|
|
|
 Re: مشجعي مصر .. اتفضلوا شوفوا !! (Re: عمران حسن صالح)
|
يعني يا أماني كانو يرسموهم بيض ؟!
الكاس كاس أفريقيا ، اللعيبه أفارقه و الافارقه سود بالمناسبه  ! كونكم شايفين لون الافارقه أسود إهانه : تسألو عنو إنتو و ليس صاحب الكركتير !!
-----
كامل تضامني مع المودين وشو علي الحيطه !!
| |
  
|
|
|
|
|
|
|
|
Re: مشجعي مصر .. اتفضلوا شوفوا !! (Re: أمين محمد سليمان)
|
Quote: يعني يا أماني كانو يرسموهم بيض ؟!
الكاس كاس أفريقيا ، اللعيبه أفارقه و الافارقه سود بالمناسبه ! كونكم شايفين لون الافارقه أسود إهانه : تسألو عنو إنتو و ليس صاحب الكركتير |
يا أمين سلامات يا ملك،
والله يا أمين الكلام دا ما بشبه مداخلاتك الكلها عقلانية!
الكاركتير دا عنصري قذر ونتن جددددددددددددا جداً
ليك وللناس المافاهنمو - على الرغم من إنو واضح - أشرحو ليكم:
أولاً: العنصرية والاستعلاء فى عبارة "العين ما تعلاش على الحاجب"
ثانياً: كونو يستبعد فريق الجزائر (البيض) ووضعه على الحائط يعني كلام شحاتة موجه للسود فقط، اي
يقصد مخاطبة ذوي البشرة السمراء ويصفهم بالدونية وبأنهم عمرهم ما يقدرو يفوقوا أسيادهم.
عزيزتنا أماني،
أتفق معك تماماً بأن الكاركتير عنصري ونتن وسمج جداً، ولا يصدر من إنسان سوي
لكن يا أماني الشر يخص، ودا ما بعني بأن كل المصريين عنصريين ويحتقرون ذوي البشرة السمراء
وأي شعب فى العالم فيه الصالح وفيه الطالح.
مع فائق تقديري الذى تعرفيه
| |
|
|
|
|
|
|
|
|
|
Re: مشجعي مصر .. اتفضلوا شوفوا !! (Re: Balla Musa)
|
نذير يا حبيبنا سلامات Quote: ليك وللناس المافاهنمو - على الرغم من إنو واضح - أشرحو ليكم:
أولاً: العنصرية والاستعلاء فى عبارة "العين ما تعلاش على الحاجب"
ثانياً: كونو يستبعد فريق الجزائر (البيض) ووضعه على الحائط يعني كلام شحاتة موجه للسود فقط، اي
يقصد مخاطبة ذوي البشرة السمراء ويصفهم بالدونية وبأنهم عمرهم ما يقدرو يفوقوا أسيادهم.
|
"العين ما تعلاش على الحاجب" ده لانو ليهم تلاته دورات بشيلو كاس أفريقيا و الموضوع كوره ، و الدليل اللاعبين الافارقه - في شكل تلاميذ - لابسين هدوم كوره و البدرس مدرب الفريق المصري ، يعني الشغلانه كلها كوره في كوره .
الجزائري مودين ليه وشو علي الحيطه ، ما لانو (أبيض ووضعه على الحائط يعني كلام شحاتة موجه للسود فقط ) بالعكس تماما مودين ليه وشو علي الحيطه إمعانا في تصوير الذله و لا يخفي عليك كمية الغباين المصريه علي الجزائريين ...
كلامي ده لا يعني إنو في كاركتيرات مصريه عنصريه و مسيئه لكن ده بلذات ما عندو أي علاقه بالعنصريه .
