الله يسألني يا أمين، دخلت عليهو بكل ادب وإحترام، ثم سألته بعد ان سلمت عليه، فردّ علي بأنني لا أفهم، وتحجّج بأنني تهاترت مع قريباً له.. ___ وأنا ظاتي بعرف قانون، اكتر منو ومن قريبو، ولأنو أنا زول بحب تعميم المعرفة، وكده، احببت أن أثقفه، لوجه لله، عشان تاني لما يمشي يطعن ليهو زول ما يطعّن بالخنجر، يطعّن بالمعرفة.. وما يطعن من طرف، زي مجنون الصحف داك..
02-08-2010, 11:59 PM
Yassir Tayfour Yassir Tayfour
تاريخ التسجيل: 08-18-2005
مجموع المشاركات: 10899
سعادة المستحامي بعد تخلص من الفيدوهات المرفقة أعلاه، بجي أعمل ليك quiz أبو السريع كده، عشان يستسهل عليك الجلوس لأمتحان الزمالة، يا زاملة.. ___ وبالمناسبة عندي طعن داير أقدمو في زميل المنبر حاتم شناب: لأنو داير يدخل البرلمان من تحت العمود وفوق اللستك، وفي هذا إستظراط للعملية الإنتخابية، وللشعب برمته..
02-09-2010, 03:28 AM
سارة علي سارة علي
تاريخ التسجيل: 07-08-2008
مجموع المشاركات: 4413
أخوك كالنخيل، يُرمى بالحجارة، فيرمي أطيَّب الثمر.. ___ أخونا أحمد موسى المحامي الزليع، محتاج حبة براكتكال، لأنو لي يوم الليلة ما وقف قدام قاضي، قلنا نبدأ ليهو بالجماعة الديل، وبقضايا إجتماعية غير معقدة، وعلى قدر إمكانياته، عشان لو ربنا قسم ليهم وقفة قدام قاضي، حتى لو كان متهم في رقبتو، يقدر يتصرّف..
02-09-2010, 03:58 AM
Yassir Tayfour Yassir Tayfour
تاريخ التسجيل: 08-18-2005
مجموع المشاركات: 10899
انت احمد موسى خليه امشي ثقف مولانا بتاعكم وبعدين تعال!
أحمد موسى نختلف او نتفق معه لكن يعلم الله انه يفهم في مهنته وفي امور كثيره. ويتحاور بتهذيب!
الغريبه.....الناس الزيك رسم خالد كودي مولاهم عاريا ولبدوا وصاروا مطنبرين له بانه رجلا ذو اخلاق وفهم!
واياك ان تقول لي دافعتي عنه من قبل فالتفهم انت وغيرك باني دافعت عن عدم فصله وهذا كل ما هنالك. ورفضت مبدأ الاقصاء لكن شوف امثالك كان بيقلوا عنه شنو وبقوا يقولوا عنه شنو؟؟؟
عالم وهم!
02-09-2010, 04:14 AM
Yassir Tayfour Yassir Tayfour
تاريخ التسجيل: 08-18-2005
مجموع المشاركات: 10899
Quote: اب تفه وصديقه خالد كودي شغالين يثقفوا في الناس!
طبعاً إنت وأحمد موسى شبهينا وإتلاقينا، داك طردوهو من الحركة، وإنت ما قبلوك، يعني ممكن تقولي المصائب يجمعن المصابينا، لووول، لكن بي صراحة يا تراجي أمسكي في كودي ده كويِّس وبطلي قوّة رأس، والله يثقفك لمان تقولي كوديي وياااااااااااي.. ____ وعشان خاطرك عزيز وغالي، مرفق ليك Jerry Springer وعلى قدر اهل العزم تأتي العزائم لووول
يا ياسر ليه مستهون بجيري سبرينغر ده..ياخي ده فيهو ثقافة شديدة ،الثقافة الما بتتلقي في الكتب ديك خصوصا للناس الما عندهم وقت يعرفوا الشوارع فيها شنو ،بجيب ليهم الشوارع لحدي عندهم. و بعدين رايك شنو في ال"final thought " البيختم بيها البرنامج؟ ده ما شغل مثقفاتية عديل.
02-09-2010, 04:41 AM
Yassir Tayfour Yassir Tayfour
تاريخ التسجيل: 08-18-2005
مجموع المشاركات: 10899
دكتور سيف سلامات يا صاحب، جيري سبرنقر ده الله يقطعو، زمان لما جينا يا دوب، نقعد نحرسو ومرات ما نمشي الشغل، ضيع علينا دولارات، لووول، لكن بيني وبينك لما تسمع الـConclusion و الـFinal thoughts تقول ده برنامج تاني.. ____ طبعاً الإهداء للصديعة تراجي لأنها بتحب الآكشن، وبتموت في الشوت الضفاري لووول
02-09-2010, 04:47 AM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
صديقي ياسر..حبابك كل فالنتيان و انت بخير يا ياسر.. نحن بقينا عيد الأسرة و بس.. المهم..!
حضوري هنا دفاعا عن الأخ احمد موسى.. فالرجل بالطعن الذي تقدم به ، اتكلم في المليان..و توضيح حقيقة مهمة مفادها أن قانون الإنتخابات 2008 السوداني لا يعطي المواطن الحق في الطعن في اهلية المرشح..و الصورة الكبيرة من الفكرة دي.. أن هذا القانون خالف الدستور صراحة.. بحرمانه للمواطن السوداني من حق دستوري هو حق التقاضي..
و نشوفك يا ياسر..
كبر
02-09-2010, 05:41 AM
saadeldin abdelrahman saadeldin abdelrahman
تاريخ التسجيل: 09-03-2004
مجموع المشاركات: 8857
صاحبكم ده ما تفتشو ليهو الزواغات، زول جهلول ساكت، متشبر، وإنتهازي، أبداً ما كانت فكرتو محكمة دستورية؛ زول مستند في طعنه على قرار محكمة عسكرية، معاب شكلاً وموضوعاً، وفي نفس الوقت يتحدث عن عيب لاحق، ده راجل بهلوان لا يستحق الإحترام، ومجوعة أولاد غازي ما دخلوا الحركة إلا حينما دخلت الحركة الخرطوم، عاطلين مهنة، ودايرين يخلقوا وجود بالعافية، المحامين المكاتبهم حول ستات الشاي ديل هلكونا بالتنظير، عطالة وعدم إنتاج..
