي ليك بعمّار في الزنزانة و قالوا الما بِعرِفك يجهلك و حقيقة لقد تعاملت معاي يا سعادتك بكل حِنكة و خِبرة تجلعنا نحن كرتب أقل مِنّكم نتعلّم مِنكم الكثير. زي الضابِط الصغيِّر اللي جاء للواء الشهيد أبو فاطة رحمه الله ولقاهو في بيتو بغسِّل عربيتو براهو وهو ملان طين و مشمِّر عن سواعد الغسيل "رحِمه الله" ووقّف ليهو عربيتو جمبو و قال ليهو أمشي نادي لي اللواء أبو فاطمة و بعد تنتهي من عربيتو غسِّل لي العربية دي فدخل و جاهو قال ليهو سعادتو بجيك هسي و دوّر ليك في عربِيّة الضابِط "الصغيِّر" غسيل و تلميع و مشى إستحمى و قشر و جاهو ليك قال ليهو معاك اللواء أبو فاطمة. أها الحصلت للضابط الصغيروني داك حصلت علي هسي و أنا بلقى إسمك يتقدّمنا جميعاً يا سعادتو حيدرالزين.
| |
|
|
|
|
|
|
Re: أمنجية البورد ....... (Re: علاء الدين يوسف علي محمد)
|
أوووووووو .. علاء الدين الامنجي يسجل هدف
يا علاء من متين عمر عثمان دا قاعد يكتب خبر صحيح وموثوق .. او ينفي خبر وهو يكون واثق
عشان كدة يا عمكـ الزول دا عاوز يخرب سمعتنا مع السادة المناضلين ودا بيثبت انه البوست مدفوع الاجر كما يقول المناضل الشهم دكتور مصطفي محمود .. وكبداية لسعي المناضلين التفاتيح بعد قائمة جنابو عمر عثمان دي لقيت ليك السيد دينق بيلمزنا من على البعد بوصف هذه الشلة بالوحل وينصح الامنجي العوض المسلمي انه يتخارج منها ..
اما البقية الواردة في القائمة فأبصم عليها بالعشرة لكن اجدها ناقصة سعادة النقيب امنجي ركن معتصم محمد صالح
| |
|
|
|
|
|
|
Re: أمنجية البورد ....... (Re: mayada kamal)
|
Quote: البوست دا ناقصة شئ وااااااااحد يجي الديك تور كوبي بست ويديكم الفيه النصيب ههههههههههه وساعتها كامل تضامني معكم |
غريبة هو الليلة مالو ماظهر لحدي اسه ......... والا حبر الكوبي ان بيست خلص
| |
|
|
|
|
|
|
Re: أمنجية البورد ....... (Re: محمد المسلمي)
|
Quote: ياجنابو عمرالرتب ماورتنا ليها (التاس ديل ]رتب عالية ولا ظباط صف وفنيين) |
ازيك يا ابوحميد وين الغيبة دي ...............
القائمة دي فيها ضباط عظام زي ناس وهبة والعوض ورتب وسيطة زي ناس عمر عثمان وافراد زي ناس ودالصايم
ولاتخلو من مجندي خدمة الزامية زي ناس حيدر الزين ومن لف لفه ......
| |
|
|
|
|
|
|
Re: أمنجية البورد ....... (Re: omer osman)
|
عمر عثمان,,,سلااام,,,
مافى امنجيات فى البورد دا ولا شنو??
انشاءالله اخوات اى حاجة,,,مامشكلة,,
| |
|
|
|
|
|
|
Re: أمنجية البورد ....... (Re: محمد عبد الماجد الصايم)
|
لييييييييييييييييييه
اسمي مافي؟
ان يقال عنك امنجي دي معناها وصلت رتبة مشير في البردبة
اهاانالي كم سنة ناس النطيحة والعاضيه الكلب والواقع من فوق والضارباه صفيحة مطلعين اوشاعة اني امنجية واتنعم بقروش السودان
تجي انت ساي كدا تفط اسمي؟ افو افو افو!!!
| |
|
|
|
|
|
|
Re: أمنجية البورد ....... (Re: عفاف الصادق بابكر)
|
Quote: لجنابو ... تحية ..
خارج نطاق الامنجية ...
دخلته هنا لعمل التمام ... والسؤال عن الاحوال ..
انشاء الله انت طيب يا اخوي .. |
عفاف الراقية .......... عرفنك خارج نطاق الامنجية لكن بي طيبتك وظرفك تنفعي في السلاح الطبي
| |
|
|
|
|
|
|
Re: أمنجية البورد ....... (Re: Amira Elsheikh)
|
Quote: عمر عثمان,,,سلااام,,,
مافى امنجيات فى البورد دا ولا شنو??
