|
|
 طلب مساعدة ياشباب ... مع كل الإمتنان .
|
تظهر لي هذه الرسالة في جهازي وذلك أثنا تصفحي للنت تقريباً كل تلاتة دقائق !!
ولكم أستطع الفكاك منها ..
ارجو من الإخوة أهل الإختصاص المساعدة ولهم مني جزيل الشكر ..
مع العلم إنني أستخدم وندس فيستا ..
|
|
 
|
|
|
|
|
|
|
 Re: طلب مساعدة ياشباب ... مع كل الإمتنان . (Re: بشير أحمد)
|
الأخ بشير ..
Quote: قبل كده هل حصل حمّلت فيديو من البورد
علي اساس انو فيديو لحركة العدل والمساواة وحرب في انجمينا؟
لو الاجابة نعم :ده سيرفر من الهكر؛ |
أبدا يا حبيب لكن حاولت أنزل برنامج مشغل فلاش بلير من الفيس بوك ...
وبعدها عين ماتشوف إلا النور !!
ـــــــ
يعني اول مرة ناس العدل والملاواة يطلعو براءة 
| |
|
|
|
|
|
|
|
|
|
Re: طلب مساعدة ياشباب ... مع كل الإمتنان . (Re: السيد المسلمي)
|
| Quote: مع العلم إنني أستخدم وندس فيستا .. |
لو كان من عينة الاكس بي أو حتي قول الدوز كنا اديناك النجيضة ..
لكم مع الفيسبا دي .. ما لينا الا نقول فوووق عسي يمر من هنا معاوية حسين
او امبدة او واحد من الشباب
ـــــــــــ
قصرتا ؟ طيييب مافي داعي للشكر
| |
|
|
|
|
|
|
|
|
|
Re: طلب مساعدة ياشباب ... مع كل الإمتنان . (Re: HAIDER ALZAIN)
|
Quote: لو كان من عينة الاكس بي أو حتي قول الدوز كنا اديناك النجيضة ..
لكم مع الفيسبا دي .. ما لينا الا نقول فوووق عسي يمر من هنا معاوية حسين
او امبدة او واحد من الشباب |
ياباشمهندس حيدر !!
حرم لو عارفك بتاع إكس بي كنت غيرت البرنامج عشان اشوف أخرك ..
ـــــــ
قال فيستا قال
| |
|
|
|
|
|
|
|
|
|
Re: طلب مساعدة ياشباب ... مع كل الإمتنان . (Re: GamarBoBa)
|
الحبيب بوبا ..
Quote: الرسالة النازلة دي ما بتتقري
كدي اكتب الرسالة البتجيك كتابة عشان نقدر نتصرف ليك |
الرسالة عبارة عن حروف تقوم بكتابتها ثم بعد داك الجهاز يعاود العمل مرة أخري ..
وللعلم الحروف بتتغير من رسالة لأخري ..
ـــــ
أتلحلح معانا شوية ياعمك وبلاش من الأسئلة التعسفية دي
| |
|
|
|
|
|
|
|
|
|
Re: طلب مساعدة ياشباب ... مع كل الإمتنان . (Re: AnwarKing)
|
Quote: والله بوست ممتع شديد يا السيد...
الزول بيتابع معاك ويشوف الحاصل شنو...
أها وأجهزة الأحباب الباقين لعلها بخير؟ |
ياانور كنج
اصلو ما بتتغيروا
عليك الله خليت لهناي داك شنو!!!!!!!!
ياخي المداخلة دي ما بتشبهك ولا لافقة عليك
بليييييييز سياتك بتاعك تكنولوجيا
بدل ما تقول لي للسيد المسلمي حل علمي مجدي
جاييينا بي نظرية المؤامرة بتاعتك
| |
|
|
|
|
|
|
|
|
Re: طلب مساعدة ياشباب ... مع كل الإمتنان . (Re: محمد البشرى الخضر)
|
Quote: الفرق انها كل تلاتة ثواني بتجيني مش تلاتة دقائق
يعني كان دا ير اعلق بـ (كااااكـ) ساي داير لي ربع ساعة
تفور الدم والله |
أبوحتوت ... كامل تضامني معك
ـــــ
والله ياعمك حالة ... أنسي بس .
ــــ
في رسائل ملغمة هناك هي الودتنا التوج !