02-09-2010, 04:57 AM
عبد المنعم ابراهيم الحاج عبد المنعم ابراهيم الحاج
تاريخ التسجيل: 03-22-2005
مجموع المشاركات: 5691
Quote: الله يسألني يا أمين، دخلت عليهو بكل ادب وإحترام، ثم سألته بعد ان سلمت عليه، فردّ علي بأنني لا أفهم، وتحجّج بأنني تهاترت مع قريباً له.. ___
الشهاده لله يا ياسر ، مشيت قريت البوست داك لاول مره و لقيتك سألتو السؤال تلاته مرات - و علي غير عادتك - سألتو بكل أدب و إحترام ، ما عارف أخونا أحمد موسي اتضايق كده ليه و هو من المشهود ليهم بطولة البال هنا .
02-09-2010, 05:37 AM
خالد العبيد خالد العبيد
تاريخ التسجيل: 05-07-2003
مجموع المشاركات: 21983
Quote: أخونا أحمد موسي اتضايق كده ليه و هو من المشهود ليهم بطولة البال هنا .
والله اتفق مع امين جدا احمد انا بعرفو معرفة عن قرب ولدنا ود بري انسان خلوق ومهذب شخصيا كنت ناوي ابلشفو!! مرق من ايدنا ساي عرفتو هنا حركة شعبية ومدافع عن قضايا الشرق وما عارفو اختار الشرق ليه رغم انو عريبي من الجزيرة يمكن فيه عرق من ناس امونة! هسه انا محتار في الجهة الشايت فيها اتمنى انك تعرفو من قريب يا ياسر وتصاحبو الدنيا ما معروفة يمكن يوم يلقاك في التمنة
Quote: الله يسألني يا أمين، دخلت عليهو بكل ادب وإحترام، ثم سألته بعد ان سلمت عليه، فردّ علي بأنني لا أفهم، وتحجّج بأنني تهاترت مع قريباً له..
يعني ده سببك لفتح البوست ؟؟؟؟ بعيدين هاشم نوريت ليس قريباً لي هاشم نوريت فقط زميل بالمنبر يحب الطائفية يكرهها هذا من حقه وليس من حقك السحرية منه بقولك ما بعرف الضمة من الواو الضكر ... أنا شخصياً (بكره) الطائفية وعشان إكتشفت أنت وطائفة الإتحاديين أنني بكره الطائفية عملتني محامي بتاع ستات شاي ...!!!
... ... ... يلا أصحح ليك معلومة شكلك لافحها من جهة ما ... وما تبينتها كويس ... أنا يا (تابع الطائفية) ما باحث عن مناصب ولا فصلتني الحركة ... أنا تركت الحركة طائعاً مختاراً ودونك منسوبي الحركة هنا إن كان كلامي غير صحيح وأتحدى من يقول أنني فُصلت من الحركة وحين تركت الحركة ليس لأنني لم أجد فيها منصباً بل العكس الحركة (أكرمتني) بأعلى منصب قانوني وهو (سكرتير عام محامي الحركة) ومافي منصب أعلى منه عشان أبحث عنه ... وده في 2006 تاريخ مفارقتي للحركة والتي فارقتها لإختلافي مع طريقة مسئول القطاع وهي مفارقة شملت عدد من منسوبي الحركة بتلك الفترة ومابعدها ... فارقتها وأنا أكن لها كثير من الإحترام ...أن علمتني كثيراً لذا وكما لاحظت الزميلة تراجي مصطفى في مداخلة بينها وبيني و(دينق) أنني لم أهاجم (قط) مكتب الحركة بولاية البحر الأحمر الذي عملت به وأزيدك أنني لم (أهاجم) الحركة نفسها إلا قليلاً وأنتقد (قليلاً) بعض مواقفها كمواطن لديه حق متابعة الشأن العام وإنتقادي (الكثير) هو لمسئول قطاع شمالها لأنني (أظن) أنه يقودها إلى هاوية ... تراجي مصطفى كثيراً ما إحتلفنا هنا وسنختلف ربما مستقبلاً في كثير من القضايا ولكنها تبقى تراجي مصطفى التي (أعتقد) أن الحركة ستتشرف بقبول طلب عضويتها (لو) قدمت هذا الطلب والذي وحسب علمي أنه لم تقدمه حتى يُرفض ولو كنت متابع وليس (تابع) كنت قرأت موضوعها عن عرمان الذي أفادت به أنها كانت قريبة جدا من تقديم طلب عضوية والواضح أنها لم تقدمه ... ولا أعلم من أين جئت بأنها (رُفضت) عضويتها ؟؟؟
02-09-2010, 05:41 AM
ندى عثمان حسن ندى عثمان حسن
تاريخ التسجيل: 11-20-2009
مجموع المشاركات: 875
أحمد موسي ، سلام تعرف بوستك داك ما شفتو إلا لمن ياسر فتح بوستو ده ، و مشيت لقيت كلام عميق و كميه من المعلومات تفضلت بيها إنت و محمد إبراهيم و رغيم وناس تانيه و البوست كان ماشي في أمن و أمان و الناس البتقرا كلها استفادت . المشكله إنو نحن ما بنعرف نختلف و نحترم بعضنا في نفس الوقت . عشان كده كان لازم البوست يبقي أذناب طائفيه وسيدي و سيدك و ستات شاي و سقط كلام لا يفيد أي أحد . ياسر ده تحديدا سألك تلاته مرات و بكل أدب و أهم من ده سؤالو كان مشروع جدا و إنت راجل لا تنقصك الحجه ولا طولة البال عشان كده أنا بعيد ليك سؤال ياسر لانو مهم و هو أس القضيه كلها - في تقديري - : هل كانت محاكمة عثمان عمر الشريف عادلة وإتيح له فيها الدفاع عن نفسه بطريقة قانونيه سليمة عشان تجي إنت تطعن في اهليتو للترشيح بموجبها ؟ أتمني إنو أسمع إجابتك لانها أس القضيه كما أسلفت ، و لك كل الود و الاحترام .
02-09-2010, 06:44 AM
Ahmed musa Ahmed musa
تاريخ التسجيل: 07-08-2007
مجموع المشاركات: 16669
Quote: هل كانت محاكمة عثمان عمر الشريف عادلة وإتيح له فيها الدفاع عن نفسه بطريقة قانونيه سليمة عشان تجي إنت تطعن في اهليتو للترشيح بموجبها ؟
يا أمين طيّب عشان نبدأ من الاول (محاكمة عثمان عمر الشريف أنا لا أذكر تفاصيلها كثيراً حتى أقرر أنها كانت عادلة أم لا ) يبقى السؤال الأهم : هل يحق للإنقاذ محاكمة عثمان عمر الشريف ؟؟؟ الإجابة لا لأن الإنقاذ حين جاءت جاءت عبر إنقلاب عسكري وعثمان عمر الشريف جاء عبر رغبة شعب يبقى السؤال التالي : هل هذه المحاكمة برغم رأيي فيها تصلح كسبب للطعن ؟؟؟ أقول نعم لأنها مكتوبة في السجل (إدانة) والقانون قال الإدانة والغريبة لم يحدد لها زمناً بعكس المجلس التشريعي الذي حدد لها قيد زمني سبع سنوات وهذا العيب لم ينتبه له كبار رجالات القانون بالمجلس الوطني وهم من جُل القوى السياسية ومنها الإتحادي الديمقراطي أها يبقى العيب في الإستناد على القانون ولا في الشخص الوضعه ؟؟؟؟ والطعن فتح سؤال تالي سألته أنا وسأله من بعدي كبر حول حرمان المواطن الناخب من الطعن في مرشحيه وهم أصحاب الحق الأصيل في الممارسة ... كأنما المشرع أعطى هذا الحق للبعض وحرم منه الكثيرين وهزم مبدأ المساواة بين المواطنين وقيّد من حق المقاضاة ... ولكنه سؤال وبرغم أهميته سيظل معلق بلا إجابة ...
