كتب الكاتب الفاتح جبرا المتوفرة بمعرض الدوحة
|
|
 الويكه VS الكبســـــة !!!!!!!
|
**
الويكه أمرها عجب ..
خليط سحري يجمع بين جافين ..
وبقدرة قادر صار ملاحاً !! *
أو " إيداماً " كما يسميه العرب . خليط بين مسحون " مسحوق " البامية ومسحون اللحم !!
لله في خلقه شئون !! يسر لهم مما يليهم ، يرتبونه بوعي أهميته ، وتقديس العطاء من الرب المعطي ، كأني بهم قد استخدموا وصفة نبي الله يوسف السحرية للعزيز ، وبدلاً من سبع سنين عجاف ، صارت وصفه لسبعة أيام فقط أو أكثر، يفعلون بأطايب الأرض العجب ، العجب في طريقة صناعتها وحفظها اتقاءً للسبع العجاف .
فالبامية تأتي كما هي ، صغرت أم كبرت وتذهب كما هي دون مخلفات قبل الطبخ ، أسفلها في ذلكـ اليوم حلة " طبيخ " بربع كيلو ضان " أصلي " ، وما علا منها يجفف تحت شمس المدينة ، يُعمل له ألف حساب ، يتم جمعه فوق " برش " * نضيف بعد أن يوضع ( البرش ) على " عنقريب " * الحاج " المجدوع " * في الحوش طول السنة ، وتتم مراقبة مخلفات البامية من قبل ربة البيت بعين ثاقبة ، حرص غريب وترقب انتظاراً لكامل الجفاف ومن ثم السحق والغربلة لتأتي الخلاصة ناعمة الملمس يدل لون الكيس الموضوعة فيه على دقة السحق والغربلة ، مسحوق لن يتم التعرف عليه إلا بواسطة معامل " الخواجات " ليأتي بعد ذلكـ تقريره بأنها ( مواد خشبية ) لا فائدة منها .
وبحرص شديد تأخذ الكيس إلى علبة ( النيدو ) ، " الجابه لي ود خالتي من الحج عام الفيل " هكذا تردد أمي ، علبة شهدت مئات الأرطال من المسحوق العجيب ، هي المستودع الأخير انتظارا ًللسبع العجاف ‘ هي علبة من الأثريات ، اكتشفت ذلكـ حين تأكدت قبل فترة وجيزة بأن الشعار الخاص بنيدو قد تم تغييره ، ومن زماااااااااااااااان ، إلا أن شعارها القديم " شعار علبة أمي " ما زال محتفظاً بنظافته في ( علبة ) أمي التي تخزن فيها مسحوق الخشب ، يتم الاهتمام بنظافتها " بدلقان " * خاص ، وللناطقين بغير دارجة وطني الدلقان عبارة عن خرقة ، مخلفات ( لبسة ) ما كانت يوماً ما أساسية وآل مآلها إلى ( دلقان ) تمسح به أمي علبة الويكه التي كانت يوماً نيدو ( عرف صديقي لاحقاً بأن ما بداخلها كان لبناً مجففاً إلا أن لا يذكر هل تناوله يوماً ما ) .
ويأتي عيد فداء ما على أحوال أمي ، ويخرج الجلد فقط من البيت إلى المسجد ، ويتم الاهتمام بالخروف بكل تفاصيله ، فالكوارع عشاء يوم ما بعد أسبوعين أو تزيد ، وكلما زاد شحمه برقت عينا أمي فرحاً ، فالدهن حقها قد نظفت " برطمانيته " * ، ويستمر الاهتمام بالتفاصيل وتتكوم بعض الأكياس أمام أمي وهي تردد " انشاالله " تلاجة ناس علوية جارتي تشيل .
ويأتي الدور على " بيت قصيدنا " رفيق الويكه الأزلي ، مسحوق اللحم ، أو مسحوق شرائح " الشرموط " اسم غريب ذو دلالة أغرب ، شرائح لحم ( مدللة ) ، تجفف بعناية وطريقة حفظ متقنة ، عن طريق التعليق بعيداً عن " كدسة الحِلَة الجيعانة " * ومن ثم السحق " دون غربلة " .
ويمتلئ برطمان * " الشرموط " بمسحوقــه " الدُراش " * ويجلس مقفولاً على " برطمانيته " بإحكام وحرص بجوار علبة " النيدو المليانه ويكه " .
ويجتمعا يوماً ما ..
مزيجاً بين اللحم والبامية " المسحوقين " ..
وينضم إليهم المبجل " مسحوق القمح " ..
ليكونا مائدةً ما ..
لأسرةِ ما ..
في يوم ما " من الأيام العجاف "
وما أكثرهـــــــــــــا !!!
** نضم لسان حال معظم أهل السودان حين كنت أعيش وسطهم
______________________________________________
* عذراً فالنضم به دارجة البلد وان تم ترجمتها إلى فصحى معلومة فقدت بريقها .
|
|
  
|
|
|
|
|
|
|
 Re: الويكه VS الكبســـــة !!!!!!! (Re: عمران حسن صالح)
|
عمران البارح متعشي شنو!!