منو لله الكان السبب .
| |
|
|
|
|
|
|
|
|
|
Re: طلب مساعدة ياشباب ... مع كل الإمتنان . (Re: mayada kamal)
|
Quote: يا حيدر الزين بطل شتيت الكورة للسيد
هو همه في النافذةالمكرهاه دي
وانت تشيل تسال فيه في اسئلة تعسفية |
ميادة أختي خليك صاحية !
أخينا دا مصر يجر البوست نحو الهاوية ..
وبعدين فاتح فيني تحري !!!
صورتها بي كاميرا ؟؟ .. ولا صورتها بي فلاش ؟!!
غايتو بقو علي إتنين .. فايروس وتحري !!!
ـــــ
البوست دا أمانة في طرفك .. انا الفيني مكفيني
| |
|
|
|
|
|
|
|
|
|
Re: طلب مساعدة ياشباب ... مع كل الإمتنان . (Re: السيد المسلمي)
|
طيب يا سيد
انت بالجد شكلك ناضلت عشان تفتح البوست ده
بالجنبة فوق علي الشمال المفروض يديك اسم البرنامج البجيب ليك الرسالة خش لوحة التحكم شيله برة
ده لو هو برنامج اتحمل بالغلط
أو حاول طفي الجهاز وشغله وقبل يفتح اضغط F8 كتير كدة
بتفتح معاك شاشة سوداء...اختار في خيار Last windows configration واختاره
وانتظر
بالمناسبة انا شغال معاك تنظير من بعيد زي البصير الجابو ليه حالة ولادة
انا طالع ...لو ما اتحلت بتلقي رقمي عند وهبة
سلام
| |
|
|
|
|
|
|
|
|
|
Re: طلب مساعدة ياشباب ... مع كل الإمتنان . (Re: GamarBoBa)
|
الحبيب بوبا ..
Quote: أو حاول طفي الجهاز وشغله وقبل يفتح اضغط F8 كتير كدة
بتفتح معاك شاشة سوداء...اختار في خيار Last windows configration واختاره
وانتظر |
والله ياعمك ماظبطت معاي لسة ..
يبدو أن الموضوع دا محتاج منك عملية قيصرية عديل كدا
ـــــــ
ماتتأخر ياحبيب ..
نحن في الإنتظار .
| |
|
|
|
|
|
|
|
|
 Re: طلب مساعدة ياشباب ... مع كل الإمتنان . (Re: السيد المسلمي)
|
| Quote: ياحيدر لو ما لحقتوني سريع ببقي مبدع عديل كدا .. |
ليك على اطبع ليك ديوان شعري ما حصل
والغلاف من تصميم عمو وهبة ونزينو بصورتك الفيها طاقية ام قمبور ديك
ـــــــــــــ
أما لو ابداعك بقي في الطيران وسقت طيارة رش يبقي حا نتحفك بكل كلمات وتسجيلات اغاني مصطفي سيد احمد النادرة
| |
|
|
|
|
|
|
|
|
|
Re: طلب مساعدة ياشباب ... مع كل الإمتنان . (Re: Yassir Tayfour)
|
| Quote: العلاج: تبطلو شلاقة، أو تعملو بنصيحة ميادة، أمسكوها من طرفها وجروها، أكان أبّت تتجره، معناها عندها تمانية دوات، يستحسّن تفتحو، كسباً للوقت.. |
باين القصة بقيت علينا ميتة وخراب ديار !!
ياعمك القصة فيها برامج واجهزة وبرمجيات وكدا !! تقول لي شلاقة ؟
غايتو لي بكرة لو الحكاية ما فرجت إلا نمشي لي شيخنا ود عوج الدرب عشان يطلع جنها نووووهاي
| |
|
|
|
|
|
|
|
|
|
Re: طلب مساعدة ياشباب ... مع كل الإمتنان . (Re: Yassir Tayfour)
|
ابو اليا...
اليسمع النفة كل يوم شغال الليل كلو و السيرفرات و القيامة الرابطة يقول خلاس بيل قيتس كان غلبتو حاجة يضرب ليك
اسي دي نصيحتك الفنية الله يسألك
نفتح .. هو مدينا فرصة نتم نزول ياخ
بالله اختانا كدا ولاّ كدا عامل شنو ما عارف الكيف كيف دا
| |
|
|
|
|
|
|
|
|
|
Re: طلب مساعدة ياشباب ... مع كل الإمتنان . (Re: HAIDER ALZAIN)
|
| Quote: أما لو ابداعك بقي في الطيران وسقت طيارة رش يبقي حا نتحفك بكل كلمات وتسجيلات اغاني مصطفي سيد احمد النادرة |
تعرف ياعمك انا كرهتي في الدنيا الطيران .. ولو تصدق لو سمعت أعنية ياطير ياطاير نفسي بقوم !