02-09-2010, 06:31 AM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11826
Quote: الشروط التي وضعت لأهلية المرشح ، للأسف الشديد و بحكم القانون نفسه ، ليست هناك جهة يمكنها أن تطعن فيها ، يعني المفوضية وحدة هي التي تحدد هل المرشح مستوفي لشروط اهلية الترشيح أمالأ.. اما المواطن مثل احمد موسى و مثلي و مثلك و مثل غيرنا من كافة الشعب فهو محروم قانونيا من الطعن في أهلية أيتها مرشح..و هن تكمن المحنة..
لم يقل شخص بان القوانين التي صيغت للمفوضية كلها في السليم ولكن يقولون أن القانون الجائر خير من الفوضى و عيب القانون موضوع آخر يمكن ان يتم الطعن فيه لدى الدستورية و ليس في المفوضية و اقحام الأستاذ عثمان عمر. السؤال هو كيف فات على الأستاذ احمد موسى بصفته قانوني شروط الطعن في المرشحين التي من بينها انه وانت وانا غير مؤهلين لذلك بحكم القانون؟ لو جاء هذا الطعن من شخص عنقالي مثلنا لعذرناه طبعا, وهذا هو الذي يوضح االهدف غير القانوني من الطعن و شبهة الغرض السياسي التي تهرب من الأجابة عليها الأستاذ أحمد ومازال السؤال قائما ما هو الهدف من وراء الطعن؟ اما ان يكون هناك هدف بقصد الأساءة لعثمان عمر او ان الطاعن القانوني جاهل بالقانون الذي يخول له الطعن نأمل الأفادة
02-09-2010, 07:00 AM
Mohamed E. Seliaman Mohamed E. Seliaman
تاريخ التسجيل: 08-15-2005
مجموع المشاركات: 17863
Quote: يا أمين طيّب عشان نبدأ من الاول (محاكمة عثمان عمر الشريف أنا لا أذكر تفاصيلها كثيراً حتى أقرر أنها كانت عادلة أم لا )
طيب ياخي - من ناحيه أخلاقيه فقط - أما كان الواجب يقتضي إنك تبحث في المساله دي قبل الشروع في الطعن ؟ يعني هسي يا أحمد موسي أنا أجي حلتكم بالقوه و لانك إنت مختلف معاي سياسيا مثلا أكيل ليك من التهم ما يحير إبليس و أحكم عليك و بعد عشرين سنه أجي اعايرك بإنك محكوم عليك و مدان بتهم أخلاقيه ، لا و بل أمشي المحكمه أستند علي باطل الحكم ده بإستصدار قرار بإنك لا تصلح لتكون مرشح عن الشعب في أي منصب ؟! ده بالظبط العملتو إنت يا أحمد موسي !!!
Quote: يبقى السؤال الأهم : هل يحق للإنقاذ محاكمة عثمان عمر الشريف ؟؟؟ الإجابة لا لأن الإنقاذ حين جاءت جاءت عبر إنقلاب عسكري وعثمان عمر الشريف جاء عبر رغبة شعب
إذا الإنقاذ ما عندها الحق تحاكم عثمان عمر الشريف كما تفضلت ، ليه طعنت فيهو بناء علي حكمها عليهو ؟!!
Quote: يبقى السؤال التالي : هل هذه المحاكمة برغم رأيي فيها تصلح كسبب للطعن ؟؟؟ أقول نعم لأنها مكتوبة في السجل (إدانة) والقانون قال الإدانة والغريبة لم يحدد لها زمناً بعكس المجلس التشريعي الذي حدد لها قيد زمني سبع سنوات وهذا العيب لم ينتبه له كبار رجالات القانون بالمجلس الوطني وهم من جُل القوى السياسية ومنها الإتحادي الديمقراطي أها يبقى العيب في الإستناد على القانون ولا في الشخص الوضعه ؟؟؟؟ والطعن فتح سؤال تالي سألته أنا وسأله من بعدي كبر حول حرمان المواطن الناخب من الطعن في مرشحيه وهم أصحاب الحق الأصيل في الممارسة ... كأنما المشرع أعطى هذا الحق للبعض وحرم منه الكثيرين وهزم مبدأ المساواة بين المواطنين وقيّد من حق المقاضاة ... ولكنه سؤال وبرغم أهميته سيظل معلق بلا إجابة
باقي كلامك ده ما عندي أي اعتراض عليهو . كان من الممكن تشير إلي قصور قانون الانتخابات بدون الطعن في عثمان الشريف و خاصة إنت مقر إنو الإنقاذ ما عندها الحق بمحاكمتو !!
------- والله الذي لا إله غيره لا عندي علاقه بعثمان الشريف و لا بزول علي علاقه به و كان لقيتو في الشارع ما بعرفو و لكنها كلمة حق لا أكثر ولا أقل خاصة بعد ما عرفت إنو الراجل قضي من عمره الكثير في سجون الإنقاذ .
02-09-2010, 07:08 AM
Ahmed musa Ahmed musa
تاريخ التسجيل: 07-08-2007
مجموع المشاركات: 16669
Quote: إذا الإنقاذ ما عندها الحق تحاكم عثمان عمر الشريف كما تفضلت ، ليه طعنت فيهو بناء علي حكمها عليهو ؟!!
طعنت فيه بناء على قانون ما بناء على رأي .... القانون بقول (إذا أُدين) وهو (أُدين) يبقى رأي ورايك ليس محلا نظر بعدين حين وضع قانون الإنتخابات بالمجلس الوطني كان الإتحاديون ضمن من وضعوا القانون وكانو على علم بمحاكمات كثيرة تمت وفيها رأي كثير حولها يبقى السؤال : لماذا لم يستثنوا المحاكمات ذات الطابع السياسي أو تلك التي تمت في ظروف معينة أو كانت عسكرية مثلاً ؟؟؟
02-09-2010, 07:12 AM
Ahmed musa Ahmed musa
تاريخ التسجيل: 07-08-2007
مجموع المشاركات: 16669
Quote: كان من الممكن تشير إلي قصور قانون الانتخابات بدون الطعن في عثمان الشريف و خاصة إنت مقر إنو الإنقاذ ما عندها الحق بمحاكمتو !!