كيفك يا حبيب
الكبسةاو البرياني طعام هندي اسيوي حيث يزرع الارز بكثافةوهو محصول حتاج كمية هائلة من المياة.
اما الاكلات الصحراوية قديمافهي الجريش والمرقوق ما شاكل وهي امور اضل سبيلا من الويكة.
والله اعلم
| |
|
|
|
|
|
|
|
|
|
Re: الويكه VS الكبســـــة !!!!!!! (Re: معاذ حسن)
|
Quote: الكبسةاو البرياني طعام هندي اسيوي
|
الزول الجميل معاذ
طبعاً معلومة آسيوي دي (قادة أضاني )  بس اللآسيويين ما عندهم شي بمشي الزبالة ، ربطها حسب الإستخدام السي لها هنا وعدم احترام النعمة ( المتوفرة )
لم أقصد الأصل بل باعتباراها من المأكولات المفضلة لأهل نجد وما جاورها
______________________
تخريمة : تم وضعكم على جدول الزيارات الإسبوعي
| |
|
|
|
|
|
|
|
|
 Re: الويكه VS الكبســـــة !!!!!!! (Re: عمران حسن صالح)
|
عمران صالح
الويكه قطعاً ليست شظف عيش ، فهي أكلة شعبية فحتى في الزمن الجميل الذي لم يمتلك فيه الناس ثلاجات لسببين على ما أعتقد أولهما أننا ما بنفضل باقي في الوجبات الثلاث وهي أيضاً مردها لسببين لقمة التدبير وجودة الصنعة والسبب الآخر هناك هو أننا كنا نمارس رزق اليوم باليوم في شأننا كله لا نخاف من يوم بكره ونعيش يومنا لأن بكره في علم الغيب وبكره قطعاً نراه أجمل ولكن برغم يبقى اليوم جميل ... إنتهي ...
الويكه زاتا ما ساهله يعني ملاح الويكه أكثر تكلفة من الكمونية أو الكبسة أم جداد فالويكه درجات وأنواع تتفاوت ما بين الخفيفه والتي عرفها المتحنكشون بريالة الديك لخفتها وقد أطلق عليها بعض المساطيل الشبح أيضاً لإختفائها من الكسره حال رفعك للقمة ، ونصل بويكتنا إلى التقلية السميكة المتماسكة المسبكة التي لا تقل طعماً عن أجعص "إيدام" قلت لي دا الطبيخ في الخليج يعني إبراهيم نايل يكون من ناس ود ملاح.
الكبسه دخلت بكلياتها كبسه جداد ، كبسه لحم ، وهلم كبساً والحال كذلك هي فعلاً نتاج ترف وهي نقلة نوعية في حياتنا ومائدتنا ونحن نسير نحو الأوبيك
قال الشاعر:
وكسرة من دقيق الذرة صافية ألذ في الطعم من قراصة الفيني
صنعتها بيدي في الصاج طاعمة كأنما صنعت في دوكة الطين
ملاحها ويكة لايوقة وبها ملح قليل وفيها حب كمون
| |
|
|
|
|
|
|
|
|
|
Re: الويكه VS الكبســـــة !!!!!!! (Re: almulaomar)
|
Quote: عمران صالح
الويكه قطعاً ليست شظف عيش ، فهي أكلة شعبية فحتى في الزمن الجميل الذي لم يمتلك فيه الناس ثلاجات لسببين على ما أعتقد أولهما أننا ما بنفضل باقي في الوجبات الثلاث وهي أيضاً مردها لسببين لقمة التدبير وجودة الصنعة والسبب الآخر هناك هو أننا كنا نمارس رزق اليوم باليوم في شأننا كله لا نخاف من يوم بكره ونعيش يومنا لأن بكره في علم الغيب وبكره قطعاً نراه أجمل ولكن برغم يبقى اليوم جميل ... إنتهي ...
الويكه زاتا ما ساهله يعني ملاح الويكه أكثر تكلفة من الكمونية أو الكبسة أم جداد فالويكه درجات وأنواع تتفاوت ما بين الخفيفه والتي عرفها المتحنكشون بريالة الديك لخفتها وقد أطلق عليها بعض المساطيل الشبح أيضاً لإختفائها من الكسره حال رفعك للقمة ، ونصل بويكتنا إلى التقلية السميكة المتماسكة المسبكة التي لا تقل طعماً عن أجعص "إيدام" قلت لي دا الطبيخ في الخليج يعني إبراهيم نايل يكون من ناس ود ملاح.
الكبسه دخلت بكلياتها كبسه جداد ، كبسه لحم ، وهلم كبساً والحال كذلك هي فعلاً نتاج ترف وهي نقلة نوعية في حياتنا ومائدتنا ونحن نسير نحو الأوبيك
قال الشاعر:
وكسرة من دقيق الذرة صافية ألذ في الطعم من قراصة الفيني
صنعتها بيدي في الصاج طاعمة كأنما صنعت في دوكة الطين
ملاحها ويكة لايوقة وبها ملح قليل وفيها حب كمون |
الملا عمر ، شكلكـ من عاشقي اللايوقه
كان أبي يصفها بالغذاء الصحي ، وكل ما كترت نقتنا من كثرة تواجدها خلال الاسبوع كان يقول بها فايتمين بي كومبلكس B Complex ومفيد لبناء العضلات ، استغل جهلنا واندهاشنا للكلمة وهاكـ يا ويكة طوال الأسبوع .
| |
|
|
|
|
|
|
|
|
|
Re: الويكه VS الكبســـــة !!!!!!! (Re: عمران حسن صالح)
|
أبو محمد
صباحات شوقنا
Quote:
ويجتمعا يوماً ما ..
