قصيدة فى دعم المرشح عبد الحكم الدائرة (5)

Quote: بى جيتك تمام يا سيدى اتباختنا بى شيخنا تاج السر ربانا هو وبركتنا ما انتو العناية الكل يوم شملتنا والدايرة بنجيبها ونرفع شعار عزتنا * * * لا شك الاراك فى الدايرة هى المضمونه وقبلها فى المقل كيزانو ما بفوتونا فى الزومة بنهز الناس كتير يدونا والكرفاب ندقق كيزانو فى الطاحونة * * * يا نورى الرجال ربك علينا وكيلا والبركة بتكب لامن تعطر نيلها ابو هاشم هناك ما هيلتو نورى وهيلا والكيزان حا ولوك بس غلبوا فيك الحيلة نواصل

Quote: فى البركل رجال والبركة فى ايششى تنقاسى العظيمة البيضت وشى ما شين فى الطريق لا بندى لا بنرشى كا سح يا الكرو الما بتفضل شى * * * مساوى استعدت والموضع المبروك ما شفتو الزهور غذولها كيف الشوك ناس اسلى العزاز لاشك هم يدوك وفى الباسا الرجال يتلموا هم ويجوك * * * فى كورتى المدد وفى حلتها البيضاء والفوز القليل والله ما بنرضى لازم نكتسح ونوقف الفوضى والصوت القوى اعظم سلاح وامضى

Quote: الاخ عمار سلامات عبدالحكم ده نازل وين وتبع شنو.. في واحد اسمو عبدالحكم طيفور ونازل في المتمة عن المؤتمر الوطنى في نفس الدائرة الفاز بيها مع الاتحاديين 86 .. فعشان مانصفق ساى ورينا (Details) ·