|
|
 يا ناس المرور ...
|
انصح السادة المواطنين تاني زول عندو عزاء وجاء بتاع المرور يشيل فاتحة .. ما يسألو من إيصال ..
|
|
 
|
|
|
|
|
|
|
 Re: يا ناس المرور ... (Re: HAIDER ALZAIN)
|
كما أردد مع العقيــد طال عمره ...
فعلاً لعن الله الراشي والمرتشي .. وقُدم الراشي على المرتشي لحكمة ... لكن حكمته تجلت في قصة الايصالات وكيفية معالجة اي فرقة للمأكلة فيها :)
| |
|
|
|
|
|
|
|
|
 Re: يا ناس المرور ... (Re: HAIDER ALZAIN)
|
Quote: البوست دا فوق لغاية ما اقابل بكرة جنابو عمر عثمان ..
او اي زول من دُفع بوست دفتر احوال ضابط مناوب |
أها فوق
يا أخوي
الضبعنة بتداوى كعبة الإندراوة 
إلا يا ضبع ما فهمنا الحاصل ؟!!!
في إنتظاركم إنت وجنابو عمر
لتسبروا لنا غور الأشياء 
| |
|
|
|
|
|
|
|
|
|
Re: يا ناس المرور ... (Re: Hadeer Alzain)
|
قصدك العقيد الكان مع البوني ومني ابوزيد
ياخي داك علي اليمين بالغ بوليغ
اول حاجة ما بسكت ما بسمع ما بدي فرقة وبتكلم طوالي
قالوا ليه الرشاوي
قال ليهم الراشي والمرتشي وقدم الراشي
ياخي انا مواطن الليلة عشان عشرة الف اضيع يومي معاكم عشان تقول راشي
ثم انو اي زول راكب عربية ولا حتي مواصلات بعرف انو ناس المرور بشيلوا قروش ودي اي زول عارفها لو العقيد ده ماعارف الليعرف ياخي
ياخي البلد الوحيدة الفي الدنيا رجل المرور بوقف حافلة فيها 21 راكب ويعطلهم ربع ساعة او اكتر لاشكال مع السواق والمساكين منتظرين
البلد الوحيدة العرباتها بتترخص سنويا عشان القروش ومافي معايير ترخيص سليمة اصلا
البلد الوحيدة البكون في شرطي المرور بقطع ايصال وبشيل المواطن قروش ويمش يورد اخر اليوم
الشرطة الوحيدة العندها كمشن في الايراد هي المرور التقول شغالين مناديب في حليب الصافي
كله كوم والعقيد داك كوم كبسور جنبه ملاك..صوته عالي ومنفعل وما منطقي كله كله..غايتو انا خفت يقطع مني ابوزيد ايصال في الحلقة
انا لله والله وقال بقدم محاضرات ..ده بكون بهرد الطلبة هرد
| |
|
|
|
|
|
|
|
|
|
Re: يا ناس المرور ... (Re: GamarBoBa)
|
سلامو ياحيدر
ألذ شىء فى نهاية الحلقة , قال: تلفونو فااااااتح, وأى زول يضرب ليهو تلفون زى الضيف الزارو فى بيتو
ماعرفت المعلومة دى لشنو؟ وحلولو القال كلللللها , شغل البصيرة أم حمد بس , بس غايتو إلا إمعانا فى الهلاك
غايتو د. البونى ومنى أبوزيد , طووول الحلقة منططين عيونهم ساااى
بعدين بالجد , المفروض أى برنامج على الهواء يعملو للضيف (بروفة).
الليلة ياجنابو عمر , يمرقك الله بس
| |
|
|
|
|
|
|
|
|
|
Re: يا ناس المرور ... (Re: ندى عثمان حسن)
|
سلامات يا ندي عثمان ولك التحية ..
Quote: ألذ شىء فى نهاية الحلقة , قال: تلفونو فااااااتح, وأى زول يضرب ليهو تلفون زى الضيف الزارو فى بيتو
ماعرفت المعلومة دى لشنو؟ |
والأغرب من كدة انه ما ورانا رقم تلفونو كم عشان نضرب ليهو ..
ولا ناس النيل الازرق ما ختو الرقم في الشريط تحت بدل الدعايات ..
أنا حسيت مني ابوزيد عاوزة تقوم تخنقوا .. كل مرة تقول ليهو دقيقة بس وهو يزيد في الكلام ..
اما بتاع الشاحنة فالقمه ليك حجر ما قدر يرد بكلمة على تعليقه ..
دا زول تحفة واتمني انه ناس النيل الازرق يضعوهو في خطة برامجهم لرمضان القادم كفقرة اساسية:):)
| |
|
|
|
|
|
|
|
|
|
Re: يا ناس المرور ... (Re: GamarBoBa)
|
Quote: قصدك العقيد الكان مع البوني ومني ابوزيد
ياخي داك علي اليمين بالغ بوليغ
|
ياهو يا قمر بوبا ياهو ..
