|
Re: يا كوستاوى الفيك إتعرفت، الغوث جانى وعلمت صور .. (صور) بس !! (Re: Kostawi)
|
الجماعة في لندن قالوا جاهم (شيخ) كرت كرتونة من الخليج..صلى بيهم الجمعة وشبكهم في الدعوات: اللهم أنزل الغيث!! لو ما ثبتوهو كان بريطانيا اطمبجت..أها هسع يا عبدالفتاح انت وكوستاوي اقعدوا قولوا الغيث الغيث لحد ما تجوا تطلعونا من تحت التلج..ده لو ما اندفنا فعلا لحد بكرة..الحكاية دي بطالة خلاص..والمشكلة تلج المرة الفاتت لسع ما ساح جانا تاني التلج. تاني قولوا غيث !
| |
|
|
|
|
|
|
Re: يا كوستاوى الفيك إتعرفت، الغوث جانى وعلمت صور .. (صور) بس !! (Re: عبد الفتاح عرمان)
|
الحبيب/ عويس
كيفنك؟ إن شاء الله ما تكون إندفنت؟ حظك لانك متخارج ومخلينا نحن في الزنقة دى؟ يا حبيب كنت عاوز اطلب من عبد الحي يوسف يدعو لنا بوقف العاصفة لكني إتذكرت انو دعوات ما مستجابة لانو فاسد ولا هو بحي ولا هو بيوسف لكن عليك الله شوف لينا الإمام دا يدعو لنا لانو لا فاسد لا اكل اموال زول عشان كده يمكن ربنا يستجيب لدعاه. وحق البنزين الإتفقنا عليهو لو ما حانمشي رسلو لي بيه كسرة من إسكاى لاين، سمح؟
| |
|
|
|
|
|
|
Re: يا كوستاوى الفيك إتعرفت، الغوث جانى وعلمت صور .. (صور) بس !! (Re: عبد الفتاح عرمان)
|
ود الصايم
كيف يا حبيب؟ شوقنا جليد ودموعنا تلج. عليك الله عندك نفس تضحك في الجو التافه دا؟ على الطلاق يا حبيب جرسه تقيله لكن الكويس انو الزول مركلس في البيت. غايتو انا النضيف بتاعي بلح ولبن لكن نضيفكم دا ما ظنيتو لبن،،، الله يستر عليك ما يلقاك خواجه واقف مع اوباما يسال الناس يقول ليهم: يا جماعه الوافق مع ود الصايم دا منو؟ لوووووووول.
بعد تمرق عربيتك تعال امرق لي عربيتي دى، سمح؟ لانك زول بتاع حريق وكده يعني،،، شكلك اليومين دى مصاحب علي كرتي!! ربنا يستر
| |
|
|
|
|
|
|
Re: يا كوستاوى الفيك إتعرفت، الغوث جانى وعلمت صور .. (صور) بس !! (Re: Mohamed Yassin Khalifa)
|
محمدمشتاقين وما لاقين
حرم جرس تقليه لو ما السترة والفضيحة متباريات الزول يجعر عديل كده! كوستا طلع قليل اصل غايتو الزول الا يعصر على اخونا بريمة كان يطلع لي منو بعبار عبارين حسب التساهيل يعني... والله انت قلبك ابيض، نحن نفكر في البلطعنا من الورطة دى شنو وانت تفكر في الصيف،،، يا زول لو الله مده في عمرنا إن شاء الله نجي ناكل الخريف معاك تب.. البجي منك كلو كويس شوربة ضفاضع، باربكيو عصافير ولا استيك بتاع ورل لكن البوصلو شنو لو فيديكس ما شغالين؟ اها دا سؤال المليون ضفضع!!
ارقد عافيه لحد ما اعمل ليك هالووووووو
| |
|
|
|
|
|
|
Re: يا كوستاوى الفيك إتعرفت، الغوث جانى وعلمت صور .. (صور) بس !! (Re: عليش)
|
الحبيب/ عليش
عساك طيب يا خوى؟ انت اقعد لي في حديث الذكريات ونحن غرقانين بجاى،،، كسرة بويكة لله يا محسنين؟ انت زى كده ما اظن القي عندك الكسرة بالويكة عشان كده زح خليني اشوف اهل الخير.. وين الجية؟ مش إتفاقنا لما ترجع من كندا تضرب لي وبعد داك انا اجي عليك؟ نسيت ولا شنو؟ انا هسي قايلك محبوس لحدى هسي في كندا.
| |
|
|
|
|
|
|
Re: يا كوستاوى الفيك إتعرفت، الغوث جانى وعلمت صور .. (صور) بس !! (Re: Kostawi)
|
يا خردة العربات الماشه دى كانت قبل نزول العاصفة بشدة يعني في بدايتها،،، آى اقعد قول الإف بي آى عشان باكر الطيب مصطفي يجيبنا خبر رئيسي في إنتباهته.
يا خوى نحنا عرباتنا حناكيش ما بستحملن الجليد الكتير دا. وتعبن من الوقفة خلاص. دا لو ضان في البطانة كان مات خلي عربات مسكينة زى عرباتنا دى... كدى خلينا في المهم: موضوع الكسرة وصل وين؟
| |
|
|
|
|
|
|
|