كتب الكاتب الفاتح جبرا المتوفرة بمعرض الدوحة
|
العناية الالهية تنقذ عائلة من جرار يقتحم غرف نومها ( توجد صور ... صور )
|
انقذت العناية الالهية عائلة مكونة من خمسة افراد من الموت المحقق اثر اقتحام جرار ضخم غرف نومهم منتصف ليل الثلاثاء بحى الجاهدين جنوبى الخرطوم . المهندس على احمد طه مدير ادارة السلامة بالشركة السودانية لخطوط البترول تفاجأ بالاصطدام العنيف و جرار يستقر داخل غرفة النوم ويمر على بعد قدم واحد من رأسه و ابنته متون ثم يقف و امامه مباشرة ابنيه التوأم ناجى و الامين . و يقول على انها ليست المرة الاولى ، فقد سبق ان ادى اصطدام عنيف بين تانكر و لورى فى 2004 الى دخولهما معا الى غرف المنزل ، مشيرا الى خطأ فى تشييد الشارع الموصل لصينية المجاهدين بطريق المرور السريع و ارتباطه بشارع داخلى يخترق الحى . و أضاف بأنه تابع امر هذا الشارع منذ 2006 مع مدير ادارة التخطيط بالولاية ، ثم مدير ادارة الطرق و مدير الادارة العامة للهندسة بشرطة مرور الولاية حيث اقروا بوجود مشكلة تشكل خطورة على الحى ، لكنهم لم يفعلوا شيئا بتوفير سلامة للمرور فى هذا الشارع .
|
|
|
|
|
|
|
|
Re: العناية الالهية تنقذ عائلة من جرار يقتحم غرف نومها ( توجد صور ... صور ) (Re: انور التكينة)
|
يا وكيل الغافلين وامان الخايفين!! عمر جديد اتكتب للاسرة دي. . بس الاطفال ديل دايرين ليهم جلسات نفسية قوية خلاص عشان ينسوا المشهد دا ويرجعوا يناموا بصورة عادية مرة تانية.. دليل ادانة دامغة للبشتنة التنموية والاستهتار بحياة العباد وتنمية البلاد.. معقول دي يا ناس دا الواحد يخاف من العربية الصغيرووونة في الشارع، يجيهو قالب ناطي ليهو في سريرو. ---------- الخبطات الصحفية ما عندك لكن يا التكينة.. تاني لو ما صورت اي شئ.. يكفيك دي.. احييك واشد من ازرك.. الله يخدر ضراعك.
| |
|
|
|
|
|
|
Re: العناية الالهية تنقذ عائلة من جرار يقتحم غرف نومها ( توجد صور ... صور ) (Re: لطفي علي لطفي)
|
Quote: من الإيميل .. حقائق مررررررررررررررررة وحقيقة !! _______________________________________
لو بحثت عن خط (عبور مشاة) أو (أمامك مدرسة) أو (منحنى) في كل (العاصمة) ولم تجده .. تبقى انت أكيد في السودان
لو أنت في بلد فيهو سنه سابعة وسنة تامنه ابتدائي… تبقى أنت أكيد في السودان
لو طالعتك إعلانات شركات (مسئول) كبير وهو لا زال (في الخدمة)… تبقى أنت أكيد في السودان
لو (لبد) ليك شرطي (مرور) في نهاية شارع اتجاه واحد وخلاك لمن دخلت وجاك بى (دفتر إيصالاتو)… تبقى أنت أكيد في السودان |
| |
|
|
|
|
|
|
Re: العناية الالهية تنقذ عائلة من جرار يقتحم غرف نومها ( توجد صور ... صور ) (Re: انور التكينة)
|
قدر ولطف حمدا لله علي سلامة هذه الاسره
انا ما عارف كمية الغباء والاخطاء البتكون في تنفيذ الشوارع دي بجيبوها من وين اي طريق جديد لازم يشيدوه ويكسروه عشره مرات حتي يرسوا ليهم علي بر
وقصة الشحانات دي قصه ونهايته لسه لو دخلوا البلد بالنهار يزحموا الدنيا ويتسسبوا في الحوادث وموت الناس ولو دخلوا بالليل ينوموا وبرضو حوادث وموت ناس وبعدين ؟
شكرا استاذ انور علي كل توثيقاتك عبر كاميرتك الجميله
| |
|
|
|
|
|
|
Re: العناية الالهية تنقذ عائلة من جرار يقتحم غرف نومها ( توجد صور ... صور ) (Re: نوفل عبد الرحيم حسن)
|
شكرا يا انور التكينه والف حمد على سلامة هذه الاسره.
ويا جماعه لما نقول دي بلد منتهيه وغارقه في الفساد لاذنيها يقولوا لينا حسادين ومجانين وما عارف شنو...كده...
طيب انا واثقه انه الفساد هنا له ثلاثه ابعاد
اولا تخطيط الشارع...والاضائه في الشارع؟؟!! ثانيا سائق الشاحنه نفسه رخصته بكون جابها بطريقه فاسده لا امتحانات لا تدريب حقيقي لا معرفة بقوة نظره كم او حوجته لنضاره؟؟!! ثالثا:مدى سلامة العربيه؟؟ظيعني خطوات ما قبل الترخيص وقوة الفرامل ومدى سلامتها...يعني الزول ده لا سايق في جليد ولا امطار....دقش الحيطه كان ممكن يقيف...لكنه يستمر الي داخل الغرف..اكيد فرامله منتهيه فهل تعرفون كم سائق في السودان ماشي بفرامل منتهيه؟؟!! رابعا سرعته كانت كم؟؟؟
عدم الاتلزام بالسرعه القانونيه....وده برضو برجع لانها دوله متهيه لانه اكيد مافي لافتات بتنبه للسرعه القانونيه.
غايتو ربنا يسترنا على ابناء ونات شعبنا المقيمن في بلد لا حكومة لها.
| |
|
|
|
|
|
|
Re: العناية الالهية تنقذ عائلة من جرار يقتحم غرف نومها ( توجد صور ... صور ) (Re: El hadi A.bashir)
|
الحمد لله على سلامـة هـذه الأسـرة.
والحل السريـع المؤقت هو وضـع مطبات عرضيـة بإرتفاع 15 سنتمتر على الأقل من على بعد 300 متر، حتى تفرض على السائقين من الإتجاهين تخفيض سرعتهــم.
وطبعا المهندسين عندهم معادلات calculator لحساب المطبات.. يعنى لو عيز الحركة تمشى بسرعـة 15 كيلومتر فى الساعـة فيجب أن يكون إرتفاع المطب كذا وكذا.
يمكن أن يقوم المواطنون بوضع هـذه المطبات لو تقاعست الأشغال العامـة أو الطرق (مهما كان الإسم).
فى كل العالم، أى حركـة سيارات داخل أحياء يقيدوها بالمطبات دى.. خصوصا فى المنحنيات وأمام المدارس والمستشفيات.
| |
|
|
|
|
|
|
|