مزيجاً بين اللحم والبامية " المسحوقين " ..
وينضم إليهم المبجل " مسحوق القمح " ..
ليكونا مائدةً ما ..
لأسرةِ ما ..
في يوم ما " من الأيام العجاف "
وما أكثرهـــــــــــــا !!!
|
وما اجملها من مائدة يا عمران
وكم سدت رمق ، واشبعت خماص
عازمك يا عمران " ملاح شرموط ضاني طازج اخضر " عند امي العاجبة بت ود المنصور الله يطول عمره"
والله يا عمران "وما طالبني حليفة" تأكل لما تنسى حدود بطنك
سلامي عمران والجميع
------------------------
على فكرة السمك داك ما وريتنا محلوا وين
| |
|
|
|
|
|
|
|
|
|
Re: الويكه VS الكبســـــة !!!!!!! (Re: معاذ حسن)
|
عمران السلام عليكم
ياخي الويكة فيرساس أي حاجة بتفوز
(داخل السودان وخارجه وسط مجتمعات السودانيين)
أجمل ما فيها إنها ممكن تتوسط أجعص سفرة طعام
وفوق >لك تسلب الألباب وتلفت الأنظار
ياخي والله أمي والشكلها بتشبه أم أخونا سيف بخيت دا
تسوي ليك ملاح شرموط أخضر الله يكون في صوابعك من اللحس
خليني أقول ليك نكتة
أخي الأصغر حينها وهو الآن ما شاء الله كان يحب الويكة جدا
و>ات يوم وأمي تجهز في الفطور ويبدو أنه ميت من الجوع فجلس بالقرب منها
وبلهجة لدغاء يقول لها: يمة لايديها - يقصد لايقيها - وكانت الوالدة تصبره وتقول له
يا ولد خلينا أمشي على جارتي دي أجيب لي حبة ملح اطعم بيها الملاح دا
فما كان منه بعد أن خرجت على جارتها إلا أن أخ> علبة النيدو ودلق ما فيها من مسحوق على محتويات الحلة
وانتظرها عند الباب وهو يصيح فرحا : يمة لايدتها (لايقتها)
| |
|
|
|
|
|
|
|
|
|
Re: الويكه VS الكبســـــة !!!!!!! (Re: جعفر محي الدين)
|
هلا يا جعفر : | Quote: أجمل ما فيها إنها ممكن تتوسط أجعص سفرة طعام |
صديقنا المهندس الكبير في الشركة الكبيرة بمدينة جده كان يجمعنا حوله يوم الجمعة ونحن برالمة إغتراب قبل خمستاشر سنة ، شخص موسر ويحب لمة غداء الجمعة ، كانت الكسرة والويكة هي التحلية ، يتم وضعها بعيداً عن المائدة الشهية واللامة لما لذ وطاب ، وتظل التحلية ويكة .
| |
|
|
|
|
|
|
|
|
|
Re: الويكه VS الكبســـــة !!!!!!! (Re: سيف بخيت موسي)
|
يا سعادة المستشار إزيكـ | Quote: والله يا عمران "وما طالبني حليفة" تأكل لما تنسى حدود بطنك |
ذكرتني يا سيف زواج صديقي عمر الكناني بمدينة القضارف قبل عشرات السنوات ..
أسره موسرة أعطاها الله من فضله كان فطور الأصحاب والأهل في ذلكـ الصباح البارد فطير مع ويكة مطبوخة باللحمة المفرومة الضاني الأصلي ( مش سواكني ) وارد جنوب القضارف ، صدقني ظل طعمها طاغياً طيلة أيام الزواج رغم الخير المالي الحيشان ( وما فيها شي مشى الزبالة ) | Quote: على فكرة السمك داك ما وريتنا محلوا وين |
لا لا لا مافي أي طريقة ، عشان ما تقطع رجلكـ
| |
|
|
|
|
|
|
|
|
|
Re: الويكه VS الكبســـــة !!!!!!! (Re: عمران حسن صالح)
|
عمران زعيم عصابة الاوغاد العظام
جرى دمعي بالمايق ومعه ريقي
وانا اتلوى مع ثنايا طرقات سطورك الفي حافتها السنسنة الحمرا
يازول اهلنا في بلاد النوبة هم اول من خمر المواد في (.........)اجتها الأولى
وهم اول من جفف المواد بانواعها نية وناضجة لأيام الجفاف والمحل والقحط ..
