|
|
 لله درك ياوطن لاتسعد لاتفرح تنهشك الاحزان لكن لاتموت
|
مضى اكثر من ربع قرن من عمر الزمان منذ ذلك اليوم الذى خرج فيه هذا الشعب فرحا يهتف بحياته وبالحرية فى انتفاضة ابريل المجيده،، انه اخر عهدنا بالخروج للشوارع فرحين فرحا حقيقى اخر عهدنا بطعم الاشياء اخر عهدنا بالوان الفرح وترانيمه .....................
بالامس والمصريين يخرجون الى الشوارع فى مشهد تكرر كثيرا حتى حسبته يحدث فى كل يوم اتذكرتا الشعب السودانى وحاولت ان اجتر مناسبة خرجنا فيها وحققنا فيها نصر كبير فلم اجد فى الماضى القريب غير تلك الفرحات المحلية المتفرقه التى لاتشبع ولا تغنى من جوع (كاس ممتاز ؛ ودورى اربعه فى اونهائى افريقى مخيب للامال ) وتطلعت الى السماء فى محاولة لاجد تفسير لما نحن فيه من نكد ونحس ولماذا لايكون لنا فرحة كفرحة المصريين تجعلنا نستعيد بعض من صفاء انفسنا ونرتاح من رهق هذا الوطن الذى لاينتهى .ازمات نكبات- حصار-عزلة –حرب- صراع، هذا هو ديدن هذا الوطن فمتى تنجلى غمامات هذا الزمن الاسود وتشرق علينا شمس الفرح والحرية وكل مانصبو اليه ؟؟
ياخ ان متشوق للخروج الى شوارع الخرطوم وفى معيتنا كأس الاندية ابطال افريقيا احب ان اجوب الشوارع ونحن ابطال افريقيا انشاالله دورة رباعية (ده شنو الوطن المافيهو فرح ده) (انتفاضه ساكت مافى) انا اريد ان افرح مثل المصريين وغيرى يحلم بلقمة العيش اعلم انهم هناك فى معسكرات النزوح واعلم انهم هنا تحت خط الفقر ايضا يرابطون انهم ابناء شعبى والكل يحب ان يسعد بطريقته الخاصة. اغفروا لى حلمى المضحك امام احلامكم (لكن انا متغايظ من فرح المصريين الكتيرده) ونحن جيران يعنى معقول جارك كل يوم عندو حفلة وانت فى نحيب متواصل؟!! لله درك ياوطنا لاتسعد لاتفرح فقط تنهش فى جسدك الاحزان لكنك لاتموت فى انتظار فرحك ابتسامك حريتك المسلوبه...
|
|
 
|
|
|
|
|
|
|
|
Re: لله درك ياوطن لاتسعد لاتفرح تنهشك الاحزان لكن لاتموت (Re: مدثر قرجاج)
|
كل كانشتل الافراح تجي الاحزان تمد إيدا
غايتو ياحبيب في اتنين عندى إحساس انو السودان بالشايفو ده
ما بتقدم فيهم اطلاقا ... كرة القدم والتمثيل والاتنين ديل جيرانا البمبه
شطار فيهم..كرة القدم عندهم اندية مؤسسة واللعب حرفة الواحد بياكل منها
عيش والبمبه ديل اي شي بياكلو منو عيش بجودو تمام.. التمثيل اتفرج فى الشارع
العام بس بتشوف المسلسلات لايف من غير مونتاج.. فدحين ياخوي وييين نحنا؟؟؟
الاندية ماسكنها ناس مع قروشهم الكتيرة دي والمامعروف مصدرها وين؟؟ بعد كلو
ماطورو الكورة الناس لسة مع الوالي قال والارباب فعل.. وكلهم في النهاية اسماء
من منظومة المؤتمر الوطني.. المسيطرة على البلد وحابسة فرحة الشعب .. وفاكه لينا
الاحزان.. وعلى راي البمبه..ياطلع من بيتك حزين تلاقي الفرح عند مين..؟
| |
|
|
|
|
|
|
|
|
|
Re: لله درك ياوطن لاتسعد لاتفرح تنهشك الاحزان لكن لاتموت (Re: خـالد سـوميت)
|
Quote: كل كانشتل الافراح تجي الاحزان تمد إيدا
غايتو ياحبيب في اتنين عندى إحساس انو السودان بالشايفو ده
ما بتقدم فيهم اطلاقا ... كرة القدم والتمثيل والاتنين ديل جيرانا البمبه
شطار فيهم..كرة القدم عندهم اندية مؤسسة واللعب حرفة الواحد بياكل منها
عيش والبمبه ديل اي شي بياكلو منو عيش بجودو تمام.. التمثيل اتفرج فى الشارع
العام بس بتشوف المسلسلات لايف من غير مونتاج.. فدحين ياخوي وييين نحنا؟؟؟
الاندية ماسكنها ناس مع قروشهم الكتيرة دي والمامعروف مصدرها وين؟؟ بعد كلو
ماطورو الكورة الناس لسة مع الوالي قال والارباب فعل.. وكلهم في النهاية اسماء
من منظومة المؤتمر الوطني.. المسيطرة على البلد وحابسة فرحة الشعب .. وفاكه لينا
الاحزان.. وعلى راي البمبه..ياطلع من بيتك حزين تلاقي الفرح عند مين..؟ |
ياخالد سلامات مشتاقين ياخ
والله شتل الافراح زاتو بقى مشكله الزمن ده ياخالد
يعنى مابكون عندك نفس تشتل زاتو ولا بتقدر ياخ حليل
زمن كنا بنشتل والاقدار كانت تمد ايدا...
التمثيل اصلا نحن اعلنا فيه الفشل منذ سنوات طويله
لكن عملنا فيها معلمين بتاعين كفر وجبنا القروش المامعروفه
من وين دى؟ وصرفنا وقلنا المصريين ديل تانى مابقيفوا قدامنا
لكن صحينا سريع من حلمنا غايتو ياخالد البرميهو الله مابترفع ..
والله ناس المؤتمر الوطنى شكلهم مافايتين يا اخوى جاننا الدور
ده كمان بالانتخابات عديل وانت عارف مابتغلبهم الحكاية دى
عندهم مليون تكتيك ) عشان كده احسن نودع الافراح لمن نشوف
لينا حل مع الناس ديل....
محبتى
| |
|
|
|
|
|
|
| |
مدثر قرجاج
فيس بوك
تويتر
انستقرام
يوتيوب
بنتيريست