للمرة الخامسة و(الله) الكلام ده قلته أربع مرات ... عشان تطعن في القانون لازم تطعن فيه في المحكمة الدستورية عشان تمشي المحكمة الدستورية لازم يكون عندك سبب {سبب زي تقدمت بطعن ورفضوه مثلاً لأنك (مواطن)...} بمعنى الآن يحق لي الذهاب للمحكمة الدستورية والآن فقط ... ليس قبل تقديم الطعن ورفضه وتعال تابع معانا بي هناك مسألة الطعن في القوانين عشان ما نبوظ بوست أخونا (تابع) الطائفة الإتحادية ده
02-09-2010, 07:08 AM
عبدالوهاب علي الحاج عبدالوهاب علي الحاج
تاريخ التسجيل: 07-03-2008
مجموع المشاركات: 10548
يعني داير توصلنا لحتة انك بتفهم اكتر من محمد E سليمان ولا شنو ؟ اول مرة اسمع بتعميم المعرفة دي نحن ليوم الليلة الحاجة الوحيدة البنعممها الرخصة انت عمم المعرفة وتراجي تعمم النضال ونحن خلونا نعمم رخصتنا دي يمكن بعد دا ربنا يقسم لينا حافلة ولا تاكسي واجيكم هنا اكتر ليكم من عاجل عاجل ياخي الزول دا زول كويس وصحبي الناس كلها متفقة عليو حتى خالد العبيد ما شايفو قال ليك كان داير يبلشفوا يعني بالواضح كدا كان داير يضيعو من شدة ما مبسوط منو ياخ بلاد برة بتفتح خيال الزول كيف لكن انت مالك جنك اليومين دي قابل المحامين بديت بكبسور وهنا احمد باقي بعد دا كمال الجزولي بس اب تفة اختشي او قوم اخد ليك لفة
02-09-2010, 07:11 AM
Mohamed E. Seliaman Mohamed E. Seliaman
تاريخ التسجيل: 08-15-2005
مجموع المشاركات: 17863
بصراحة يا صاحبي ياسر انا البوست تابعتو وفي بالي نفس الهدف الوصل ليهو كبر لمعرفتي بأحمد موسى كمحام أو قانوني..وفوق ذلك مسرحي..لكن أحمد لم يلتزم بإستعراض هدفه بصورة قانونية بحة دلق عليها بعدا سياسيا وبعض مماحكة وإلا كان منه أن يوضح هدفه من الطعن منذ البداية..وهو الأمر الذى أخرج البوست عن مساره القانوني..أحمد موسى هدفه مستند ومرجعية لفضح ثغرة قانونية ويريد أن يثبت حقه الأدبي كسابقة..برغم من انه إختار قضية عثمان الشريف الرجل الضحية في كل الظروف..وهو شخص ناصع لا غبار عليه..مثله مثل نصر الدين السيد في النزاهه والتعفف..هذا الجانب اثار حفيظة الإتحاديين ومن حقهم..لانهم يعلمون ظلم المحكمة العسكرية واغراضها..لغاية هنا دا موضوع البوست الأساسي..موضوع بوستك دا من حقك تدورو زي ماعايز وبطريقتك ..وفي رائي أحمد لم يتعامل مع سؤالك بمهنية..عشان كدا ياأستاذ لازمك اعتراف بذلك..وهذا لا ينفي حقك في تقديم الطعن وهو إحساس عالي منك لتثبيت حقي وحق طيفور وحق المواطن القانوني ..وعيه تشكر كثيرا..
02-09-2010, 07:32 AM
Ahmed musa Ahmed musa
تاريخ التسجيل: 07-08-2007
مجموع المشاركات: 16669
Quote: لم يقل شخص بان القوانين التي صيغت للمفوضية كلها في السليم ولكن يقولون أن القانون الجائر خير من الفوضى و عيب القانون موضوع آخر يمكن ان يتم الطعن فيه لدى الدستورية و ليس في المفوضية و اقحام الأستاذ عثمان عمر.
يا سيد محمد الشيخ نجاوب السؤال ده تاني : ليه ما نمشي المحكمة الدستورية مباشرة المحكمة الدستورية (أحياناً) ممكن تقبل طعن مباشر في عدم دستورية قانون و(احياناً) تشترط وجود مصلحة مباشرة للطاعن كأن يكون هذا القانون قد اضاع لك (أنت شخصياً) حق أها قصة أمشي المحكمة الدستورية مباشرة دي (قد) تبقى مشكلة زي مشكلتك لو داير تطعن أترشح دي !!!!
02-09-2010, 08:49 AM
حاتم شناب حاتم شناب
تاريخ التسجيل: 11-12-2008
مجموع المشاركات: 1031
Quote: وبالمناسبة عندي طعن داير أقدمو في زميل المنبر حاتم شناب: لأنو داير يدخل البرلمان من تحت العمود وفوق اللستك، وفي هذا إستظراط للعملية الإنتخابية، وللشعب برمته..
من حقك طبعا لكن الطعون قفلت
معليش
02-09-2010, 09:26 AM
Kabar Kabar
تاريخ التسجيل: 11-26-2002
مجموع المشاركات: 18537
الأسئلة التي اثرتها حول مقاصد الصديق احمد موسى هو وحده من يجيب عليها.. سواءا قصد التشهير بالأستاذ عثمان عمر الشريف أو القصد التشهير بالمؤسسة كلها ( و هو ما اظنه)..
بالنسبة لمحاكمة الأستاذ عمر الشريف في بدايات عهد الإنقاذ..هناك تقليد قانوني معروف و هو أن القانون دائما سابق للجريمة.. يعني لحظة تشريع القانون .. نفترض انو كان سنة 1990.. فلا مجال لمحاكمة اي فعل سابق لصدور القانون..و انما القانون يكون اداة ضبط للأفعال اللاحقة..
اخطأت الإنقاذ في نقطتين جوهريتين فيما يختص بتلك المحاكمة:
الأولى.. حاكمت الأستاذ عمر الشريف بقوانين لم تكن سائدة حينما كان في الوزارة..و القوانين التي كانت سائدة حينما كان الأستاذ عثمان عمر الشريف مسئولا حكوميا .. لم يكن فيها نص يجرم افعاله.. ناهيك من حصانته و انه تصرف وفقا لتفسير السلطات التي كانت ممنوحة له ..و هو السبب الذي نتوقع أنه تقدم به في حالة وجود محاكم تحترم القانون..