عارف دق علي ادريس علم الهدي قال لي بتعمل في شنو ؟
قلت ليهو بحضر فيلم جميل وووووو
قال يا زول بطل اي افتح النيل الازرق فيها مسرحية كوميدية ماتفوتك سريع ..
يآخ فعلاً صدق انا امس عشت لحظة كوميديا مبالغة .. مرة اضحك .. ومرة اضحك تاني زي الباكي
ومرة تالتة اضحك خجلاً .. واخيراً ضحكت واستغفرت ربي ومالك روحي في هذا العسكري
| |
|
|
|
|
|
|
|
|
|
Re: يا ناس المرور ... (Re: Hadeer Alzain)
|
Quote: يا أخوي
الضبعنة بتداوى كعبة الإندراوة
إلا يا ضبع ما فهمنا الحاصل ؟!!!
في إنتظاركم إنت وجنابو عمر
لتسبروا لنا غور الأشياء |
الضبعنة والإندراوة خليها .. أمشي صلحي صور الصلاة حقتك ديك
قالت عاوزة تشتغل داعية آخر عمرها
أخيــر منك جنابو العقيـــد دا اخدي منه كورسات في فن الدعاية
| |
|
|
|
|
|
|
|
|
|
Re: يا ناس المرور ... (Re: Faisal Elrasheed)
|
يا ظلامي صور شنو ... دي تشيل معاك تسالي وترمس علي شوية مررو كدة ..
وتحضرها لايف في المسرح .. تقول لي المهرج والا الود سيد الشغال..
دا عقييييد عقيد .. تعرف عقيد يعني شنو وقت يفتح تلفونو للمواطنين اي زول ضايقو
بتاع مرور يرد عليهو وقال اي زول يتصل على تلفون بتعامل معاهو زي الاكنو زارني في بيتي
ـــــــــــــــ
فدحين اي فرفرة من عسكري نفر موية مرور يعمل عنكبة شنكبة ادعو الاخوان للاتصال بجنابو
| |
|
|
|
|
|
|
|
|
|
Re: يا ناس المرور ... (Re: صلاح أبودية)
|
سلامات يا صلاح ..
بالله قريت بوستك زي الاكنو مني ابوزيد والبووني راجعهو قبل الحلقة ..
بالمناسبة اغلب المحاور الدارت في الحلقة ذكرت الاشياء الانت قلتها..
الفرق انه البوست بتاعك كان فاقد سعادة العقيد مدير العمليات
| |
|
|
|
|
|
|
|
|
|
Re: يا ناس المرور ... (Re: فايزودالقاضي)
|
Quote: الموقف التالت ..بعت العربية قبل سفري بايام لضابط في الجيش ..جيت بعد سنتين لقيته سايقها بدون لوحات...وبعد خمسة سنوات مركب ليها لوحات شاحنة وهي كرولا صغيرة ...هكذا والله على مااقول شهيد...
|
مبالغة يا ود القاضي ...
انا مريت بتجربة زي تجربتك دي قبل سنتين بس الفرق اني ما بقطع ايصال مخالفة
كنت شغال معاهم بنظام ايصال الفطور
واهو هو جاء براهو قدمنا عليهم
| |
|
|
|
|
|
|
|
|
|
Re: يا ناس المرور ... (Re: HAIDER ALZAIN)
|
إنت مالك ومال ناس المرور
بتنزل اجازة 45 يوما وبتجي حانف وشيك
النار ولعت والرجال قاعدين هناك بدفوا براهم
وانت والشاعر مهدي سووها مناحلة بيجاي لغاية قانون المرور يعدلوه في الخرتوم
| |
|
|
|
|
|
|
|
|
|
Re: يا ناس المرور ... (Re: عبد اللطيف السيدح)
|
Quote: إنت مالك ومال ناس المرور
بتنزل اجازة 45 يوما وبتجي حانف وشيك
النار ولعت والرجال قاعدين هناك بدفوا براهم
وانت والشاعر مهدي سووها مناحلة بيجاي لغاية قانون المرور يعدلوه في الخرتوم |
عاجبني انت يا الشفيع القاعد في البلد :)
اسمع والله لو حضرت الحلقة كان استفدت من الزول دا فائئدة ما بعدها
يآخ دا لابس رواحات كدة روحاتك جنبها سنفجة بس
| |
|
|
|
|
|
|
|
|
|
Re: يا ناس المرور ... (Re: HAIDER ALZAIN)
|
حيدر الزين
مساء الخير ,,,
شفته الحلقة في النيل الازرق قبل كم يوم وامبارح شائفهم عادوها
وشدتني فقرة الاستاذ الصحفي الاتكلم عن كترة النقاط في الطرق السفرية وتعقيدهم للوضع
وأثرهم عن أنسياب السلع والاقتصاد , اللفت نظري د. عبد اللطيف البوني كان عامل حسابو كويس من عقيد الحركة الفتوه