انشاءالله اخوات اى حاجة,,,مامشكلة,, |
القال ليك مافي منو يا اميرة ......... اخدي عندك العميد دكتور نجاة والملازم ميادة كمال
| |
|
|
|
|
|
|
Re: أمنجية البورد ....... (Re: mayada kamal)
|
Quote: عرفنك خارج نطاق الامنجية لكن بي طيبتك وظرفك تنفعي في السلاح الطبي |
ــــــــــــــــــــــــــــــــــ جنابو ما عندك خانة لطباخ في نادي الضباط ...(ارشح الاخ جورج )
| |
|
|
|
|
|
|
Re: أمنجية البورد ....... (Re: Faisal Elrasheed)
|
Quote: جنابو ما عندك خانة لطباخ في نادي الضباط ...(ارشح الاخ جورج ) |
دي لكن ما وظيفتك انت ...صاح؟؟ لا للاعتداء على مهن الاخرين لا بأس لمن يعمل هو او احد اقربائه في الخليج في مهنة ما(طباخة - غسيل ملابس الاميرات و اشياء اخرى) ان يواصل عمله في السودان - لأن الوطن اولى بالخدمة لكن ان يقترح للاخرين بغرض الانصراف او الازاحة غير مقبول
| |
|
|
|
|
|
|
Re: أمنجية البورد ....... (Re: Faisal Elrasheed)
|
Quote: جنابو ما عندك خانة لطباخ في نادي الضباط ...(ارشح الاخ جورج ) |
يافيصل مالك على الزول .....بكون اكلو كعب زي كلامو الشافو كل يوم واقف ادارة داخلية وشايل ليهو كمشة وحلة ما كضب
| |
|
|
|
|
|
|
Re: أمنجية البورد ....... (Re: mayada kamal)
|
جانبو ..
بالغته لكن ..
Quote: عفاف الراقية .......... عرفنك خارج نطاق الامنجية لكن بي طيبتك وظرفك تنفعي في السلاح الطبي |
تعرف بخاف من الحته دي لله .. ما عارفه لييييه .. مره هربته منه والمفروض اعمل عمليه زائده .. وكان دكتوري عمي .. مستر بلال جراح المسالك البوليه .. وحاتك انت لما الواطه اصبحت ركبت اقرب تاكسي واتخارجته .. انا بخفاف من النحلة يطلع لي اسد معقول .. السلاح الطبي حته وااااحده ..
| |
|
|
|
|
|
|
Re: أمنجية البورد ....... (Re: عفاف الصادق بابكر)
|
كدى النديكم رشه خفيفه كدا الى ان ياتيكم الدكتور بى نفسو ..
أعضاء المنبر الأمنجية
• في إطار التعتيم الذي يسعى نظام البشير بشتى السبل إلى فرضه على مماراساته في البلاد فقد تمكّن من دس بعض عناصره بالمنبر العام لسودانيزاون لاين! • مهمة هؤلاء هو مراقبة الموضوعات التي يكتبها أفراداً بعينهم وخاصةً من الناشطين في إبراز قضية دارفور او اي قضية ، والسعي لحرف مسار النقاش بأي شكل من الأشكال. • لا تناقش تعليقاتهم في الغالب أي فكرة من الأفكار التي ترد في الموضوعات، وينصرفون الى التهكم والإستهزاء والتخوين، فيطلقون عبارات مثل ( آكلي الويلفير)، (العملاء)، (الرجرجة)، (الدهماء)، (الطابور الخامس).........الخ!. ويصل الإفلاس ببعضهم أحياناً الى إطلاق بعض الصفات والنعوت العنصرية على زملائهم بالمنبر! كما يجنحون في بعض الأحيان الى التعريض بأعمار مناقشيهم ظناً منهم بأن هذا يستفزهم فيتركون موضوعهم الأساسي، وهنا تجدهم يستخدمون عبارات مثل حبوبة فلانة أو الخال فلان......الخ. • كما قلنا فإن هؤلاء (مستنفرين) تجاه أعضاء محددين، فما إن يظهر بوست لأحد هؤلاء الأعضاء حتى يبدأ الأمنجية في لعب دورهم المرسوم. • بعضهم يحاول إخفاء تهمة الدفاع عن النظام عن نفسه ليلعب دوره الخبيث، وهؤلاء يمثلون الإمتداد الفعلي لجمهور المنافقين الذين تحفل بهم كتب التاريخ. • ما يقوم به هؤلاء لا يقل إجراماً وخطورة عما يقوم به النظام داخل البلاد. • هم العدو فاحذرهم.
| |
|
|
|
|
|
|
Re: أمنجية البورد ....... (Re: على محمد على بشير)
|
Quote: كدى النديكم رشه خفيفه كدا الى ان ياتيكم الدكتور بى نفسو ..
|
ابو علي عندك اثنين جائزة عند خالك كيكي تجي بكرة بدري تشيلهم الرشة الفوووق دي...والثانية بتاعة (وووب علينا) في بوست تراجي..!!!