الثانية.. البلد كانت معطلة فيها معظم القوانين..و القوانين الوحيدة التي كانت سائدة هي قوانين طوارئ منجورة من قبل اهل المجلس العسكري..و بالتالي كل المحاكم التي شكلت وقتها لم يكن هناك برلمان أو جهة تشريعية تقوم باجازة تلك القوانين أو المحاكم التي تطبقها.. فكل ما يترتب على ذلك من اثار يكون في حكم الباطل تماما..
اهم نقطة في هذا النقاش ، أن اهل المؤتمر الوطني يعلمون جيدا بأنه لو فتح باب الطعون لأي مواطن .. سيعود عيلهم ذلك بضرر كبير.. لأن أي مرشح من المؤتمر الوطني يمكن الطعن فيه بسهولة.. خصوصا فيما يتعلق بالفساد الأخلاقي.. لذلك هم عملوا بمبدأ ( سد الذرائع)..و بالمثل البسيط الباب البجيب الريح سدو و استريح..
الخلل الموجود في قانون الإنتخابات ليس من الأخطاء الإجرائية البسيطة التي يمكن تلافيها بلوائح و منشورات لاحقة..و انما هو خطأ موضوعي و جوهري.. لأنه فيه مخالفة بينة للدستور..و اذا القوى السياسية عندها الإستعداد على تجاهل ذلك.. فيبقى ما عندها الحق تسكب دموع التماسيح على الحقوق المهدرة.. و صدقني ما حدث في هذا القانون.. هو كسرة عين كل القوى السياسية.. بعد سنة لي قدام لو جات نفس القوي و اتكلمت عن انتهاك المؤتمر الوطني للقانون.. ح يقول ليهو اصلو نحن عملناها برانا.. ما كلكم شاركتوا في انتهاك الدستور..!!
كبر خيرك
كبر
02-09-2010, 09:43 AM
tayseer alnworani tayseer alnworani
تاريخ التسجيل: 07-30-2007
مجموع المشاركات: 1500
كل القوانين التي أجيزت في "المجلس الوطني" تمت إجازتها عن طريق الأغلبية الميكانيكية لزوم "خازوق" نيفاشا.. والأمانة تقتضي أن نشير لمعارضة القوى السياسية لها بداية بقانون الأحزاب حتى قانون الأمن الوطني .. وإن كانت يدهم قصيرة بأكثر مما كان يطمع به أهل الحكومة!
أما مواقف الكثير من "المحامين والقانونيين" من هذه القوانين، فحدث ولاحرج، ولا حول ولاقوة إلا بالله .. فالتقلب كفيك على فداحة ماجرى كلما طالعت مواقفهم .. وبئس المآل.
تحياتي للجميع
سيف اليزل
.
02-09-2010, 10:44 AM
Mustafa Mahmoud Mustafa Mahmoud
تاريخ التسجيل: 05-16-2006
مجموع المشاركات: 38072
• في إطار التعتيم الذي يسعى نظام البشير بشتى السبل إلى فرضه على مماراساته في البلاد فقد تمكّن من دس بعض عناصره بالمنبر العام لسودانيزاون لاين! • مهمة هؤلاء هو مراقبة الموضوعات التي يكتبها أفراداً بعينهم وخاصةً من الناشطين في إبراز قضية دارفور او اي قضية ، والسعي لحرف مسار النقاش بأي شكل من الأشكال. • لا تناقش تعليقاتهم في الغالب أي فكرة من الأفكار التي ترد في الموضوعات، وينصرفون الى التهكم والإستهزاء والتخوين، فيطلقون عبارات مثل ( آكلي الويلفير)، (العملاء)، (الرجرجة)، (الدهماء)، (الطابور الخامس).........الخ!. ويصل الإفلاس ببعضهم أحياناً الى إطلاق بعض الصفات والنعوت العنصرية على زملائهم بالمنبر! كما يجنحون في بعض الأحيان الى التعريض بأعمار مناقشيهم ظناً منهم بأن هذا يستفزهم فيتركون موضوعهم الأساسي، وهنا تجدهم يستخدمون عبارات مثل حبوبة فلانة أو الخال فلان......الخ. • كما قلنا فإن هؤلاء (مستنفرين) تجاه أعضاء محددين، فما إن يظهر بوست لأحد هؤلاء الأعضاء حتى يبدأ الأمنجية في لعب دورهم المرسوم. • بعضهم يحاول إخفاء تهمة الدفاع عن النظام عن نفسه ليلعب دوره الخبيث، وهؤلاء يمثلون الإمتداد الفعلي لجمهور المنافقين الذين تحفل بهم كتب التاريخ. • ما يقوم به هؤلاء لا يقل إجراماً وخطورة عما يقوم به النظام داخل البلاد. • هم العدو فاحذرهم.
02-09-2010, 11:09 AM
ممدوح أبارو ممدوح أبارو
تاريخ التسجيل: 02-27-2008
مجموع المشاركات: 3162
Quote: تفتكر انو غالبو يقدم الطعن باسم واحد من المرشحين؟
وهو يقود حملة لاحدهم؟
لو كلامي دا ما صاح يا احمد موسي تعال وضح لي
غايتو انا بي فهمي القليل دا الفهمتو7
عليك الله يا أبّارو إتخيل إنت مسئول الإنتخابات وجيتك أنا لاأحمد موسى الواحد ده وقدمت ليك طعن وقلت ليك ده زول أنا لاشغال معاه وطاعن فيه ... بعدين المشكلة في الطعن في عثمان عمؤ الشريف شنو ؟؟؟ هل هو محصن من الطعن ؟؟؟ مع تحياتي
02-09-2010, 07:08 PM
ممدوح أبارو ممدوح أبارو
تاريخ التسجيل: 02-27-2008
مجموع المشاركات: 3162
Quote: عليك الله يا أبّارو إتخيل إنت مسئول الإنتخابات وجيتك أنا لاأحمد موسى الواحد ده وقدمت ليك طعن وقلت ليك ده زول أنا لاشغال معاه وطاعن فيه ... بعدين المشكلة في الطعن في عثمان عمؤ الشريف شنو ؟؟؟ هل هو محصن من الطعن ؟؟؟ مع تحياتي
عارف يا احمد انا بس ماخد عليك حاجة واحده
وهي افتراضك فينا فهمك من غير هينت
كان ممكن تشرح هدفك بصورة واضحة وملابسات الطعن شنو
رغم إنك ما مطالب بس عشان نقراك صاح
وكمان ما تدخل نفسك في إلتباسات مع الاخوة الاتحاديين
بعدين مفوضية الانتخابات دي القايم علي امرها منو؟
موش ياهم الكيزان زاتم؟
غايتو نحنا في الجزيرة المشرف بتاع شبكة البيانات
ياهو زاتو منسق الخدمة الوطنية
02-09-2010, 07:16 PM
Ahmed musa Ahmed musa
تاريخ التسجيل: 07-08-2007
مجموع المشاركات: 16669
Quote: هل كانت محاكمة عثمان عمر الشريف عادلة وإتيح له فيها الدفاع عن نفسه بطريقة قانونيه سليمة عشان تجي إنت تطعن في اهليتو للترشيح بموجبها ؟ أتمني إنو أسمع إجابتك لانها أس القضيه كما أسلفت ، و لك كل الود و الاحترام .