يازول ديل جففوا السمك وخمروه وطمروه وفسخوه وملحوه
وجففواالنباتات من الشطة لي عند الموز
تقول لي شنو وتقول لي منو
ياخي طلقت فيني نارية باام رقيقة دي
امشي اشوف بت وهبي تعمل لي قراصة بي ملاح ثلج
| |
|
|
|
|
|
|
|
|
|
Re: الويكه VS الكبســـــة !!!!!!! (Re: محمد سنى دفع الله)
|
Quote: عمران زعيم عصابة الاوغاد العظام
جرى دمعي بالمايق ومعه ريقي
وانا اتلوى مع ثنايا طرقات سطورك الفي حافتها السنسنة الحمرا
يازول اهلنا في بلاد النوبة هم اول من خمر المواد في (.........)اجتها الأولى
وهم اول من جفف المواد بانواعها نية وناضجة لأيام الجفاف والمحل والقحط ..
يازول ديل جففوا السمك وخمروه وطمروه وفسخوه وملحوه
وجففواالنباتات من الشطة لي عند الموز
تقول لي شنو وتقول لي منو
ياخي طلقت فيني نارية باام رقيقة دي
امشي اشوف بت وهبي تعمل لي قراصة بي ملاح ثلج |
موز مجفف يا سني ؟؟
ما عصرت علي شديد ياخي
تسلم لمروركـ الجميل يا محمد
| |
|
|
|
|
|
|
|
|
 Re: الويكه VS الكبســـــة !!!!!!! (Re: محمد سنى دفع الله)
|
سني يا جميل أم رقيقه وعامله بيرجر مش ممكن طبعاً أنتم قوم تخلجنتم وإستعربتم وباعد الله بين أسفاركم زي ناس سبأ وحتى الكسره في طريقها إلى الإنقراض فقد تحنكش الجكس وما زاده رهقاً كريمات التفتيح القابلة للإشتعال فأصبح ممنوع الإقتراب من الدوكه أو الصاج ومن بوخ العصيدة حتى فكلها تؤدي إلى الحته المشت ليها كريت بعد أن إشترت كميات من القرض وعملت منو شامبو وكونديشنر وهاك يا جلبيط وكانت ساعة النصر إكتمال الزعمطه.
أم رقيقة بحاجه إلى شئ من الفرك حتى لا تكرضم والشويتين بتاعين الفرك ديل ممكن يكون لهم الأثر السالب على نعومة بشرتك سيدتي عشان كده لو عاوز ويكه إلا نشتري للجكس قفازات وهي إضافة تزيد من تكلفة التقلية عدا عن حاجة الجكس إلى عازل حراري للوش لإتقاء النيران وحرارتها وحتى تكون برداً وسلاماً على كريمات التبييض في شهري تموز أو آب
أنتم فعلاً أول من جفف السمك وفسخه وملحه وذهب أبعد من ذلك مجففاً للتمر بالقدر الذي أصبح معه إنتاج نخلة بالعراق يشبه حلاوة بقرة مقارنة بتمرنا الذي يضيع جل إنتاجه في صناعة الشربوت والمشروب الذي يفوقه قوة.
| |
|
|
|
|
|
|
|
|
|
Re: الويكه VS الكبســـــة !!!!!!! (Re: عمران حسن صالح)
|
..........
تحياتى أستاذ عمران
محبة ( اللايوق ) تنزلت على منذ نعومة الأظفار ولدى عشق خاص وعلاقة حميمة بالويكة
فى كافة أشكالها (المكشَّنة) أو(البيضاء)، أو التى بها نوع من الإجتهاد ك(أم دقوقة) أو
فى حالة إضافتها لملاح النعيمية ذو الأصول ( الروبيِّة أو اللبنية) من روب أو لبن
فالويكة مثل الشطة و (المِرس) و (الدكوة) فى قرانا الجميلة و هى بمثابة (شية الفقراء)
يمكن إضافتها لكل ما يغلى على النار من طبخات متواضعة فتمنحها قواماً و طعماً
ونكهة ، أو مثلما يفعل الشرقيون (بصفق)الكارى curry leaves أو العرب بزيت الزيتون
والسعتر والحبة السوداء .
لفت إنتباهتى حديثُك عن طرق التجفيف والتخزين والتى تعتبر غاية فى الدقة والمنهجية
على بساطتها و عفويتهافى بلادنا، فالتجفيف يعتبر من طرق الحفظ العلمية و المهمة جداً للمواد الغذائية لأن الطعام يعتبر من أخطر أنواع الأطعمة عند إحتوائه على نسبة مياه أكثر water activity و تم تداوله فى ظروف إصحاح متدنية و بما أن ظروف الإصحاح عندنا متدنية بطبيعة الحال جاءت مهارات التجفيف و التخزين و هذا الأمر أيضا تعلمه أهلنا على مهلهم ، و قومى على سبيل المثال فى قرى الجزيرة لا يشترون ويكتهم من السوق ولكن يصنعونها بدق البامية خاصتهم والتى ( يلقِّطونها) من زراعتهم ليججففونها فى البيت وقدر إستهلاكهم اليومى وحسب تفاديا لمضار التخزين ، تخيل إنو مافى زول جاب ليهم سيرة (الأفلاتوكسين) ولا يعلمون شيئا عن إستنبات الفطر فى ظروف إنماء الأحياء الدقيقة ، ولكنهم توارثوا معلوماتهم عن طريق التجربة المستمرة للمجموع منذ عهود غابرة سحيقة .