المستضيفوا ده , مع ملاحظة انو الحلقة الاتبثت أمبارح كانت إعادة للحلقة الأصل والخلتني احمد ربنا انو لو الاوضاع كدة
ياخي الناس النحنه في بلدهم ديل فيهم النور مجرور ... ما بتشوف إيصالات إلا براك تعمل مجنون وتقعد تتجاره في الطريق
السريع , ولا حظك الكعب ينسيك رخصتك واستمارتك ولا ... المهم كم سبب ما بفوتوا اصابع اليد الواحدة ومافي دفع إلا تتزنق
لو عندك تجديد ياخروج وعودة غير كدة تستلم وصلك والسلام على طه
------------------
المحيرني بقول أنو كل ما كان في مخالفات ده بتعبو
| |
|
|
|
|
|
|
|
|
|
Re: يا ناس المرور ... (Re: عبد الناصر الخطيب)
|
احي انا من ناس المرور
البيوقفوك وانته ميه الميهويقلوليك مخالفه
في شنو تظليل وين التظليل
الزجاج الخلفي
ياجنابو الزجاج الخلفي ده رخصتو بيهوالعربيه دي
مابعرف انزل
تنزل لي جنابو
ياجنابو التظليل ده رخصتو بيهو العربيه
لا معليش القانون الجديد كل مايحجب الرؤيه يعتبر مخالفه
المهم هي ظابطه وقالته بي طريقه حضاريه
ودفعت ومشيت
لكن اناس هوي
والله ناس المرور ديل عندهم مخالفات بس نجر قدوم
والعجب العجيب
عارفنو شنو
تجي جنبك كامري ومظلله فل ورابطه لوحه واحده اماميه
واللوحه ماحقته عارفين كيف السودان خ2
خ2 دي اسالو منها ناس جانبو عمر عثمان بتخص ياتو في العربات
وياريت لوماقفلت تلفوني
الجمعه كان بعيد
وامس كان مقفول
النبي لوفي طريقه جيبو لينا الحلقه
دي في سودانيز
| |
|
|
|
|
|
|
|
|
|
Re: يا ناس المرور ... (Re: خالد كدودي)
|
والله يا حيدر بتاع المرور ما غلطان
غلطان انت ده يافرده
ياخ بتاعين المرور ديل الناس لما يشوفوهم
في شارع الزلط بزوغوا منهم
انت المخليك تداقر التلفزيون شنو ؟
المنظر ده عادي ياعمك
انت ما حضرت بتاع التفاح الأمريكي داك ولا شنو؟
| |
|
|
|
|
|
|
|
|
Re: يا ناس المرور ... (Re: خضر حسين خليل)
|
ياحيدر الزين انشغل من البورد كم يوم اجي القاك طلعت لي مقابلة العقيد صفر صفر ؟؟
مبدئياً الحلقة كانت جميلة وهادفة وحضور سعادة العقيد كان طاغي وحديثه مرتب وجاذب رغم اني ما شفتها !!
نشوفه بعدين نجي نتناقش ........
| |
|
|
|
|
|
|
|
|
|
Re: يا ناس المرور ... (Re: omer osman)
|
Quote: الشاويش النبطشي وهو على مكتبه الذي لم يغادره طوالي استلم الموضوع .....
كدي موضوع الرخصة ده خليناهو !! السواقة بطيش واهمال الشايفه انا بعيوني دي شنو ؟؟؟؟ |
اها بس عقيدكم , دة كان عايزة المشاهدين والدكتو ومنى , وكللللللل المُستطلعين
يبقو زى الشاويش دة
سلامو ياجنابو
| |
|
|
|
|
|
|
|
|
 Re: يا ناس المرور ... (Re: omer osman)
|
Quote: مبدئياً الحلقة كانت جميلة وهادفة وحضور سعادة العقيد كان طاغي وحديثه مرتب وجاذب رغم اني ما شفتها !!
نشوفه بعدين نجي نتناقش ........ |
والله تعليقك دا يا عمــر عثمان احلي من كلام العقيد كلو ..
ضحكت كما لم اضحك في مقابلة سعادتو ...
عارف فعلاً الحلقة صفر مقارنة بتعليقك دا ...
تقديري وشكراً على قصتك مع الشاويش النبطشي .. :)
| |
|
|
|
|
|
|
|
|
|
Re: يا ناس المرور ... (Re: خضر حسين خليل)
|
Quote: والله يا حيدر بتاع المرور ما غلطان
غلطان انت ده يافرده
ياخ بتاعين المرور ديل الناس لما يشوفوهم
في شارع الزلط بزوغوا منهم
انت المخليك تداقر التلفزيون شنو ؟ |
غلطان ادريس علم الهدي يا خضر والله .. كلو منو
قاعدين انا وابو سامي رضي الله عنه وبمزاااج بحضر في فيلم على دبي ون ..