الغريب في هذا الطعن أن الطاعن يعلم علم اليقين بأن المحاكمة لم تكن عادلة وأنها كانت مجرد محاكمة سياسية للعهد الديمقراطي وأن الحكومة التي تحاكم هي حكومة لا شرعية لها وأتت بالإنقلاب كما يعلم بأن التطور الدستوري لاحقاً أدخل العديد من الاتفاقيات مع الجهات المعارضة في إطار النصوص الدستورية بما يعني أن الاستدلال بسوابق بدايات عهد الانقلاب لم يعد ممكناً كما يعلم بأن العديد من القوانين المقيدة للحريات والجائرة لا تزال سارية وتطالب القوى السياسية الديمقراطية بإلغائها
محاكمات السادة ميرغني عبد الرحمن حاج سليمان وإدريس البنا وسيدأحمد الحسين وعثمان عمر الشريف والالاف غيرهم والاعتقالات التحفظية وبيوت الاشباح كلها أنواط على صدور هؤلاء الشرفاء المتمسكين بحق الشعب السوداني في الحرية والديمقراطية والمساواة والعدالة وهي من النضال المحمود لأن غيرهم باع كلمته واعتقاده ومشى في ركاب الشمولية واغتنى من أموال الضعفاءالمسحوقين
أمثال هؤلاء لا يطعن فيهم بل تقام لهم التماثيل ويرفع لهم التبجيل إذا ما أريد لمسيرة الشعب أن تستقيم صوب المعالي
إذن ما الداعي سواء قبل أو رفـض ؟؟؟
أحمد الشايقي
02-09-2010, 07:03 PM
Ahmed musa Ahmed musa
تاريخ التسجيل: 07-08-2007
مجموع المشاركات: 16669
Quote: الغريب في هذا الطعن أن الطاعن يعلم علم اليقين بأن المحاكمة لم تكن عادلة وأنها كانت مجرد محاكمة سياسية للعهد الديمقراطي
طيّب القانون ماإتكلم عن محاكمة عادلة ولا عادلة لأن القانون بعترف بحاجة إسمها الاحكام المكونة لمراكز قانونية وطالما الحكم صار نهائي وإتنفذ فيبقى هو حكم مقبول كسبب للطعن بحسب قانون الإنتخابالت لسنة 2008م الأغرب أن الأستاذ عثمان عمر الشريف الليلة في صحيفة التيار (إعترف) بسبق إدانته وقال إن الرئيس أسقط عنه العقوبة
02-09-2010, 07:18 PM
أحمد الشايقي أحمد الشايقي
تاريخ التسجيل: 08-08-2004
مجموع المشاركات: 14611
Quote: طيّب القانون ماإتكلم عن محاكمة عادلة ولا عادلة لأن القانون بعترف بحاجة إسمها الاحكام المكونة لمراكز قانونية وطالما الحكم صار نهائي وإتنفذ فيبقى هو حكم مقبول كسبب للطعن بحسب قانون الإنتخابالت لسنة 2008م
ليت الناس يتحدثون عن القانون والدستور ويتمسكون به ويتخذونه وسيلة لتنظيم الحياة في بلادهـم ويرتبطون به على الدوام إذن فهذا القانون هو من باب أولى أن يطعن في أهلية مرشح المؤتمر الوطني للرئاسـة وهو الذي قاد الانقلاب وفعل ما فعل مع كافة قيادات الحزب الحاكم
السؤال الذي انتظر اجابته, هو هل تجرم قوانين الانقاذ الانقلاب العسكري ؟؟؟؟
أحمد الشايقي
02-09-2010, 07:21 PM
Ahmed musa Ahmed musa
تاريخ التسجيل: 07-08-2007
مجموع المشاركات: 16669
الشكر للجميع لرفد البوست بمداخلات وأسئلة من صميم تساؤلنا، للأسف لم يجب عليها أخونا المحاحي أحمد موسى، لقصور في الفهم، أحياناً، وتهرباً في بعض الأحيان حتى لا يفتضح أمره؛ البوست هو محاولة تثقيفية متواضعة منا، لوول، عسى أن يستفيد منها الأخوة المحاحين من بنابرهم ومنابرهم، أسأل الله ان يضعها في ميزان حسناتنا، لوول، وكما ذكرت هي محاولة بسيطة منا، وعيب الزاد ولا عيب سيدو، سوف أواصل بإذن الله في هذا المسعى التثقيفي، عسى ان يهتدي أو ينتفع منه أحد..
Judge Mathis - Crackhead Mom in Court
نتركك مع Judge Mathis عشان تأخد نقلة في الدردقة، لوول
02-10-2010, 06:05 AM
Ahmed musa Ahmed musa
تاريخ التسجيل: 07-08-2007
مجموع المشاركات: 16669
ضنب شيدو في مثل إيطالي بيقول إن ترفع صوتك فهذا لا يعني أنك على حق وفي مثل تاني بقول اليوتيوب مابحلك ... بحلك تعرف العالم تتطور وإنتهى عصر السيادات وإتباع السجادات ... وتبدأ من اول وجديد س: هل شاورت مولانا في اليوتيوب وشرعيته ؟؟؟؟ ولا دائرة مولانا دي ما بتقدر تصلها ؟؟؟
02-10-2010, 07:16 AM
على محمد على بشير على محمد على بشير
تاريخ التسجيل: 08-07-2005
مجموع المشاركات: 8648
Quote: ضنب شيدو في مثل إيطالي بيقول إن ترفع صوتك فهذا لا يعني أنك على حق وفي مثل تاني بقول اليوتيوب مابحلك ... بحلك تعرف العالم تتطور وإنتهى عصر السيادات وإتباع السجادات ... وتبدأ من اول وجديد س: هل شاورت مولانا في اليوتيوب وشرعيته ؟؟؟؟ ولا دائرة مولانا دي ما بتقدر تصلها ؟؟؟
هل ممكن ان تكتب كلاما محترما بدل الأسطوانة المشروخة دى التى استهلكها قبلك نوريت سنين عددا ويردها اليوم من هو معك ومن ترفع راية العداء. اذا افلست الرجاء التوقف بدل السخف البتردد فيهو دا ....