الويكة أخى العزيز عمران هى صديقة حاضرة فى تأريخ المائدة السودانية رغم أننى أراها تراجعت كثيرا مع تراجع (الكسرة) فى عهد خبز القمح و التوست و الكناتين الكبيرة و المعلبات وثقافة ( السندويتش) التى فشلت الويكة فى مواكبتها لصعوبة إنجاز أى نوع من أنواع الحشوات إذا ما كانت الويكة طرفا من الأطراف ، و هذا والله لمما يحزننى و يحز فى معدتى التى تعودت على اللايوق و فطمت عليه ، فأتحسر أيما حسرة حينما أجدنى مضطرا لسفسفة البريانى أو المشاوى أو خبز التميس الباكستانى و(البراتا) الهندية مع دجاج ( الكداى) ، والتى لم تعمل إلا على أذيتى و إصابتى (باليابوس) بعيد عنك .
فى (دبى) لا تُشد الرحال إلا إلى المطعم السودانى فى ( المُرر) ، عارف ليه؟ ، لأنو الوحيد تقريبا الذى يوفر الكسرة باللايوق فى عالم يسبح فى المأكولات (السجمانة) من كل صوب و حدب .
تقبل المودة .
أبو بكرى
.....
| |
|
|
|
|
|
|
|
|
|
Re: الويكه VS الكبســـــة !!!!!!! (Re: الوليد عمر)
|
والله مراحب بالوليد عمر ..
ياخي مدخلتكـ جميلة ( ومتعبه ) خصوصاً الـ ( الأفلاتوكسين ) الجبتو فوق ده : | Quote: تخيل إنو مافى زول جاب ليهم سيرة (الأفلاتوكسين) ولا يعلمون شيئا عن إستنبات الفطر فى ظروف إنماء الأحياء الدقيقة |
.بيئتنا عجيبة يا وليد ، الويكة دي سيحت ركب الناس ، إضافة إلى مقطوع الطاري ( الفول ) ، المشكلة لسع مواصلين (نعضي) فيها ونتمطق بشكل غريب ، وكان حاولنا نغير و نجرب : Quote: فى عالم يسبح فى المأكولات (السجمانة) من كل صوب و حدب .
|
يقوم يحصل لينـــا : | Quote: (اليابوس) بعيد عنك . |
وبعيد عني ياخي .
سبحان الله على تربيتنا ياخي ، نظل كما نحن مهما شفنا من الدنيا دي من أطايب ويظل مشوار شد الرحال لمطاعمنا يتشابه في كل المدن : Quote: فى (دبى) لا تُشد الرحال إلا إلى المطعم السودانى فى ( المُرر) ، عارف ليه؟ ، لأنو الوحيد تقريبا الذى يوفر الكسرة باللايوق فى عالم يسبح فى المأكولات (السجمانة) من كل صوب و حدب .
|
| |
|
|
|
|
|
|
|
|
|
Re: الويكه VS الكبســـــة !!!!!!! (Re: عمران حسن صالح)
|
ياعمران
سلامات ,
للويكة سحر عجيب ياخ, هنا الناس تتعازم عليها لما يكونو عاملنها (ماعرفت أكتب فاركين ولاتابخين ياخ)
أحمد خالد, ود اختى عمره لم يتجاوز ال4 سنوات, شاف السودان مرة وااااحدة فى حياتو
وجبتو المفضلة ويكة بالقراصة , فى عز الليل ياكلها , نص النهار ياكلها , يصحى فجر ياكلها
ومصّر يعملوها ليو ساندوتش يشيلو المدرسة!
| |
|
|
|
|
|
|
|
|
|
Re: الويكه VS الكبســـــة !!!!!!! (Re: ندى عثمان حسن)
|
| Quote: ومصّر يعملوها ليو ساندوتش يشيلو المدرسة! |
انتهيتو من الواد يا ندي ...
نحن بي سببنا ، قمنا ولقينا صينيتنا متزعماها الويكه !!
ويكه بالكسره ويكه بالقراصة ويكة بالفطير
ويكه بيضا وويكة حمرا
ويكة تقلية وويكة أم دقوقة وويكة أم رقيقة وهاكـ يا خيارات زي خيارات كتابته دي
مره بالهاء ومرة بالتاء المربوطة
| |
|
|
|
|
|
|
|
|
|
Re: الويكه VS الكبســـــة !!!!!!! (Re: ندى عثمان حسن)
|
يا ابو محمد
كيفك واخبارك وقاطع الخبر مالك؟
انا شخصياً ملاح الروب اللي هو غير ام تربيقة (تجخل الويكة فيهما الاثنين) عندي زيو مافي، عندي وفاء والله مرات تصحي نص الليل عايزة ملاح بامية، اما لقمة يوم الجمعة بالويكة فديك خلها براها.