تقول لي أسوق طيارة !؟ .. هذا مع العلم إني بموت في مصطفي سيد أحمد .. شفت التناقض دا كيف ؟
ـــــ
سوف آتيكم بإبداع لاقبل لكم به ..
أركزو بس .
| |
|
|
|
|
|
|
|
|
|
Re: طلب مساعدة ياشباب ... مع كل الإمتنان . (Re: السيد المسلمي)
|
ابوالسيد
سلامات
دا فايروس ماعندو حل غير انتي فايروس اصلي
واضح انك اتعاملت مغ الرسائل بتاعة ودالبشرى الفي الفيسبووك
اعمل ليك انتي فايروس بتكون مية مية
وبعد ماتبقى مية مية اعمل بلوك لودالبشرى 
_____
العنوان بتاعك كان تذكر فيهو الكمبيوتر بجوك المعلمين
| |
|
|
|
|
|
|
|
|
|
Re: طلب مساعدة ياشباب ... مع كل الإمتنان . (Re: MOHAMMED ELSHEIKH)
|
Quote: معقول يا ميادة يا اختى يكون اسم الراجل دا هدير
ممكن تقولي (حيضر)
نفوتها ليك |
ياخي ما شايفني كاتبة ليه | Quote: (دي كيتا فيك انت بس) |
ودي عندها قصة طبعا لي معاه
اول ما تعرفت عليه
شابكاه هدير هدير
لامن هو صححني انه اسمه حيدر الزين
على فكرة ما براي الكنت بقرا اسمه غلط
| |
|
|
|
|
|
|
|
|
|
Re: طلب مساعدة ياشباب ... مع كل الإمتنان . (Re: منال)
|
Quote: انا كمان بتظهر لى نفس الرساله
وكل خمس دقايق لازم اكتب الارقام حتى يرجع الجهاز يشتغل
انا جاتنى رسالة فى facebook اول ما فتحتهاضربنى الفايروس |
يعني يامنال إنتي معانا في مظلة واحدة ؟!!
دي إشارة إنو الحل بكون قريب .
| |
|
|
|
|
|
|
|
|
|
Re: طلب مساعدة ياشباب ... مع كل الإمتنان . (Re: مزمل خيرى)
|
أبوجوان ..
سلامات ياراجل .. الحمدلله معاوية قام باللازم ولم يخب ظنك .
Quote: : جهز الحاجات ياحبيب
!!!!!؟؟؟؟
عليك الله وضح شوية عشان راسنا مايمشى بعيد وكدا |
لكن لقيتك 
وعشان أريح شوية الحاجات دي ممكن تسأل منها ياسر طيفور .. أصلو متعوووودة دائماً .
ــــ
ومافي خيارات .
| |
|
|
|
|
|
|
|
|
|
Re: طلب مساعدة ياشباب ... مع كل الإمتنان . (Re: السيد المسلمي)
|
عمو السيد سلامات
ويندوز فيستا فيهو مشاكل كتيره
حاول نزل اكس بي او وبندوز سفن
لو يوم لقيت الاب حقك بظبط ليك كل الامور انشاء الله
اما بخصوص المشكله استخدم برنامج موزيلا فيرفكس
ستحل انشاء الله
واذا نزلت برنامج موزيلا وواجهتك نفس المكله رجاء اعلمني حتي اتمكن من حل المشكله
---------------------------------------------------------
قافل تلفونك مالك؟
| |
|
|
|
|
|
|
| |
بشير أحمد
HAIDER ALZAIN
mayada kamal
GamarBoBa
AnwarKing
محمد البشرى الخضر
Yassir Tayfour
عبدالوهاب علي الحاج
Maawya Hussein
Ahmed musa
MOHAMMED ELSHEIKH
انس التوم احمد
بدر الدين اسحاق احمد
مزمل خيرى
عمار عبدالله عبدالرحمن
معاوية عوض الكريم
فيس بوك
تويتر
انستقرام
يوتيوب
بنتيريست