----
أماني الأمين الأيامات دي عندها نفسيات ، أي حاجه بتشوفها ما ياها ، و دي شي طبيعي للهزت النفسيه اللي إتعرضت ليها و إن شاء الله لو واصلت في العلاجات ما بتجيها عوجه و ممكن تجي تشجع معانا الجزائر في كاس العالم !!
| |
|
|
|
|
|
|
|
|
|
Re: مشجعي مصر .. اتفضلوا شوفوا !! (Re: عبدالله كع)
|
قبل شوية قلت لأحمد المصري المعاي...
قول: العين ما تعلا علي الحاجب بدون ان اطلعه علي هذا الكاراكتير
قال وبسرعة جدا: العين ما تعلاش علي الحاقب...
زاد فيها ش وغير الجيم الي قاف....
وتاني قلت ليه ياخ انا طلبت منك تقول:
العين ما بتعلا علي الحاجب (فزدت من عندي باء كما نقولها نحن)
تاني قال: العين ما بتعلاش علي الحاقب
| |
|
|
|
|
|
|
|
|
 Re: مشجعي مصر .. اتفضلوا شوفوا !! (Re: nazar hussien)
|
العنصرية في عبارة :العين ما بتعلا على الحاجب ..
والعنصرية في طريقة قعدة ومعاينة الأفارقة وكأنو شحاته سيدهم أستنادا للعبارة أعلاها ..
والعنصرية برضو في إبراز فرق اللون ..الكاركتير عنصري من رأسه لأخمص قدمي الكاركتيرست ..
| |
|
|
|
|
|
|
|
|
|
Re: مشجعي مصر .. اتفضلوا شوفوا !! (Re: داليا حافظ)
|
يا داليا و النزير
والله طلعو لبطنجية صاح،
لو نظرتو للجزائر موقفة في الحيطة، كعقوبة وجزاء، وبقية الفرق قاعدة تسمع في النصائح، والما بيسمع حيقيف مع الجزائر، دي كل الفكرة، على حسب رؤيتي ليها..
ما فيها عنصرية، بتاتاً، ولكن فيها عنجهية شديدة، وبي حقهم، الكأس وشالوهو..
| |
|
|
|
|
|
|
|
|
|
Re: مشجعي مصر .. اتفضلوا شوفوا !! (Re: Yassir Tayfour)
|
| Quote: أماني الأمين الأيامات دي عندها نفسيات ، أي حاجه بتشوفها ما ياها ، و دي شي طبيعي للهزت النفسيه اللي إتعرضت ليها و إن شاء الله لو واصلت في العلاجات ما بتجيها عوجه و ممكن تجي تشجع معانا الجزائر في كاس العالم !! |
كامل التضامن مع الاخت امانى الامين والمطالبة بايقاف خال حمور سابقا( امين حاليا) من الدخول فى اى بوست مفتوح مع او ضد الجزائر حتى كاس العالم 2014
| |
|
|
|
|
|
|
|
|
|
Re: مشجعي مصر .. اتفضلوا شوفوا !! (Re: حامد محمد حامد)
|
و الله الواحد فتر من الدفاع عن ما ليس عنصرية في البورد ده و الكلام عن مصر.
بعد شوية انا زاتي حاشك في روحي.
اماني ما قالت الكركتير ده المزعلا فيو شنو عشان كده ما حاقدر اعلق لاماني.
لكن حاعلق للنذير لأنو شرح وجه نظرو :
Quote: ليك وللناس المافاهنمو - على الرغم من إنو واضح - أشرحو ليكم:
أولاً: العنصرية والاستعلاء فى عبارة "العين ما تعلاش على الحاجب"
ثانياً: كونو يستبعد فريق الجزائر (البيض) ووضعه على الحائط يعني كلام شحاتة موجه للسود فقط، اي
يقصد مخاطبة ذوي البشرة السمراء ويصفهم بالدونية وبأنهم عمرهم ما يقدرو يفوقوا أسيادهم. |
اولا يا النذير العين ما بتعلاش على الحاجب هنا دي كرويا .. بدلالات ثلاثة .. الاولى انو المدرس هو حسن شحاتة .. و ثانيا انو التلامذة فرق الكرة .. و ثالثا انو مرسوم على خلفية فوز مصر بكأس الامم الافريقية.