02-10-2010, 08:16 PM
Ahmed musa Ahmed musa
تاريخ التسجيل: 07-08-2007
مجموع المشاركات: 16669
Quote: هل ممكن ان تكتب كلاما محترما بدل الأسطوانة المشروخة دى التى استهلكها قبلك نوريت سنين عددا ويردها اليوم من هو معك ومن ترفع راية العداء. اذا افلست الرجاء التوقف بدل السخف البتردد فيهو دا ....
السخف كلامي ولا إتباع السادة والسجادة ومولانا وسيدي ؟؟؟؟ يقولو هاشم نوريت ...أقوله أنا ...يقولوا أجيال من بعدنا ...تظل حقيقة التبعية للسجادة خطأ ويظل تكرارها مؤذي لآذان الأتباع ... بعدين قصة أقيف ولا أستمر دي بحددها أنا ده منبر ما ( حولية )
02-10-2010, 11:37 PM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
أحمد موسى طبعا انا ولا اهتميت اعرف البوست عن شنو؟؟؟ بس لمحت فيه نمط شخصنه قلت ارش بالبعرفه عنك واللمسته من مداخلاتك هنا ويعلم الله لا اقبل التشكيك في مهنيتك كما قلت رغم خلافتنا...ياسر طيفور جاي عامل عايز يلقنك درس في القانون مهنتك.....لاحقا عرفت انك هبشت عش الدبابير(الحزب الاتحادي) عشان كده فكو لك اب تفه ده!!
اها في موضوع عش الدبابير ده كلنا معاك ولا يوجد مخلص من الشرق او الغرب يناصر الطائفيه لاننا نعرف جميعا كيف انكوى اهلنا منها!
وكما قلت هنا ستجد انصار السنه فينا و اليساري و المستقل وكل الوان الطيف المخلصه لقضايا اهلها ستقف معك.
رشهم رشاهم بلا.
قال طائفيه وسجاجيد قال!! قوموا بلا وهم معاكم.
وبعدين عارف حكاية قدمت للحركه وما قبلوها دي نجرة من ابو تفه.... وعلى فكره النجر ده متعودين عليه نحنا هنا.
لعلمك يا ياسر طيفور كتبتها هنا واكتبها مجددا ورب الكعبه لو اردت الانتماء للسجاجيدك دي اليوم لجاءت الي خاره على ركبها! قوم بلا وهم معاك.
طراجي يا صديقتي اللذيذة، إنت موش مفروض تكون في الفصل بي هناك؟ ___ تجي في الفسحة أو نهاية اليوم تسلمي على أحمد المحاحي ده، بعد ما تستأذني مني، وتدينا عجاج تفتك، أما إنكم طلبة غير منضبطين.. لو عندك أي شكوّة ضد أستاذ حسون أو أستاذ كودي، أضربي تلفون أو رسلي إيميل، ما كل مرة جاية قاطعة أفكار المحاحي، وهو براهو بيفهّم بالمنفلة..
واحد مطرود والتاني مرفوض، أحمد ده من أولاد غازي سليمان في الحركة، إنت بت منو؟
02-11-2010, 03:29 AM
سارة علي سارة علي
تاريخ التسجيل: 07-08-2008
مجموع المشاركات: 4413
ياسر طيفور.. انت ما داير تتوب من تراجي ؟؟ بحس بيها بعد ما تكتب ليك مداخلة بتجري تقرطع ليها كباية موية..
ــــــــــــــــــــــــ انتي يا تراجي بتتدوري ليهو سريع عشان كدة هو لاقي فرصتو فيك.. حصة (التجاهل التجاهل التجاهل) بتاعت مصطفي ديك ما داخلة في المقرر ولا لسه ما وصلتوها..؟؟
02-12-2010, 02:38 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
سلام يا أحمد و متاسف جدا ما قدرت أجيك في البوست التاني زي ما وعدت ، فارجو إنو نواصل في نقاشنا هنا : - أول حاجه يا أحمد موسي ، إنت كلامي ده ما رديت عليهو نهائي ، رغم إنو أنا وضحت ليك إنو ده أس البلاء و سبب اختلافنا معاك :
Quote: : طيب ياخي - من ناحيه أخلاقيه فقط - أما كان الواجب يقتضي إنك تبحث في المساله دي قبل الشروع في الطعن ؟ يعني هسي يا أحمد موسي أنا أجي حلتكم بالقوه و لانك إنت مختلف معاي سياسيا مثلا أكيل ليك من التهم ما يحير إبليس و أحكم عليك و بعد عشرين سنه أجي اعايرك بإنك محكوم عليك و مدان بتهم أخلاقيه ، لا و بل أمشي المحكمه أستند علي باطل الحكم ده بإستصدار قرار بإنك لا تصلح لتكون مرشح عن الشعب في أي منصب ؟! ده بالظبط العملتو إنت يا أحمد موسي !!!
و ده كان ردا علي كلامك ده :
Quote: يا أمين طيّب عشان نبدأ من الاول (محاكمة عثمان عمر الشريف أنا لا أذكر تفاصيلها كثيراً حتى أقرر أنها كانت عادلة أم لا )
نيتك الطيبه بتاعت إنك توضح للناس إنو قانون الانتخابات قانون معيب ما بتديك الحق في إنك تطعن في شخص بقامة عثمان عمر الشريف شهد له الناس بحسن الخلق و الاستقامه و طهارة اليد لانو مدان بواسطة الإنقاذ . كان لازم يا تبحث في تفاصيل محاكمة عثمان عمر الشريف و تتاكد إنها عادله عشان تستند عليها بضمير مرتاح ، ده من جانب . من جانب تاني و بدون البحث عن تفاصيل المحاكمه ، و إنت راجل سياسي مفروض تكون عارف إنو كل الحكومات العسكريه بتحاكم الحكام و الوزراء السابقين في الديمقراطيات محاكمات سياسيه عشان تبرر وجودها و إنها جات لوقف فساد الأحزاب . خلاصة النقطه دي يا أحمد إنو ما ممكن تستند علي إنو عثمان عمر الشريف (مدان ) و تغض النظر عن منو الادانو و كيف ادانو !!!
02-12-2010, 02:52 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: طيّب القانون ماإتكلم عن محاكمة عادلة ولا عادلة لأن القانون بعترف بحاجة إسمها الاحكام المكونة لمراكز قانونية وطالما الحكم صار نهائي وإتنفذ فيبقى هو حكم مقبول كسبب للطعن بحسب قانون الإنتخابالت لسنة 2008م
مافي زول يا أحمد غالط في إنو كان في محاكمه و ادانه حصلت لعثمان عمر الشريف ، السؤال و الخلاف كلو في مدي عدالة المحاكمه دي !! كلنا عارفين إنو القانون ماإتكلم عن محاكمة عادلة ولا ما عادلة ، و نحن هنا ما بنتكلم عن القانون و لا عن الأستاذ أحمد موسي المحامي و قانونية طعنك ، نحن بنتكلم عنك كمواطن شريف و كزول عندك ضمير : كيف ترضى إنك تستدل بالباطل ، حتي لو كان في سبيل إظهار حق ؟!!