الويكه VS الكبســـــة
ذكرتني نكتة المسطول الماشي جنب دار الرياضة شاف السبورة مكتوب عليها
حملة ضد الجوع
الوقاية ضد التيتانوس
قال وديل صعدوا التانية متين؟
كدي يا عمران احسن الويكة ولا البيك؟
احــــــــــــــــي انا، جاوب
| |
|
|
|
|
|
|
|
|
|
Re: الويكه VS الكبســـــة !!!!!!! (Re: عمران حسن صالح)
|
| Quote: لله في خلقه شئون !! يسر لهم مما يليهم ، يرتبونه بوعي أهميته ، وتقديس العطاء من الرب المعطي ، كأني بهم قد استخدموا وصفة نبي الله يوسف السحرية للعزيز ، وبدلاً من سبع سنين عجاف ، صارت وصفه لسبعة أيام فقط أو أكثر، يفعلون بأطايب الأرض العجب ، العجب في طريقة صناعتها وحفظها اتقاءً للسبع العجاف . |
| |
|
|
|
|
|
|
|
|
|
Re: الويكه VS الكبســـــة !!!!!!! (Re: عمران حسن صالح)
|
الاستاذ الفاضل عمران حسن صالح
لك التحايا الطيبات
استطعت ان تأتى بويكة "النوع الاصلى" و بطريقة فيهلا كثير من الابداع
فى الوصف لتجعل من النص كلمات مربوطة باحكام كتلك الويكة التى ربطت
حبات الشرموط و الذى بدوره أعدت أعدادا ممتازا بعيدا عن الكدسة
و الحديات المتحلقات فى السماء و الاخريات اللائى ينتظرت على قمة عالية
ليخطفت لهن نصيبا من رزق الله .
لك الود
أخوك الطيب رحمه
| |
|
|
|
|
|
|
|
|
|
Re: الويكه VS الكبســـــة !!!!!!! (Re: الطيب رحمه قريمان)
|
أخي الطيب رحمه Quote: استطعت ان تأتى بويكة "النوع الاصلى" و بطريقة فيهلا كثير من الابداع
فى الوصف لتجعل من النص كلمات مربوطة باحكام كتلك الويكة التى ربطت
حبات الشرموط و الذى بدوره أعدت أعدادا ممتازا بعيدا عن الكدسة
و الحديات المتحلقات فى السماء و الاخريات اللائى ينتظرت على قمة عالية
ليخطفت لهن نصيبا من رزق الله . |
أها حكاية (الحدية) حكاية وياما (خوزقت) أسر في شرموط (عيد الضحية ) ..
لكـ شكري واحترامي
| |
|
|
|
|
|
|
|
|
|
Re: الويكه VS الكبســـــة !!!!!!! (Re: الطيب رحمه قريمان)
|
أبو محمد العمران
سلام
الكبسة في السعودية دخلتْ المطبخ السعودي بعد طفرة البترول حيث لم يكن طعام أهل نجد و ضواحيها غير ( الثريد ) الذي أغلب مكوناته من الحليب و مشتقاته و السمن البلدي.
أهل الحجاز كانوا يتعاملون مع الأرز المجلوب في قوافل المحمل أيام الحج.
أما الويكة .. هذه الأكلة الفنانة التي أخترعتها حبوبات فنانات قامن بدراسة :
طقس السودان
إمكانات السودان الزراعية و الحيوانية
معدة أهل السودان
طرق حفظ اللحوم ( الشرموط )
طرق حفظ البامية ( مسحوقاً )
و الله القومة للحبوبات ديل .. بيعادلن كل المكتشفين المبدعين ال دخلوا موسوعة غينيس
| |
|
|
|
|
|
|
|
|
|
Re: الويكه VS الكبســـــة !!!!!!! (Re: عمران حسن صالح)
|
Quote:
كدي يا عمران احسن الويكة ولا البيك؟
|
بالله يا عمران إنت أخون في البيك كمان
كلام كويس جدا ، أول سفرية لجدة إنتظر نص كرتونة " يعني كرتونة بيني وبينك"
* أول ما جيت السعودية إشتغلت في مكتب محاماة في جدة أربعة سنة ، وسكنت في حي مشرفة في عمارة البيك
يعني البيك في الدور الأرضي مع شارع الستين مقابل مكاتب الندوة العالمية وأنا في الثالث ، شفت الحظ دا كيف
وأخوك وحياتك شغال ذي البستم ، وحتى تاريخه وكلما سنحت فرصة لجدة
تحياتي عمران
---------------
لكن طبعا الويكة مع السلطة الخضراء والشطة باليمون غيييييييييييير
| |
|
|
|
|
|
|
|
|
|
Re: الويكه VS الكبســـــة !!!!!!! (Re: سيف بخيت موسي)
|
| Quote: بالله يا عمران إنت أخوفي البيك كمان |
راجع بروفايلي
البيكـ نقطة ضعفي السعودية ..
لا تتم العمره إلا بعد الشبع التام والكامل منه .. بعد داكـ العبادة بتكون بدون سرحان في ريحة البروست (الما خمج )
| |
|
|
|
|
|
|
|
|
 Re: الويكه VS الكبســـــة !!!!!!! (Re: عمران حسن صالح)
|
يعني الواحد يعمل شنو قبل ما يدخل البوست دا ..