فلا يشمل هذا الادب او الفن او السياسة او العرق حتى لو كان كل الشعب المصري يؤمن انه عرقيا افضل من غيره .. العمل الفني هنا ( الكاركتير ) محدد الاتجاهات.
ثانيا يا النذير اخوي استبعاد الجزاير ده اهانة مبالغ فيها للجزاير .. لأنو ده فصل دراسي .. لاحظ السبورة و الدرس الاول .. بينما الجزاير تلميذ بليد مذنّب و معاقب بان يقف على الحائط و يرفع يديه فوق و على مؤخرته ركلة ( شايف مع تغيير اللون كمان عامل ليك علامات انو المؤخرة بتنتح .. قلة ادب شديدة ).
في النهاية الكاركتاير لم يعجبني حين رأيته امس على الفيس بوك و رأيت فيه استعلاء كروي متشنج (ربما هو حال كرة القدم ) في لعبة اساسا الخسارة و المكسب واردين فيها حتى للافضل.
وقد كنت منذ يومين اقول لصديق مصري ان المنتخب المصري يحتاج ان يخسر ثلاثة او اربعة مرات متتالية خسارة مهينة حتى يخرج جمهوره من اسطورة انه المنخب الذي لا يهزم التي اراها تتكون عندهم.
| |
|
|
|
|
|
|
|
|
|
Re: مشجعي مصر .. اتفضلوا شوفوا !! (Re: حمور زيادة)
|
الأعزاء أمين، ياسر وحمور
تحية طيبة
أنا مقتنع بما يخص الفريق الجزائري فى الكاركتير، لكن الرسومات الكاركتورية واللغة فيهما المزمزة، فهو فعلاً يعني بأن الفريق الجزائري تلميذ مشاغب يستحق العقاب كغرض أول، ولكن فى نفس الوقت يخدم قضية توجيه الخطاب العنصري للسود فقط كغرض ثاني، والدلالة على كدا، الفريق التونسي وييييييييييييييييييييييين؟! ما لكم كيف تحكمون!
وبعدين يا حمور موضوع العنصرية دا من المواضيع الحساسة، وفى أي موضوع بتاع عنصرية ح تلقاني ناطي فيه، على الأقل هو تنبيه للجميع أن يعملوا حسابهم عند الكتابة أو الرسم أو الضحك أو الاستهزاء فى السود حتى ولو كانوا ما قاصدين اي شيء عنصري، الغرض الأساسي هو التوعية للرسام والكتاب، والنظر قبل الرسم أو الكتابة بما قد يفهمه الآخر.
مع فائق التقدير
| |
|
|
|
|
|
|
|
|
|
Re: مشجعي مصر .. اتفضلوا شوفوا !! (Re: Faris Mohamed)
|
Quote: يا داليا و النزير
والله طلعو لبطنجية صاح، |
تعرف يا ياسر ما بخفي أني بقيت متحفزة سلبا تجاه جماعة شمال الوادي ..
لكن موش الكاركتير ده عمل فني ؟..زيو وزي اللوحة كل زول بقراهو من زاوية ..ولاني ما بحب الغلاط إمكن قرايتك تكون صاح إستنادا على النوايا
المجهولة لكن بالنسبة لي بطلت اقدم حسن النية في تعاملي مع اي شيء..Made in Egypt
| |
|
|
|
|
|
|
| |
محمد عبد الماجد الصايم
Yassir Tayfour
داليا حافظ
awad okasha
العوض المسلمي
عمران حسن صالح
أمين محمد سليمان
النذير حجازي
Balla Musa
خالد عبد الله محمود
عبدالله كع
nazar hussien
حمور زيادة
Faris Mohamed
waleed nayel
فيس بوك
تويتر
انستقرام
يوتيوب
بنتيريست