02-12-2010, 04:34 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: طعنت فيه بناء على قانون ما بناء على رأي .... القانون بقول (إذا أُدين) وهو (أُدين) يبقى رأي ورايك ليس محلا نظر
أبدا يا أحمد ، ما بنتكلم عن القانون ، بنتكلم عن رايي و رايك ! ياخي أفرض بكره الإنقاذ طلعت قانون بيبيح الدعاره ، هل من مسوغ أخلاقي في تبني قضايا البغاء بإسم قانونية الفعل ؟؟ مافي أي زول شكك في قانونية طعنك ، الناس شككت في أخلاقية الاستناد علي محاكمه سياسيه غير عادله لشخص شهد له كل الناس بالإستقامه .
02-12-2010, 04:39 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: بعدين المشكلة في الطعن في عثمان عمؤ الشريف شنو ؟؟؟ هل هو محصن من الطعن ؟؟؟
ولا عثمان الشريف و لا غيرو محصنين ضد الطعن ، لكن الطعن يكون بالحق ما بباطل محاكمه يعلم القاصي و الداني إنها سياسيه و إنت بنفسك قلت هم أصلا لا يحق لهم محاكمته !!!
02-12-2010, 05:43 AM
Moneim Malik Moneim Malik
تاريخ التسجيل: 12-12-2004
مجموع المشاركات: 454
Quote: للمرة الخامسة و(الله) الكلام ده قلته أربع مرات ... عشان تطعن في القانون لازم تطعن فيه في المحكمة الدستورية عشان تمشي المحكمة الدستورية لازم يكون عندك سبب {سبب زي تقدمت بطعن ورفضوه مثلاً لأنك (مواطن)...} بمعنى الآن يحق لي الذهاب للمحكمة الدستورية والآن فقط ... ليس قبل تقديم الطعن ورفضه
واضح يا أحمد إنك كنت عارف إنو الطعن ما حا يقبل و المساله كلها كانت إنك تمشي المحكمه الدستوريه ، من ناحيه قانونيه كلامك سليم و يحق ليك ، لكن الجانب الأخلاقي من العمليه ده مربط الفرس و سبب الخلاف كما بينا . فرصة إنو المحكمه الدستوريه تغير قانون الانتخابات و تسمح للمواطن بالطعن فيو ضئيله بإعتبار إنو قانون زي قانون الانتخابات ده شغل سياسي و سياسي بحت كمان ، طبعا كلامي ده راي ساي ما كلام مبني علي علم بما يدور في المحاكم و القضاء السوداني عموما . بنفس القدر اللي أنا متاكد إنك أخطأت في موضوع طعنك ده ، بفتكر إنك طعنت بدافع إثبات نقطه قانونيه و لتغير قانون ظالم و إن كنت أختلف معك تماما كما أوضحت و بينت سبب الخلاف . ختاما تقبل خالص الود ا الاحترام
02-12-2010, 05:48 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: أمين يا أخوى سلامات شايفك انتك البقيت تجاوب ياحبيب بوست كامل لمن سيدوا قفله ما جاوب فيهو يجاوبك فى بوست ال training دا
سلام يا منعم رغم اختلافي البائن مع موقف أخونا أحمد موسي لكني أنا أعلم تماما إنو زول حوار و راي و راي آخر . الكلام السخيف الحاصل في النقاش ده حاصل من كل الأطراف إلا ما رحم ربي ، نرجو إنو كلنا نتجاوزو لمصلحة النقاش .
02-13-2010, 01:25 AM
Yassir Tayfour Yassir Tayfour
تاريخ التسجيل: 08-18-2005
مجموع المشاركات: 10899
• في إطار التعتيم الذي يسعى نظام البشير بشتى السبل إلى فرضه على مماراساته في البلاد فقد تمكّن من دس بعض عناصره بالمنبر العام لسودانيزاون لاين! • مهمة هؤلاء هو مراقبة الموضوعات التي يكتبها أفراداً بعينهم وخاصةً من الناشطين في إبراز قضية دارفور او اي قضية ، والسعي لحرف مسار النقاش بأي شكل من الأشكال. • لا تناقش تعليقاتهم في الغالب أي فكرة من الأفكار التي ترد في الموضوعات، وينصرفون الى التهكم والإستهزاء والتخوين، فيطلقون عبارات مثل ( آكلي الويلفير)، (العملاء)، (الرجرجة)، (الدهماء)، (الطابور الخامس).........الخ!. ويصل الإفلاس ببعضهم أحياناً الى إطلاق بعض الصفات والنعوت العنصرية على زملائهم بالمنبر! كما يجنحون في بعض الأحيان الى التعريض بأعمار مناقشيهم ظناً منهم بأن هذا يستفزهم فيتركون موضوعهم الأساسي، وهنا تجدهم يستخدمون عبارات مثل حبوبة فلانة أو الخال فلان......الخ. • كما قلنا فإن هؤلاء (مستنفرين) تجاه أعضاء محددين، فما إن يظهر بوست لأحد هؤلاء الأعضاء حتى يبدأ الأمنجية في لعب دورهم المرسوم. • بعضهم يحاول إخفاء تهمة الدفاع عن النظام عن نفسه ليلعب دوره الخبيث، وهؤلاء يمثلون الإمتداد الفعلي لجمهور المنافقين الذين تحفل بهم كتب التاريخ. • ما يقوم به هؤلاء لا يقل إجراماً وخطورة عما يقوم به النظام داخل البلاد. • هم العدو فاحذرهم
02-22-2010, 10:52 AM
Mustafa Mahmoud Mustafa Mahmoud
تاريخ التسجيل: 05-16-2006
مجموع المشاركات: 38072
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Yassir Tayfour
أمين محمد سليمان
سارة علي
Tragie Mustafa
Kabar
saadeldin abdelrahman
خالد العبيد
Ahmed musa
ندى عثمان حسن
MOHAMMED ELSHEIKH
Mohamed E. Seliaman
عبدالوهاب علي الحاج
HAIDER ALZAIN
حاتم شناب
Mustafa Mahmoud
ممدوح أبارو
البدري عبد الله
Faisal Elrasheed
على محمد على بشير
ود محجوب
سناء عبد السيد
فيس بوك
تويتر
انستقرام
يوتيوب
بنتيريست