اتصل ادريس وشبكني غيــر القناة.. في كوميديا ما تفوتك..
واهو جات في تولاتي هسع بقي عمر عثمان ينفي في كلامي قبال ما يشوف الحلقة
| |
|
|
|
|
|
|
|
|
|
Re: يا ناس المرور ... (Re: خالد كدودي)
|
سلامات يا خالد ولك التقدير
شكرا لتاكيد كل ما يقال عن الاخوة في المرور :)
Quote: تجي جنبك كامري ومظلله فل ورابطه لوحه واحده اماميه
واللوحه ماحقته عارفين كيف السودان خ2
خ2 دي اسالو منها ناس جانبو عمر عثمان بتخص ياتو في العربات
|
يا جنابو عمر عثمان ما تجي تفك لينا التشفيــر دا :):)
| |
|
|
|
|
|
|
|
|
|
Re: يا ناس المرور ... (Re: عبد الناصر الخطيب)
|
Quote: اللفت نظري د. عبد اللطيف البوني كان عامل حسابو كويس من عقيد الحركة الفتوه
المستضيفوا ده |
فتوة بس يا عبد الناصر... يتخيل لي لو كترو معاهو كان سلمم ايصالات في الحلقة..
الصحفي المُستضاف نسيت اسمه لكن قال كلام واضح والقي الضوء على مجمل من النقاط
ما اشتغل بيها سعادة العقيد خالص غيــر انه قال عمل آلية للحفاظ على الايصالات:)
يا سعادة العقيد المشكلة مافي الايصال المشكلة في الدفع الفوري دا الله يرضي عليك
| |
|
|
|
|
|
|
|
|
|
Re: يا ناس المرور ... (Re: HAIDER ALZAIN)
|
المغرض .. حيدر الزين
سنة2003 وانا عريس والحنة لسه سوداء مشيت مع واحد قريبي في الشرطة لصاحبوا في ادارة المرور ..الراجل برتبة مقدم .. دخلنا عليهو في المكتب حلف الا نفطر معاهوا .. بعد الفطور الراجل دخل يدوا في خزنة وراء الكرسي بتاعوا .. طلع منها اتنين مليون جنيه ومداها لي وقال دي الختة بتاعتي لانوا ما حضرت العرس ..
الي اليوم ما عرفت الختة منوا هو ولا من ادارة المرور .. والناس ديل ما برضي فيهم ... حل عنهم اليها المغرض
| |
|
|
|
|
|
|
|
|
|
Re: يا ناس المرور ... (Re: ادريس خليفة علم الهدي)
|
| Quote: أفتح خط مع وزيــر الري يا عمكـ بيديك النجيضة طوالي |
وزير الري عنده مشكلة ازدحام في الابراج
حيدر الزين
سلامات
قال ليك واحد برتبة عقيد ( بس ما من اهل الحظوة) وعنده قريبة رقيب . حدثت للرقيب مناسبة فذهب العقيد وزوجته لزيارة الرقيب . واندهشت الزوجة من مستوى بيت الرقيب الفخم والستاير البتهبهب والملايا الكانون والتقديم والحال الخمج والشغالة الفلبينية
براااحة ميلت على زوجها
وقالت ليه
اسمع انت حيرقوك رقيب متين ؟؟؟؟!
| |
|
|
|
|
|
|
|
|
|
Re: يا ناس المرور ... (Re: د.محمد حسن)
|
سلامات يا حيدر الزين ..
من المحطات الخارجية جابوا واحد عمك عرض اربعة ايصالات قطّعوها ليهو في يوم واحد ..
أنا قلت بس خلاص زولنا جابوها ليهو بالثابتة ..
أوّل ردّو قال كان يجيب لينا تاريخ الايصالات ..ودا كلام ما ممكن ..طلع عمّك كضّاب في صمّة خشمو ..
انت الناس ديل ما عارفين الحاصل بالجد ؟؟
وللا بيستهبلوا ؟؟؟
__
تحياتي ..
بالله مرّر لي أخوك حكاية رفع الكلفة ... وكدة ..
| |
|
|
|
|
|
|
| |
HAIDER ALZAIN
Hadeer Alzain
GamarBoBa
ندى عثمان حسن
محمد عبد الماجد الصايم
فايزودالقاضي
صلاح أبودية
Faisal Elrasheed
عبد اللطيف السيدح
خضر حسين خليل
omer osman
SHIBKA
Nader Abu Kadouk
على محمد على بشير
ادريس خليفة علم الهدي
د.محمد حسن
فيس بوك
تويتر
انستقرام
يوتيوب
بنتيريست