وشاحد ربي الدكتور يجي ماري بجاي يخلي الاخوة الامنجية ديل ريحتهم طير طير لوووووووول ................
عمر عثمان تحياتي وبالله الحقني بحاجة سريعة كده انشاء الله سلاح طبي قبل ما اكشكش فيكم صحبي مصطفي محمود
| |
|
|
|
|
|
|
Re: أمنجية البورد ....... (Re: عبدالكريم الامين احمد)
|
Quote: عمر عثمان تحياتي وبالله الحقني بحاجة سريعة كده انشاء الله سلاح طبي قبل ما اكشكش فيكم صحبي مصطفي محمود |
ياعبدالكريم ازيك طالما انو صورة بروفايلك ماظاهرة لو طلعت (ابومحمد) ده زول قضاء عسكري ولو طلعت (كيكي) طوالي تبقي
مارق على الكلية الحربية استاذ طبوغرافيا ...... اها قصرنا معك
| |
|
|
|
|
|
|
Re: أمنجية البورد ....... (Re: omer osman)
|
.. . خلال 24 ساعة المنبر صار منبر متخصص من الاولاد للبنات للامنجيو .. وهلما جرا
_______
انا خميسى مخستك انت خميسك مالو ..بارك لى فى النت ؟؟ ( مافى غمازات هنا ولا ان شاء الله زر سااى )
| |
|
|
|
|
|
|
Re: أمنجية البورد ....... (Re: Tabaldina)
|
الكلب الحقير فيصل الرشيد .
لو أنا كنت طباخ، أكيد كنت ح أكون فخورا بعملي والعمل الشريف ليس بعيب، ولكن العيب هو الدفاع عن الباطل وعن الظلم . كلب مثلك يجب أن يستحي عندما يخاطب الأخرين .
| |
|
|
|
|
|
|
Re: أمنجية البورد ....... (Re: Deng)
|
.. .
Quote: الكلب الحقير فيصل الرشيد . |
والله يا دينق اتوقعت ياخى ازعل بس ما تنفعل قدر دا بعدين الطباخه ما عيب كما ذكرت انت لسه عندك احساس دونية ؟؟
________
الامريكان بقولو Grow up
| |
|
|
|
|
|
|
Re: أمنجية البورد ....... (Re: Deng)
|
.. . والله عمركـ ما تكون محترم او جنتل مان مش لو لبست بدلة وشلت جواز ازرق واشتغلت فى .....
________
احساس الدونية حيظل راسخ فيك وحتظل معقد ..
الله يسامحك
| |
|
|
|
|
|
|
Re: أمنجية البورد ....... (Re: Deng)
|
سلام يا جنابو صاحب البوست الأخ عمر عثمان،
بالنسبـة للطباخين، يا جماعـة الجنوبيين ما بعرفوا الطبيخ، (أسـف يا جورج لكنها الحقيقة) دى مهنة مقفولة على أهلنا الدناقلة والحلفاويين منذ زمن طويل. وهى مهنـة شريفـة، بل فن راقى جدا فيه مسابقات دولية، وأشهـر الطباخين هم الفرنسيون ثم اليونانيين.. والشيف هو مثل رئيس الجمهورية محترم.. منهم من يعمل فى أرقى الفنادق ثم فى وقت إضافى يحاضر فى الجامعات لطلبـة الفندقة والمطاعم.
| |
|
|
|
|
|
|
Re: أمنجية البورد ....... (Re: Abureesh)
|
تبلدينا.
الذين يحسون بالدونية هم الذين يلتصقون بالاخرين ويتنكرون الى ثقافاتهم والى أصولهم . وأنت أكبر مثال لذلك . أنا ما عندي شئ يجعلني أحس بدونية لأني فخور جدا بأصولي ولاأختبئ خلف ثقافات الاخرين .
| |
|
|
|
|
|
|
Re: أمنجية البورد ....... (Re: Tabaldina)
|
يا أخوانا الناس فى البوست دا غلطت فى حق الأخ دينق، ولازم يواجهوا الحقيقة دى ويتعذروا.
شنو تقولوا للزول إنت وظيفتك طباخ (عشان جنوبى؟)، ولما يغضب ويدافع عن نفسـه ويرد يقال له يا دوب أثبت دوينيتك.. يعنى فعلا طباخ.
الكلام دا غلط غلط غلط.. وفيه عدوانية وعنصريـة قبيحـة للغايـة.
| |
|
|
|
|
|
|
Re: أمنجية البورد ....... (Re: حبيب نورة)
|
جنابو عمر عثمان تحياتي لك ولرفقاء السلاح "أمنجية البورد" وللجميع من بعدهم الود الأخوي الصادق.
إحتراماتي لسعادة الفريق علي عبد الله لحدِي ما نتلاقى بعد عودتي من دارفور
| |
|
|
|
|
|
|
|