أبومحمد يا صاحب ..
ياخي الويكي دي أحسن إختراع عملوهو أمهاتنا ..
بعدين كل منطقة بتمتاز عن الثانية في طريقة طبخها ..
أجمل حاجة زماااان زماااان أيام الدفئ ..
لما أماتنا يرسلننا للجيران عشان نجيب ليهم حبة ويكي بعد ما تكون خلصت في البيت ..
طبعاً الحاجة دي زاته فيها متعة وفيها محنة وتواصل وفيها تكافل بين الناس ..
والحيطان زاتن كانن قصاااار ما زي هسي تطاول في البنيان وفتِح للجيران 
هسي الويكي الحنينة بقت بت اللذينة وتاكلوها تحلية على قول عملات شتات
ياخي تحيا الويكة ..
ولا عزاء لصينية السني ودأبوي الجابه ليكم هنا دا
| |
|
|
|
|
|
|
|
|
|
Re: الويكه VS الكبســـــة !!!!!!! (Re: Badreldin)
|
الوقور الملاعمر
أبو محمد العمران
سلام
أبا جهينه يا جميل يعني ما لقو غير الإكتشاف دا ..... تحياتي كميات
ياخي بصراحة جدا جدا اتفق مع الملا عمر : يعني بقت على الويكه
قائمة إختراعات الحبوبات تتعدى البطون لتشمل كل مناحي الحياة
فالويكة و الويكاب و أم رقيقة و بقية الأكلات تدخل ضمن الغذاء الي يناسب أهل السودان ( مناخا و إقتصادا )
أما بقية الإختراعات فحدث ولا حرج :
الحلو مر
الدلكة
حفرة الدخان ( ساونا سودانية )
الروائح المصنعة في البيوت أيام الأعراس
و القائمة تطول و تطول
| |
|
|
|
|
|
|
|
|
|
Re: الويكه VS الكبســـــة !!!!!!! (Re: Badreldin)
|
| Quote: اما من حيث المكونات فاعتقد ان التقلية الماخمج افضل من الكبسة بشرط البصل الكثيف واللحم االطازج المفروم الخالي من الشحوم |
هي يا بدر الدين لو ده كلو متوفر للغلابه يبقي مافي مشكلة ..
المشكلة في المواد الخشبية الفيها ويقوموا كمان يكبوا فيها مويه وملح وشوية شرموط (ريحتو اتغيرت) وهاكـ يا حشو ...
| |
|
|
|
|
|
|
|
|
 Re: الويكه VS الكبســـــة !!!!!!! (Re: عمران حسن صالح)
|
والكبسة صارت مننا وفينا..
الويكه ليها علينا فروض الطاعة والولاء والإنتماء
لكن الكبسة غير شكل
والعجب مضغوط ( ريدان) ياخ داعذااااب
زكرتني بمناسبة البيك في حج السنة
حكى لي ود خالتي قال لي عمك كبير في السن يالله وصل غرفته في السكن المخصص للحجاج
وهو كان متابعه لغاية ما وصله وساعده في نقل عفشه اها اول ماجاء يودعه قال ليه ياولدي
في حاجة هنا عندكم اسمه البيك بي وين أولادي قالوا لي ماتأكل غيره تقدر توصلني عليها
قال ليه ياحاج انت جاي تحج ولا تأكل بيك عموما انت محظوظ لآن العماره النازل فيها لصق البيك
تسلم على البوست المسيل لللعاب دا
| |
|
|
|
|
|
|
|
|
|
Re: الويكه VS الكبســـــة !!!!!!! (Re: وجن)
|
لقيتكـ خطيره يا وجن ...| Quote: والعجب مضغوط ( ريدان) ياخ داعذااااب |
الدسم البجيب الهوا ده ...
بعدين ده ناس جده بس ، خصوصاً فرع حي الصفا ..
علم النسوان ينوموا لي الساعة واحده باعتبار الراجل مدمن بيكـ ومضغوط ردان ..
جده غيييييييييييييييير
| |
|
|
|
|
|
|
|
|
|
Re: الويكه VS الكبســـــة !!!!!!! (Re: وجن)
|
وتعرف عند غالبية اهل السودان بالغدا
يعني يا محمد السني صوانيك دي كلها كوم
وصحن الويكة ( الغدا) كوم
اما رانوكي العاصمة
حينمما تتاقل عليهم واحدة من البنات
فيقولوا العبارة اشهيرة
( ام رقيقة و عاملة ضيقة )
عمران
هاك الوساع ده
| |
|
|
|
|
|
|
|
|
|
Re: الويكه VS الكبســـــة !!!!!!! (Re: عمران حسن صالح)
|
صديقي على رمرم من أوغاد القربة العظام ، يعمل مرتاحاً الآن برفقة الـ WFP بمدينة كسلا ..
فاجئني بمداخلة للموضوع أعلاه نزلت بموقع كسلا هووووم : ولمقدرة على الفائقة في انتزاع الضحكة مني طيلة عشرين سنة رأيت إشركـ القوم هنا في سالفته :
Quote: يا حليلك عمران
سالف :
كان أخونا محمد الحسن الفحل رجل يعشق هذه ( اللغاويس أيام كنا نصفها ) والوغد الكبير صاحب البوست كان يعشق كل ما هو شهى من المطايب ، وكان مصابا بمرض لا زلت أقسم باتهامى له به وهو فوبيا الوسخ - كان بحب يتأكد ويمارس بيديه أعنف انواع الغسيل ، ولعلى أجزم بأن ظنونى كلها فى الحكومة السعودية فيما يخص استراتيجية الصحة ،كانت فى محلها ... والا فبربكم اشرحوا لى لم لم تعين الحكومة السعودية الاخ عمران وزيرا للصحة ومفوضا فوق العادة عن دقة الغسيل فى المستشفيات والقصور السعودية ؟ المهم نعود للفحل ، أتينا متأخرين من معسكر ودشريفى وكان عمران فى استراحة ليوم او يومين ، اشتم الفحل منذ ترجله من عربة الترحيل رائحة حلة ، وكان مشهورا بذائقته الكديسية لدرجة تقدير عدد جرامات اللحمة فى الحلة جراء كثافة البخار الصاعد ، وبما اننا كنا من الشقاوة بحيث ان : عين جاراتنا لم تصبنا من خلال الشم المتواصل للحوم المشوية والدجاجات ذات النسل الاغريقى العريق، فلم تراودنى فكرة نصح الفحل : قول ما اشاء الله ...
وبما ان الفحل كان يحب " ملايقتها " فقد حرص عمران على ابادة كل ( غراطيس الويكة ) تهربا من مبادرات الفحل اياها ... كان الفحل يرندى " سفارى " ولكم كنت ابغض هذه اللبسة لكثرة جيوبها وتتضييع وقت العباد فى التردد ما بين تفتيش الفكة وتفادى جيوب التمباك الكثيرة - باغت الفحل عمران بان تلذذ بطعمها وتناجى : حلة رهيبة والله دى لو اتلايقت !؟ ابتسم عمران بخبث وردد : ياريت لكن مافى ويكة ....
- الفحل : ياها دى جبتها معاى .. دى ويكة من السوق جديييييدة
|
| |
|
|
|
|
|
|
|
|
|
Re: الويكه VS الكبســـــة !!!!!!! (Re: عمران حسن صالح)
|
صديقي اللدود عمر الفاروق فلسفتو كتيرة ومشاترتو اكتر
اتصل علي وقال لي جني وجن الكلام المكتوب بالعربي رغم انو موضوعكـ عجبني لكن ما قريتو كلو وهاكـ يا نظريات ..
أها والله يا فاروغ العربي ما كتير في الموضوع الفوق ده بس انت تواضع لينا شويه وتعال اقرأ .. ( قر ينفخكـ )
أما بالنسبة للحامض حميضة فمشغول شويي اليومين ديل وما فاضي لسودانيز وأوهامها .. أو كما قال ( حريقه فيكـ )
| |
|
|
|
|
|
|
|
|
|
Re: الويكه VS الكبســـــة !!!!!!! (Re: عمران حسن صالح)
|
لا تتم العمره إلا بعد الشبع التام والكامل منه .. بعد داكـ العبادة بتكون بدون سرحان في ريحة البروست (الما خمج )
طلعت راجل سريالي وكشفت نومتك ... شهيت المغتربين بالويكة ..ونفسك راحت علي البروست !!!!!!
وين كانت يا حبيبي يا عمران ويتك المظبوطة في في شقة عثمان في طريق الخرج؟؟؟
ولا زلت انتظر حضورك لشاي المغربية المحسية..
ويدي تصافح يدك .. وتهنئ شقيقتكم بالدكتوراة
ولك ودي
| |
|
|
|
|
|
|
|
|
|
Re: الويكه VS الكبســـــة !!!!!!! (Re: Nazik Eltayeb)
|
| Quote: ما طريقة عمل ملاح الشرموط فهي كالآتي: قلي شرائح بصل صغيرة على الزيت حتى يصفر لونها، وبعدها يوضع عليها عصير الطماطم أو الصلصة مع البهارات والملح، ثم يوضع عليها اللحم المفروم الجاف، ويقلب الخليط لحوالي ربع ساعة، وبعدها تضاف «الويكة» إلى المكونات وتخلط بنفس الطريقة السابقة حتى يصبح الخليط متماسكا ولزجا.. ويؤكل ملاح الشرموط مع الكسرة أيضا والعصيدة. |
شكرا يا نازكـ لإيراد الرابط ..
حسبت نفسي صاحب سبق (إسفيري) لقيت الناس فايتاني ..
| |
|
|
|
|
|
|
| |
عمران حسن صالح
معاذ حسن
almulaomar
سيف بخيت موسي
جعفر محي الدين
محمد سنى دفع الله
الوليد عمر
طارق جبريل
محمد عمر الفكي
عبد اللطيف السيدح
الطيب رحمه قريمان
ابو جهينة
ismeil abbas
معتصم دفع الله
وجن
د.محمد حسن
حبيب نورة
مجدي كنة
Nazik Eltayeb
فيس بوك
تويتر
انستقرام
يوتيوب
بنتيريست